自由講場今日: 656|主題: 1299953

收藏本版

發帖

返回列表

跳至頁

查看: 552 | 回覆: 10

喚醒過去, 記念孩子成長! [複製鏈接]

小飛越

大宅

積分: 1715

1^#

發表於 15-10-23 10:15 |只看該作者 |倒序瀏覽 |打印

本帖最後由小飛越於 15-10-23 10:16 編輯

第一次 “喚醒家長, 反思家庭教育” 主要分享我們作為家長的思維和態度! 第二次 “喚醒孩子, 反思教育方法” 重點分享我們實踐過程中的一些做法! 今次也是最後一次, 分享過往一些趣事, 當是記念孩子的成長吧!

- 小時候兒子就喜歡乾淨, 一俾人弄污到就會生氣, 自己立即拿毛巾狂擦, 好搞笑! 好在有拍片, 每次看返都笑不停!

- 小時候兒子不懂說話時, 對住我用手指住另一隻手指講 “嘩嘩”, 一開始唔明, 後來先知是表示痛的意思! 以後, 任何有危險的地方和物件都同他講 “嘩嘩”, 他就不會去碰!

- 小時候兒子就不喜歡他人玩他的玩具, 一知道有其他小朋友來, 自己將玩具收埋入廚房櫃入面, 見到好好笑, 現在每次想起都笑出來!

- 小時候兒子做功課又慢又馬虎, 搞到總是錯漏, 教極都無用善! 最後在他手掌心寫下 “認真” 兩大字又不準擦! 又教他什麼是 “事不過三”. 從此開始認真起來! 到初中時, 他還說自己非常記得這一段!

- 有次兒子放學返來, 好唔開心話俾其他小朋友打, 我們問他點解唔打返人, 他話怕打傷人, 我們就教他, 以後要避開, 安全情況要反抗和離開, 記住 “你唔打人, 但同樣都唔可以俾人打!”. 從此再沒有發生同類事件!

- 有次兒子在會所遊樂場玩時, 有個媽媽投訴兒子欺負她女兒而搞哭了, 我們冷靜地回答 “小朋友的事件由小朋友解決!”, 跟住同兒子講了情況及叫他自己處理, 兒子回去自己玩, 過了15分鐘又同小妹妹玩在一起! 再問他時, 他話: “小妹妹小小事就哭, 唔理就無事!”, 其實又是用我們對付他的方法!

- 有次兒子放學返來, 話有個練習全班有6個唔合格, 自己唔合格但又話唔計分無所謂! 我聽完就話 “我唔計較合格唔合格, 計分唔計分, 但是, 點解全班20幾個可以做到, 而點解你是做唔到6個的其中一個? 而你又唔覺得是一個問題”! 兒子聽完就知道嚴重性! 從此再沒有發生唔合格情況!

- 有次老師打來投訴欠交功課, 我就問了兒子如何寫功課手冊和收拾書包, 於是教他用2個文件夾, 一個放未做, 做完放去另一個文件夾, 第二日2個都帶回校! 從此越來越少交功課! 但上到中一, 很多功課不是第二日即交, 但教他其他方法都唔合適, 最後他自己想出方法!

- 有次去商場, 剛入停車場時見到保安員坐在椅子上好似睡了, 我們就同兒子講笑: “如果你不努力, 將來的情景, 可能你就好像保安員坐在那裏, 但是, 你的A同學就開輛你最喜歡的超跑入停車場向你招手, 跟住B同學開輛超房又向你招手, 跟住B同學開輛xxx, 你會點講?”.

- 記得小時候兒子問點解其他同學好聰明, 自己就蠢些! 我答他: “如果大家同一班的同學, 大家都沒學 “1+1=2”, 而其中一個同學已經學完, 老師問他識答, 其他同學就會覺得他特別聰明, 對不對? 其實那個同學, 只是比你和其他同學早些學! 第二日老師教了, 你們一樣識答! 所以不是特別聰明, 只是學習時間上的差別, 如果你早些利用時間去學習, 比人學習更多, 你一樣可以俾人覺得你好聰明!”.

- 記得小時候兒子做功課時, 每遇到難題時, 又或者深小小, 唔想用腦時或想放棄時, 我就叫他打開前一年級的課本, 問他: “以前你話唔識好深, 現在看返識唔識? 現在是否覺得好易?”, 從此再沒有放棄深的題目!

- 記得以前很想鼓勵兒子游水, 但試過不同方法都失敗, 最後唯有同他講錢, 我話如果你游到一個直池, 我就俾你一佰元! 結果他就有動力開始去游, 之後問他幾時收錢, 他竟然話知道我用意所以不需要收, 當刻真感動, 原來兒子已經懂人性了! 但當然我心裡仍然記掛仍欠他數仟元!

- 記得以前兒子在球場打籃球, 有個認識的長輩同兒子鬥射籃, 輸了就做10下掌上壓, 結果長輩輸了, 直接在地上做了10下掌上壓給兒子看! 當時兒子和我也很感動! 後來知道長輩有子女, 一個做跨國公司管理層, 一個做醫生, 現在長輩已經退休了. 非常感激長輩令我明白作為父親身教有多重要!

如果有日我得了老人痴呆症, 希望看返這篇文可以有返小小記憶就足矣! 另外也感謝太太一直的努力和付出, 也感謝兒子的出現!