吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 99催生仔 (update14/12: 問左c6對生bb既睇法)

婆媳關係今日: 0|主題: 27697

收藏本版

發帖

返回列表

跳至頁

樓主: haribobo

99催生仔 (update14/12: 問左c6對生bb既睇法) [複製鏈接]

7 8 9 1011

xavierma215

男爵府

積分: 5711

201^#

發表於 15-12-16 09:55 |只看該作者

winnielee415 發表於 15-12-16 00:24
睇晒你舊post，真心覺得樓主真是好奇怪。

你c6根本就係差：

你說出了重點來了

私人傳訊

irisleung888

別墅

積分: 838

202^#

發表於 15-12-16 10:18 |只看該作者

引用：回覆 irisleung888 的帖子冇錯, 其實我成日

原帖由 haribobo 於 15-12-16 發表
回覆 irisleung888 的帖子

冇錯, 其實我成日睇佢電話已經變成病態, 因為唔睇唔安樂, 但係好犯賤地睇完又要 ...

態度正確！支持你！樓主……

私人傳訊

siusiu614

大宅

積分: 1270

203^#

發表於 15-12-16 13:19 |只看該作者

回覆 haribobo 的帖子

原來你老公婚前已經出去玩，咁唔怪得你99叫你老公搵過個啦！
你老公一直都唔尊重女性，咁你就唔好話佢地婚後先露出真面目，佢地冇厄你，係你鬼暗眼，發生咗都當睇唔到，同佢結婚。唔好扮受害者。

你老公講完的事可以唔算數，佢當自己發開口夢？咁冇誠信，你偷睇佢手機情有可原，但有咩用？同佢溝通有咩用？佢嘅承諾只係發開口夢，唔會遵守，咁傾來都晒氣。

你一直都知你老公無得救，只係你唔想放手，你付出太多，你唔甘心冇回報。但有時要相信自己的理性分析，你的未來先會好，唔好同自己過唔去，要自愛。攞返你應有的尊嚴，自信同位置，唔好再做連講野嘅位置都冇嘅奴隸。

仲有你老公中意出去玩，咁污糟，你都要小心自己身體。

記住要愛自己多啲啊，加油！希望你早日唔好俾鬼迷

私人傳訊

haribobo

大宅

積分: 1787

204^#

發表於 15-12-16 14:41 |只看該作者

回覆 siusiu614 的帖子

今個星期日要上99度食飯, 我會係之前問清楚c6所有問題, 真係攤開晒黎講~ 其實我係唔應該再逃避, 唔應該比佢哄兩哄又可以扮冇事發生過~ 不過既然唔發生都發生左, 而家睇下可唔可以達成共識, 我地之間既關係應該點處理。
又或者其實我係度儲緊唔開心, 難過, 想自己終有一日「叮」一聲決定離開。

私人傳訊

haribobo

大宅

積分: 1787

205^#

發表於 15-12-16 14:54 |只看該作者

回覆 winnielee415 的帖子

係既~ 如果我可以好理智好決斷, 可能我一早就已經離開左c6, 但係好可惜, 亦都好嬲自己好冇用, 仲未做倒。我亦都同你一樣, 我睇唔倒同c6唔好話美好, 將來都唔會有。
不過唔需要擔心, 我真係無意慾同c6生小朋友, 唔計係咪會累左個小朋友, 我都唔想自己累自己。

私人傳訊

haribobo

大宅

積分: 1787

206^#

發表於 15-12-16 15:03 |只看該作者

回覆 irisleung888 的帖子

冇錯~ 我而家偏向行緊第二條路~ 因為結婚前信佢講會玩少d, 擺多d時間係我度。結果佢係去少左既, 但係我唔想佢去叫佢唔好去佢會唔理我~
所以佢就算由今日開始兩年內都唔再去玩, 就好似你咁講, 大左肚佢又固態後萌~ 最後賴野既都係我自己。好男人都有可能會變壞, 本身壞開既............個機會率應該同中六合彩頭三獎一樣咁低。

私人傳訊

haribobo

大宅

積分: 1787

207^#

發表於 15-12-16 16:11 |只看該作者

回覆 siusiu614 的帖子

拍緊拖個陣, 我唔係做office, 成日都要周圍走, 有一半時間唔係香港, 所以同佢唔係見得好多‧所以就算佢隔個月去上海對我黎講影響都唔係太大~ 因為通常我星期六日都會番工。咁但係我都有同佢表達過不滿, 佢同我講, 結婚之後就唔會成日去架喇。
咁結左婚半年倒, 我就轉番做office, 同c6相處既時間多左, 發覺佢原來真係可以好忙, 比起拍拖前佢係去少左去玩, 可能少左一半, 不過我唔覺得唔夠, 拍拖前一星期出去4日, 結左婚就一星期出去兩日, 有時叫埋朋友上黎打機睇波, 我同佢二人共處時間好少, 因而引發我地之後一連串既鬧交。

我知我蠢我傻, 根本唔應該信佢講既野, 但係我愛佢所以我信佢, 咁搞到今時今日咁係我自己擮黎, 不過我上黎bk, 唔係要話比人知我係受害者 (可能我自己project呢個形象出黎我唔知), 只係我交心既朋友黎黎去去都係得個幾個, 上黎呻下可能有其他唔同既jm可以比倒方向我。

其實你講得好岩, 我真係好唔甘心, 點解永遠c6既朋友都重要過我, 點解同99有咩唔開心次次都要我忍。都係個句, 理性既我知道自己應該點做, 但係我仲係好在乎c6, 我唔捨得放手!

承你貴言, 我希望我可以早日脫離呢個降頭, 唔會再比鬼迷!

私人傳訊

茶靡

大宅

積分: 1119

208^#

發表於 15-12-16 17:18 |只看該作者

講真, 男人以為實有人幫佢
到頭來無人幫, 或幫唔到手時
辛苦既只有自己, 所以真係要傾清楚諗清楚先好生

我地就係諗得太清楚, 有點點唔敢生
我地係想有小朋友, 但.........順其自然啦

私人傳訊

艾森

子爵府

積分: 11164

209^#

發表於 15-12-16 19:51 |只看該作者

我認為同奶奶講因為老公未定性所以暫時唔生住，奶奶唔會理解到，加上一定幫自己個仔，佢可以當你生仔機器，見你兩年無所出就叫個仔搵第二個生，有咁既諗法好恐怖。佢只會覺得生仔係女人責任（無錯，係生仔），照顧同教小朋友理所當然女人做，男人責任係賺錢養家。加上睇你老公反應，生左屋企人會幫手，結婚之後都可以為左玩去推到老婆受傷，根本去玩大過天，做老公都未合格。
江山易改，品性難移。即使佢為左生小朋友肯答應唔去玩，難保佢會遵守承諾。樓主要有心理準備一個人獨自承擔家中所有事情，仲要接受老公又掛住玩。
我覺得樓主騎虎難下。

私人傳訊

ChinoB

侯爵府

積分: 20138

210^#

發表於 15-12-17 07:59 |只看該作者

回覆：99催生仔 (update14/12: 問左c6對生bb既睇法)

無追晒post。所以如果以下有咩講錯，請見諒！

我覺得樓主你太想做一個大家心目中都覺得係完美嘅人，既想滿足A，又想滿足B，都想滿足埋C。

睇老公電話成為病態，呢個係你對你行為一個解釋。但我覺得係：你有啲事係未解決，但唔想相信你老公一面之詞。亦想有咩事發生，自己會預早知，預早有打算同對策。

以上兩點睇得出，你只會係一個被動嘅人，要被人牽制住。人哋出招攻擊你，你再諗下出咩招擋，並唔係喺對方未出招前就將對方擊敗。

愈嚟愈冇記性

私人傳訊

ChinoB

侯爵府

積分: 20138

211^#

發表於 15-12-17 08:09 |只看該作者

回覆：99催生仔 (update14/12: 問左c6對生bb既睇法)

咁樣嘅話，難聽小小講，你永遠係人哋嘅附屬品，而你老公一家就好似係你嘅主人咁。

而且你不停祈望你老公會改變。即使你嘅祈望係非常合理都好，但我想講，性格嘅嘢係咁就係咁，人之所以會改變，係命運使然，並非人有呢個能力。我而加叫你改掉睇電話嘅習慣，你可以輕言話可以咩？

你想攞返控制權，唔係去祈望改變你老公又或者你99忽然會轉死性，而係你去改變自己心態。想打贏場仗，唔係祈望敵人啲武器突然會爛晒或者敵人忽然會投降，而係諗下點樣去裝備自己。

你係好愛你老公嘅話，就更加唔好要求佢改變。人總係會疏遠不斷挑剔自己嘅人，不論對方係咪真係為自己好。畢竟理性嘅人係唔多。如果佢有心要改變自己去迎合你，你亦無須如此煩惱去諗應該點做。

愈嚟愈冇記性

私人傳訊

ChinoB

侯爵府

積分: 20138

212^#

發表於 15-12-17 08:18 |只看該作者

回覆：99催生仔 (update14/12: 問左c6對生bb既睇法)

我以前同你一樣，好想做一個好完美嘅人（喺15歲之前）。無奈，其實點做，要討厭你嘅，依然討厭你。鍾意你嘅，始終不離不棄，就算你咩都無做。

之後，領悟到，做自己想做，行自己想行，先會唔後悔，我亦唔係為別人而活。今時今日，覺得自己係比較冷漠嘅人，而且係無人睇得透嘅人，但，唔需要再睇任何人嘅面色去做人。

當你內心強大，其實唔會再為呢啲事煩惱。明明影響緊自己，點解唔主動去解決同反擊。唔通想一世都繼續被你老公部電話影響自己情緒？一世都戒唔到呢個心癮？要別人改變，首先自己要改變先，自己都無辦法改變，點要求人哋去改變呢？

愈嚟愈冇記性

私人傳訊