在聖誕新年期間,一家三口(小朋友五歲)到大阪玩左七日,襯仲有記憶,跟大家分享行程安排。
出發前好多人話我地七天都留在大阪(當中一天到了奈良)會太悶,但完成七天行程,發現其實淨係大阪都仲有好多野玩,好視乎你點樣玩法。
DAY1
坐CX早機0755到大阪,到達大阪約當地十二點幾。先在機場TOURIST CENTRE買左兩SET周遊券(六歲以下小童免費),以及機場巴士的飛(大人如果買來回平D,小朋友只有單程票,回程在車站買)。坐左大約一小時,到達梅田火車站。我們直接行去民宿。放低行程之後,先在梅田吃午餐,之後在梅田SHOPPING,已經去左兩間藥房掃貨。大約消費滿港幣三百幾蚊,已經可以在店在以免稅價買,記我passport跟身。
DAY2
八時出發到天王寺動物園,以為好細,但因為好多職員餵動物食野的時間或表演,加上有個區有得餵小動物,所以九點到,在園內吃午餐,未完全行晒已經下午一時。
之後去大阪市立自然史博物館,因為小朋友喜歡睇恐龍化石,所以專程去走一敞。驚喜的是入口有條好大的鯨魚化石,第一次見都好壯觀。但館內除左恐龍化石就冇乜野睇,只係有D似香港科學館內的兒童互動遊戲。但館外仲有個好大好靚的花園,我地行到四時半,個館都關,剛好看到日落美景。
沿路行去地鐵站,有個兒童遊樂場,有D係香港冇得玩的玩意,全部都係當地人。小朋友又玩左一小時,直至個天完全黑晒。
公園對面有間幾層高的百貨公司,地下係超市,食物種類好多好平,我們買了刺身,在一樓有個休息區(係畀人食野的地方)即場食,又新鮮又平。之後在百貨公司買左好多保暖襪褲。
之後出發往心斎橋,搵左間食串燒的吃晚飯。吃完飯約九時,竟然全條街的店已經關左九成,好彩PABLO未關,買了個芝士蛋糕返去做宵夜。
DAY3
起身之後在火車站的面包店吃早餐,之後出發到今昔館,原來個館好細,係幾得意,如果早去,可以買到較早的飛,試穿和服影相。我們十一時前到,試和服的時段已經要等到下午三時,所以我們沒有等,影了相就走。
之後去了四天王寺參觀,很美的古代日本建築,在寺內吃了個簡單便當,就在日落之前去大阪城。
到大阪城接近四時,可以趕及看到日落前的美景。大約五時就天黑,可以睇埋夜景先走。
之後去了通天閣附近吃晚飯,果度好多餐廳選擇,但其實食的款式都是一樣,都是串燒炸物。之後在附近影相。
回到梅田才九時半,去了HEPFIVE坐摩天輪睇夜景。呢度有樣好,樣樣都不太需要等,直行直上,睇完夜景完成第三天行程。
DAY4
一早去了大阪港,先坐SANTAMARIA睇風景,船程大約一小時,我們預早大約十五分鐘排隊。其實架船夠大,有不少人即場到都仲上到船。早上有陽光,睇風景好靚又不太冷。
之後在天保山商場吃午餐,選了拉面,三個人才一百多元港幣,真是超值。
吃完午餐坐天保山摩天輪,在海邊的摩天輪很大很美,夜晚會變色更加靚。
坐完之後入返天保山商場,有間店係可以餵小動物,裡面有得接觸兔、貓狗、豬、羊和袋鼠。我們未睇清楚已經立即入內,小朋友一定喜歡。
之後在海遊館外有人群聚集,原來即將有企餓巡遊。我們睇的時間大約是下午三時四十五分,巡遊大約十至十五分鐘,五隻企鵝巡遊係好得意,值得一看。
睇完巡遊,我們坐了CAPTAINLINE到UNIVERSAL STUDIO附近參觀。小朋友不喜歡機動遊戲,所以在附近睇下影下相就好。反而在落船對住的酒店,地下有商店可以行,又有間專賣恐龍,最終又帶左一隻返屋企。另外裡面有間食小食的餐廳有TURKEY LEG食,味道不錯,同好大隻,小朋友想一個人食晒。
之後坐返CAPTAIN LINE出返去坐地鐵。今晚選擇去NAMBA PARK吃飯,個商場夜晚好多燈飾,可以上天台睇,而裡面有兩三層全部都係食肆,極多選擇。