醫護健康

收藏本版
發帖
返回列表
跳至頁

首頁
123

尾頁
   12
mousetang


大宅

積分: 1119


1#
發表於 16-1-29 13:38 |只看該作者
我開呢個post想同大家分享我既經歷，響呢三個月真係有好多事情要處理，希望能夠比一啲資訊大家唔駛好似我咁辛苦四圍問同搵。

上年十月尾，當時我響新西蘭同老公去旅行，我細妹問咗我两次幾時返香港，在facebook又話好掛住我，我覺得好奇怪，當時都差唔多去到最後一两天，我打電話比佢問佢有咩事，佢話等我返黎至講，我知一定係有事，我要佢立刻講唔講我更加唔心安，於是佢話阿媽覺得腎既位置有啲痛，去咗聖保x檢查，發現應該係癌症，我當時即時既想法係捐個腎比佢。

之後媽媽轉介咗去東區做正電子檢查因為係自己比錢所以好快有得做，呢個檢查係scan全身既癌症，我當時已經返到香港陪阿媽去睇報告，証實咗佢全身多個地方都有腫瘤，包括肝，盆腔，腎，淋巴等等，已到了第四期。醫生話擴散唔知個原頭響邊，最容易檢查而又最大機會係大腸，如在東區檢查要等到12月，想快就要去私家醫院再拎報告返黎，於是又帶了阿媽去見聖保x醫生。

再續……
私人傳訊

babymj33


男爵府

積分: 9412


2#
發表於 16-1-30 03:37 |只看該作者
孝心!
洋房, 複式洋房, 別墅, 大宅, 男爵府, 子爵府, 伯爵府, 侯爵府, 公爵府, 珍珠宮, 水晶宮, 翡翠宮, 珊瑚宮, 瑪瑙宮, 琥珀宮, 象牙宮, 寶石宮, 榮譽會員, VIP, 官方特派專員, 王國會長, 家長會會長, 管理員, 超級版主, 版主, 彩鑽殿, 天珠殿, 雲母殿
私人傳訊

我愛Corina


瑪瑙宮

積分: 137833

2025勳章 2025勳章蛇年勳章 2024年龍年勳章 好媽媽勳章 醒目開學勳章 環保接龍勳章


3#
發表於 16-1-30 09:33 |只看該作者

回覆：媽媽發現癌症到結束的三個月

我爸由發現到走都係3個多月，佢係仁安做 pet ct scan, 一睇就搵到係咩cancer, 佢係肺再擴散至 淋巴同骨
私人傳訊

xx9287


大宅

積分: 2077


4#
發表於 16-1-30 10:20 |只看該作者

回覆：媽媽發現癌症到結束的三個月

我媽媽胃癌，由發現至離開都是約三個月時間，最難過是她臨終時沒能吞嚥任何食物，家人見到真係好難過。

私人傳訊

mousetang


大宅

積分: 1119


5#
發表於 16-1-30 12:57 |只看該作者

回覆：媽媽發現癌症到結束的三個月

原來癌症真係咁可怕。
私人傳訊

mousetang


大宅

積分: 1119


6#
發表於 16-1-30 13:14 |只看該作者

回覆：媽媽發現癌症到結束的三個月

帶阿媽睇聖保x, 醫生幫媽媽做檢查就已經話佢腸好塞，做內鏡檢查可能會加快腸塞但佢都話最好都係做，最後好快安排咗做重要話以佢既情況，唔可以在家自行飲瀉藥，成個過程要入院做，但我想講既係東區就咁比咗啲瀉藥我阿媽自己飲完全無考慮過呢個問題。

入咗两日醫院就檢查到同大腸無關，咁我地又拎個報告返東區比醫生睇，每次去東區睇醫生，阿媽都好攰因為每次起碼要等2個鐘。果醫生話唔係腸咁要響肝抽啲組織出黎化驗，我地一家人同阿媽傾完就決定唔抽了，一黎阿媽年紀大佢無可能食到抗癌藥，就算食咗都唔好醫好，只會拖長個病同埋一處一處咁去搵咁都唔係辦法就作出黎個決定了。當時我阿媽重行得走得食得。

但好快過咗大約2個星期，阿媽腸塞既情況開始出現，好難排便了，佢好辛苦又唔夠胆食野，一下子瘦咗十幾磅。

再續……
私人傳訊

阿女阿女


男爵府

積分: 6718


7#
發表於 16-1-30 20:40 |只看該作者
多謝分享 保重
私人傳訊

raneelau


大宅

積分: 2993


8#
發表於 16-1-30 23:44 |只看該作者

回覆：mousetang 的帖子

多謝分享 追
私人傳訊

mousetang


大宅

積分: 1119


9#
發表於 16-1-31 20:11 |只看該作者

回覆：媽媽發現癌症到結束的三個月

阿媽已經到咗一個好辛苦既地步，叫我同佢睇急症，我地響急症排隊，排咗3幾個鐘終於到我地啦，個醫生係一個後生仔腳印印同佢講咗阿媽既情況，佢話我只可以比啲瀉藥瀉出黎，阿媽之前已經睇咗家庭醫生食咗瀉藥，係瀉到但已經瀉到失禁，醫生又再講我都係開呢啲藥架咋，我地堅持要留院，最後醫生只好照我地要求做。

入咗幾日咩都無做，又話阿媽就黎腫瘤科復診，要佢出院先，叫佢帶住佢地比阿媽封信見腫瘤科醫生。到咗見腫瘤科果日，又等咗2個幾鐘先到阿媽睇，入到去比封信佢，講比佢知個情況，佢竟然話幫唔到佢，重問我地佢可以做啲咩幫到佢，我阿媽即時情緒失控，對住個醫生講佢好辛苦想死，我話聖保x個醫生有講過正個造口可以解決腸塞問題，佢重要話我幫唔到你架喎，我唔係呢科，我阿媽係咁喊，佢最後話我寫封信比你去泌尿科，睇下佢點講啦~

之後佢再問，咁我重有咩野可以幫到你呀，我話佢家下腸塞覺得痛，咁係塞既痛定係腫瘤痛，佢話两樣都會有，咁我話咁你可唔可以開啲止痛藥佢食呢？佢話可以!

我激到想星個醫生两把，家下佢係醫生定我係醫生呀，咩都要我問要我講佢至做，咁唔識問果啲人死得啦！香港醫療簡直係不知所謂!!!!!

再續……
私人傳訊

mrskan1215


大宅

積分: 4879


10#
發表於 16-1-31 21:29 |只看該作者

回覆：mousetang 的帖子
私人傳訊

我愛Corina


瑪瑙宮

積分: 137833

2025勳章 2025勳章蛇年勳章 2024年龍年勳章 好媽媽勳章 醒目開學勳章 環保接龍勳章


11#
發表於 16-2-1 07:50 |只看該作者

引用：阿媽已經到咗一個好辛苦既地步，叫我同佢睇

原帖由 mousetang 於 16-01-31 發表
阿媽已經到咗一個好辛苦既地步，叫我同佢睇急症，我地響急症排隊，排咗3幾個鐘終於到我地啦，個醫生係一個 ...
你令我記起我爸係政府醫院果位後生醫生，印印腳地直接同我爸講，你無得醫架啦，我無野幫到你
私人傳訊

mousetang


大宅

積分: 1119


12#
發表於 16-2-1 19:24 |只看該作者

回覆：媽媽發現癌症到結束的三個月

點解政府啲醫生可以咁唔理病人既感受!
有時真係覺得窮人又病真係好慘。
私人傳訊

mousetang


大宅

積分: 1119


13#
發表於 16-2-1 23:06 |只看該作者

回覆：媽媽發現癌症到結束的三個月

隔咗幾日，又拎住封信去專科門診，原來唔係見醫生，係排期，我的天喔！一個老人家病到唔顏六色一個月花咁多時間等同排隊睇醫生，又隔咗幾日，終於可以見到泌尿科醫生，之後安排咗阿媽做造口手術。

造口手術好順利，留院一星期就得啦，做完之後阿媽話造口傷口唔痛，之前腹痛都無咗，又有返胃口食野，出院時有少少腳腫諗住係因為做完手術瞓咗成個星期至會咁，醫院叫阿媽出院，但屋企得佢自己一個人，岩岩做完手術出院真係好唔放心，社工因為呢件事打電話比我，我以為佢會幫我地申請政府護老院，原來唔係，佢比咗張私人護老院資料我，叫我自己搵，又話上網都有呢啲資料，叫我盡快搵，阿媽就可以出院了，原來社工咁樣叫幫人。

於是我自己上網搵咗幾間上門護理員資料，又睇咗屋企附近既護老院，就問阿媽住護老院好無，佢即是話死都唔住護老院，重話自己腫都行得，遲下消咗腫就無問題，話要返屋企，好好彩其中一間上門護理員公司，佢地好快就搵到人比我，重識得幫阿媽換造口袋，醫院都不停要我同細妹學換造口袋，咁就可以快啲要阿媽出院。

再續……
私人傳訊

YM609


男爵府

積分: 8883


14#
發表於 16-2-1 23:41 |只看該作者
回覆 mousetang 的帖子

我媽媽之前有腦退化跡象,排緊政府期間自費去照MRI同CT Scan, 到見醫生我攞晒片比佢, 佢睇都唔睇就話只係年老腦退化, 我再問幾次唔係其他嘢?佢都話唔係。我地唔放心, 攞片去比私家專科睇, 一睇就話係腦癌,成個腦都係,重擴散去骨。之後用私家封信排政府腫瘤科, 就好似你講一樣, 唔問唔講, 問亦唔一定答倒你, 要咩藥自己出聲, 唔要求唔會比。我都覺得我似醫生多過佢。另外我奶奶係有情緒病的癌腫病人,佢自己同我講有咩我知我做決定就得,佢唔想聽,次次見醫生我都暗中同醫生講唔好同病人講得太白, 有咩等病人出左去先同我講。竟然有一次個醫生話唔得喎,病人有知情權,我都真係想星佢一吧。
私人傳訊

我愛Corina


瑪瑙宮

積分: 137833

2025勳章 2025勳章蛇年勳章 2024年龍年勳章 好媽媽勳章 醒目開學勳章 環保接龍勳章


15#
發表於 16-2-2 00:05 |只看該作者

引用：點解政府啲醫生可以咁唔理病人既感受!有時

原帖由 mousetang 於 16-02-01 發表
點解政府啲醫生可以咁唔理病人既感受!
有時真係覺得窮人又病真係好慘。
好彩只遇到呢個hea醫生，其他都唔錯，但太少醫生太多病人
私人傳訊

MMM888


水晶宮

積分: 53252


16#
發表於 16-2-2 10:59 |只看該作者
mousetang 發表於 16-2-1 23:06
隔咗幾日，又拎住封信去專科門診，原來唔係見醫生，係排期，我的天喔！一個老人家病到唔顏六色一個月花咁多 ...
記得舊年我爸爸住院的時候,每次社工,姑娘,物理治療師來電,都係問幾時接伯伯出院,醫院床位好緊張,醫院只係接收緊急的病人....
但當時爸爸的情況係癌症末期,岩岩做完放腹水的小手術,身體當時虛弱到只可以訓係床,食唔倒野,自理能力無晒,有時認錯人,試問病人甘樣情況,點樣一時三刻可以出院呢!!
私人傳訊

mousetang


大宅

積分: 1119


17#
發表於 16-2-2 22:52 |只看該作者

回覆：媽媽發現癌症到結束的三個月

原來咁多人都有我咁差既經驗，政府醫院真係靠唔住。
私人傳訊

raneelau


大宅

積分: 2993


18#
發表於 16-2-2 23:18 |只看該作者

引用：原來咁多人都有我咁差既經驗，政府醫院真係

原帖由 mousetang 於 16-02-02 發表
原來咁多人都有我咁差既經驗，政府醫院真係靠唔住。
冇辨法 醫癌大貴了 一般人比唔起
通常都係政府醫呢
私人傳訊

Vinccy


珍珠宮

積分: 46807


19#
發表於 16-2-3 21:59 |只看該作者

回覆：媽媽發現癌症到結束的三個月

我媽媽很幸運，去年11月中查到膽管癌，12月頭帶佢上廣州腫瘤醫院，1月頭手術，月尾出院，現在身體仍然很虛弱只能食流質食物⋯
私人傳訊

mousetang


大宅

積分: 1119


20#
發表於 16-2-3 22:37 |只看該作者

回覆：媽媽發現癌症到結束的三個月

我阿媽返咗屋企，我第二日去睇佢，雙腳不但無消腫，重腫到上大脾，打電話去醫院話比佢地知呢個情況，醫院又叫佢立刻入返院。

之後第二日我又去醫院睇阿媽，佢雙腳又真係消咗腫喎，果心安樂晒，阿媽話我知打咗好多支針至消到架，點知之後再睇佢，又腫返，一路到佢比人踢出院都無消過，護士話食緊薄血丸下個星期去睇抗凝血科，果時我阿媽已經腫到上大脾，已經唔行得要坐輪椅了，去睇抗凝血醫生先至嬲呀，上午要去醫院抽血，下午去睇醫生同佢講腫到上脾，個醫生望都唔望一下，就話減藥，我問佢有無方法改善，佢話減咗藥下两個星期再黎睇啦，都無咩可以做，腫瘤壓住都係一個好大原因，真係好氣餒，我阿媽已經好辛苦要佢去两次搞咗佢成日，都唔知睇黎做咩。

我之後幫阿媽約咗聖保x, 想確定係咪真係無方法改善，醫生都話好難但都提意留院一日搵專家幫佢，但我媽拒絕了，我知道不斷的睇醫生，抽血，又一而再再而三既失望，佢已經好累，當時情況已經大不如前，我再提意送佢去寧養院，當然我唔係同佢講寧養，我話係護老院但有醫生既，佢唔需要再去公立醫院睇醫生，又有人24小時睇住，有咩緊急狀態都唔會送佢去政府急症同埋果到有埋善終服務，我以為佢會唔肯，點知佢話盡快，我相信佢自己都知自己身體機能已經變得好差。

我安排果時，心情好差好似送佢去寧養院等死咁，送佢入院果日，我見到佢個心定晒，果到啲人又有愛心，反而放心咗好多。

響果到既一星期，每天見到阿媽狀況一日差過一日真係好心痛，一個70幾80磅既人，雙腳同個肚已經腫到好似百幾二百磅咁。好好彩送咗阿媽黎寧養院，醫生同姑娘幫佢減低咗好多痛苦，阿媽離開我們前一天已經去到好嚴重地步，我已經忍唔住響阿媽面前係咁喊，晚上瞓覺個心已經7上8落，估唔到第二朝就收到佢走了的電話，今天正是我媽媽的頭7。

雖然時間真的太短，我好掛住佢，但佢唔駛辛苦咁耐都算安慰了。

謝謝大家收睇。
私人傳訊


首頁
123

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy