吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 我又做錯事,又比老細鬧!!!

心聲留言今日: 0|主題: 17557

收藏本版

發帖

返回列表

跳至頁

查看: 3552 | 回覆: 6

我又做錯事,又比老細鬧!!! [複製鏈接]

FreshAir

複式洋房

積分: 334

1^#

發表於 04-7-29 23:02 |只看該作者

我又做錯事,又比老細鬧!!!

我新接手工作,上一手的同事無講比我知工作要點, 我自己又不夠醒目, 以為人地已經將所有東西教給我, 終於做錯事, 比老細鬧之餘兼留下不良印象, 意興闌珊之餘想辭職, 但自己又很喜歡這份工, 只好對自己說, 以後做事千萬小心, 看來加薪無望, 還可能隨時被炒 :-( :-( :-(

私人傳訊

bandband

子爵府

積分: 11510

2^#

發表於 04-7-29 23:51 |只看該作者

Re: 我又做錯事,又比老細鬧!!!

咁你又唔駛咁緊張!人誰無錯!老細自己番工都有做錯做漏嘢既時候啦!只係佢唔講又無人咁夠膽鬧佢之嘛~~~!!!講真對於一個新人嚟講,做錯嘢係正常,一啲嘢都未曾做錯過咁就真係好唔尋常...放鬆啲啦!試吓坦白問吓其他同事啲嘢點做,問清楚啲,怕自己唔記得咪學似我咁囉(

我成日無記性架),將啲嘢寫底哂,然後番屋企開部電腦用word打張整齊易明既'貓紙'俾自己去記去睇,有唔明大膽啲去問同事甚至老細,做嘢盡量小心啲(叫自己),無事既!同自己講:"將勤補拙"嘛!

開心啲啦~~~!!!

老公VOICEMAIL 1 2 3

私人傳訊

FreshAir

複式洋房

積分: 334

3^#

發表於 04-7-30 00:33 |只看該作者

Re: 我又做錯事,又比老細鬧!!!

bandband
thx so much!!!次次我唔開心都見到你安慰我, 可能我對自己要求太高, 希望"0"錯誤, 但希望越大, 失望越大!!!
以前做過的工作, 都不似這份工作般, 很多錯失, 我相信自己的工作能力, 只是覺得, 這份工是否不適合我呢???
我已經朝九晚九, 有時做到很晚, 回家亞仔睡了覺, 飯也不想吃.
工作的壓力很大, 即使下了班, 還是滿腦子公司的事和人!!!
對不起, 我實在很不開心, 借這個位置發洩一下

:-( :-( :-(

私人傳訊

bandband

子爵府

積分: 11510

4^#

發表於 04-7-30 00:50 |只看該作者

Re: 我又做錯事,又比老細鬧!!!

FreshAir,

聽你咁講,我更加覺得你好似我!我自己都係自我要求好高既人,到依家我都係,但係自從兩年前份工後,我既諗法都有啲改變,唔係代表對自己無咁高要求,而係叫自己唔好俾過大壓力自己,但都要求自己唔好做錯,知自己衰响邊項(我無記性,大頭蝦.............=.=),咪搵盡方法去改囉...無計架!手指都有長短啦!同埋我都覺得想自己唔好做錯咁多嘢就要自己唔好怕問人嘢囉!雖則咁又真係可能會煩到人,但係你要諗喎,你唔問,繼續做錯嘢,咁仲煩到人仲耐呀...所以係咪都煩,倒不如'煩'咗人地一陣先囉!唔怕架!到時無再做錯嘢咪得囉!

得閒上嚟傾吓,當大家互相交流吓!
我依家番緊份工都幾開心,雖則無生意就悶悶地,但個個同事都好好!我好鐘意!如果有機會既話,真係想由依家既promoter轉為sales就好喇~!可以同依家班同事一齊嘛~~~!!!

老公VOICEMAIL 1 2 3

私人傳訊

FreshAir

複式洋房

積分: 334

5^#

發表於 04-7-30 22:26 |只看該作者

Re: 我又做錯事,又比老細鬧!!!

bandband
你講得有道理,老細都係咁鬧,唔識就問人啦,人地會好樂意教你,因為你係新人,煩人係應該的,人地亦不會兼煩,但成日做錯事就不可以!!!
我老公都話我適應唔到大壓力,人一緊張,更加容易做錯事,今日老細又鬧一大輪,雖然自已知自己錯,但內心好難受,有老貓燒鬚的感覺!!!
如果計搵錢,其實做promoter佣金高過sales,只係成日轉地方,呢行時間長,都幾辛苦,但最重要是做得開心!!!很高興認識你!!!

私人傳訊

bandband

子爵府

積分: 11510

6^#

發表於 04-7-31 00:36 |只看該作者

Re: 我又做錯事,又比老細鬧!!!

我都好開心識到你!

其實我都會咁架!一緊張就好易亂哂龍,做錯好多嘢!唔緊要啦,咪當係磨練囉!有時我都會咁諗,越係有挫折越係俾人鬧,我就要FIGHT低佢!人無話幾時先長大既,要自己去長大去識得面對壓力同問題,只可以靠自己遇既事有幾多,即係老土嗰句:"經一事,長一智"囉...有時我都係咁,可能自己成日以為自己做過嗰行,就覺得自己唔係新仔,一番新工就覺得自己唔會做錯,點知一做錯嘢俾人插,一開始我就好那興,跟住好唔開心,然後開始諗埋一邊,覺得人地睇唔起我...又鬧自己做乜做錯啲咁既嘢...跟住諗埋一堆打擊自信心既嘢...(下刪數百句...),我番呢份PROMOTER工都係咁架初頭!滿以為自己做過老細(舖頭仔老細...

),滿以為覺得自己食鹽多過人食米,點知做落咗原來唔係,自己咪又係新仔一名,重頭學起,所以我依家都學曉虛心學習,邊學邊做囉,唔緊要啦,總之自己有心去做好份工,俾人鬧咪當係鍛練熱身囉!總之唔好俾自己心急,一急就乜都學唔到,做乜都錯,不過如果做咗一排都係咁,可能間公司同你唔夾,咪試吓再搵第二份囉!打工之嘛!唔好太過緊張.
如果你唔開心俾人鬧嗰陣,你咪同自己講,你仲有老公鍚,亞爸亞媽鍚,諗番啲開心嘢,自自然然你就唔會再鑽牛角尖架喇!可能你會覺得我响呢方面有啲亞Q精神,但係,始終人生唔係得一樣嘢係重要嘛!仲有好多嘢重要.總之輕鬆一下啦!

係喎,你依家係番咩工架??