婆媳關係 今日: 0 | 主題: 27694

積分: 582

1^#

發表於 16-5-9 17:01 |只看該作者 |倒序瀏覽 |打印

99其實平時幾好人，但有bb系屋企之後令我有d唔開心。。我最近先搬去同老公屋企人住，99本身唔會要求我做家務，有時仲入黎幫我地清潔房間。但自從bb搬埋黎後，因爲99都好得閑，成日抱住b不但止，本來我系房同b玩緊，喊左幾聲姐，距都會系出面話使唔使距抱。我知距系驚我夜晚照顧得累，想幫手多d，但唔知點解次次阿b比距抱走左我都有被搶既感覺。相反同樣既事如果系婆婆屋企發生，我會好放鬆，仲好感激我媽媽幫手。

同埋次次出街坐車99都要抱住b，好多次我當然出聲話我抱就得，距就話"唔緊要，唔好抱黎抱去啦“。
有時下午bb要瞓覺，系我房的確有時瞓唔耐，好醒瞓，有幾日我要出街所以99抱左bb去距房瞓，瞓左兩個鐘，之後距就成日話 ”要唔要過來我房瞓，靜d距好瞓d呀“ 喂，我三番四次講我ok的，我會睇住距，我間房都好靜，但今日bb飲完奶真係好hyper，99聽到距甘耐未瞓又入黎抱走左，我十分失落。

我淨系感覺，我系媽咪，我都想自己照顧好我bb，我得閑時我想自己睇返bb，點解99系到要比甘大壓力我，搞到我成日要同bb里系房玩，因爲驚一出去99就話比距抱？ bb一系我房喊我又會好緊張，但唔系緊張bb，而系驚又會有人黎抱走b。

我唔開心因爲我覺得我過唔到自己個關，因爲由頭到尾其實99無做過對b唔好既野，有時甚至比我照顧得b更好，但我覺得自己系媽咪，點解唔比多d機會我睇返bb? 同埋bb被抱走，我真係感覺好差，好似要同我爭b甘，但我媽抱走b我就唔會甘，點先可以令我心理平衡d? 唉。。

同老公講距就話我唔應該甘自私，因爲系bb角度99都係對bb好的，但我不斷怕第日bb對99太attached而我身爲媽咪就無機會學做一個好媽咪。。我應該點念會令自己好過d？。。。

0 0 0

私人傳訊

馬大嫂

積分: 1720

2^#

發表於 16-5-9 17:07 |只看該作者

標題可以改成 [新抱同自己個女真係唔同]

私人傳訊

cheuklam.Lee

積分: 2960

3^#

發表於 16-5-9 17:57 |只看該作者

wenwen885 發表於 16-5-9 17:01
99其實平時幾好人，但有bb系屋企之後令我有d唔開心。。我最近先搬去同老公屋企人住，99本身唔會要求我做家 ...

我明白你感受呀JM! 我99都係一様, 佢冇工返，一日到黑都喺屋企，加上我同佢同住，BB既大小事佢都要管，連著邊件衫仔佢都要理。真係好黑人憎。

我要出到聲講明叫佢放手比我自己湊，佢先收手。我坐月期間成日喊都係因為佢。佢仲要話我句句頂住佢，佢一d都唔明咁樣係比緊壓力我。我地先係BB媽媽，點解BB所以野佢係都要插手，連抱自己個B都要搶。我朋友講得啱，佢話d 99個個都咁自私，自己已經享受過做媽媽既樂趣，點解仲要搶人地個B黎高享受多次個過程。

所以我好憎我99，我一定捍衞返做媽媽既權利，所以我而家間唔中都特登喺99面前講，我先係阿媽，話比佢知佢只係長輩，唔比佢踩過界！

不過放心呀jm, BB最親最鍚一定係媽咪！因為我地同BB係心連心，係冇人可以代替，就算係99都搶唔走！

加油，有唔滿意既地方，一定要出聲！唔好比人越踩越過！雖然99既所作所為都係錫BB，不過佢地唔明，有時過份熱心，只會比到人太大壓力！

私人傳訊

cream090909

侯爵府

積分: 21317

我的育兒心得勳章

4^#

發表於 16-5-9 18:01 |只看該作者

似足我99，不過無你咁lucky,佢係有可

私人傳訊

cream090909

侯爵府

積分: 21317

我的育兒心得勳章

5^#

發表於 16-5-9 18:07 |只看該作者

似足我99，不過無你咁lucky,佢係有破壞無建設果隻，我坐月佢就點同極不尊重我同我呀媽，仲要我煮飯佢食做家務，我個坐月餐都係佢食淨先叫我食埋佢，未生咒我個b,出世就搶b，但佢未湊過，因後生時生完掉俾佢99就出街打牌既，當我女係公仔咁舞，發高燒都要我女陪佢show off!痴媽筋！身邊有d長輩加C6都睇唔過眼開聲話佢，再加我反抗出聲加黑面，佢先收斂！我硬淨，唔係一早癲左，好彩我企硬後佢唔敢惹我，當然佢實周圍唱我啦，但我彩佢有味，最緊要個老公知道發生緊咩事就夠喇！

私人傳訊

積分: 582

6^#

發表於 16-5-9 18:28 |只看該作者

回覆 cheuklam.Lee 的帖子

其實我都好想爆 ”我先系媽咪，我想自己得閑時照顧返bb", 但係我好驚好似開火甘（因爲其實99都係好人一個），我又唔想講左之後大家面阻阻，驚距真係乜都唔幫手唉，其實而家已經好過第一日個陣，不過成日要顧人感受真係好累

私人傳訊

cheuklam.Lee

積分: 2960

7^#

發表於 16-5-9 18:42 |只看該作者

wenwen885 發表於 16-5-9 18:28
回覆 cheuklam.Lee 的帖子

其實我都好想爆 ”我先系媽咪，我想自己得閑時照顧返bb", 但係我好驚好似開火甘 ...

所以我真係唔明d 99點解要好心做壞事。我女今年3月底出世，啱啱坐完月冇耐。啱啱生完，身體都未適應，d 荷爾蒙又未回復正常，加上件99又爭湊B，仲要一定要跟佢個方法湊，又係咁話我女唔夠飽，一聽到我女喊就想開奶比我質飽佢！我先開佢拖。跟本佢只係想玩孫，跟本冇心機湊。但係又要爭湊。

我為咗個女，就算得罪佢都冇所謂。因為我既家人只有老公同個女，我完全無放佢在眼內。

Jm, 你個99應該係錫孫，不過佢冇理到你感受。你可以客氣地同99講你想同BB有多d 親子時間，比99知你都要有私人空間。

我已經極力爭取搬出去住，老公都讚成，而家只係諗緊幾時同點開口。

私人傳訊

美菲絲

子爵府

積分: 14851

8^#

發表於 16-5-9 18:45 |只看該作者

wenwen885 發表於 16-5-9 18:28
回覆 ####.Lee 的帖子

其實我都好想爆 ”我先系媽咪，我想自己得閑時照顧返bb", 但係我好驚好似開火甘 ...

咁你又要靠佢~~~又要驚佢乜都唔幫手~~~~冇計架啦~~~
佢唔係工人~~~唔係你叫佢做乜就做乜~~~你要得佢幫手就預左佢會用自己既心意/想法黎幫~~~唔可能你鐘意時佢就消失~~~你有需要時就即時出現架~~~~

而且你都話佢出發點真係為你同為BB好~~~並唔係果d為左搶個B黎玩~~乜都夠膽死做既奶奶~~~~

多d諗佢既好處~~~係好既奶奶~~~你咪直接同佢講~~~你知佢係想幫手~~~但你都想自己湊多d~~個B係自己生既~~辛苦都係應該既~~~

私人傳訊

babybabycome

複式洋房

積分: 102

9^#

發表於 16-5-9 18:50 |只看該作者

回覆樓主:

如果你99為人都不錯，唔係全心你作對個種
咁不如你試下好聲好氣同佢講，叫佢比你自己試下先
你話我放工放假都想試下主力自己揍，我都好想多啲同bb相處，話如果攪唔掂先搵佢求救囉

可能佢明白呢

點評

美菲絲

發表於 16-5-9 19:24

私人傳訊

日日媽媽

子爵府

積分: 11548

10^#

發表於 16-5-9 19:49 |只看該作者

wenwen885 發表於 16-5-9 17:01
99其實平時幾好人，但有bb系屋企之後令我有d唔開心。。我最近先搬去同老公屋企人住，99本身唔會要求我做家 ...

本帖最後由日日媽媽於 16-5-9 20:18 編輯

我啱啱生完同你感受一樣不過我想盡辦法解釋比老公知我既感受
本來生完係99湊但我頂唔99成日都覺得自己老人家有經驗

我覺得好煩自己呀媽反而做乜都冇乜嘢所以同老公講自己湊bb

唔洗成日見

私人傳訊

niniyp

積分: 559

11^#

發表於 16-5-9 20:39 |只看該作者

樓主同我99一樣我同朋友傾朋友就會話咁多一個人錫啊b唔好咩！唉...佢地唔明....比人搶走啊b既感覺...我依家都係超驚99...我永遠鎖門喱係房...我啊嫂就生...希望會轉移佢阿b身上...唔須要再理我地...因為我想自己湊b..亦enjoy....關心得太過火令人反感....

私人傳訊

036347

積分: 1223

12^#

發表於 16-5-9 22:23 |只看該作者

好明白！因為我生左之後都同你一樣，唔知點解好唔鐘意奶奶同我女玩、抱佢。我奶奶又係對我無乜野，有時見後生的事都好小過問，但就唔知點解自己對佢咁抗拒(emoji)(emoji)(emoji)

可能有小小覺得未生前自己都對佢好好，唔同住都會比錢佢飲下茶，但我大肚同坐月就從來無關心過我咁，個心係有點唔開心！久而久知點成現在咁！

私人傳訊

好奇寶

積分: 724

13^#

發表於 16-5-10 09:32 |只看該作者

回覆：99同自己媽咪真係唔同

其實你奶奶又係過份緊張嘅人，一方面又想湊下個孫，另一方面佢又想幫輕下你，不過我都好明白身為媽咪係幾咁想獨佔自己個小朋友，其實咁樣唔係自私，係出自母愛！雖然係新手媽咪都唔怕辛苦由頭學起，自己湊開嘅小朋友真係會痴自己多d，我雖然唔係同奶奶住，阿b出左世後奶奶都經常上來睇b，我個時都好大壓力架，迫住要出街避開佢，時間耐左，同奶奶磨合左後先開始相處融洽，多個人錫阿b都唔錯，可能我成日同奶奶講想自己一手一腳湊大阿b，好多野我唔識但我會學，佢聽得多好似明白我嘅意思，所以都放手俾我自己做，仲有，我從來無係奶奶面前講過湊b有幾咁辛苦，幾咁攰，我成日都話湊b好開心，我亦都唔想奶奶咁嘅年紀仲要咁辛苦幫我手湊b，上來玩下就算，等阿b再大d，你帶佢多d出下街見識都好開心架，自己成日鬱住係屋企對住奶奶，心情會無咁好，帶埋阿b出去行下，同佢傾多d偈，指下呢樣係咩個樣係咩，心情都靚d同埋可以加深親子關係

私人傳訊

happyeman

複式洋房

積分: 293

14^#

發表於 16-5-10 10:08 |只看該作者

回覆：036347 的帖子

我都有呢種感覺，我早兩年半生。我奶奶又係抱到唔願放手，試過自己話要留係度過夜，一聽到bb喊就衝入黎間房，抱走bb,你唔問佢，佢唔會抱返入間房，係廳抱住佢訓。我返工只有放工先可見個囡，平日佢食飯爬兩啖就就飽，出街食10味餸佢食左第一味就話飽，之後一路抱住佢唔放，等到佢10點走左先有得抱，點知連夜晚都唔放過。佢冇諗過一聽到喊，唔問人就衝入房好冇禮貌。

我有試過好似其他jm講，知佢好意，禮貌咁同佢講我呢個新手媽咪都想做好阿媽既角色，想佢俾多的機會我。例如一星期俾一兩日我幫個囡沖涼，俾多的我同個囡相處。佢發脾氣話我做人阿媽太誇張，唔俾佢玩。我勁唔開心

我連bb滿月我都係好似參與咁企後排，成日都冇抱過佢，都冇同bb有合照咁滯。親戚抱影一兩張相，佢影完即刻抱返。我連抱陣既機會都冇。我都好討厭被人搶既感覺。

上年一月，連我老公都忍唔住同佢開火，叫佢唔好抱咁多，個囡離開佢一陣都唔滯。一離開99便喊，老公叫佢忍下佢喊，唔好縱佢。奶奶發脾氣話仲乜要咁對佢，話要佢聽個囡喊係折磨佢。話我地好過分。

我上年囡歲半，我忍唔住叫佢俾多的機會我，講俾佢聽我既感覺，佢發脾氣話即時唔湊，話以後當冇左個囝加個孫，我話係商量下協調下等大家都開心的，仲乜要講到生離死別咁。佢以為我會發氹返佢。但我冇，我老公都同意佢講話工人。所以請左。

佢發完脾氣，又係日日當冇事咁上黎玩孫。我都冇理，覺得多個人鍚個囡都好，反正我唔係屋企有個人望下工人。但佢keep住縱佢，只要個囡喊就乜都俾。我老公丙左佢好多次（佢應該覺得係我指示），因為個囡越來越野蠻。呢排見天氣轉執野，我個囡的野多到嘔，一季四五對鞋，工人話佢日日攞新衫上來，佢買衫鞋已經買到4歲都有，而且我個囡成日講叫嫲嫲買乜買物。我叫我老公講句叫佢少的買野（呢個真係我指示），俾多的機會我地買下，又係發脾氣話唔湊。唔明買少的同唔湊有咩關係。

根本冇商量餘地，只是不順意便是唔湊（已經唔知幾多次），要人氹，但我對佢成日郁的叫唔湊已經好反感，我已經冇打算理佢！

三月叔仔生左個囝，弟婦好有性格，99唔敢鍚唔敢抱，唔敢買野。我真係好火。原來佢做得到，但因為我弱勢所以成日發脾氣。

佢呢排係咁避我，我覺得好煩。我好唔開心，我係咁調節緊自己，叫自己唔好理咁多，總之為個囡好唔好理得罪的咩人，唔想個囡似佢（我奶奶細個湊大我老公個表姐，但表姐又係好火爆，加亂洗錢！）我成日安慰自己得既，自己冇人幫都攪得掂

私人傳訊

IMEMORY

積分: 1926

15^#

發表於 16-5-10 10:37 |只看該作者

我BB都係奶奶湊,剛出世時,會覺得俾人搶走咁
都驚BB會痴奶奶唔要我,
不過我同自己講,多個人湊BB係好事,而且之後我都要返工,
諗開走就無事,同埋BB唔會痴奶奶,你多D同佢玩就得
我每日放工放假同佢玩幾個鐘,佢都好痴我

私人傳訊

積分: 582

16^#

發表於 16-5-10 11:41 |只看該作者

多謝你地甘多既意見啊，我覺得我自己都要唸開d，我好似好情緒化甘，而家bb系我隔離，我又覺得其實比d時間爺爺嫲嫲玩下都可以吖，同老公可以有下私人時間，但當距地抱左bb去玩我d負面情緒又返嗮黎，琴晚自己系沖涼房喊，唸左好多野。

唔明點解通常99同孫先有呢d問題，婆婆就唔會搶住嗮wor，系咪婆婆都會明白自己個女，一定會比個女試下學習做媽媽，而嫲嫲對新抱始終當外人，唔會代入角色，覺得新抱唔識揍個孫甘，咩都要自己黎。

其實我最近辭左職，我仲猶豫緊幾時翻返工最好，好想自己生活平衡下，但又想bb同自己最close。。。

私人傳訊

積分: 582

17^#

發表於 16-5-10 11:43 |只看該作者

嗯，我都希望我最終可以好似你甘唸，返工后我會爭取所有在家時間都睇住bb架啦，希望夜晚同老公bb多d親子時間讀下書甘，大家開心d

私人傳訊

積分: 582

18^#

發表於 16-5-10 11:44 |只看該作者

IMEMORY 發表於 16-5-10 10:37
我BB都係奶奶湊,剛出世時,會覺得俾人搶走咁
都驚BB會痴奶奶唔要我,
不過我同自己講,多個人湊BB係好事,而且 ...

嗯，我都希望我最終可以好似你甘唸，返工后我會爭取所有在家時間都睇住bb架啦，希望夜晚同老公bb多d親子時間讀下書甘，大家開心d

私人傳訊