吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 有無全職媽咪想做番野呀

在職全職今日: 1|主題: 47924

收藏本版

發帖

返回列表

跳至頁

查看: 4276 | 回覆: 49

[全職媽媽] 有無全職媽咪想做番野呀

12 3

Kaling

大宅

積分: 3584

發表於 08-10-29 17:32 |顯示全部帖子

做左全職媽媽差不多三年, 越黎越覺得悶, 日日好似比間屋困住咁, 日子過得好無聊, 日日湊仔, 做家務, 睇電視, 上網, 真係好想做番野,襯仲後生搵錢, 唔好浪費搵錢幾會, 驚第時無錢養老, 但係無做野成兩年幾, 自己又成3X歲, 唔知仲會唔會有人請, 見過幾次工都無聲氣..好失望..而家咩都貴, 老公份人工都唔係好夠用, 個個月都好手緊..無錢剩, 好無安全感..一諗到大家將來就有D驚, 老左又無儲蓄點算..

大家有無諗住做番野呀...

唉...全職媽媽要做番野係咪真係咁難呢..會唔會適應唔到, 有無成功的例子呀...

私人傳訊

米水

伯爵府

積分: 18262

發表於 08-10-29 23:35 |顯示全部帖子

原文章由 Kaling 於 08-10-29 17:32 發表
做左全職媽媽差不多三年, 越黎越覺得悶, 日日好似比間屋困住咁, 日子過得好無聊, 日日湊仔, 做家務, 睇電視, 上網, 真係好想做番野,襯仲後生搵錢, 唔好浪費搵錢幾會, 驚第時無錢養老, 但係無做野成兩年幾, 自己又成3 ...

我同妳差不多,又係做左full time ma就黎3年,不過唔同嘅係...我想搵工做番唔係因為湊仔悶..等,反而只係如妳所講情況,要搵錢養家...如果唔係,我真係想一直照顧個囡唔想出去做野呀!

我未正式去搵工,諗起都驚,學妳話齋,都3X幾,都唔知邊個會請!

私人傳訊

查查bb

洋房

積分: 33

發表於 08-10-30 01:27 |顯示全部帖子

me too but 真係念唔到有咩好做又無學歷

私人傳訊

依嵐媽媽

大宅

積分: 1184

畀面勳章

發表於 08-10-30 13:13 |顯示全部帖子

做左全職媽媽差不多二年了,好悶好想搵野做,但又要湊細女(1歲)

私人傳訊

carmenlook

大宅

積分: 4539

發表於 08-10-30 17:03 |顯示全部帖子

me too,但老公唔鍾意,佢話夠使就算,唔放心亞仔跟其他人,咁其實我都唔放心,但又好想揾多啲d,住好d兼儲多d錢,現在除教育基金外,我地兩公婆儲比自己那份都唔係好多

原文章由 依嵐媽媽 於 08-10-30 13:13 發表
做左全職媽媽差不多二年了,好悶好想搵野做,但又要湊細女(1歲)

私人傳訊

我愛Corina

瑪瑙宮

積分: 134209

2024年龍年勳章 2024勳章好媽媽勳章醒目開學勳章環保接龍勳章

發表於 08-10-31 01:17 |顯示全部帖子

我都想做野,做左ft mami一年幾...

我唔知有個女難唔難搵野做呢...
我2x,有大學,不過無experience

私人傳訊

fatping

伯爵府

積分: 15971

發表於 08-10-31 12:30 |顯示全部帖子

原文章由 Kaling 於 08-10-29 17:32 發表
做左全職媽媽差不多三年, 越黎越覺得悶, 日日好似比間屋困住咁, 日子過得好無聊, 日日湊仔, 做家務, 睇電視, 上網, 真係好想做番野,襯仲後生搵錢, 唔好浪費搵錢幾會, 驚第時無錢養老, 但係無做野成兩年幾, 自己又成3 ...

我都係做了差不多3年全職, 果3年我真係唔enjoy, 連梳頭都無動力, 成隻鬼咁都可以出街, 起街度撞到d舊同事佢地以為我好唔掂, 今年年頭頂唔住出左黎做野, 我都3x到尾, 都係中學畢業, 唯一係得個殼重keep到幾ok, 見了2份巳經有人請 (不過可能年頭經濟好d所以易搵d), 重係返5日人工都唔差, 所以要有信心, 但出黎做返野真係開心好多, 個人活d經濟又鬆動好多

私人傳訊

16072005

複式洋房

積分: 455

發表於 08-10-31 14:01 |顯示全部帖子

me too

偶然經過這裡,原來咁多同路人!今晚有些失眠,因為做全職媽咪好辛苦!冇請工人一腳踢!已經三年了,個仔讀K1,近來班舊同事紛紛升級,我就沿地踏步!好想返工,但又唔放心個仔!c6返大陸做工,日日得我同個仔單打!仲要比個好朋友串話我咁幸福,身在福中不知福!,工又冇得返,朋友又冇!見到個仔都好安慰!他跟姐姐揍的同齡小朋友比較上來是乖巧d,都值得的!不過我真的很想返工,因為有人傾吓講吓,滿足感大好多!$$$$又多好多!c6話又唔係唔夠使,都你留任全職媽咪好!佢就講得輕鬆,一個星期先在屋企二日!

私人傳訊

samsung915

別墅

積分: 626

發表於 08-10-31 15:20 |顯示全部帖子

人就係咁! 在職ga又想做留係堅企, 全職又想出黎做, 而我唔係你地呢type(全職), 個女而家14個月, 之前真係好想好想唔做, 不過, 又真係唔捨得而家份做左十年ga工, 5日工, 有醫療+牙科(仲包埋老公同仔女), mpf>5%, 之後又諗下不如等佢小1先, 而家經濟仲咁差, 老公年尾可能會失業, 其實我可以做backup, 老公就一定唔駛咁大壓力.

我知頭幾年真係好緊要, 好在有99可以睇, 都叫比工人放心!

而我同老公都有同一個理念, 唔想迫佢太多, 唔要好似而家有d家長咁一味"谷", 我地都冇諗住第時要佢養, 所以我地會為左自己儲定第時d老本, 如果得一個人做, 又猛猛緊, 又要左慳右慳, 唔見得比而家好, 而家最多將返工以外ga時間俾晒佢, "重質不重量"!

私人傳訊

Barbie_jj

大宅

積分: 1127

發表於 08-11-12 22:54 |顯示全部帖子

我做左全職媽媽都差唔多有2年啦, 個仔而家2歲幾讀緊K1, 佢半歲時我辭工唔做去湊佢! 其實我大肚開始就辭工安胎因為個胎唔穩定, 到左生左囝囝4個月後又做返野, 不過做左兩個月就冇做啦!! 理由係太唔放心, 工人湊不如自己湊... 到左而家, 日日都要湊佢+做家務, 其實係好辛苦, 最慘係呢個工作冇同事仞到大家都覺得好自閉, 我好多時都有呢個感覺! 所以都有諗過出返黎做野! 不過, 我相信絕大部份全職媽咪, 都係鼓起了極大既勇氣去辭工湊仔, 因為我地選擇了仔女, 選擇了家庭, 而唔係金錢, 又或者係自己既事業! 我湊左囝囝幾個月後再出來做野, 返工時日日都諗起個仔, 本來同佢好CLOSE, 但點解我要去做野而將佢比人湊呀? 最後做左2個月都頂唔順! 所以呢, 如果仲想出去搵野做的話, 一定要問下自己, 會唔會唔放心比人湊, 會唔會唔慣冇左時時同佢一起既時間! 到時又做左一陣野又要辭工, 真係搵黎攪!
我都3X歲啦, 有碩士既學歷, 不過, 冇做2年野喎, 要搵野做的話, 我都會諗諗人地信唔信得過我啦! 所以, 我有時都係諗下, 絕大多數時間都係非常之慶幸自己可以做到全職媽咪! 呢D睇住小朋友成長既時間, 真係過左就冇! 姊妹們要加油呀~~~ 我想, 多數都係因為大家冇乜時間見朋友, 太過自閉, 好似冇人傾訴先會有想出返黎做野既衝動! 得閒互相支持一下啦~~~
我都要為自己加下油!!!!

私人傳訊

50136255

男爵府

積分: 5122

好媽媽勳章

發表於 08-11-13 00:06 |顯示全部帖子

我剛剛開始全職媽媽, 都有考慮過你們所講既問題, 而家3字頭,唔返工又驚老公壓力大, 又驚年紀大d難搵工.. 不過而家真係想在家睇小朋友~~

私人傳訊

咩咩豬

大宅

積分: 2800

發表於 08-11-13 11:42 |顯示全部帖子

我做左全職媽媽兩個月,最初真係好想出番去做野,但現在見到囝囝比以前開心左,所以這個念頭已打消.

以前工人湊佢時成日都同工人嘈,搞到d脾氣好大,這兩個月真的轉變很大,現在已經沒有發脾氣.

私人傳訊

eugene媽

民房

積分: 19

發表於 08-11-13 12:33 |顯示全部帖子

真喺好想好想好想做返嘢，1年嘅全職媽媽已經覺得好辛苦。

私人傳訊

cwlee

珍珠宮

積分: 39527

醒目開學勳章畀面勳章

發表於 08-11-13 12:59 |顯示全部帖子

好想做野，因為日日係屋企，好鬼悶，時間過得好慢。

私人傳訊

米水

伯爵府

積分: 18262

發表於 08-11-13 17:50 |顯示全部帖子

原文章由 16072005 於 08-10-31 14:01 發表
偶然經過這裡,原來咁多同路人!今晚有些失眠,因為做全職媽咪好辛苦!冇請工人一腳踢!已經三年了,個仔讀K1,近來班舊同事紛紛升級,我就沿地踏步!好想返工,但又唔放心個仔!c6返大陸做工,日日得我同個仔單打!仲要比個好朋 ...

恕我得罪,咁妳朋友講得無錯架,其實有得全職湊自己仔囡,對好多人黎講係一件"奢侈品",所以我覺得自己做到全職媽媽係一個福氣!

之不過....妳先生一星期5日都唔喺屋企,妳一腳踢又真係幾甘嘅....

私人傳訊

sailopopo

別墅

積分: 660

發表於 08-11-14 01:47 |顯示全部帖子

我做左5個幾月全職媽媽.好想出哩做野,又好想自己臭女,好矛盾.
我老公日日都放12點,返到家好夜.又累.我覺得好悶,好悶.好似個啞人咁.又好似同世界脫晒節,好似好無知咁.又因為無搵錢既關係,對屋企無乜功獻咁,又唔敢叫老公買野俾自己,想買野俾個女又要問老公拿.人生無晒興趣,樂趣.
但如果做返野,又唔想無得自己一手一腳照顧,培育個女.好矛盾.
做人真係樣樣事都有好既一面,唔好既一面.決擇左,就有得失

私人傳訊

carmen911

子爵府

積分: 14963

發表於 08-11-14 13:26 |顯示全部帖子

我覺得番唔番工都要睇人面色,
爭在係睇屋企個嗰定公司個嗰。

私人傳訊

冰糖

大宅

積分: 1978

發表於 08-11-14 15:17 |顯示全部帖子

自傱知道有著bb就在屋企休息到宜家已一年了,好想返出去做野,但見到bb好可愛,老公又想我湊bb,所以一直都無行動.

私人傳訊

米水

伯爵府

積分: 18262

發表於 08-11-14 16:05 |顯示全部帖子

原文章由 sailopopo 於 08-11-14 01:47 發表
我做左5個幾月全職媽媽.好想出哩做野,又好想自己臭女,好矛盾.
我老公日日都放12點,返到家好夜.又累.我覺得好悶,好悶.好似個啞人咁.又好似同世界脫晒節,好似好無知咁.又因為無搵錢既關係,對屋企無乜功獻咁,又唔敢叫老 ...

sailopopo...妳個bb係咪相中得幾個月炸?如果係...咁其實等佢大d,妳會覺得無咁悶都未定架!果陣我都係,阿囡頭果3,4個月我真係悶到死,全日無人同自己講野,不過等個囡大d,多d反應,再大d識行,妳同佢一起嘅樂趣就會多好多,真架~,到時妳會後悔點解出去做番野都未定!