個囡有爸爸 = 冇爸爸
老公,
你成日一返到屋企就睇電視/訓覺, 完全都唔會主動同個囡玩下, 一叫你湊佢好似好難為你咁. 你唔可以怪個囡排斥你, 唔俾你抱. 你自問一日廿四個鐘, 有冇一個鐘係完完全全同個囡玩? 星期一至五都已經唔洗你湊, 家下就連星期六,日 family day 你都懶, 一早一晚都只得我一個拖囡囡出去散步去玩. 我諗周圍 d 街坊以為我係單親媽媽.
我知你返工支力, 咁唔通我唔支力咩? 你份工都好呀, 間唔中可以真係放假 (唔洗湊女), 咁我呢? 我份正職+返學+湊女至係年中無休呀!!!! 我都冇要求你個個星期六日都同我地出去呀, 你唔係一個月同我地出去散步兩三晚都冇精神呀? 我唔想再出聲叫你啦, 好似迫緊你咁, 真係好冇意思囉. 我好想逢 sunday 食完飯, 我地可以一齊拖住囡囡去散步, 可惜你從來都唔會咁做. 與其迫你做 d 你唔想做o既野, 我寧願繼續同個囡過我地o既 "單親" 生活, 起碼開開心心算啦. 不過你記住, 我地o既 "開心" 只係屬於我同囡囡o既, 你冇份; 你o既付出只係微不足道, 你冇權享受結果. 或者終有一日我同個囡都唔再需要你.....已經習慣左你o既唔存在/介入......
枯藤老樹昏鴉, 小橋流水人家,
夕陽西下, 斷腸人在天涯.