你地帶 bb 去 playground 玩時, 有冇人蝦佢呀?
星期六帶囡囡去玩,
好多小朋友係度,
我個女係最細個o既.
首先係一個成七八歲o既靚妹,
佢搬住一大舊膠玩具冇睇路,
一野就將我個女成個撞左落地,
個女大喊,
我呵返個女,
諗住個女仔唔係有心就算數,
點知條女一句 sorry 都冇,
佢家長又唔出聲;
跟住, 又有個四五歲o既男仔黎玩,
我個女行埋去佢度想拎玩具,
個靚仔一下就推左我個女落地,
好彩冇撞親個頭仔,
佢阿媽又係唔出聲,
我已經好嬲咁行埋去抱起個女,
跟住好大聲鬧個靚仔 "你做咩咁大力推佢?"
個靚仔眼定定咁望住我,
佢阿媽先出聲 "係唔係呢, 俾人鬧啦!"
但係仍然一句 sorry 都冇.
對住 d 咁冇家教o既家庭真係好無奈,
但係我又唔想因為咁而唔帶囡囡去果度玩,
唉....我驚遲早有一日會同人大吵一場,
我好唔想咁! :-(
枯藤老樹昏鴉, 小橋流水人家,
夕陽西下, 斷腸人在天涯.
發表於 
Hi! 你好嗎 ? 我叫樂樂呀.....英文名係 Horace呀.....
返回列表
