吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 嬰兒用品› 剛得知係孖

嬰兒用品今日: 0|主題: 93240

收藏本版

發帖

返回列表

跳至頁

查看: 12754 | 回覆: 47

剛得知係孖 [複製鏈接]

12 3

purple823

別墅

積分: 728

1^#

發表於 16-12-8 19:33 |只看該作者 |正序瀏覽 |打印

我本身有個4歲大既仔，諗住生多個就夠，點知係同卵孖，發覺頭3個月辛苦好多，又嘔又肚痛又心口痛，負擔又大左，我屋企人就好開心我有孖，但我真係唔係好開心，有冇sis同我一樣？

0 1 0

私人傳訊

keikeicat

男爵府

積分: 7516

48^#

發表於 17-6-9 23:31 |只看該作者

回覆樓主

我由頭嘔到落尾，根本食唔到嘢，懷孕時冇重過，俾孖B搶晒營養，卸貨後仲輕過未懷孕時，阿媽話我生完似人乾、白粉婆！不過現在重返晒！

私人傳訊

deschuytter

別墅

積分: 583

47^#

發表於 17-4-11 23:34 |只看該作者

本帖最後由 deschuytter 於 17-4-11 23:37 編輯

回覆大雯bb 的帖子

我湊三個時無人幫手無請工人呀！不過而家有5個所以會移民移民後會多左奶奶幫我手我頭兩胎係順產架第三胎係開刀黎緊孖胎都會開刀船到橋頭自然直既我信！

私人傳訊

大雯bb

別墅

積分: 658

46^#

發表於 17-4-10 15:02 |只看該作者

deschuytter 發表於 17-4-9 22:52
我本身已經有3個.. 一個6歲 3歲同2歲驗到孖時真係好無奈但而家接受左啦！重好期待！😝😝 ...

本帖最後由大雯bb 於 17-4-10 15:04 編輯

(e

有無人幫手呀？
幾多個工人？我好想知道，因為好苦惱呀⋯⋯
之前你是順產嗎？

私人傳訊

deschuytter

別墅

積分: 583

45^#

發表於 17-4-9 22:52 |只看該作者

我本身已經有3個.. 一個6歲 3歲同2歲驗到孖時真係好無奈但而家接受左啦！重好期待！😝😝 我預產期係8月，希望佢地足月足磅健健康康我就開心啦！

私人傳訊

大雯bb

別墅

積分: 658

44^#

發表於 17-4-8 01:40 |只看該作者

肥豆媽咪發表於 17-4-8 00:14
4個b,你好叻，請問到時會點湊.有人幫嗎

我都唔知點，不過中間太多變數了.. 又要搬，又要請人... 見步行步

私人傳訊

肥豆媽咪

子爵府

積分: 12503

43^#

發表於 17-4-8 00:14 |只看該作者

大雯bb 發表於 17-4-7 16:52
... 已有2個， 1歲，3歲... 剛驗到孖.. 哭了很久...

首先係驚唔知點算，之後又驚佢地bbs 早產.. 希望平 ...

4個b,你好叻，請問到時會點湊.有人幫嗎

私人傳訊

大雯bb

別墅

積分: 658

42^#

發表於 17-4-7 16:52 |只看該作者

... 已有2個， 1歲，3歲... 剛驗到孖.. 哭了很久...

首先係驚唔知點算，之後又驚佢地bbs 早產.. 希望平安

私人傳訊

jannythree

大宅

積分: 1650

41^#

發表於 16-12-23 14:46 |只看該作者

Abbayo 發表於 16-12-14 10:05
害喜其實都係嘔到4個月⋯我5月生左龍鳳胎，頭1胎！其實有對b真係好開心架，除非你好討厭bb啦，講真我唔明點 ...

我就好羨慕孖b啦！好想生孖女！3孖都得！總之健康就好！

私人傳訊

blueaqua

大宅

積分: 2263

40^#

發表於 16-12-23 11:07 |只看該作者

jaiii 發表於 16-12-21 23:42
我未生已經懷念佗住佢地既感覺，胎動真係好神奇，我知我一定唔捨得，有時仲諗到有d感觸，可能第一次做媽媽 ...

我自己一個一定湊唔掂，第一胎好多野都唔識。我有工人姐姐，加媽咪日頭過來幫手先勉強搞得掂，我放完產假返工後都唔知得返佢地2個得唔得。同埋頭一個月有日間陪月，都真係幫輕咗好多。

除咗去健康院都好少出街因為仲細，只係去過屋企附近商場行吓，用揹帶同老公一人一個都ok, 佢地出親街都好好瞓（因為抱住）。反而坐bb車會扭計喊，我諗要等佢地再大d我先可以挑戰一帶二出街！

私人傳訊

jaiii

大宅

積分: 3568

39^#

發表於 16-12-21 23:42 |只看該作者

blueaqua 發表於 16-12-21 21:41
其實我未有咗嘅時候都係夜鬼，係有咗之後先早睡早起（諗住當胎教），但生咗之後都係覺得半夜起身湊b好辛 ...

我未生已經懷念佗住佢地既感覺，胎動真係好神奇，我知我一定唔捨得，有時仲諗到有d感觸，可能第一次做媽媽，加上習慣左二人世界，無小朋友束縛，將來好多未知數，有d擔心。所以又期待，又不安。近產期開始多左不安既感覺

你應該係習慣左呢個模式，加上摸熟左2隻豬仔既性格習慣，所以變得好凑左

我都聽好多朋友講，唔好免強自己做人奶媽，所以我都係諗住無奶就補奶粉算。

我仲以為分開餵會好d，但原來仲浪費時間，不過諗落都係既，如果有人幫手，呢個方法係可行，但一打二又真係同步餵會比較好。。。甘你而家自己一個湊定點？有無試帶佢地出街？應該會好手忙腳亂

私人傳訊

blueaqua

大宅

積分: 2263

38^#

發表於 16-12-21 21:41 |只看該作者

jaiii 發表於 16-12-21 19:34
我都係諗住人奶/泵出黎餵，夜晚補奶粉，至少食奶粉飽d會訓得好d。我同奶奶住，佢會幫手。。。2,3個鐘又輪 ...

其實我未有咗嘅時候都係夜鬼，係有咗之後先早睡早起（諗住當胎教），但生咗之後都係覺得半夜起身湊b好辛苦，可能因為我都係開刀啦，所以一開始的2-3個星期最辛苦。有時傷口仲有d痛所以連行路都要就住，又唔可以太操勞。

如果你99半夜都肯起身幫吓忙會好d, 至於餵人奶，我覺得盡咗力就得唔好比太大壓力自己，因為孖b真係難做到全人奶（除非你體質係多奶）中，如果可以同時餵2個就仲好d, 我嗰對去到滿月後已經成日唔同時間肚餓所以要分開餵，就仲花得多時間，成日餵完一個到另一個，跟住又到返另一個b要食下一餐！泵奶雖然可請家人幫手餵，但泵奶一樣要花時間同又要洗多咗野（如果你泵得密就最好買多幾套parts)，樽餵又要掃耐d風，所以各有各難處！而且天氣冷真係好唔想半夜凍冰冰時起身泵奶，我而家半夜都寧願埋身餵唔泵啦！

我對孖b而家2個半月咋，我都唔知算唔算過咗最辛苦的時候，可能係我已經開始習慣咗啦，個個都話過咗三個月會好d, 我都期待緊！

你要好好珍惜陀住佢地的日子，陀b係舒服好多，乜野都有人幫你做曬又可以有好多時間休息，生咗之後你會好懷念！

私人傳訊

jaiii

大宅

積分: 3568

37^#

發表於 16-12-21 19:34 |只看該作者

blueaqua 發表於 16-12-21 14:29
如果夜晚只得你同老公而你又預咗老公唔幫手，咁一定要搵人幫！尤其係第一個月！我老公算好好，佢就算要返 ...

我都係諗住人奶/泵出黎餵，夜晚補奶粉，至少食奶粉飽d會訓得好d。我同奶奶住，佢會幫手。。。2,3個鐘又輪迴一次，真係好癲

我都算係夜鬼，唔知到時頂唔頂得順呢。同埋可能會開刀，頭半個月可能真係最辛苦，傷口痛又未上奶。多謝你既回覆，我會再同老公傾下

係呢，你孖b而家幾大？過左最辛苦時間未？

私人傳訊

blueaqua

大宅

積分: 2263

36^#

發表於 16-12-21 14:29 |只看該作者

jaiii 發表於 16-12-21 00:10
請問夜間陪月有咩做？因為我自己係新手媽咪，老爺奶奶會幫手。老公日頭返工，我都唔預佢會幫到手。。。係 ...

如果夜晚只得你同老公而你又預咗老公唔幫手，咁一定要搵人幫！尤其係第一個月！我老公算好好，佢就算要返工半夜都有起身幫手，但咁樣就乜都係我地2個做曬，好攰！而且坐月期間你都需要多d休息，夜晚冇得瞓都幾影響身體復完。

初生bb2-3個鐘就要起身食奶 (如果食人奶可能更密），如果2個b一齊肚餓喊，咁你一個人冇辦法同時餵。餵完仲要掃風，換片，好彩的話佢就好快瞓返，唔好彩你仲要um佢一輪佢先肯瞓，如果你個b食奶食得慢要食一個鐘，咁樣可能已經要用個半至2個鐘先搞掂。你可以想像下，到你放返佢落床，可能1-2個鐘後又要再重覆做以上的事2次！（如果你一個湊2個可能成晚都唔洗點瞓），仲未計有時佢地爆屎片整到污糟曬要抹身換衫清潔又要多d時間。而且有時放咗佢地落床，佢地唔知點解隔一陣又喊然後你又要睇吓佢咩事。開頭佢地半夜成日無端端喊，我都覺得好忟憎同情緒好差

當然，唔排除有d bb易湊d, 但你都要預咗第一個月的晚上你最多都係瞓3個鐘就要起一次身，只能斷斷續續咁瞓。日頭有人幫你就要把握機會休息，但我嗰時餵人奶所以日頭都係3個鐘要餵一次，冇乜得真係可以瞓耐d .....

私人傳訊