Baby Kingdom - 親子王國 香港 討論區 › 首頁 › 嬰兒用品› 剛得知係孖

嬰兒用品

收藏本版
發帖
返回列表
跳至頁
剛得知係孖 [複製鏈接]

首頁
1

尾頁
   1
blueaqua


大宅

積分: 2263


1#
發表於 16-12-12 18:02 |顯示全部帖子
purple823 發表於 16-12-9 20:13
我想問害喜時間幾耐？
同埋我都見好多人話湊孖b好辛苦
我而家都驚緊

我剛生了孖b, 初頭6星期有日間陪月，有一個做開的工人姐姐，日頭再加我媽媽幫手湊，我仲放緊產假。個人經驗，湊2個初生孖b真係好辛苦，最好任何時間都有3個人湊，如果只得你加工人，咁好多時你都未必有得休息。最好頭一個月有夜間陪月，否則就冇覺好瞓。而且你仲有多個小朋友要湊，應該仲辛苦！
私人傳訊

blueaqua


大宅

積分: 2263


2#
發表於 16-12-14 10:27 |顯示全部帖子
Abbayo 發表於 16-12-14 10:05
害喜其實都係嘔到4個月⋯我5月生左龍鳳胎，頭1胎！其實有對b真係好開心架，除非你好討厭bb啦，講真我唔明點 ...

我陀孖b 時唔辛苦，完全冇嘔冇暈好好胃口，仲以為bbs好乖錫住媽咪，點知出咗世先係最辛苦！一係就輪流喊，一係就一齊喊，其中一個半夜仲成日唔肯瞓，一喊就喊到拆天，以為滿咗月會好d, 點知愈大愈瞓得少，仲愈來愈識扭人抱，一放落床就喊，抱住坐喺度都喊，要行來行去先唔喊 你一個人湊得掂2個真係好犀利！可能我嗰2個都難湊，雖然有工人同阿媽日頭過來幫手，我都係覺得好辛苦同埋未享受到箇中樂趣。仲有大大吓佢地唔同時間食奶，埋身餵完一個到一個，中間冇乜時間休息又到下餐啦，真係無數次想放棄餵人奶

希望過咗3個月會好d啦，佢地而家2個幾月，只識間唔中笑吓，好似仲未有咩其他反應咁
私人傳訊

blueaqua


大宅

積分: 2263


3#
發表於 16-12-14 11:18 |顯示全部帖子
Abbayo 發表於 16-12-14 11:12
回覆 blueaqua 的帖子

係，我個陣都成日唔想泵奶，成日都好想用僅餘既時間訓⋯佢地2個真係算乖，食飽就訓 ...

食飽就瞓真係好好多！我嗰2個食完奶仲要氹一大輪先肯瞓，有時唔瞓就係咁抱住，真係冇曬時間做家務或其他野，我同老公都已經抱到有媽媽手bb幾大先識得自己揸住奶樽食奶？
私人傳訊

blueaqua


大宅

積分: 2263


4#
發表於 16-12-14 13:48 |顯示全部帖子
Abbayo 發表於 16-12-14 12:02
回覆 blueaqua 的帖子

其實初生b應該係成日要訓，係咪因為唔夠飽，所以唔肯訓呀？個女5個月自己渣住飲啦， ...

嘩你真係好辛苦呀又整親手又心口！我初頭一個月太忙都冇時間睇隻手，但怕唔理佢會愈來愈差更加抱唔到b, 所以而家keep住睇物理治療，先冇咁痛！咁你有冇食藥或者打針？你孖b而家幾大？

我初頭都驚bb唔夠飽所以唔肯瞓，但試過加到佢地6安一餐奶，佢都冇唔願瞓，所以應該唔關事，佢地滿2個月時去健康院同私家醫生，個個都話咁細個b食6安太多，所以我就減返去5安。

私人傳訊

blueaqua


大宅

積分: 2263


5#
發表於 16-12-18 21:28 |顯示全部帖子
bridgettebaby 發表於 16-12-14 18:24
點樣幫佢地戒夜奶？我又係龍鳳胎，依家個半月，人奶加奶粉。

我對孖b係2個半月都自己戒咗夜奶啦！可以夜晚12點幾瞓到6點左右，真係舒服咗好多！唔洗特別做d乜，健康院姑娘話佢地身體ready就會自己戒㗎啦！不過我想佢地飽肚d就臨瞓嗰餐會比多一安奶佢地食，唔知有冇關係。
私人傳訊

blueaqua


大宅

積分: 2263


6#
發表於 16-12-21 14:29 |顯示全部帖子
jaiii 發表於 16-12-21 00:10
請問夜間陪月有咩做？因為我自己係新手媽咪，老爺奶奶會幫手。老公日頭返工，我都唔預佢會幫到手。。。係 ...

如果夜晚只得你同老公而你又預咗老公唔幫手，咁一定要搵人幫！尤其係第一個月！我老公算好好，佢就算要返工半夜都有起身幫手，但咁樣就乜都係我地2個做曬，好攰！而且坐月期間你都需要多d休息，夜晚冇得瞓都幾影響身體復完。

初生bb2-3個鐘就要起身食奶 (如果食人奶可能更密），如果2個b一齊肚餓喊，咁你一個人冇辦法同時餵。餵完仲要掃風，換片，好彩的話佢就好快瞓返，唔好彩你仲要um佢一輪佢先肯瞓，如果你個b食奶食得慢要食一個鐘，咁樣可能已經要用個半至2個鐘先搞掂。你可以想像下，到你放返佢落床，可能1-2個鐘後又要再重覆做以上的事2次！（如果你一個湊2個可能成晚都唔洗點瞓），仲未計有時佢地爆屎片整到污糟曬要抹身換衫清潔又要多d時間。而且有時放咗佢地落床，佢地唔知點解隔一陣又喊然後你又要睇吓佢咩事。開頭佢地半夜成日無端端喊，我都覺得好忟憎同情緒好差

當然，唔排除有d bb易湊d, 但你都要預咗第一個月的晚上你最多都係瞓3個鐘就要起一次身，只能斷斷續續咁瞓。日頭有人幫你就要把握機會休息，但我嗰時餵人奶所以日頭都係3個鐘要餵一次，冇乜得真係可以瞓耐d .....
私人傳訊

blueaqua


大宅

積分: 2263


7#
發表於 16-12-21 21:41 |顯示全部帖子
jaiii 發表於 16-12-21 19:34
我都係諗住人奶/泵出黎餵，夜晚補奶粉，至少食奶粉飽d會訓得好d。我同奶奶住，佢會幫手。。。2,3個鐘又輪 ...

其實我未有咗嘅時候都係夜鬼，係有咗之後先早睡早起（諗住當胎教）， 但生咗之後都係覺得半夜起身湊b好辛苦，可能因為我都係開刀啦，所以一開始的2-3個星期最辛苦。有時傷口仲有d痛所以連行路都要就住，又唔可以太操勞。

如果你99半夜都肯起身幫吓忙會好d, 至於餵人奶，我覺得盡咗力就得唔好比太大壓力自己，因為孖b真係難做到全人奶（除非你體質係多奶）中，如果可以同時餵2個就仲好d, 我嗰對去到滿月後已經成日唔同時間肚餓所以要分開餵，就仲花得多時間，成日餵完一個到另一個，跟住又到返另一個b要食下一餐！泵奶雖然可請家人幫手餵，但泵奶一樣要花時間同又要洗多咗野（如果你泵得密就最好買多幾套parts)，樽餵又要掃耐d風，所以各有各難處！ 而且天氣冷真係好唔想半夜凍冰冰時起身泵奶，我而家半夜都寧願埋身餵唔泵啦！

我對孖b而家2個半月咋，我都唔知算唔算過咗最辛苦的時候，可能係我已經開始習慣咗啦，個個都話過咗三個月會好d, 我都期待緊！

你要好好珍惜陀住佢地的日子，陀b係舒服好多，乜野都有人幫你做曬又可以有好多時間休息，生咗之後你會好懷念！
私人傳訊

blueaqua


大宅

積分: 2263


8#
發表於 16-12-23 11:07 |顯示全部帖子
jaiii 發表於 16-12-21 23:42
我未生已經懷念佗住佢地既感覺，胎動真係好神奇，我知我一定唔捨得，有時仲諗到有d感觸，可能第一次做媽媽 ...

我自己一個一定湊唔掂，第一胎好多野都唔識。我有工人姐姐，加媽咪日頭過來幫手先勉強搞得掂，我放完產假返工後都唔知得返佢地2個得唔得。同埋頭一個月有日間陪月，都真係幫輕咗好多。

除咗去健康院都好少出街因為仲細，只係去過屋企附近商場行吓，用揹帶同老公一人一個都ok, 佢地出親街都好好瞓（因為抱住）。反而坐bb車會扭計喊，我諗要等佢地再大d我先可以挑戰一帶二出街！
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見