夫婦情感 今日: 0 | 主題: 42807

積分: 54

1^#

發表於 04-9-2 10:14 |只看該作者

迫婚

我同我男友拍拖了年半之後同居了一年, 未同居時我話想結婚, 佢第一年就話果年吾好, 第吾年又話未有樓點結, 家陣買左樓同左居成年又冇聲冇氣, 終於忍吾住咪問下佢啦, 佢居然話, 覺得住埋成日嗌交, 好似吾太夾, 再睇下點先啦. 我覺得佢有心拖我, 咪同佢講我今年卅五, 你仲要慢慢睇, 如果吾夾都吾會一起咁耐仲住埋一年, 真係吾夾就分手好耐啦, 佢都仲話要睇下點先, 當時我好吾開心, 就提出結婚 / 分手, 最後佢選擇結婚. 其實要我咁迫先肯結婚, 我都好冇癮.

後來佢找佢家姐朋友幫手擇日, 我們原先決定30/1/2005註冊擺酒,點知擇日個人同佢家姐講話今年吾好, 出年又吾好, 要等到2006年先得, 我聽後好吾開心, 於是叫朋友老公用紫微斗數幫我睇下, 佢睇完就話你地係夫妻命, 好夾, 想几時都可以, 完全冇問題. 但當我對我男友講時, 佢似乎半信半疑, 人地話吾好佢就信哂, 話好就吾信. 最終佢就話1/2005註冊先, 不過係揀日期註冊時, 佢又好麻煩, 吾好日又話吾好日, 好日又話太近佢自己生日, 最終又嗌交收場.

其實似乎係我一個人想結婚, 我係咪好自私呢, 呢段講結婚日子, 三日吾埋兩日就喊, 我真係好吾開心, 結婚/分手………..

私人傳訊

小路

琥珀宮

積分: 161936

好媽媽勳章醒目開學勳章畀面勳章環保接龍勳章大廚勳章

2^#

發表於 04-9-2 10:24 |只看該作者

Re: 迫婚

咁既情形，我覺得要再細心諗下仲要唔要結婚，既然你男友都唔想，都唔可以勉強，唔好為結婚而結婚，第時有乜嗌交有意見時要離婚仲煩，唔好咁執著，你自己諗下你同你男友夾唔夾先？始終結婚呢樣野要兩情相悅，大家都好需要對方之下進行好D。

私人傳訊

crystaltochan

積分: 6296

3^#

發表於 04-9-2 10:29 |只看該作者

Re: 迫婚

其實如果係我個人立場來講.....結婚是一種形式而己,問題係你男友是否真的很愛你?結婚是兩個人開開心心去搞的事,如果佢一推再推,問下自己勉強會唔會有幸福?

男人怕結婚是否對責任的逃避呢?你試下同佢好傾下,問佢究竟有乜諗法.

祝你地早日拉埋天窗!!

http://tn5.cn3.yahoo.com/image/3f7/b41fbbff9e4a8ee75e.jpeg

私人傳訊

rbaggio74

積分: 4599

4^#

發表於 04-9-2 11:30 |只看該作者

Re: 迫婚

呢D情況通常發生在一D女方漸覺年華難再的時候，但請你看真一點，這位男仕是否值得托付終生呢，如果他是真心愛你的，相信也不必等你「迫婚」吧！又或就算你迫婚成功，又是否保証婚姻美滿呢？另一問題是，你們誰是經濟支柱呢？如答案是你，那他要跟你一起的目的.....請自行判斷吧！不要為害怕單身而選摘婚姻！

親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作.

私人傳訊

積分: 54

5^#

發表於 04-9-2 11:54 |只看該作者

Re: 迫婚

你自己諗下你同你男友夾唔夾先？
>>>>大家興趣性格都很相似,冇事會是很開心的, 不過他是一個很大男人而不認自己是大男人的人, 我又不是那麼小女人的, 所以他經常對我說希望我聽哂佢話. 又經常為此嗌交.

男人怕結婚是否對責任的逃避呢?
>>>>>一路我都覺他在逃避責任,但很可笑的是, 當愛愛時, 他不想用安全措施, 就會對我說, 有了BB就結婚, 吾洗驚喎. (他真的很想要BB,不提生BB他就不想結婚了)

呢D情況通常發生在一D女方漸覺年華難再的時候
>>>>係, 我真係想係我仲有少許年華時結婚, 女人到了這個年紀, 真是差一年就差一年, 但他永遠不會明的.

如果他是真心愛你的，相信也不必等你「迫婚」吧！
>>>>我都是這樣想, 他太自私了.

你們誰是經濟支柱呢？
>>>>好采還是他, 家

私人傳訊

CarmenBeta

積分: 5646

6^#

發表於 04-9-2 12:48 |只看該作者

Re: 迫婚

[quote]
mimia 寫道:

你們誰是經濟支柱呢？
>>>>好采還是他, 家

Carmen is Mama and Beta is Papa

私人傳訊

monalam

積分: 6259

7^#

發表於 04-9-2 13:22 |只看該作者

Re: 迫婚

依家做女人真係好慘, 女人青春一去不回來, 男人還可以有型至50歲. 需說女人想結婚, 但最慘又真係愛個男人, 如果只係想結婚, 求其都搵到個啦, 但係女人們又不甘心太隋便為結婚而結婚. 男人的心態是女人年齡愈大, 手上的壔碼愈少, 男人只會一天比一天更有力量去控制女人, 當女人夢醒時, 回頭己是百年身, 女人的哀歌.

私人傳訊

WongMing

子爵府

積分: 11986

8^#

發表於 04-9-2 14:38 |只看該作者

Re: 迫婚

如果妳諗住人一世物一世,幾大就幾大嘅話,咪迫佢同妳結婚囉! 講真,邊有人想同人結婚會咁多理由,推三推4呀? 個答案都好明顯啦!

私人傳訊

麟媽媽

王國長老

積分: 89584

好媽媽勳章王國長老

9^#

發表於 04-9-2 14:52 |只看該作者

Re: 迫婚

我總覺得已同居了，男的會沒推動力去結婚的。
講真，為咩要結婚？當然係兩個人好鐘意對方，好想見到大家，想一齊生活，分享所有開心同唔開人的事。同居的生活，同結左婚的生活有咩唔同？相信唔同的地方只是沒有一紙婚書。咁樣個男人可以享有一切等同結左婚的權利，但又唔需要負上結左婚的責任，何樂而不為？

私人傳訊

Boris

複式洋房

積分: 361

10^#

發表於 04-9-2 15:05 |只看該作者

Re: 迫婚

我覺得人生無常，做人有幾多年命也不知道。既然已認定她是我下半生最重要的人，只要經濟能力許可，我寧願盡早與她一起，爭取生命中多一點與她相處的時間。

我所指的一起，不單止是一起生活（同居），更加是心靈上和形式上的最緊密最親密的聯繫，而形式上當然就是指結婚了。雖然只是形式而我和她也不介意，但那起碼是對她的家人朋友的最起碼的交待。

很多男性或者會在女性到了青春不再而提出結婚時才願意泊岸，但我則比較喜歡和我愛的人分享/共度她最美麗的一刻。試想想，當她最青春最美麗最動人的時侯，站在她身旁的人竟然是我，而我可以自豪地介紹她是我的太太... 我是多麼的幸福！

因此，我在太太二十歲時便娶了她。

我覺得，男人愛一個女人，會希望在實際可能的情況下盡早與她作心靈上和形式上的最緊密聯繫。個人認為愛包括情感上和形式上對另一個人的責任感並給予她安全感。

如果男性遲遲不願承擔責任及漠視給予女性的不安全感，那真要考慮這個男性有幾愛她的伴侶以及是否值得與這個男性建立形式上的關係，否則日後要處理的煩惱將會更多。

Blog 網址【http://hk.myblog.yahoo.com/Villanelle-Leung】
Facebook 群組【為我們的乖孩子芊柔輸送正能量，戰勝病魔！】

私人傳訊

雪兒

積分: 1038

11^#

發表於 04-9-2 16:36 |只看該作者

Re: 迫婚

totally agree with Boris
你太太一定好幸福呀

一家三口, 樂也融融, 冬天唔需穿羽絨

私人傳訊

雪兒

積分: 1038

12^#

發表於 04-9-2 16:41 |只看該作者

Re: 迫婚

mimia
可能你男友已經習慣了同居生活, 在他來說結婚與否都不是一問題, 因為你倆已經共同咁生活, 但在於女人立場, 無論係心靈上, 實際上都好需要一份安全感, 而依樣野就係婚書 ... 試下站係你男友立場諗一諗, 之後大家靜下來好好咁傾下啦 !! 若然大家係真心相愛的話, 你們一定得到美滿的婚姻 ... 努力呀

一家三口, 樂也融融, 冬天唔需穿羽絨

私人傳訊

小manman

翡翠宮

積分: 88118

13^#

發表於 04-9-2 17:32 |只看該作者

Re: 迫婚

麟媽媽寫道:
我總覺得已同居了，男的會沒推動力去結婚的。
講真，為咩要結婚？當然係兩個人好鐘意對方，好想見到大家，想一齊生活，分享所有開心同唔開人的事。同居的生活，同結左婚的生活有咩唔同？相信唔同的地方只是沒有一紙婚書。咁樣個男人可以享有一切等同結左婚的權利，但又唔需要負上結左婚的責任，何樂而不為？

我絕對認同,簡直講中哂我想講的野~~~

私人傳訊

小manman

翡翠宮

積分: 88118

14^#

發表於 04-9-2 17:38 |只看該作者

Re: 迫婚

我都好認同Boris講的野~~~
我諗每個女人聽到呢番話都會覺得好啱聽 :mrgreen:

私人傳訊

Boris

複式洋房

積分: 361

15^#

發表於 04-9-2 17:41 |只看該作者

Re: 迫婚

麟媽媽寫道:
我總覺得已同居了，男的會沒推動力去結婚的。
講真，為咩要結婚？當然係兩個人好鐘意對方，好想見到大家，想一齊生活，分享所有開心同唔開人的事。同居的生活，同結左婚的生活有咩唔同？相信唔同的地方只是沒有一紙婚書。咁樣個男人可以享有一切等同結左婚的權利，但又唔需要負上結左婚的責任，何樂而不為？

同居或者係 physically 得到和結婚一樣的權利，但係我覺得結o左婚有些很抽象很無形的權利是未結婚時得不到的 --- 認可、承諾和精神上的結合（似乎都係表達唔到我想講o既o野，唉，算啦

)。

Blog 網址【http://hk.myblog.yahoo.com/Villanelle-Leung】
Facebook 群組【為我們的乖孩子芊柔輸送正能量，戰勝病魔！】

私人傳訊

小manman

翡翠宮

積分: 88118

16^#

發表於 04-9-2 17:57 |只看該作者

Re: 迫婚

如果你都係一個拎得起放得底的人,而又係唔結婚都無所謂的人,只係打算一齊生活已經足夠,咁同居係無所謂~~~
但可惜你唔係呢種人,你係好想結婚的人,所以其實你一開始既然係打算同男友結婚,就唔應該跟佢同居~~~
因為男人同女人唔同,男人50歲都仲可以好有魅力,仲可以娶個廿幾歲的女仔,女人50歲你想像下會點,你估會唔會有個廿幾的男仔會娶你,如果真有呢個男仔,你估佢貪你乜野???真係貪你夠老咩???
男人會覺得都已經同居,同結婚有乜分別呢???男人同女人同居了,佢已經享有婚姻生活的權利,對於男人黎講係無分別架!!!所以由你肯同佢同居開始,佢根本就無左結婚的衝動,我覺得你男友一d都唔特別,因為實在好多男人都係咁,好多男人一拖再拖,就咁同女朋友同居左成10年都唔結婚~~~
其實,你年紀都唔細,你有咁的諗法一d唔出奇,我覺得你的做法都無錯,唔逼佢,佢就會一路拖落去,點解要比佢拖住你的青春呢???既然你要佢作出選擇(結婚/分手)時,佢已經選擇左結婚,咁即係佢唔想失去你,佢願意同你結婚,所以我覺得你只需要諗下係你同佢同居呢段時間裏,你同佢夾唔夾???如果夾就無謂諗咁多,最重要個結果係佢肯同你結婚,當中的過程係點無人會知,亦無需要向人交代,佢同你籌備結婚時比你的感覺好似好唔願意咁,但無人會知架,人地只會知道你同你男友結婚係一件開心事,決定左結婚就無謂諗咁多,開開心心嫁吧!!!
仲有,你一開始同你男友一齊時,你地有無溝通過有關結婚的事???有無為大家的將會計劃過呢???
我同我honey拍拖無幾耐就已經計劃結婚,我地大家都係想結婚的人,大家都唔讚成同居,我honey話既然想一齊生活,點解要同居而唔結婚呢???結婚係男人的責任,但同居就無責任可言,甚至覺得係不負責任的行為,佢話結左婚就係一家人,但同居算係乜野呢???我就覺得同居名不正言不順,蝕底既都係自己,我就唔想自己咁大年紀先嫁喇~~~

私人傳訊

積分: 54

17^#

發表於 04-9-2 19:12 |只看該作者

Re: 迫婚

真的好後悔同居,當初其實因為我自己家出了事,所以要搬出來住,那就變了同居了. 當然不可以返轉頭,那唯有面對.
年紀大了,許多事情真的不是你想怎樣做就怎樣做, 要顧慮的也實在太多,做女人真慘.
沒想到在這裡會收到大家那麼多的回應, 很多謝你們會花時間去為我作出支持及鼓勵, 你們的每一言每一語都助了我不少,當一個自己沉在谷底時,真的很需要別人分析,支持及鼓勵.

私人傳訊

Mummy

積分: 5874

18^#

發表於 04-9-2 23:30 |只看該作者

Re: 迫婚

我識得有個朋友, 比我老公同我開始得還要早, 拖也拍了十一十二年, 個男仔仲唔嗲唔吊咁, 唔知佢慘d定你慘d, 佢運第一步同居都未做到, 到最後唔知邊個提出分手啦, 知道佢地分手之後, 我地個個都好高興!! 係鄧個女仔高興, 因為佢終於肯飛呢個咁既男人, 真係睇住個女仔由一個高中生, 到變左個30歲過外既女人都仲未嫁得出, 真係好鬼肉緊兼覺得佢可憐, 所以佢地一分手, 我地真係舉腳歡呼, 未幾, 呢個女仔識到個幾好既男仔, 好快閃電地同居, 仲有埋BB之後註埋冊忝! 拍得拖耐乜進展都冇的, 只有兩個選擇, 一係分手, 一係結婚。

美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE

私人傳訊

積分: 54

19^#

發表於 04-9-3 10:37 |只看該作者

Re: 迫婚

世事難料, 當我尋晚打算執包袱走時, 佢就拎野比我睇, 原來呢兩日我吾啋佢時; 佢都有上網及打電話找了一些酒店酒席資料並定左日期係30/01/2005註冊擺酒 (呢個日期係我地最先定

私人傳訊

Sweetsoul