2017年媽媽會今日: 0|主題: 1847

收藏本版

發帖

返回列表

跳至頁

查看: 786 | 回覆: 10

[2月] 2月5日 38W5 廣華B女 [複製鏈接]

Jebear

別墅

積分: 810

1^#

發表於 17-2-25 00:46 |只看該作者 |倒序瀏覽 |打印

家姐出世有打生產經歷，妹妹都做返個留念啦！
今次慳啲，去廣華生，留返啲錢俾佢地教育基金。
2月5日星期日零晨，又係半夜肚痛，起身去vv有小量見紅，由隔10分鐘痛左幾次，好快就大約6分鐘，起身沖涼食啲麵包，check埋家姐星期一長假期後書包，便叫醒C6, 爸爸馬上跳起身換衫梳洗，立即出門口。
去到廣華約7:30，於急症室旁有個入院窗口辦理入院手續，記住兩個都要帶身分證。
邊行去搭(emoji)又陣痛，工友帶上到9樓產前房做簡單檢查同換衫，只留下尿片衞生巾廚房紙等用品，其他貴重物品電話C6帶走，走佬袋可鎖在大櫃。
去產前房pack機check胎心同宮宿，一入到去已經有位媽媽叫到拆天，原本有經驗好定，點知完全俾佢叫到心都慌哂，大約8am多啲醫生巡房手探，仲話未有度數宮頸好軟，姑娘話detect唔到宮宿！叫我出去同老公傾兩句繼續等定返去先，一見到C6已忍唔住喊。返入去可以食早餐，邊食邊痛，食完後訓低休息，陣痛加劇，已每幾分鐘痛一次，痛到忍唔住「啍」左出來，姑娘馬上跑入來問咩事？咁突然？一睇已經穿水，馬上幫我打電話call C6返來陪產。
推過產房大約9點，問姑娘有冇笑氣，話生喇唔好聞到暈哂喇（我諗咩情況都係咁答），跟住我已經勁痛，感覺妹妹不斷向下湧，好似想湧出來咁，姑娘話等唔再C6就唔好開始等生喇，原來C6已經到左，幾經努力，終於半個鐘出左來，重3.35kg. 今次冇剪，但連針比起家姐時名醫手勢一定有分別啦，整個生產過程兩小時都冇，仲快過第一胎係私家有落藥。
等左好耐過產後房，守衛深嚴，限時間人數探訪，早左到或剛生完而留低得耐親屬一概被叫要離開，但整體環境膳食良好，所有姑娘均有善及非常鼓勵人奶，$250埋單！可以去私家生二百次！但因餵人奶關係，好易出院時磅數不足，但為BB好嘅，媽媽辛苦啲都值得嘅。