興趣嗜好

跳至

首頁
23456...32

尾頁
   6


大宅

積分: 1958


發表於 17-3-19 16:45 |顯示全部帖子
睡至好夢正酣, 忽聞手機鈴聲大作, 準備接聽, 對方卻掛了線, 明顯是搭錯線.

一時忘記滅聲就有來電, 想瞓多陣都唔得.
春有百花秋有月, 夏有涼風冬有雪, 若無煩事掛心頭, 便是人間好時節.


大宅

積分: 1958


發表於 17-3-20 08:58 |顯示全部帖子
自從知道有機構巧立名目, 藉著大眾嘅捐款而從中斂財, 呢幾年我已經鮮有捐款, 尤其是街頭募捐, 包括賣旗籌款活動, 總會敬而遠之.

以前只會喺星期六, 而家連星期三都有, 真係咁多機構等錢用咩?

以前只會用中學生, 而家唔只出動老人家小學生, 連幼童傷殘人士都唔放過.

以前有指引唔准騷擾排隊候車嘅乘客, 而家周不時見到售旗人士由龍頭掃到龍尾, 根本冇得避.

以前募捐嘅機構來去幾間, 都算係熟口熟面, 而家好多聽都未聽過, 有咩服務做啲咩, 完全一無所知.

可能就係因為太濫, 令我失去咗一份熱情, 以往樂於掏錢出嚟嘅舉動, 漸漸變得一毛不拔.

所以而家離遠見到賣旗者, 我都避之則吉運路行, 避無可避就藉詞冇零錢. 唔係吝嗇一角幾毫, 只係唔想支持偽善機構.

不過對於某幾個我認為係正氣嘅團體, 如咁啱被我遇上, 我都唔介意破例嘅.


** 以上純屬個人觀感, 樂善好施者, 切勿受影響.


春有百花秋有月, 夏有涼風冬有雪, 若無煩事掛心頭, 便是人間好時節.


大宅

積分: 1958


發表於 17-3-21 16:40 |顯示全部帖子
狗狗一向饞嘴, 乜都食, 除咗狗糧.

唔知係咪年紀大, 知道食一餐就少一餐, 所以近來佢連狗糧都食到津津有味, 有時甚至會趁我哋將狗糧倒落兜時嚟搶食, 阻都阻唔住. 以前邊度會㗎啫, 送到埋口都吐出嚟.

對狗糧尚且咁擒青, 其他食物更加唔在講, 我哋一開餐, 佢自然識埋位.

當家講笑話狗狗成日同佢爭食, 分薄晒, 搞到冇啖好食喎. 喂, 你都話唔夠食, 咁我咪仲陰功, 幾乎連白飯都要畀埋佢咁滯.

其實狗狗咁為食, 係一種福氣, 證明佢身體健康. 想當初佢大病時, 冇晒胃口, 乜都唔肯食, 連平時最鍾意嘅零食餵埋入佢口都唔願咬, 其餘更加掂都唔掂, 令我哋擔心不已.

所以, 我樂於見到佢繼續饞嘴下去, 只要肯食, 我就感安慰.
春有百花秋有月, 夏有涼風冬有雪, 若無煩事掛心頭, 便是人間好時節.


男爵府

積分: 6006


發表於 17-3-21 16:51 |顯示全部帖子
呢個post係日記黎?


大宅

積分: 1958


發表於 17-3-22 09:08 |顯示全部帖子
本帖最後由 cforchat 於 17-3-22 09:15 編輯

我幾信奉佛教嘅理念, 但唔算虔誠, 既冇正式皈依, 又未能吃全素, 甚至間中亦會殺生.

雖然距離一個真正佛教徒要奉行嘅清規戒律仍然好遙遠, 不過如能力所及的話, 我都盡量跟隨.

聽講如對往生者唸佛號, 可幫助佢超渡, 令之早登極樂. 所以每逢喺街上見到一啲曾經係生物嘅屍體, 例如蟑螂老鼠蝴蝶雀鳥各類昆蟲等等, 我都會唸一句阿彌陀佛, 希望佢哋早得超渡.

一次喺山郊野外, 霎眼間見到地下一堆疑似被踩扁雀鳥嘅屍體, 我輕嘆一聲跟住唸阿隬陀佛, 當家問我超渡咩, 我指住嗰堆物體, 佢望咗一陣, 叫我睇真啲......

我啋!!!!! 原來係米!田!共!
春有百花秋有月, 夏有涼風冬有雪, 若無煩事掛心頭, 便是人間好時節.


大宅

積分: 1958


發表於 17-3-23 14:19 |顯示全部帖子
檢查衣服口袋準備投入洗衣機, 見到外套胸口處貼咗一張旗紙, 我諗起早排一時不慎中咗招.....

當日出門後, 我已經眼看四面耳聽八方, 睇吓有冇賣旗黨集結喺街口, 聽吓有冇唔該幫我買支旗嘅喊聲.

係見到有路人衣服貼有旗紙, 但我所經之處一個賣旗者都冇, 心諗一定係時運高遇唔上, 好咯, 今日唔駛玩捉迷藏遊戲.

冇驚冇險打道回府, 距離住處不遠, 被商店前嘅貨品吸引視線, 本來諗住入內細看, 轉念一想都係喺門口睇吓算嘞.

正想轉身離開, 身都未移正, 耳邊已傳來一把童稚聲音 : 小姐, 唔該買支旗吖..... 個吖字都未講完, 我嘅神亦未歸位, 小手已伸向上將旗紙貼上外套胸前位, 殺我一個措手不及.

我好大細超, 通常避無可避, 又被學生捉到正嘅話, 好少可會拒絕, 除非真係冇零錢或兩手攞住嘢唔專登騰出手摷錢, 否則都會乖乖將錢入落錢袋. 冇法啦, 鬼叫我學生時代都賣過旗咩, 梗有啲偏心㗎嘞. 呢次亦唔例外, 將錢入落追上前來應該係小女孩媽媽所提嘅錢袋內, 好明顯係小女孩一見目標就衝前先插旗才後數, 難怪媽媽氣喘吁吁啦.

唉, 如果剛才入咗商店, 咪唔駛遇上小女孩囉, 又如果唔駐足睇嘢直接歸家, 咪可以逃過一貼囉, 估唔到一時大意放下戒備就出事.

剛才入錢時, 都冇留意邊個團體籌款㖭, 睇吓張旗先.... 嗱! 唔好話畀我知係一啲唔知做乜嘅機構呀吓, 我會揼多兩搥心口㗎.

好在係學生社, 唔算不知名, 至少吾兒曾經受惠過佢哋嘅服務.

心口總算逃過一劫, 一額汗!


春有百花秋有月, 夏有涼風冬有雪, 若無煩事掛心頭, 便是人間好時節.


大宅

積分: 1958


發表於 17-3-24 10:44 |顯示全部帖子
本帖最後由 cforchat 於 17-4-1 11:25 編輯

豆苗喺眾多蔬菜中口感幼嫩, 當造時間短, 又乾身輕秤, 所以價錢較其他為貴.

當大部份菜檔最便宜都賣十蚊半斤嘅同時, 我見到有一菜檔賣緊十五蚊兩斤. 嘩! 加多五蚊就買多三倍份量, 仲唔嗱嗱聲認購兩斤咩.

苗者, 嫩也! 我諗差極都有個限度, 所以都冇去深究品質, 反正外表相差無幾.

可是呢, 又一次證明平嘢多數唔慌係好嘢嘅定律, 呢批平貨, 應該唔係同一個阿媽所生. 因為我取一部份用嚟清炒, 唔只唔嫩, 梗部份又嚡又硬, 極難吞下, 食到我死死吓.

由於豆苗唔係大棵, 好多時都係原棵煮, 好少需要摘. 有見咁難骾, 唯有切碎先至落鑊, 再唔係索性將原棵以炆嘅方法烹煮, 經過長時間將之煮至軟腍, 入口至較為順口, 不過肯定乜營養都冇晒.

豆苗多數用嚟清炒上湯燴, 應該冇人好似我咁會炆豆苗. 冇法啦, 兩斤可以食幾次喎, 唔通扔掉咁嘥咩, 咪要用非一般煮法囉.

難怪買嘅時候冇出現瘋狂搶購場面, 唔知係師奶們識貨, 定係佢哋都領咗嘢.
春有百花秋有月, 夏有涼風冬有雪, 若無煩事掛心頭, 便是人間好時節.


大宅

積分: 1958


發表於 17-3-24 11:33 |顯示全部帖子
檸檬茶嘅廣告歌好好聽, 事隔三十年, 間中都會睇返段片乘機聽埋歌.

歌者把聲好清新, 估唔到今時今日至嚟追尋真正主唱者誰屬.

如果唔係發生今次事件, 我一直以為係張德蘭所唱, 誰不知原來另有其人.
春有百花秋有月, 夏有涼風冬有雪, 若無煩事掛心頭, 便是人間好時節.


大宅

積分: 1958


發表於 17-3-25 13:30 |顯示全部帖子
細個嘅時候, 每逢聽到父母談及某某長輩過身, 都唔會有乜反應, 一來唔係成日見面, 二來得嗰十歲八歲人仔, 邊度識咁多吖, 只係知道佢哋已離開世界, 以後唔會再見到.

對我嚟講, 長輩離世, 悲傷難過嘅應該係大人們而唔係我, 話晒佢哋認識嘅時間比我耐.

隨住年紀漸長, 與長輩接觸嘅機會亦較多, 雖然都唔算太熟, 至少知道邊個打邊個. 所以, 當偶然聽到某長輩辭世嘅消息, 開始會識得感慨.

除咗感慨之外, 冇乜特別感覺, 畢竟父母仲好後生, 朋友仲好年輕, 呢啲同我最親近嘅人有排都未老.

近幾年間, 陸續傳來認識嘅人離世消息, 當中有老有少, 有壽終正寢者, 有猝然而逝者, 有細菌感染者, 有長期病患者...

我不得不醒悟.....

原來, 死亡, 看似那麽遠, 卻近在咫尺.

原來, 死亡唔係老人家嘅專利.

原來, 年紀愈大所要承受失去至親嘅痛亦愈多.

春有百花秋有月, 夏有涼風冬有雪, 若無煩事掛心頭, 便是人間好時節.


大宅

積分: 1958


發表於 17-3-26 10:43 |顯示全部帖子
現今樂壇, 雖然依舊有新人湧現, 但能夠叫得出名字嘅寥寥無幾, 更遑論佢哋唱過咩歌曲. 數數手指, 經已好多好多年未睇過任何音樂頒獎典禮, 所以略有印象嘅, 只得幾個而家仲活躍於樂壇, 算係前輩嘅歌手.

對於我呢啲老鬼嚟講, 最懷念嘅始終係上世紀嘅歌星, 每人都具獨有風格, 每人唱功都真材實料, 粒粒都係巨星, 就算未能喺頒獎禮分得一杯羮嗰班, 依然有佢哋好聽嘅歌. 所以當時嘅樂壇百花齊放欣欣向榮, 令樂迷耳福不淺.

或者就係為咗遷就老一輩如我嘅口味, 好多已退出好多年嘅歌星紛紛被邀出山, 讓我哋又可緬懷一番.

對於上世紀嘅歌, 好多已植入於腦, 就算已好耐未聽過, 但當音樂響起, 就知道係邊一首, 自然地就朗朗上口跟住唱. 父母成日揶揄我, 書本內容又唔見咁上腦, 嘻嘻, 係囉, 又冇刻意記歌詞, 唔明點解咁多年仲記得.

每一位歌星, 都有好多好受歡迎亦好好聽嘅歌, 我比較另類, 最最最鍾意嗰啲未必係最流行, 但喺我排行榜就排首位, 如多過一首就雙冠軍或三冠軍, 唔會有亞軍, 因為除去最鍾意, 次鍾意嗰啲全部排名不分先後.

首先係張學友, 因為剛剛才聽過.....

雙冠軍 : "仍是會喜歡你", "沉默的眼睛"


春有百花秋有月, 夏有涼風冬有雪, 若無煩事掛心頭, 便是人間好時節.


男爵府

積分: 6989


發表於 17-3-26 11:12 |顯示全部帖子
cforchat 發表於 17-3-20 08:58
自從知道有機構巧立名目, 藉著大眾嘅捐款而從中斂財, 呢幾年我已經鮮有捐款, 尤其是街頭募捐, 包括賣旗籌款 ...

我也是一樣, 近十年八年, 平日週未也都變成 "一毛不拔" 的人了.
只是遇大事時, 一次過捐去大機構.


大宅

積分: 1958


發表於 17-3-27 08:46 |顯示全部帖子
回覆 QQee 的帖子

大機構會較為信得過.
不過如可以的話, 我係想直接捐款畀當事人.
春有百花秋有月, 夏有涼風冬有雪, 若無煩事掛心頭, 便是人間好時節.


大宅

積分: 1958


發表於 17-3-27 08:52 |顯示全部帖子
特首選舉終於告一段落, 勝出者似乎係眾望所歸, 以大比數拋離競爭對手.

寄望新班子有一番新作為, 帶領人民邁向繁榮安定嘅新景象.
春有百花秋有月, 夏有涼風冬有雪, 若無煩事掛心頭, 便是人間好時節.


大宅

積分: 1958


發表於 17-3-28 10:18 |顯示全部帖子
慚愧! 居然漏咗張學友其中一首我第一次聽已經愛上嘅"絲絲記憶"㖭, 因此最愛排行榜由雙冠軍變為三冠軍.

不過又難怪會忘記嘅, 始終唔係成日聽, 霎時間未必記得起, 要再次聽到, 先至會醒起係喎, 原來仲有呢首喎, 所以日後要更改排行榜嘅機會都好大.

講起張學友嘅歌, 我有位朋友勁鍾意佢其中一首歌, 誇張到專登搵人將首歌錄製落一張唱碟內, 方便佢唔駛成日㩒返前掣, 可以由頭到尾聽住同一首歌.

令佢瘋狂愛上嘅歌就係"每天愛你多一些".
春有百花秋有月, 夏有涼風冬有雪, 若無煩事掛心頭, 便是人間好時節.


珍珠宮

積分: 37169

2019新春慶豚圓 2019勳章 2018父親節勳章 2018復活節勳章 親子王國15週年勳章 親子王國15週年勳章 畀面勳章 BK Milk勳章


發表於 17-3-28 11:53 |顯示全部帖子
我都覺絲絲記憶 好聽
萬般帶不走,唯有業隨身


大宅

積分: 1958


發表於 17-3-29 08:20 |顯示全部帖子
回覆 ic34 的帖子

畀個5我.....
春有百花秋有月, 夏有涼風冬有雪, 若無煩事掛心頭, 便是人間好時節.


珍珠宮

積分: 37169

2019新春慶豚圓 2019勳章 2018父親節勳章 2018復活節勳章 親子王國15週年勳章 親子王國15週年勳章 畀面勳章 BK Milk勳章


發表於 17-3-29 09:30 |顯示全部帖子
cforchat 發表於 17-3-29 08:20
回覆 ic34 的帖子

畀個5我.....
5
萬般帶不走,唯有業隨身


大宅

積分: 1958


發表於 17-3-29 09:48 |顯示全部帖子
每逢傷風感冒, 最怕翌日要返工, 因為食咗藥會好眼瞓, 起身嗰下甚艱巨, 回到公司似遊魂. 冇嘢做還好, 可以呆呆滯滯坐喺度唔駛用腦, 有嘢做就慘嘞, 要強撐起來頻頻撲撲, 辛苦到呢.

又黑仔喎, 次次病親都咁啱要返公司處理一啲事項, 假手於人唔係唔得, 但麻煩到人之餘我亦唔太放心, 所以十次有八次都要死死氣返工.

為咗令藥力快啲散, 所以前一日都會好早食藥瞓覺, 爭取多啲時間休息, 希望第二日會冇咁攰, 不過冇乜大作用.

雖然而家冇做嘢, 不過分別唔太大, 睏極依然要一早起身煮早餐, 依然要去街市買餸煮飯, 如冇特別事要處理, 就可以小睡一會.

本來, 如果唔駛帶狗狗散步, 小睡可以變中睡, 不過見天色明朗藍天白雲, 我唔忍心為咗一己私睡讓狗狗整日沒精打彩趴於地上悶悶不樂, 所以睏極都拖著半死身軀, 帶狗狗出外追逐於陽光中.
春有百花秋有月, 夏有涼風冬有雪, 若無煩事掛心頭, 便是人間好時節.


大宅

積分: 1958


發表於 17-3-30 16:10 |顯示全部帖子
與t識於微時, 曾經一齊讀書, 一齊工作, 感情要好, 無所不談.

後來先後離開公司, 各自出外另闖, 間中亦有聚會, 一直保持聯絡.

自從佢嫁到外國, 雖然偶有書信來往, 始終天各一方, 佢有佢嘅生活, 我有我嘅忙碌, 通訊又未如今日般發達, 自然地感情漸漸淡下來.

若干時日後, 大家再無聯絡, 當某一天想再聯絡時, 發覺舊有通訊已不適用.

十幾廿年過去, 偶然都會想起佢, 嘗試透過面書搜尋, 可惜遍尋不獲.

直至一次, 共同嘅其中一個朋友發現t曾經捎過一封電郵, 留下咗聯絡電話, 大家即刻急不及待與之聯絡.

我二話不說留言同t打招呼, 佢亦好快傳來一張全家福相片, 佢嘅樣冇乜點變.

相逢後, 我與t同埋另一位共同朋友, 開咗個談話群組, 三個婆仔日日一有時間就喺度車天車地, 乜都講一餐. 我曾經擔心, 日日係咁講, 未來要講足幾十年, 唔知會唔會塞爆群組呢.

期間, t幾次問我攞相, 唉, 你估我好似你哋咁, 隨時可以拎出十張八張相片咩, 我平時都唔鍾意影相, 邊有相喎, 即時自拍效果又唔靚, 咁耐冇見, 我梗係想將最靚嘅一面示人㗎嘛. 得得得, 日子流流長, 有拖冇欠, 總有一日影幀沙龍畀你睇.

一日夜晚, 我哋三人如常閒話家常, t忽然傳來一段文字, 內容大意係話佢平時教仔女唔好同陌生人講嘢, 估唔到自己居然同陌生人講嘢, 跟住拜一聲就離開咗群組.....

初時見到段文字, 我以為佢想分享教兒心得, 但係睇埋佢道別, 跟住離開, 我先至會意過來, 原來佢畀說話我聽, 佢認為我遲遲唔畀相佢, 係屬於陌生人, 所以唔再同我呢個陌生人講嘢.

群組另一朋友見到段文字都打個突, 佢話就算唔畀相都係好小事, 唔需要咁大反應.

當下, 我個心好難受, 唔明點解一分鐘前仲傾得好好的, 一分鐘後就反面走人, 之前毫無先兆, 只為一個莫須有嘅理由就抹殺咁多年嘅友誼.

於是, 我寫咗段文字畀佢, 話佢知, 同佢再重聚, 係全年最開心嘅事, 既然佢唔想繼續, 我亦唔勉強, 保重!.... 跟住就熄機瞓覺.

翌日一早, 見到佢回覆, 佢話識好多朋友, 冇一個好似我咁樣對待佢, 多謝我喎...... 我以為過咗一晚冷河, 會緩和佢一時嘅衝動, 點知仲變本加厲責怪我.

唔通冇相就唔係朋友?
如果係朋友, 係咪應該尊重一下我唔鍾意影相嘅性格?
正如我問你一啲嘢你都吞吞吐吐唔答我啦, 唔通我又話你唔夠朋友喇喎?
大家又唔係未見過面, 來去咪又係咁嘅死樣, 最多都係添咗幾條皺紋多咗啲老人斑啫, 點解咁執意要睇近照? 睇到又點, 睇唔到又點呢?.....

我唔想你一句我一句好似罵戰, 話不投機半句多, 所以冇再畀任何回應, 即時封鎖佢就算.

到咗中午, 共同朋友話t搵我, 想同我傾, 我話冇嘢好講, 並叫朋友唔好夾喺中間, 以免難做.

原來t有打電話畀我, 不過因為係外國來電顯示, 所以被我電話嘅功能截住, 佢留咗言, 話打咗幾次都搵唔到我, 又問我嬲完未, 佢知道自己傷害咗我....

除咗留言, 佢又用其他人電話聯絡我, 想與我和解, 問我可否當咩事都冇發生過.......

其實, 當聽到佢陰聲細氣留言問我嬲完未, 我已經唔再嬲嘞. 但係, 唔嬲係一回事, 同佢和好又係另一回事. 佢咁情緒化, 難保類似情況唔會再發生, 我怕怕, 唔想又成為無理取鬧嘅對象.

以前年少氣盛, 間中有拗撬唔出奇, 嚟到呢個年紀, 又咁耐冇見, 我以為大家應該好珍惜呢段友誼, 畢竟相隔異地, 能見面嘅次數可能在倒數中, 點知全是我一廂情願, 人家根本大把朋友, 唔在乎少我一個.

我同吾兒與當家提過件事嘅始末, 吾兒問我喺邊度識啲咁嘅人. 當家就話, 始終咁耐冇聯絡, 好難回到從前.

我仲喜孜孜以為, 呢段友誼能存在於過去現在將來, 實在難得, 估唔到只維持短短個多月就劃上句號.

最近, 共同朋友聯絡我, 話t返咗嚟, 想約我出嚟聚舊, 我婉拒咗. 既然唔想再有任何連繫, 再見亦冇意思.

曾經, 都憧憬過大家聚首一堂嘅情景, 可惜情懷不再.

點評

ic34    發表於 17-3-31 17:14
春有百花秋有月, 夏有涼風冬有雪, 若無煩事掛心頭, 便是人間好時節.


大宅

積分: 1958


發表於 17-3-31 09:09 |顯示全部帖子
天文台預警, 將會有狂風雷暴, 我都要及早做定防瘋措施.

每逢行雷閃電狂風大雨, 狗狗就會發癲, 佢會咬爛及抓爛所有能觸及嘅紙類膠袋類等物件, 搞到內裡嘅東西全部被破壞, 如屬流質嘅就瀉滿一地, 亦會弄污佢全身. 屋企有人就可以及時制止佢行兇, 假如冇人喺度安撫佢, 咁就大鑊嘞, 門開處滿目瘡痍, 嗰種震撼, 非筆墨所能形容.

出門前如遇狂風暴雨, 簡直寸步難移, 因為佢會趁你開門時衝出. 喺佢角度, 狂風暴雨來自家中, 所以要不惜一切衝出屋外以求脫險. 一旦佢有咁嘅念頭, 我哋就唔駛旨意踏出家門半步, 除非有另一人可以捉住佢, 如只得一人的話, 根本冇辦法與佢角力, 以免因佢狂性大發而被咬. 吾兒試過因為係最遲出門嘅一個, 結果無法脫身要曠課.

好嘞, 就算全家人安全出到外, 都會提心吊膽唔知佢點情況. 每逢聽到一次雷聲, 我個心亦會跟住怦一聲, 想像佢一定又周屋搵嘢咬搵嘢抓嚟發洩內心嘅恐慌, 唔知又有幾多樣嘢要遭殃.

而家我冇做嘢, 當家與吾兒都好放心, 有我睇住, 狗狗發狂嘅情況就大大減低. 如果任佢周圍騰, 點都定唔到落嚟, 但係將佢困入房, 有人陪喺身邊, 就算外面依然狂風大作大雷大雨, 佢都會乖乖趴下, 停止任何瘋狂行徑.


春有百花秋有月, 夏有涼風冬有雪, 若無煩事掛心頭, 便是人間好時節.

首頁
23456...32

尾頁

跳至
你需要登錄後才可以回帖 登入 | 註冊