韓國tvN電視台去年12月播出嘅韓劇《鬼怪》講述不死嘅鬼怪一直尋找鬼怪新娘,劇集創收視神話,同時令劇中一眾主演人氣急升。事隔近半年,tvN再推以「神」、「人類新娘」為主題嘅新劇《河伯的新娘2017》,未知可唔可以有好成績呢?
劇組今日公開新預告片,於劇中飾演水神河伯嘅南柱赫,以古裝look現身,用低沉嘅聲線表示:「我係水國嘅王河伯。」雖然只得幾個鏡頭,不過都令人聯想到《鬼怪》中孔劉嘅古裝look。
而《河伯的新娘2017》講述唔小心墜落地球嘅水神河伯(南柱赫飾),跟人類神經外科醫生素兒(申世京飾)相戀,後來成為河伯的新娘嘅故事。
資料提供:蘋果即時娛樂