自由講場今日: 4583|主題: 1300516

收藏本版

發帖

返回列表

跳至頁

查看: 1193 | 回覆: 8

暑假活動經驗分享 [複製鏈接]

mrs.ban

大宅

積分: 2025

1^#

發表於 17-6-16 13:32 |只看該作者 |倒序瀏覽 |打印

本帖最後由 mrs.ban 於 17-6-16 13:32 編輯

Hello，係我啊~~~

好耐冇開post喇，請原諒我太忙，而令到我個留學post已經石沉公海左...

Any肥，今次開post係想些牙一下我自己嘅暑假經驗，或者可以幫到一啲暑假唔知做咩好嘅小朋友，同埋一啲唔知安排咩活動好嘅媽媽們

1. UNICEF

其實UNICEF有好多唔同嘅活動俾小朋友參加，我自己當年就係參加左佢地嘅青年大使，我覺得呢個活動係非常、非常、非常值得去參加

每年10月左右，佢地就會開始收報名表，小朋友除左要填報名表之外，係要連埋一篇作文一齊交，每年題目都唔一樣，係啲例如你想自己有咩改變、你覺得兒童有咩權利一類嘅題目

當pass左第一關之後，就會安排小朋友去interview，我當年係interview兩次，第一次係要見佢地嘅mentor同埋啲青年大使師兄師姐，第二次係去總部見UNICEF嘅高層

好誇張下可?!

我明嘅，我都係咁諗，邊有活動要小朋友interview兩次，又要作文，咩活動咁巴閉

請各位家長聽我講埋落去...

首先呢個活動為期一年，費用係全免嘅，一年內嘅所有活動同訓練(包括camping、義工、義賣etc)全部費用都係UNICEF負責，而當小朋友pass左所有嘅training同出席率足夠時，係第二年暑假，係可以跟UNICEF一齊出field trip嘅!!

YES!!! 冇睇錯!!! 係field trip!!! 費用當然都係免費!!! 呢個field trip唔同我地中學geography去長洲，而係講緊去其他國家，去其他嘅UNICEF分站，去睇下呢個世界發生緊咩事

想當年，我係獲派去剛剛海嘯後一年嘅印尼，有份去參與佢地嘅重建工作，探訪當地嘅孤兒、愛滋病小朋友，而呢個trip對我黎講係好shocking，好影響到我日後嘅性格、待人處事嘅態度，真係錢都買唔到架...

當年我地一班青年大使由於經歷太過特別、感受太深，過左10年喇，到而家都係好好嘅朋友，成日都會見面，仲會成日想當年添~

不過唔知點解，呢個活動唔係好多學校有宣傳，所以好多學生都唔知，各位媽媽不妨同小朋友講下，可以試下報黎緊一屆嘅青年大使玩玩

by the way~ 除左青年大使之外，UNICEF旗下仲有好多好多活動俾小朋友參加嘅，例如Voices of Youth咁，大家都可以上去website度睇睇架~~

打到攰，明日再續我下一個介紹~ 如果有人想睇的話...