想生BB 今日: 0 | 主題: 109563

積分: 989

1^#

發表於 17-11-9 21:41 |只看該作者 |倒序瀏覽 |打印

本帖最後由 441975 於 17-11-10 00:13 編輯

[壓力爆煲，不便與親友提及，需要傾訴一下，不喜勿插，謝謝]

配合中醫食療紅d量體溫食排卵藥，C6驗精冇問題，試左年半都唔成功，cycle依然唔穩定，35-48日不等，上個月去養和睇醫生準備鋪定條路做IVF，做咗陰超醫生話我庫存應該OK唔使再驗血，叫我今次cycle之後食多三個月排卵藥都唔得，經濟上許可就直接IVF

近呢2個月飲雞精幸運地tune返個cycle去29-30日；平時手腳冰冷，今個cycle keep 住個人暖笠笠，見到前日(排後第7日)降溫尋日升返以為有機會，點知今朝再跌溫，個人feel到好凍，心情同個體溫一樣，又失望一次。

份工做咗好多年，工作壓力大又夜收工，有時要出trip，返到屋企或者放假都好攰，完全冇心機做功課，Check到排卵期都係強逼自己放鬆去做，亦都怕比到壓力C6。

雖然C6都想有小朋友，99又成日催，不過C6好似feel唔到個urgency; 佢有同我一齊聽醫生講解IVF，但係我知道佢唔太贊成(因為價錢貴&成功率低)，如果真係要做都會係我俾錢(現時佢失業半年暫時負擔唔起)。

我可以負責出錢出力，亦都預計到嚟緊生理&心理上要承受嘅巨大壓力，同埋未來經濟上我要負擔小朋友大部分嘅洗費。不過見到佢現時嘅態度真係令我有啲灰心，佢冇積極搵工淨係掛住打機瞓覺，半年以黎冇見過一次工，隔2個星期問下佢進度俾d鼓勵佢，佢就唔太高興語氣好掘＂知啦得啦＂，點解好似淨係得我去為呢頭家嘅未來緊張。。

C6本身係一個好男人(除咗冇乜上進心同埋計劃)，對我好好會照顧我亦好痴家，會幫吓手做家務，亦會煮飯俾我食。某程度上我明白C6冇乜人生規劃嘅行為其實顯示而家未必係一個生小朋友嘅good timing，但係年紀漸大其實無辦法再拖。。。

好無奈，好似只有自己一個努力緊，心酸。一直都唔成功，其實係咪連個天暗示未係時候

0 0 0

私人傳訊

AAV

男爵府

積分: 5391

2^#

發表於 17-11-9 22:41 |只看該作者

441975 發表於 17-11-9 21:41
[壓力爆煲，需要傾訴一下，不喜勿插，謝謝]

配合中醫食療紅d量體溫食排卵藥，C6驗精冇問題，試左年半都唔 ...

我覺得，你要接受到老公一直唔做野或者你負責擔起頭家，又或者離婚都無所謂先好繼續試。

私人傳訊

Yes_Mom

男爵府

積分: 5135

3^#

發表於 17-11-9 22:57 |只看該作者

回覆 AAV 的帖子

同意

私人傳訊

Manmanman12345

積分: 4546

4^#

發表於 17-11-9 22:59 |只看該作者

441975 發表於 17-11-9 21:41
[壓力爆煲，需要傾訴一下，不喜勿插，謝謝]

配合中醫食療紅d量體溫食排卵藥，C6驗精冇問題，試左年半都唔 ...

好明顯你思想成熟過你c6，c6只係個小朋友，只要你ok 咪go ahead 做IVF

點解你話IVF 成功率低？都有40%咼

私人傳訊

Leira

積分: 1504

5^#

發表於 17-11-9 23:01 |只看該作者

441975 發表於 17-11-9 21:41
[壓力爆煲，需要傾訴一下，不喜勿插，謝謝]

配合中醫食療紅d量體溫食排卵藥，C6驗精冇問題，試左年半都唔 ...

加油，做ivf是兩個人共同進退的事，如果無老公支持，我覺得你會好孤單好辛苦，希望你有機會同c6一齊商量，達到共識會較好。

你將會找哪一個醫生？

私人傳訊

coiecheung

積分: 1324

6^#

發表於 17-11-9 23:25 |只看該作者

441975 發表於 17-11-9 21:41
[壓力爆煲，需要傾訴一下，不喜勿插，謝謝]

配合中醫食療紅d量體溫食排卵藥，C6驗精冇問題，試左年半都唔 ...

其實呢度好多jm既c6都係懶懶閒唔理架，包括我c6都係咁，我c6都係踢一踢先郁，咪唯有成日同c6傾，佢覺得煩都唔理啦！因為時間唔等人，所以你要繼續努力嘗試呀！

私人傳訊

積分: 989

7^#

發表於 17-11-9 23:41 |只看該作者

Manmanman12345 發表於 17-11-9 22:59
好明顯你思想成熟過你c6，c6只係個小朋友，只要你ok 咪go ahead 做IVF

點解你話IVF 成功率低？都有40%咼 ...

因為醫生都有比定心理準備我哋唔係一次OK，累積再試幾次嘅話都係一個洗費。。所以佢想一次就成功嘅心態覺得成本高機會低。。

私人傳訊

積分: 989

8^#

發表於 17-11-9 23:47 |只看該作者

Leira 發表於 17-11-9 23:01
加油，做ivf是兩個人共同進退的事，如果無老公支持，我覺得你會好孤單好辛苦，希望你有機會同c6一齊商量， ...

謝謝你嘅鼓勵，我都有心理準備要付出多d心血，亦唔太介意邊個付出多啲或者少啲，佢對我嘅好足以彌補，如果精神上都有多啲支持就更加好。。我上次睇嘅係駱醫生

私人傳訊

積分: 989

9^#

發表於 17-11-9 23:55 |只看該作者

AAV 發表於 17-11-9 22:41
我覺得，你要接受到老公一直唔做野或者你負責擔起頭家，又或者離婚都無所謂先好繼續試。 ...

我諗佢又未至於唔再做野掛，畢竟大家都係30幾歲，始終仲有排要生活。。我從來都冇諗過要離婚，畢竟結婚之前都知道大家性格係點，對工作方面唔太有上進心或者野心係一直都知道嘅事，只係冇諗過佢有意轉工一辭咗職之後竟然會拖左咁耐。。
而家生活上基本開支佢都仲會一手搞掂，我亦都冇插手去幫，我都怕一出手佢會更加懶懶閑

私人傳訊

積分: 989

10^#

發表於 17-11-10 00:04 |只看該作者

coiecheung 發表於 17-11-9 23:25
其實呢度好多jm既c6都係懶懶閒唔理架，包括我c6都係咁，我c6都係踢一踢先郁，咪唯有成日同c6傾，佢覺得煩 ...

我都有時不時踢下佢，踢完之後佢會一個禮拜send一兩次CV。又同佢研究下係因為乜嘢原因一個面試嘅機會都無，不過佢都唔係太肯討論，有時嬲嬲地喺度諗係唔係要我幫佢改過份CV幫佢搵埋send埋先得，但係我覺得呢啲始終係本人應該有嘅責任，唔想做埋呢啲好似阿媽教仔嘅行為。。勁無奈。

私人傳訊

Leira

積分: 1504

11^#

發表於 17-11-10 00:36 |只看該作者

441975 發表於 17-11-9 23:47
謝謝你嘅鼓勵，我都有心理準備要付出多d心血，亦唔太介意邊個付出多啲或者少啲，佢對我嘅好足以彌補，如果 ...

很佩服你的決心和勇氣，我剛剛35，但亦不及你成熟，我都係睇駱醫生的，下個月放胎了。

私人傳訊

積分: 989

12^#

發表於 17-11-10 01:17 |只看該作者

Leira 發表於 17-11-10 00:36
很佩服你的決心和勇氣，我剛剛35，但亦不及你成熟，我都係睇駱醫生的，下個月放胎了。

祝你好運呀！上次見駱醫生嘅時候，的確同傳聞中一樣講嘢比較直接，問佢問題嘅時候，佢嘅回答都幾串。C6對佢印象麻麻勸我轉醫生，我就無乜所謂，我要一個有信心&經驗嘅醫生，唔係一個識氹人嘅醫生。不過上次佢幫我照陰超嘅時候話我子宮後屈，佢壓向我右邊照嗰下有啲突然同埋太大力，之後痛左粒幾鐘。。
想問下你抽卵係咪都係全身麻醉，事前多唔多要返醫院打針或者做其他檢查？因為我份工請假其實都幾煩，分分鐘會撞咗d project嘅重要日子，我都諗緊如果一開始做IVF嘅話要點樣同公司交代，因為我唔想講真正原因

私人傳訊

Leira