本帖最後由 tmacho 於 20-6-1 17:08 編輯
近日比較忙, 簡單講重點:
1. 今日港股大升，因市場預期特朗普上星期５會出辣招回應香港問題，但最後只係講左Ｄ好空泛既野，冇實質既野會做，對市場黎講係好消息
2.呢幾日都見有國家隊進場 ，買內銀中資股，連港股都維穩埋
3.相信過多2-3年，中資會同外資係香港睇齊，甚至超越外資，長遠計,未來都係中資主導
4.香港仲有冇投資價值，香港從來都係有波幅冇升跌幅，就算中資接手，從投資股票角度，應該變化唔大，而樓價同生活質素就另計
5.今日一升係咪已經跌完見左底？ 上星期四提及好大機會會夾一夾上23700之上，簡單原因太多散戶睇淡，市場個個預特朗普強力回應香港問題，既然個個都預期左，到時一落空自然會大夾，今日就係咁既情況
6.長線未跌完，港股日升日跌已成常態，除非你係短炒，否則長線既話就做下功課睇下呢段時間邊Ｄ股係強勢，到時機會黎就入果Ｄ
最後前日睇新聞透視，其中某大學教授提出一個論點都好重要，國安法細節都係好空泛，中央強調只係針對某部分人，但其實現行法例對於社會運動已經足夠
再深一層，當中列明恐怖主義，癲覆國家等等都係好空泛，唔單至聲稱話針對某部份人，其實日常生活好多作家或者評論或者我地個人都會以諷刺或幽默手法去描述果樣野，咁樣隨時都可以以言入罪，正如好多野都唔可以係內地網絡講，一講即刻就被...
就連簡單新聞自由如實報導既機會可能都冇，一切都要撐政府
所以國家安深層次並唔係單單所謂針對某示威者行為及活動，延伸既係香港人最熱愛既自由，呢點係內地人唔會明白，因為從來都沒有，又如何會明白
呢個世界唔知幾時開始變得愈黎愈複雜,
公平呢兩個字已經漸漸唔再存在
埋沒良心既人愈黎愈多
騙子亦愈黎愈多
是我們變了,還是世界變了..
發表於 
返回列表
