夫婦情感 今日: 1 | 主題: 42675

積分: 84225

1^#

發表於 04-10-24 12:30 |只看該作者

你地的媽咪鍾唔鍾意你地老公架???佢地滿意自己的女婿嗎???

我拍過兩次拖(包括依架呢個honey),第一次拍拖時好細個,當時只係讀緊中三,大家係同學,拍左兩年多就分手~~~
依架呢個大我8年,係icq識既,都計劃下年結婚,但我honey依架係失業既~~~
但我其實係兩次的拍拖經驗裏,我對於同男朋友一齊都係開心既,但我媽咪似乎對於我兩個男朋友都係唔多滿意~~~
其實,我兩個男朋友的性格同任何野係好極端既:
第一個男朋友~好細粒、好瘦、思想唔成熟、好動、喜愛運動、鍾意同我四處去玩、但比較猴禽........
依架呢個honey~好肥、思想成熟、對於將來有打算、唔喜愛戶外活動、被動、好純品、孝順、乖仔一名、思想傳統、保守.........
但唔知點解我媽咪對於我兩個男朋友都唔多滿意,以前就話太細個拍拖,又唔鍾意佢猴禽,驚自己個女咁細個就蝕底比人;咁依架呢個一d都唔猴禽,仲好保守添,但佢都係唔多滿意咁,成日話佢無野做,驚自己個女第日要同佢捱窮,又話佢唔醒目,又話男/女一日未結婚都唔使咁認真,結左婚就要比個安穩的家比老公,但未結婚唔使比佢咁老定~~~
其實,我地都計劃下年結婚,但我媽咪又唔係唔鍾意我honey喎,只係最唔滿意佢無野做,我真係唔知要揾個點樣的男朋友佢先心足~~~
我覺得真係咁好條件既又唔一定要選擇佢個女架姐,得佢有錢但唔專一有鬼用咩???唔通個個女仔都嫁到比李嘉誠咩???點解佢唔欣賞下我honey人品好架呢???
我媽咪成日都係從經濟方面著眼,以前個男朋友猴禽,佢就話人地人品唔好,依架呢個無野做,佢就話人地無本事,好似乜野都佢講哂咁,佢好似得一想二咁,呢個世界無人係完美架喎!!!
我的諗法就係我愛我honey,就算要我同我honey捱我都願意,我覺得如果要等我honey儲夠錢先同佢結婚,咁我已經唔夠愛佢,因為我只可以享受佢辛苦得黎的成果,我覺得愛一個人應該同佢一齊付出~~~
係唔係個個媽咪都係對女婿要求咁高架呢???

私人傳訊

SUSANNA

伯爵府

積分: 17181

好媽媽勳章 BK Milk勳章

2^#

發表於 04-10-24 12:43 |只看該作者

Re: 你地的媽咪鍾唔鍾意你地老公架???佢地滿意自己的女婿嗎???

我媽同我老公不知多好傾, 我媽不知多鍚佢, 每次回家吃飯總有老公愛吃的餸, 我愛吃的就未必有. :cry:

私人傳訊

9588

積分: 425

3^#

發表於 04-10-24 12:53 |只看該作者

Re: 你地的媽咪鍾唔鍾意你地老公架???佢地滿意自己的女婿嗎???

我好明白你既心情...我同我老公都係咁..我媽當時都好唔鐘意我老公.話佢無錢..我同我老公拍左七年拖先結婚.我媽都係唔鐘意架..但..我係要嫁.佢都無辦法..佢只係叫我自己唔好後悔至好.依家咪仔都生埋羅!!
我都好明白.我媽所為既都係想我好..我一d都唔會怪我媽..為人父母邊個唔想自己仔女過得好架!!!你都唔好怪你媽.知嗎!
只要你認為你現男朋友值得你付託終生既話..你自己一定唔好後悔.祝你幸褔

我既寶貝仔仔係4月21日出世...請多多指教~

私人傳訊

積分: 84225

4^#

發表於 04-10-24 12:53 |只看該作者

Re: 你地的媽咪鍾唔鍾意你地老公架???佢地滿意自己的女婿嗎???

SUSANNA :
咁我honey每次黎食飯,我媽咪都會煮d佢鍾意食的餸~~~
但我覺得呢d只係禮貌黎架姐,"客人"黎食飯禮貌上梗係煮d佢鍾意食的餸架喇!!!
唔通趕客咩???

私人傳訊

angelmak

大宅

積分: 2974

5^#

發表於 04-10-24 14:01 |只看該作者

Re: 你地的媽咪鍾唔鍾意你地老公架???佢地滿意自己的女婿嗎???

我媽咪由我哋開始拍拖嗰陣就已經唔鍾意佢o家啦!
嗰時話佢外表唔多好; 宜家就話佢冇$同大駛等等...
不過我媽咪都好識做嘅, 對佢好啲, 咁老公對我都好啲嘛~

2個寶貝~雅詠&灝泯

私人傳訊

人大師法

別墅

積分: 630

6^#

發表於 04-10-24 15:28 |只看該作者

Re: 你地的媽咪鍾唔鍾意你地老公架???佢地滿意自己的女婿嗎???

做人亞媽緊係想個女好啦！個個都想找個有錢人！世上有錢人好多但佢地會唔會揀妳個女先？當找到妳個女婚姻會唔會長久？好似施念慈夠找到個有錢人啦！不過米結左半年就離婚囉！有錢男人多數人痕。最重要大家愛對方

私人傳訊

多記

洋房

積分: 194

7^#

發表於 04-10-24 17:52 |只看該作者

Re: 你地的媽咪鍾唔鍾意你地老公架???佢地滿意自己的女婿嗎???

小manman,
我估你應該好年輕.你唔會太了解"貧賤夫妻百事哀"的道理.
我結0左婚.兩口子有ok的收入.但bb就來出世.我地都會諗點樣可以搵多0的錢,比多0的bb.就來做媽咪,我都會希望bb將來唔使捱苦.有好的生活.你媽媽是鍚你,才會對你另一半有要求吧.

私人傳訊

麟媽媽

王國長老

積分: 86750

好媽媽勳章王國長老

8^#

發表於 04-10-24 20:48 |只看該作者

Re: 你地的媽咪鍾唔鍾意你地老公架???佢地滿意自己的女婿嗎???

其實你媽咪都係錫你，老實講，自己拍拖搵對象當然係愛情行先喇，但如果我有個女，我都唔想佢挨，如果嫁左仲辛苦過係我身邊做女個時，我當然唔想個女嫁比個要挨既老公喇，我會肉痛個女架！
我以前有個男友家底唔多好，因為佢爸爸早亡，一路靠自己一雙手。個時我媽都有點擔心，怕我要挨有點反對我地來往。當時我跟媽媽說以前外婆反對她同Daddy，因怕我Daddy無本事，最終佢都同Daddy結婚，而老豆亦白手興家。我問媽咪當年如是，點解又要咁樣對我？媽咪解說身在唔同身份原來係有唔同睇法，到她有女兒時，她亦了解到當時外婆的心情。
唔好誤解你媽錢字行頭，叫你honey努力D，有愛情但總要吃飯的，佢一路都搵唔到工，你都唔放心喇！努力努力！

私人傳訊

該用戶已被刪除

9^#

發表於 04-10-24 21:14 |只看該作者

Re: 你地的媽咪鍾唔鍾意你地老公架???佢地滿意自己的女婿嗎???

提示: 作者被禁止或刪除內容自動屏蔽

私人傳訊

SUSANNA

伯爵府

積分: 17181

好媽媽勳章 BK Milk勳章

10^#

發表於 04-10-24 22:45 |只看該作者

Re: 你地的媽咪鍾唔鍾意你地老公架???佢地滿意自己的女婿嗎???

小manman
其實你不用諗太多, 我同老公都係拍了六七年才結婚, 當時無物錢所以比好小禮金, 而男家又吾識做, 我又係長女, 當時受的壓力也不少, 但我呀媽見我地兩公婆好齊心, 老公又對我同個女好, 需然都係無咩錢比佢兩老, 但我媽咪對我老公真係好過對我.

私人傳訊

嵐嵐媽咪

大宅

積分: 1308

11^#

發表於 04-10-24 23:33 |只看該作者

Re: 你地的媽咪鍾唔鍾意你地老公架???佢地滿意自己的女婿嗎???

你唔好被愛情沖昏頭腦 , 要愛情都要食飯架 , 可能你覺得可以同佢捱 , 但如果婚後捱的只是你 , 甘會點呢 ? 我以前都好似你甘唸 , 而家大個左 , 明白"貧賤夫妻百事哀"的道理 , 只有兩公婆好簡單 , 住邊度食咩都唔緊要 , 有左仔女就要求唔同啦 , 當然你想將最好既俾佢地 , 錢不會重天上掉下來 , 但只有你一個人去努力是冇用既 , 而你既另一半會覺得你變左 , 要求高左而產生磨擦 , 大既唔食細既都要食啊 , 難道冇錢買奶粉俾公仔面佢食 , 想清楚啦 , 做阿媽當然想自己個女生活得好唔駛捱 , 我只是想將過來人的經歷講你知 , 千萬不要為左個男人同父母有沖突

私人傳訊

wsw9341

積分: 279

12^#

發表於 04-10-25 00:13 |只看該作者

Re: 你地的媽咪鍾唔鍾意你地老公架???佢地滿意自己的女婿嗎???

甘唔甘願捱唔係問題，就算依一刻有錢難保一日會冇，相反依一刻冇難保一日會有，但個人覺得最大問題係後生細仔唔可以冇野做．
坦白講，後生仔唔做野，拖下一日拖下一個月拖下一年，拖到幾時冇人知，坐食山倒，唔好話呀媽，做女友做老婆甚至做朋友都會擔心．所以依一刻我覺得唔需要理其他人點睇，最緊要最緊要係鼓勵男友積極搵工．
可能你會話”我養佢唔得咩？”，得既，但我認為應該係有仔女既時候，男主外女主內既角色可以倒轉，爸爸黎湊小朋友，咁我就覺得值得”養”，你自己都識講應該一齊付出．
快ｄ鼓勵男友積極搵工，唔好比佢越ｄｕｍ越懶，工唔會自己由天跌落黎，千祈唔好比到藉口你自己同男友後生仔有手有腳有氣力怕搵唔到工，我識得有人真係可以十年冇野做，電視新聞ｘ視都報導過大把．

私人傳訊

mclam

水晶宮

積分: 71818

畀面勳章環保接龍勳章

13^#

發表於 04-10-25 00:49 |只看該作者

Re: 你地的媽咪鍾唔鍾意你地老公架???佢地滿意自己的女婿嗎???

我就覺得:有情剩係飲水係唔會飽既, 仲要食埋麵包先得.

雖然此一刻願意同佢捱, 捱捱下個意志就會慢慢冇晒!!

記住"巧婦難為無米炊"!! ?-(

謀事在人，成事在天，個天先係最終揸"fit"人！！

你恨的人，來生不會再見，所以別在他身上浪費時間；你愛的人，來生也不會再見，所以今生要好好對他。

私人傳訊

積分: 84225

14^#

發表於 04-10-25 19:54 |只看該作者

Re: 你地的媽咪鍾唔鍾意你地老公架???佢地滿意自己的女婿嗎???

佢唔係唔揾野做,而係真係揾唔到~~~
我都有問過佢打算點,係咪一路話揾唔到就算,佢自己都話佢都無理由一路無野做落去~~~
佢同我講就算佢唔係為我,佢都要為自己打算,當然如果未識我佢唔會好似依架咁急,因為佢都想快d可以同我結婚,所以佢自己都會盡快同盡力~~~
我媽咪又唔係唔鍾意佢到出哂面,而我媽吁亦都唔係唔鍾意佢,只係擔心佢無野做,第日生活唔好姐!!!
咁我都想我媽咪係放心將我交比我honey嘛!!!

私人傳訊

Teresa

珍珠宮

積分: 35965

畀面勳章

15^#

發表於 04-10-25 23:16 |只看該作者

Re: 你地的媽咪鍾唔鍾意你地老公架???佢地滿意自己的女婿嗎???

小manman 寫道:
佢唔係唔揾野做,而係真係揾唔到~~~
我都有問過佢打算點,係咪一路話揾唔到就算,佢自己都話佢都無理由一路無野做落去~~~
佢同我講就算佢唔係為我,佢都要為自己打算,當然如果未識我佢唔會好似依架咁急,因為佢都想快d可以同我結婚,所以佢自己都會盡快同盡力~~~
我媽咪又唔係唔鍾意佢到出哂面,而我媽吁亦都唔係唔鍾意佢,只係擔心佢無野做,第日生活唔好姐!!!
咁我都想我媽咪係放心將我交比我honey嘛!!!

要搵工點會搵唔到呢? 唔夠學歷, 就梗係要出多d勞動力, 人工未必係好理想, 但係只要肯做, 兩份part time都係工. 如果而家時代仲嫌三嫌四, 又話怕辛苦, 到時真係結左婚你就會越睇越唔順眼, 條氣越黎越唔順, 怪自己點解要咁"命苦"做得咁辛苦, 同佢捱窮. 如果有埋細路, 你仲擔心呀, o個時仲有好多野怨...

我唔同意有情飲水飽架. 好現實既問題, 如果連一頭家既基本開支都攪唔掂, 你就會越黎越不滿. 你同你男友而家既情只係"激情", 個心好想好想一齊住埋生活, 但係呢個係香港, 唔係公主王子既童話, 唔會真係結婚後就可以快快樂樂去生活架. 要白頭到老, 感情會由濃轉淡, 但那是細水長流的, 當過住d好平淡既生活, 可能想去下旅行, 又可能想搵d生活情趣, 但係全部都要你地有個隱定既經濟基礎架.

為左男友同呀媽嘈係好唔值得. 有邊個呀媽想個女行錯路? 旁觀者清, 當局者迷. 就算你唔聽呀媽既忠告都要聽下我地呢班師奶以過來人身份講既野. 我同你3唔識7, 又唔識你男友, 但站在長遠黎講, 經濟問題同感情係婚姻上一樣重要.

如果你真係同你男友想有將來, 唔係你一個人既努力, 而你雙方架. 佢話搵唔到工, 咪你幫佢手搵law, 有手有腳, 有氣有力, 邊會搵唔到工呢?

私人傳訊

積分: 84225

16^#

發表於 04-10-26 16:16 |只看該作者

Re: 你地的媽咪鍾唔鍾意你地老公架???佢地滿意自己的女婿嗎???

但佢send左e-mail出去,連四千幾蚊的文員唔好話唔請佢,連見的機會都無呀!!!
所以都唔係嫌人工少,但連見工的機會都無咁可以點???
我無為追我honey同媽咪嘈呀!!!我都知佢為我好,但我知道得我honey真係揾到工養得起我時,我媽咪又會嫌佢第2樣野,例如:佢唔多做家務、佢又點點點......因為我覺得我媽咪對我另一半的要求都幾高~~~
而係我想知道係咪個個媽咪對女婿要求都係會特別高架呢???

私人傳訊

9588

積分: 425

17^#

發表於 04-10-26 16:34 |只看該作者

Re: 你地的媽咪鍾唔鍾意你地老公架???佢地滿意自己的女婿嗎???

要求高都係為你好姐...

我既寶貝仔仔係4月21日出世...請多多指教~

私人傳訊

azure

洋房

積分: 509

18^#

發表於 04-10-26 16:50 |只看該作者

Re: 你地的媽咪鍾唔鍾意你地老公架???佢地滿意自己的女婿嗎???

小manman,

女方家長婚前對男方要求高好正常, 因為父母都認為自己仔女值得有最好o既o野, 希望仔女婚姻美滿、同偕白首, 加上角度問題, 要求自然高, 批評自然多.

妳媽咪唔想妳捱, 先會對妳 honey 失業有怨言. 「貧賤夫妻百事哀」, 唔單係哀冇錢或者某一方唔肯捱, 仲有更悲哀o既係, 落魄一方, 通常係男方, 眼見妻子為頭家日捱夜捱, 內疚自卑之下, 性情大變, 最終做出一o的傷害雙方o既事. 咁o既事旁人都唔想見到, 何況o個個係妳媽咪呢?

請多多包涵 & 指教 :mrgreen:

私人傳訊

wsw9341