心聲留言

收藏本版
發帖
返回列表
跳至頁

首頁
1

尾頁
   0
kitwong


珍珠宮

積分: 48495

2018復活節勳章 好媽媽勳章 畀面勳章 BK Milk勳章


1#
發表於 04-10-26 03:45 |只看該作者

想講左好耐........係我小器定亞媽大細超

我而家住呢度，係同亞爸亞媽住，加埋我同老公、仔，一共五個人住！
大約年半之前，有晚半夜亞哥打電話返黎話要返黎住，原來佢老婆話要同佢分開下話未玩夠，後來亞哥先知原來佢出邊有第二條仔，個男仔係我亞哥 D 同事黎，亞哥好唔開心，話想同老婆分開，咁就一路係度住.............

初初我都好同情我亞哥，但慢慢，我好討厭佢.......

佢係度住呢段期間，我亞哥對我地講過無數咁多次大話，但我亞媽都仲信佢，佢講咩我亞媽都信佢，明知佢係度講緊大話都信，呢段期間佢同佢老婆有再一齊過，每次都係返左去幾日又走返黎，幾多次我都唔記得，係我地面前又話唔理佢，又話呢樣又個樣，但我地知佢仲想同佢老婆一齊...........

大約幾個月前亞哥話唔想做呢份工，因為要日日對住佢老婆條仔，所以就冇做，之後同亞媽講話搵到第二份工，我亞媽見佢成日都冇返黎，電話都冇打過返黎，怕佢有事，就走出去佢做野個度搵佢，原來佢又講大話，亞媽話搵哂成條街都唔見我亞哥講個間鋪頭，後來先知亞哥返左大陸做野，做一 D 唔見得光既野，之後有日打電話返黎話比人拉左(當然又係講大話啦)話冇哂 D 錢，之後又走返去佢老婆度住，住唔夠半個月又返左黎，住到而家.........

係佢係度住呢段時間入邊，亞哥冇比個錢亞媽，仲要亞媽比番錢佢用，亞哥成日都話冇錢，但亞媽又唔會問佢"羅"，只係話你亞哥邊有錢丫(我夠冇錢囉，咁你又問我羅).......

仲有就係亞哥問財務公司借左錢，自己又唔還，要我亞媽同佢還，試過亞媽幫佢還個幾次，佢好似應份咁，但一方面亞媽成日話我比得少錢佢，因為我住緊呢度我地買左要供，咁係我老公比錢供，另每個月比多$2000我亞媽做家用，我自己又冇野做，亞媽成日都同我講話冇錢，我同亞媽講話不如叫亞哥比錢供樓，我每個月比$4500佢做家用，佢話你亞哥係度訓個床位，你想佢比幾錢呀，次次同親亞媽講話叫亞哥比錢佢佢都對住我黑口黑面，佢係度住咁耐，完全冇比個錢我亞媽，好似應份咁，係度住又要我亞媽叫佢起身返工，又要同佢洗衫，佢返到黎就好似大爺咁，咩都唔做，屋企 D 野就我幫我亞媽做，我發"角"自己好似亞四咁........

最慘既係亞哥返親黎成日係度"R 腳"， R 到成地都係腳口，我為左呢樣野都唔知同佢嘈過幾多次，次次亞媽都幫住佢話你亞哥係咁架啦，一人小句啦，好似早兩日我問我亞媽亞哥有冇話幾時會搬，講完亞媽又黑口黑面咁對住我，仲要黑足幾日，講真，錢又唔比，仲要冇了期咁係度住，我可以點.......

真係好想佢快 D 搬走唔好係度住，但佢好似冇咩意思想搬走咁，我而家係度住得好唔開心，我可以點............

因為我老公講話如果我亞哥仲係度住，我地就搬出去住，但邊個比錢供呢度，我老公就話佢唔會再比錢供架喇，我可以點，好煩...........



:evil: :evil: :evil:


點解我會有個咁既亞哥.....
愛 我 就 別 傷 害 我
私人傳訊

penpen


子爵府

積分: 13681

開心吸收勳章 認識瑞士牛牛第二回 貓狗褓姆 畀面勳章


2#
發表於 04-10-26 09:22 |只看該作者

Re: 想講左好耐........係我小器定亞媽大細超

究竟你阿哥係因為佢老婆識咗第二個先變成咁定係因為佢咁樣佢老婆先識第二個?! 我本人覺得原果佢本身係咁, 我都贊成你老公既諗法, 如果佢係因為老婆識咗第二個變成咁就應該輔導下佢等佢重新振作! 唔好衰俾人睇!!
至於'R'腳呢下整到地下dirty晒真係要佢為小朋友諗下喎!!
私人傳訊

KITTYMAMA


伯爵府

積分: 18057

好媽媽勳章


3#
發表於 04-10-26 09:36 |只看該作者

Re: 想講左好耐........係我小器定亞媽大細超

kitwong

睇完之後, 都鄧你慘, 自己亞哥又唔生性, 亞媽又側埋一邊. 其實你老公都算體諒, 咁耐先出聲. 長痛不如短痛, 直接同你亞媽講, 你亞哥唔搬就你地搬. 但你要諗埋, 如果佢真係唔搬, 你地係咪真係會搬, 層樓又點呢? 自己計劃好晒, 先同佢地講, 唔係佢會當你講
私人傳訊

minmin


珍珠宮

積分: 42575


4#
發表於 04-10-26 11:01 |只看該作者

Re: 想講左好耐........係我小器定亞媽大細超

層樓究竟係邊個架? 你阿媽定係你? 如果係你, 就有大條道理叫你阿哥搬走. 但如果係你阿媽既, 最worse 既你地搬走.

私人傳訊

mother904


翡翠宮

積分: 81106

畀面勳章


5#
發表於 04-10-26 16:38 |只看該作者

Re: 想講左好耐........係我小器定亞媽大細超

層樓如果係你地既，你地搬左邊個供呀？你亞哥一定唔會供，你亞媽又無錢，到時點算？我諗你地一定要諗哂先好同亞媽講。
不如你開心見誠同亞媽講，想你亞哥搬走，佢黑面就由佢，鬼叫佢縱到個仔咁。
日日是好日
私人傳訊

tungtungma


別墅

積分: 873


6#
發表於 04-10-26 17:50 |只看該作者

Re: 想講左好耐........係我小器定亞媽大細超

如果係我,層樓係我的話, 我一定要佢搬, 阿媽吾滿意, 就跟個仔一齊搬走吧. 但如果層樓吾係我的話, 我一定會同老公一齊搬. 係時候要你阿哥負返d責任. 長此落去, 會係你仲壞你阿哥的. 亦要你阿媽明白, 你無責任一世照顧阿哥的.
但如能力不可,只可忍. 或學你阿哥, 話無錢, 又試
:-D
私人傳訊

mclam


水晶宮

積分: 71818

畀面勳章 環保接龍勳章


7#
發表於 04-10-26 19:05 |只看該作者

Re: 想講左好耐........係我小器定亞媽大細超

[quote]
tungtungma 寫道:
如果係我,層樓係我的話, 我一定要佢搬, 阿媽吾滿意, 就跟個仔一齊搬走吧. 但如果層樓吾係我的話, 我一定會同老公一齊搬. 係時候要你阿哥負返d責任. 長此落去, 會係你仲壞你阿哥的. 亦要你阿媽明白, 你無責任一世照顧阿哥的.
但如能力不可,只可忍. 或學你阿哥, 話無錢, 又試
謀事在人，成事在天，個天先係最終揸"fit"人！！

你恨的人，來生不會再見，所以別在他身上浪費時間；你愛的人，來生也不會再見，所以今生要好好對他。
私人傳訊

小妹妹


別墅

積分: 559


8#
發表於 04-10-27 17:37 |只看該作者

Re: 想講左好耐........係我小器定亞媽大細超

家家有本難唸的經...我都不好得你好多...所以我完全感受到你的感受......你都可以去看看我出的一篇架... :-(
私人傳訊

小搗蛋


男爵府

積分: 6554

好媽媽勳章


9#
發表於 04-10-28 01:10 |只看該作者

Re: 想講左好耐........係我小器定亞媽大細超


如果我係你,一定會即時換鎖,(條key唔會再俾你mami & brother)橫掂你阿媽都係鍚仔多d,完全唔體諒你呀,仲駛乜理佢o甘多呀!!!(我


樓係你老公供嘛.....又乜理由要你o地搬呀!!$$$又係你o地支出,有乜理由仲要睇佢o地面色呀!!!
你阿哥&阿媽都好過份呀.....一個當你o地係bank,一個只係仔呀仔,命呀命..... :evil:

(只係個人意見,有乜得罪,請見諒)
"彤豬b"愛"彤豬媽" "彤豬爸"愛"彤豬媽" :-) :-) :pint: :pint: :-)[img align=left]C:\Documents and Settings\User\My Documents\My Pictures\carton[/img]
私人傳訊

kitwong


珍珠宮

積分: 48495

2018復活節勳章 好媽媽勳章 畀面勳章 BK Milk勳章


10#
發表於 04-10-28 07:37 |只看該作者

Re: 想講左好耐........係我小器定亞媽大細超

penpen ：幾實我亞哥可以話之前都係咁，不過佢個陣唔係係度住，我地冇乜理咁解姐！至於話"R"腳呢下，我同佢講過好多次，我唔係唔比你 "R"，但係你都搵張紙口住先好"R"丫，"R"到成地都係腳口又唔理，次次話親佢亞媽都話你亞哥係咁衰架啦，我頂.....真係好討厭


KITTYMAMA ：你講得好好，父母兄弟既野，係冇得揀，但係我唔明點解亞哥咁，亞媽仲要幫住佢........


minmin： 層樓其實以前係公屋黎，後來我地買左，但名就係我同我亞媽既，因為有亞媽名，所以亞哥係度住咁耐我都出唔到聲。


mother904 ：如果我地搬走既話，亞哥實唔會比錢供，就係因為咁，所以我到宜家仲住係度搬唔到。

tungtungma ：我就係覺得佢係度住左咁耐，係時候應該負返 D 責任，冇理由樓就要我地供，但佢就冇了期咁係度住。


mclam ：我而經做左忍者好耐啦.......一路係度忍


小妹妹 ：冇錯........家家有本難唸的經，我地唯有............忍


小搗蛋 ：我都覺得我亞媽只係仔呀仔命呀命，完全冇理過我感受，但我又可以點丫鬼叫佢係我亞媽咩，唯有認命係啦.........
愛 我 就 別 傷 害 我
私人傳訊

kitwong


珍珠宮

積分: 48495

2018復活節勳章 好媽媽勳章 畀面勳章 BK Milk勳章


11#
發表於 04-10-28 08:03 |只看該作者

Re: 想講左好耐........係我小器定亞媽大細超

但我有野樣都係唔明，因為宜家佢老婆又大左肚，佢地仲有個仔，個仔今年四歲，次次亞媽問親佢佢同老婆宜家點呀，佢實話你唔好理啦，原來係大左肚.........

但初初唔係我亞哥自己講出黎話老婆大左肚，係佢過次話要同老婆離婚，話要去簽名，但佢又話唔見左張結婚証書，我老公咪話囉，叫佢唔好玩啦，冇結婚証書又點離婚呀，我同亞媽先係咁問佢，佢先講話有野諗唔通，原來係佢老婆大左肚，我亞媽知道左之後，咪問我亞哥個肚係咪佢架，我亞哥又死話個肚係佢既，佢宜家仲話要生添......但我唔明點解佢老婆都大左肚，咁即係話佢地會係番埋一齊啦，咁點解仲要係度住唔返去佢老婆度，我都同亞爸講一係佢就冇錢返工，所以先返黎住，因為亞媽會比錢佢。

其實亞媽以前都好幫佢，一次又一次咁幫，但佢就好似應份咁，好似問左我姑媽同我亞姨借左錢，又係我亞媽同佢還，都唔知咩人黎架........好似佢個仔出左世之後，成日話冇錢買奶粉，冇錢買尿片，一係就話冇錢食飯，我亞媽次次都係咁幫佢，我真係唔明，唔通佢因為係仔我亞媽先咁幫佢，定因為我係外嫁女，所以亞媽會咁對我.........

好似琴日咁，前晚亞哥又去左玩，天光先返黎，佢 6：00返到黎就嘈醒左我亞媽同亞爸，我同老公就未訓醒，點知6：45我老公就叫醒我，我見到我個仔醒左係度扭計，原來係比亞哥嘈醒，我老公即時黑哂口面，咁又係既，番到黎佢真係可以好嘈，次次都成屋人醒哂，每日我亞媽叫佢返工又係成日都嘈醒我老公，出埋錢仲要成日都比人嘈住哂，真係好煩呀，佢幾時會走呀....... :evil: :evil: :evil:
愛 我 就 別 傷 害 我
私人傳訊

penpen


子爵府

積分: 13681

開心吸收勳章 認識瑞士牛牛第二回 貓狗褓姆 畀面勳章


12#
發表於 04-10-28 09:46 |只看該作者

Re: 想講左好耐........係我小器定亞媽大細超

講真! 我真係懷疑個肚係唔係佢既?! 不過呢d都唔到其他人去理, 最緊要究竟係你阿哥同阿嫂想點! 不如搵你阿嫂傾下啦~ 講真, 若果我係你阿嫂我都頂佢唔順,唔見咗張結婚証書未補領囉~ 係就決絶d唔好搵借口啦~ 唔拖唔水咁! 我諗佢未玩夠但又想hold住個老婆但係又唔想付出,我覺得佢好自私囉~ 都唔知佢仲愛唔愛佢老婆定係死要面,但主要係佢已經有一個小朋友, 自己都未養得掂, 點養多個呀??!! 點都要面對現實, 咁大個人都冇d責任心!! 唔通靠阿媽養佢成世咩~ 佢幾多歲呀?! 咁樣玩玩到幾時?! 係唔係男人黎架??!! 我係女人我自己個女未出世之前都成日去玩架! 但係自從個女出左世之後就自動自覺唔會再成日出去玩, 唔捨得出去玩, 一來唔想洗咁多錢寧願留番買野俾個女, 二來都想見多d阿囡, 唔通佢唔鍾意自己個囝定係根本冇當過果個係佢個囝呀?!
佢呢d人自己都唔會為自己諗吓何況一個小朋友?! 有機會問下個若果佢個仔摸到佢隻腳跌落地果d野然後再拎野食佢會點?! 又或者佢自己試下好唔好味!! :evil:
究竟有冇人可以鬧醒或者一巴打醒你阿哥呢?! 你阿哥咁樣真係唔可以全怪你阿嫂識第二個,你媽媽家陣又咁"中"佢, 真係反而累左佢呀! 不如你都試試冷靜d同你媽媽傾傾啦~
私人傳訊

我愛小叮噹


洋房

積分: 440


13#
發表於 04-10-28 15:22 |只看該作者

Re: 想講左好耐........係我小器定亞媽大細超

kitwong 寫道:

我真係唔明，唔通佢因為係仔我亞媽先咁幫佢，定因為我係外嫁女，所以亞媽會咁對我.........

呀....... :evil: :evil: :evil:


我覺得你估你阿媽估得冇錯, 你阿媽擺明重男興女啦. 如果我係你我已經搬走左好耐, 冇眼睇佢地.
我反而覺得你老公好好野, 比埋錢仲要忍佢地忍左咁耐都仲頂得順. 快d搵屋搬啦!!
最開心就係同埋我個囝囝一齊去街街 & 錫錫佢個面珠登, 我個囝囝係我嘅寶貝呀 :-D
私人傳訊

姬


大宅

積分: 1427


14#
發表於 04-10-28 15:58 |只看該作者

Re: 想講左好耐........係我小器定亞媽大細超

kitwong,
其實, 我覺得如果你同你老公條件上容許可以搬走既, 就搬走, 因為你再向度拉扯, 莫說你壓力好大, 嚴重既可能會影響你同你老公既感情, 最重要, 小朋友在這環境生活都會有影響, 你阿哥的行為, 難保小朋友不去學, 當然, 搬走了, 就唔駛再幫供依家層樓啦, 好坦白, 我唔係叫你不孝, 我唔想你盲目咁去孝順, 更何況, 你亞哥都有責任背起頭家, 我有一個朋友都好似你咁, 佢阿媽又係錫晒佢兩個呀哥, 佢兩個阿哥都住向佢阿媽度, 又係唔比錢不特止, 仲要問佢阿媽擰番轉頭, 佢阿媽咪又係同佢開刀, 不過, 佢反抗阻啦, 佢同佢老公, 前年問政府借錢, 買佐層樓, 依家仲有佐bb, 不知幾好, 至於佢阿媽, 佢唔係唔理, 只係, 分清d, 每月都有最少比500佢買野食, 其他就免問啦....
私人傳訊

kitwong


珍珠宮

積分: 48495

2018復活節勳章 好媽媽勳章 畀面勳章 BK Milk勳章


15#
發表於 04-11-1 11:04 |只看該作者

Re: 想講左好耐........係我小器定亞媽大細超

penpen ：我地次次問親佢同老婆點呀，佢就話你地唔好理啦，一係就話唔好問，所以我地以家都冇再問我亞哥。
唔好話你咁問啦，我地一聽到話佢老婆大左肚，我同我亞媽第一時間都問佢個肚係咪佢，但佢死都話係佢，我地都唔知佢想點。
有樣野仲好笑，我亞嫂有個 fd 係賣童裝，上次我同亞媽行過佢做野個度，咁同佢傾左陣，佢話我亞嫂話要生，佢話喎，以前生個大既咁辛苦都過左，唔信生多個出黎養唔掂喎，講真，養唔掂就養唔掂架啦，有得話信唔信架咩，咁我咪又睇下佢係咪真係黎得掂囉，佢生左之後我唔會再買衫比佢，好似我之前咁成日都買衫比佢個仔，一買就幾百幾百咁買，我老公都成日話我你又買衫比佢個仔呀，我話是但啦，以家，我唔好留番 D 錢買野比自己個仔.......我亞嫂以前成日係我面前講話佢個仔 D 衫唔使錢買架，有人買比佢，我聽亞哥講話佢個 fd 做到 12 月就唔做，我睇下到時邊個買衫比佢...... :evil: :evil: :evil:

我以前試過有次係我亞哥屋企到訓左晚，但佢係自己屋企又唔會周圍 R 腳架喎，可能怕比老婆見到掛，仲知我對於佢就好討厭喇......
愛 我 就 別 傷 害 我
私人傳訊

KITTYMAMA


伯爵府

積分: 18057

好媽媽勳章


16#
發表於 04-11-1 11:22 |只看該作者

Re: 想講左好耐........係我小器定亞媽大細超

kitwong 寫道:
KITTYMAMA ：你講得好好，父母兄弟既野，係冇得揀，但係我唔明點解亞哥咁，亞媽仲要幫住佢........


[size=large]此終都係自己個仔嘛
私人傳訊

kitwong


珍珠宮

積分: 48495

2018復活節勳章 好媽媽勳章 畀面勳章 BK Milk勳章


17#
發表於 04-11-1 17:12 |只看該作者

Re: 想講左好耐........係我小器定亞媽大細超

我愛小叮噹 ：我亞哥又係佢生，我又係佢生，使唔使咁大細超呀！
如果我搬到既，我真係晨早就搬走左，但係如果我搬走左，咁亞爸亞媽點呢........因為我亞爸有病行動唔方便做唔到野，亞媽份工得個三千幾蚊，如果我真係搬走左既話，我都唔知佢地會點.....我有次試過同亞哥嘈完之後我話要搬，話完之後，個幾日亞哥都唔咁返黎，我都有去睇屋，但唔知點解我個仔去睇完屋返黎之後好扭計，我亞媽就叫我唔好搬，話可能睇屋個陣"客"親個仔，我先冇搬到.......

有時我都登我老公辛苦，放工返黎成日比我亞哥嘈到冇得訓，但如果真係要佢搬，睇怕都要等亞爸亞媽唔係度佢先會搬...........

:evil: :evil: :evil:
愛 我 就 別 傷 害 我
私人傳訊

kitwong


珍珠宮

積分: 48495

2018復活節勳章 好媽媽勳章 畀面勳章 BK Milk勳章


18#
發表於 04-11-16 03:07 |只看該作者

Re: 想講左好耐........係我小器定亞媽大細超

[size=xx-large]好開心，我個衰大佬搬走左！


你地話佢呢 D 係咩人黎架，真係唔死都冇用！ :evil: :evil: :evil:

我之前咪講過我亞哥借左財務公司錢既，原來佢又冇還，宜家成日比財務寄信黎追.........

佢條數應該係上個月 22 號要還，咁我亞媽就 18 號問我亞哥拎左錢幫佢入左落銀行，咁我地就以為佢過左數，但到左上個月尾到，財務公司打黎追，我地先知佢原來唔知係幾時我亞哥自己係銀行拎哂 D 錢出黎，咁我亞媽就問我亞哥點解拎哂 D 錢，佢就同我地講話佢有個 fd 等錢用，所以就借左比個 fd，好啦，咁到左宜家佢都仲未還番錢比財務，我亞媽都有鬧過我亞哥，但佢仲發我亞媽脾氣話你鍾意點講就點講，我亞媽就問佢 D 錢係借左比人定佢自己用左，但佢死都話係借左比人，我真係唔知佢想點，講真，如果人地追到上黎咁點算，亞爸行唔到，我個仔又咁細，有事咁點算，我同個仔走丫定同我老豆走呀！ 呢兩日我亞媽打過比我亞嫂，咁我唔知我亞媽同佢講咩啦，但原來我亞哥同我亞嫂講話每個月比二三千蚊我亞媽做家用，我亞媽咪話囉，佢邊有比過錢我，我亞哥就成日同亞媽講話一出糧比哂 D 錢我亞嫂，但個日我亞媽問我亞嫂我亞哥有冇比到錢佢佢又話冇喎，都唔知聽邊個講.............

亞媽呢兩日係咁打比我亞哥都搵唔到佢，成日都唔聽我亞媽電話飛左去留言，我亞媽就話問親我亞哥呢佢都話佢個 fd 會入錢，但到宜家都未入，我真係好想搵我亞哥嬲醒佢！

[size=x-large]你地話呢 d 人係咪唔死都冇用

:evil: :evil: :evil:
愛 我 就 別 傷 害 我
私人傳訊

kitwong


珍珠宮

積分: 48495

2018復活節勳章 好媽媽勳章 畀面勳章 BK Milk勳章


19#
發表於 04-11-16 04:16 |只看該作者

Re: 想講左好耐........係我小器定亞媽大細超

仲有樣野唔記講添..............

初初亞哥知道我亞嫂出邊有條仔好唔開心，咁搵佢個 fd 出黎傾，佢個 fd 聽完之後睇唔過眼我亞嫂咁做，有日走左去打我亞嫂條仔，點知就比人拉左，咁我亞哥知道左就同佢個 fd 個老婆講話佢比錢擔保佢出黎，明知自己都冇錢又話佢比喎，咁我亞哥就問我亞媽借，好啦，咁我亞媽見佢個 fd 比人拉左又冇錢擔保出黎，佢個 fd 個仔又細，咁就係張 visa 度拎錢出黎擔保佢個 fd ，但我亞媽講明佢個 fd上完庭要比番錢我亞媽入番落張 visa 度.............
到佢個 fd 上完庭要入去半年，咁我亞哥就話 D 擔保錢要等佢個 fd 出番黎先有得拎番，由今年年頭開始，每個月我亞媽都要幫我亞哥找咭數，每個月都係我亞媽去找，我亞哥又唔比番錢我亞媽喎...............
到左上個月既12號，佢個 fd 出番黎，我亞哥就約左佢個 fd 18號出黎食飯，咁我亞媽就以為 d 擔保錢有得"羅"番啦，點知我亞哥就話佢個 fd 拎左 D 錢去用，就話要呢個月先有得比我亞媽............
咁財務寄信黎追過日，之前我亞哥就話佢個 fd 入左錢，咁我亞媽唔信佢講野，就打去問，點知佢又係度講大話，咁我就同亞媽講你不如打埋比亞邊個個老婆啦，睇下我亞哥係咪又係度講大話，咁我亞媽就叫我打，點知佢個 fd 個老婆話，佢老公未出黎以經同我亞哥講左就算佢老公出番黎 D 擔保錢都唔會比番我亞媽，佢話係我亞哥間接攪到佢老公咁，所以唔比番 d 錢我亞媽，我咪話 D 錢唔係我亞哥拎出黎，D 錢係我亞媽既，佢話我唔理啦，我一早同你亞哥講左架，你要知就自己問你亞哥啦............. :evil:

但我覺得佢個 fd 個老婆好過份，明知 D 錢係我亞媽都唔比番我亞媽........

咁我亞媽就打比我亞哥問佢 D 擔保錢係咪真係呢個月有得"羅"番，我亞哥都話係架，但我亞嫂就話原來呢件事佢都知，佢話亞邊個個老婆一早同我亞哥講左話唔比番 d 擔保錢我亞媽，到左以家，我亞哥都仲要係度講大話...........






[size=x-large]你地話，呢 D 人係咪唔死都冇用丫


:evil: :evil: :evil:
愛 我 就 別 傷 害 我
私人傳訊

penpen


子爵府

積分: 13681

開心吸收勳章 認識瑞士牛牛第二回 貓狗褓姆 畀面勳章


20#
發表於 04-11-16 09:40 |只看該作者

Re: 想講左好耐........係我小器定亞媽大細超

[size=medium]呢d咁既pk都搬走咗, 米鬼再理佢啦~ 勸你媽媽死心把啦~ 難得甩難, 唔好再la 屎上身喇~ 佢個friend未係一個好例子囉~
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy