2017年媽媽會 今日: 0|主題: 1847

Hello 米米王，一般建議BB 6個月先開始食固體，不過每個BB 進度都有唔同，媽媽留意BB有冇以下表現，身體: 可以靠住椅背坐，能夠抬起頭。進食表現: 食完奶後仍然表現肚餓/未滿足，表示對食物有興趣，見到匙羹會開口想食。口肌發展: 將匙羹放入BB口後，會自己吞嚥匙羹上嘅食物。如果BB有以上3方面表現，都代表可以早D 引進固體啦。BB飲奶胃口好唔好?

4個月BB一般會以飲奶作為主要營養來源，佢腎臟和消化功能仍未太成熟，食固體可能會增加BB出現食物過敏機會。BB一般3-4個月體重會係出世時既2倍，之後生長速度會放慢，可能會飲少左奶，即係成日聽到嘅厭奶期，果刻唔飲奶唔好迫佢，下一餐餓D自然會食多D。BB全日飲唔飲到20安奶嗎？

BB會因應唔同階段生長速度、新陳代謝而調節食量，全日食到20安就叫合格， BB會知道自己需要，按BB需要，佢肚餓先餵(每餐相隔4-5小時)，有時就算bb想瞓媽媽都可以照俾支奶佢食，有DBB瞓住仲食得好D，媽媽有冇幫BB做肚仔按摩? 腸道蠕動好左，BB胃口和排便都好D。