我地等了1.5年睇過不同中醫,
一直都未有小朋友,所以就打算再CHECK DETAIL.
當初選擇仁安檢查係諗住有咩要做或者有咩事佢地都有齊我REPORT喺手,
我同C6一直好期待小朋友降臨,
但一直都未有所以我地做了懷孕前檢查,
結果是什麼問題都沒有.
如是這又過了半年…..
我決定去仁安檢查輸卵管同AMH,
選擇仁安理由好簡單,
好既婦產科醫生難求,
真係好既又難約,
更加唔想REPORT東一忽西一忽喺不同診所 (如果我覺得醫生唔好我又會轉另一1個),
至少我可以KEEP
REPORT喺同一個地方有咩事都知我之前驗過咩同用過咩藥.
最後我有緣見到既是一位網上REPUTATION唔太好既醫生,
到底我對佢既觀感係點?
我之後都會交代.
但始終呢D好主觀大家攞來做REFERENCE就好.
<<第一次見醫生 - 檢查輸卵管同AMH>>
佢除左同我安排輸卵管同AMH檢查之外仲做左陰超,
仍話懷孕前都要睇下媽媽子宮健康狀況,
仲問我同C6生活習慣等等…
醫生有同我傾過如果REPORT出來一切正常我又想快D有就可以考慮做IUI,
之後安排姑娘畀左IUI資料我仲解釋一次個流程同大概用針藥情況仲BOOK埋時間睇REPORT.(知道好多人都好驚做輸卵管檢查,
所以之後都會分享下等大家安心)
<<輸卵管同AMH REPORT>>
其實當我喺醫院驗完輸卵管嗰位醫生已講我知一切正常.
之後有日姑娘打來話我知AMH結果.
結果係ABOVE AVERAGE, 姑娘亦有解釋數值代表既意思.
對我既問題都有問必答.
由於REPORT冇問題所以姑娘話除非我想做IUI否則只番來攞REPORT都可以.
之後又過左半年...
<<D1見醫生>>
因為睇過幾個中醫都係未有,
亦唔想再拖所以決定IUI了.
一向PERIOD準時既我喺嗰個月竟然遲到打亂了我的請假計劃.
最後足足遲左8日,
D1我即刻打去約D3見醫生,
點知D3醫生手術唔得,
雖然醫生話我D2第一個睇我先,
但D2我要INTERVIEW實在趕唔切.
醫生好好畀我同C6即日先去TST仁安簽文件跟住上翹康插隊.
D1見醫生大概係照陰超,開針藥同了解IUI流程,
最後佢開左4日藥+1支針畀我, 藥由D2開始食,
打針嗰日係星期六我又有事要出TST所以選擇留針.
藥一定要每24小時一粒唔可以差太遠.
<<D6第一次排卵針>>
我個人真係好怕打針同抽血醫生開畀我嗰支仲要係針型唔係筆型,
所以呢…我真係冇勇氣學識…
到打既時候因為姑娘冇用手指夾住我D肚腩肥肉所以打落去勁痛,
痛到打完都企唔直.
姑娘叫我休息10分鐘冇事就可以走….
待續
我估大家都會想知做IUI要攞幾多日假, 所以將仁安畀我既表同大家分享. 希望可以幫到大家.
<<D8 覆診+排卵針>>
除左睇下我有冇對針敏感之外,
(唔記得講我打既係PUREGON)仲要照下EGG既大細合唔合格.
醫生話因為我PERIOD準所以用藥好保守,
佢又好乖咁得一粒夠大所以唔會有TWINS.
所以我喺當日再打多支,
亦唔洗再食藥.
因為覆診完即刻打埋所以我都係唔識自己打.
我有問如果做嗰日係公眾假期咁點算,
但仍話今次唔會,
應該過多4日就可以.
所以放心了仲叫C6即刻請定假…
仲問左IUI到底可唔可以接住下個月做,
醫生話除非真係好急,
唔係都建議抖一個月等卵巢收番細同休息下.
順帶一提喺翹康打針唔需要另收費.
D10再覆診.
<<D10 覆診+破卵針>>
首先都係循例問下有冇敏感同照陰超.
今次照到3粒但都係預計都只得一粒夠成熟.
醫生仲安排今晚打破卵針(由於我真係未試過自己打, C6又要返工所以只好到醫院打).
並提醒最好早一個鐘頭到免得醫院有其他野遲左打.
佢亦大概講解D12植入流程等我地有個心理準備.
埋單時姑娘畀左2張紙,1支破卵針1大包塞藥同SAMPLE樽
1.針紙-去其他地方打可以畀姑娘再確認一次冇攞錯針
2.仁安醫院生殖科醫生紙-植入嗰日去度醫1樓交畀姑娘.
至於破卵針, 姑娘有畀冰我凍住支針
返到屋企要放生果格,
攞去醫院途中要用冰同保溫袋保持溫度.
塞藥係植入之後早晚用可幫助著床.
(塞既深度要有半隻手指咁多)
SAMPLE樽當然畀C6留丁丁用.
呢位姑娘知我怕打針所以再三提醒我,
支針會比排卵針痛…
到夜晚我好乖乖咁9:15PM到達,
攞埋張針紙去登記之後就坐定定等叫名先交打針錢
($200, 畀錢嗰下真係覺得好肉赤). 等到叫我入去先再對名同交針.
之後再出去等夠鐘,
等等等…到9:58PM姑娘再叫我入去打針, C6可以一齊入去陪打.
姑娘見我好緊張就話
‘你好緊張?你可以捉住隔來個枕頭, 唔駛捉住自己咁辛苦’
等我準備好之後姑娘快.狠.準.插左支針入去之後我係不停諗
(未痛既?係咪插左未打?咁耐既?’)跟住姑娘就已經話打完.
突然覺得…$200都唔係唔值.
之後就乖乖等後日吧!
<<D12 仁安醫院>>
C6要喺8:00AM放丁丁,
我地7:45AM帶埋封信同結婚證書正本到醫院再對多次同UPDATE個人資料然後叫C6入房放丁丁.
攪掂之後叫我地9:45AM返去睇REPORT同植入, 要飲多D水要有少少急.
其實我對丁丁REPORT唔太樂觀.
因為仍工作好忙經常唔夠休息,
佢自己都話咁既環境底下交得唔多,
所以我沒有抱太大期望.
我地就輕輕鬆鬆去飲個茶,
期間當然不停灌水,
食完之後我怕都係唔夠仲貫左支570ML水繼續灌水,
剛剛好去到停車場就急,
但…….琴晚食左辣野肚痛…….結果去左廁所.
上到生殖中心姑娘幫我地安頓好後就問我急未?有冇飲左500ML?
(佢咁問, 我估500ML最理想)
我好尷尬咁
坦白左…
姑娘話好多人都因為太緊張而肚痛所以唔洗覺得尷尬.
當我坐好後就繼續灌水同等C6 REPORT.
過一陣之後我發現我好似飲得太多, 多到瞓低都覺頂住……
好啦, 姑娘再入來就放低丁丁REPORT(醫生入來會再同我地解釋)同照肚仔超聲波,
一照佢就話’嘩然你應該係勁急喎,
多到咁…’
其實我都知我OVER左…之後佢就叫醫生入來.
醫生話丁丁REPORT結果
好好,
佢有攞住份REPORT教C6睇, C6再問咁即OK?
醫生話洗完之後好好,
好理想,
之後就睇彩數啦…
突然間我變得好大壓力,
原以為丁丁一般我唔洗有咁大期望.
講番正題, 我眼見植入工具唔多, 透明鴨咀夾, 一條幼長硬管連住一條長軟管.
之後我都唔敢再望.
開始植入時當然用鴨咀夾撐開,姑娘喺我肚度LOOK住個超聲波令我更加急,
急到我覺得一講野都會賴, 所以成個過程我除左答醫生;OK;之外都冇講過野,救命….
對好位之後就將丁丁放入去就完成. 全程5-10分鐘.
醫生除左同我地講下笑之外,再叮囑我要塞藥同埋…等我好消息….
跟住姑娘叫我瞓多15-20分鐘但由於我已經急到痛, 最後忍唔住叫姑娘.
當我起身時都急到坐唔直,
攪掂之後姑娘除左畀張單我仲畀左張注意事項我,
最後仲祝我好運…..希望一TAKE攪掂
我睇既係仁安廖醫生.
其實佢都係一個有問必答既醫生睇症有時都有講有笑並唔係外面所講咁差.
而且我覺得佢唔會講太多唔關事資料我知,
初初照陰超我明明聽到係多過一粒,
但佢話我知得一粒既時候我都唔識反應,
所以我偷偷再問打針姑娘佢話我有2粒時我都唔係好開心.
下一次再照明明聽到3粒但仍都話一粒就忍唔住問佢,
原來只得一粒夠大其他都唔合格.
原來只係唔想混淆先只畀個結論我.
所以…我覺得佢有時講野只係簡而精啫
打左咁長篇希望可以幫到大家!!