吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 第一次炒工人（菲）

論盡家傭今日: 1|主題: 133705

收藏本版

發帖

返回列表

跳至頁

查看: 2572 | 回覆: 10

第一次炒工人（菲） [複製鏈接]

sexymami

大宅

積分: 2573

1^#

發表於 18-6-22 22:51 |只看該作者 |倒序瀏覽 |打印

本帖最後由 sexymami 於 18-6-22 22:54 編輯

我早2個月，第一次炒工人。
之前用過幾個，全部都完約，叫好黎好去。
但今次哩個，唔炒唔得。
如果你新請左個工人，叫 carmxxxx , 可簡稱佢Carla, 咁我就祝你好運。

最初請佢，因為佢話佢前一份工人完約，照顧一個special need 的小朋友，佢話佢好喜歡小朋友。但因為佢舊僱主的前工人想返黎，所以佢要搵新工。另外，佢話佢喺菲律賓做過大廚，煮餸都好食；同埋佢之前個雇主係澳洲人，所以佢英文幾好，起碼我同佢都溝通到。

但請左佢之後，就黎料了。
第一，佢完全唔會幫你鏗的。買餸平均都過100蚊一日。

但係其實我成日都會在HKTV mall 嗰度訂凍肉同日用品,基本上柴米油鹽清潔用品等, 所有超市買到嘅日用品都會係我去買。

跟住過左幾個月，佢又黑過一排面，話個仔要做心臟心術要用錢。但佢話佢個仔係好細個已經心臟有問題，所以要成日睇醫生。

我最初有諗過，如果佢做得好我可能會借錢比佢個仔做手術。

但我老公話佢一嚟到我哋屋企（年半前）已經發現佢係用iPhone 6 Plus，另外係用iPad，其實佢等錢洗極都有限！

所以我冇理佢。

再跟住過多幾個月，到我哋暑假要去兩個禮拜旅行，我問佢要唔要返菲律賓放假見個仔。

佢首先話佢要考慮，因為佢冇錢。諗左一個星期之後，佢話如果要返去，我哋要先包佢機票，另外要借兩個月糧俾佢，因為佢冇錢。

但其實，那時距離我哋去旅行，仲有2個月時間... （待續）

0 0 0

私人傳訊

Poyau

寶石宮

積分: 291022

2023年兔年勳章

2^#

發表於 18-6-23 02:41 |只看該作者

sexymami 發表於 18-6-22 22:51
我早2個月，第一次炒工人。
之前用過幾個，全部都完約，叫好黎好去。
但今次哩個，唔炒唔得。

睇上半part都見唔留得

私人傳訊

sexymami

大宅

積分: 2573

3^#

發表於 18-6-23 10:11 |只看該作者

回覆樓主

本來諗住俾佢放假返菲律賓，係等佢見下個仔。點知，反而佢好似要挾返我哋，好似係我哋要嗌佢返去咁。所以我同佢講，我唔介意我哋可能去旅行嘅時候，佢繼續留喺度工作，或者放假。不過我哋唔會預支工資俾佢。

另外，我都明言，我話我冇見過菲律賓工人用iPhone and iPad, 你個仔要做手術，已經好多年前就知道，如果你要俾佢做手術，你一定要儲錢，亦都要有儲蓄。所以唔好同我講冇錢，要預資人工。
佢跟住好衰咁，話哩啲係佢的生活態度（my own living style) 喎
低能！真係當我哋白痴！

私人傳訊

sexymami

大宅

積分: 2573

4^#

發表於 18-6-23 10:24 |只看該作者

回覆樓主

另外，佢用野用得超多超快，基本上我每個月，買日用品一定過千，又時2千。
洗潔精我買紅威寶，一個月要3/4支；洗衣液都2/3支，柔順劑又3/4支
仲有抹窗洗地 CIF 等，用得超快，我講過幾次，好唔環保。但佢都係少理...
仲有，佢對小朋友冇愛心冇耐性，仲超惡又成日鬧爆晒。最初諗住我佢幫手教下小朋友，就算啦。但佢鬧到我囡好唔開心，唔明白點解工人咁憎佢。
我哋一齊（全家加埋佢）都傾過幾次，但好快又回復本性。

再之後，佢成日都黑我囡面，唔理佢唔應佢。

之前的工人，我哋過年過節生日年中都會奬勵吓。但因為佢咁樣表現，所以我哋冇俾額外錢佢。

但我請佢時，講明會俾佢5千，（因為佢有經濟亦相信佢會做得好），所以其實佢已經比一般工人高人工啦⋯⋯

因為我哋冇試過抄工人，所以都諗住忍到佢完約。

點評

wcpcelia

發表於 18-6-23 18:26

私人傳訊

sexymami

大宅

積分: 2573

5^#

發表於 18-6-23 12:05 |只看該作者

回覆樓主

但係佢變本加厲，之前剛來做左幾個月時，我發現佢會用我啲護膚品，跟住我就裝佢，攞一盒新的日日睇下，肯定左佢一定有攞來用，仲用得好狠，應該係吸出來的，因為會有一個洞一個洞咁
我話過佢一次，之後有幾個月冇發現，但後來又故態復萌，唉...
搞到我哋好想炒佢，但又怕搵過一個都係咁差
點知，有晚我同老公一齊返屋企，一入屋，竟然見到我囡自己在赤腳掃地，而地上係佢打爛的飯碗同埋飯菜！

而細佬就繼續在佢位上食飯，但工人姐姐竟然在廚房洗緊佢啲碗！理都冇理佢倆！

我嚇到立即大叫佢停，要著返鞋，爸爸就幫佢清理碎碗同垃圾

工人聽到我哋返黎，才走出來，仲鬧我囡，話已經叫過佢好多次，食飯唔好同細佬玩。我話，咁都冇理由俾佢赤腳掃玻璃吧？

跟住佢就攞返把掃把，自己赤腳掃地！

嗰一刻我就知道，條友唔炒唔得了，佢會置小朋友於危險之地，漠視佢哋安全。

之後問細佬，先知原來佢會有時帶佢搭車，去好遠唔知邊到，同佢朋友傾計，傾完計就帶佢返屋企。

私人傳訊

sexymami

大宅

積分: 2573

6^#

發表於 18-6-23 12:11 |只看該作者

回覆樓主

我哋炒左佢之後，我專登在reference letter 留埋我電話。等佢唔可以呃人。

我炒佢陪左8千蚊俾佢，當破財消災。但我都好驚佢會反告我哋... 因為之前見有啲衰工人會架嘛，所以都擔心左幾星期

另外，佢試左一次俾左封信新僱主睇，睇完打左俾我，我講左我炒佢原因後，嗰個僱主應該冇請到佢。

但2星期後，佢話俾我細佬個工人聽，佢搵左新僱主啦
會照顧初生B.B., 7 月出世，簽完約仲返左菲律賓了(emoji)

私人傳訊