吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 一句無玩具玩，我幫你諗掂佢

自由講場今日: 459|主題: 1299857

收藏本版

發帖

返回列表

跳至頁

樓主: 之緣

1 234 5

積分: 10437

41^#

發表於 18-6-25 08:21 |只看該作者

Fion_Chan 發表於 18-6-25 01:17
「佢」係BB ？定99？同意樓上JM ，煮飯仔、車仔呢D 簡簡單單，cheap cheap 咁一大堆，你99就唔會話無玩具 ...

不過你建議好好，我試買一pack大煮飯仔去

私人傳訊

Fishqqma

珊瑚宮

積分: 117504

2024年龍年勳章虎到金來勳章

42^#

發表於 18-6-25 08:24 |只看該作者

回覆樓主:

小朋友一歲未夠……
嗰啲電腦仔迪士尼字卡根本就唔可以當玩具。
毛公仔我更加唔會畀咁細的小朋友玩！

私人傳訊

Fishqqma

珊瑚宮

積分: 117504

2024年龍年勳章虎到金來勳章

43^#

發表於 18-6-25 08:26 |只看該作者

secretrose 發表於 18-6-25 00:36
我估呢個嫲嫲？可能你買d簡單d的玩具啦！煮飯仔，車仔，大大堆！書仔同迪士尼成盒野老人家唔識搞。
...

非常同意，小朋友一歲人仔未夠，根本就唔鍾意玩嗰啲電腦，Disneyland card 呀，比返D適合佢年齡嘅玩具玩會好D！

私人傳訊

之緣

子爵府

積分: 10437

44^#

發表於 18-6-25 08:26 |只看該作者

honeybibibibi 發表於 18-6-25 01:23
一件半件係好，但例如玩具車仔，有車輪，可以用手前後推下，bb都學到野，但樓主又話奶奶連膠玩具都話唔俾 ...

本帖最後由之緣於 18-6-25 08:30 編輯

我明佢唔識同bb玩，所以佢一喜歡我就拎去佢度，包括點讀筆，我以為咁佢可以湊得開心有成功感d。但佢原來要play safe 驚膠的玩具會整親bb，愈簡單愈好。
其實係佢習慣，個樽發臭唔用都放埋一邊，所以玩具爛和壞覺得擺下bb拎下好過無，儲埋d單張在圍欄內多到派返出去都得，舊電話幾個、舊搖控又有...喺咁情況下我點諗到無玩具？

私人傳訊

ce3021

男爵府

積分: 7715

45^#

發表於 18-6-25 08:29 |只看該作者

回覆樓主:

其實佢話無玩具玩，係咪阿B無興趣或未識玩呀？不如溝通吓先啦~
老人家肯同你湊都算係咁，湊大仔女佢地責任就完咗(至少我係咁諗)，所以我自己湊，可以用自己方法嚟教養自己B，免起冲突

私人傳訊

Fishqqma

珊瑚宮

積分: 117504

2024年龍年勳章虎到金來勳章

46^#

發表於 18-6-25 08:29 |只看該作者

secretrose 發表於 18-6-25 00:49
我女細個都鐘意搞膠袋包裝紙，好奇呀！有怪聲發出！可能佢奶奶覺得bb鐘意囉！未必係其他原因！
...

阿女細個好鍾意玩bubble 紙

私人傳訊

cakii

珍珠宮

積分: 33453

47^#

發表於 18-6-25 08:38 |只看該作者

回覆樓主:

係c6點睇呀？

私人傳訊

怪獸青BB

珍珠宮

積分: 33796

48^#

發表於 18-6-25 08:42 |只看該作者

回覆樓主:

老人家唔會甘坐定定同bb睇書，買d平平地玩具過去玩咪得lor，同埋有時bb真係當我地眼中嘅垃圾（膠袋，報紙）係寶ga,佢鐘意玩我唔介意（當然搵d相對乾淨）

私人傳訊

之緣

子爵府

積分: 10437

49^#

發表於 18-6-25 08:45 |只看該作者

本帖最後由之緣於 18-6-25 10:04 編輯

ce3021 發表於 18-6-25 08:29
其實佢話無玩具玩，係咪阿B無興趣或未識玩呀？不如溝通吓先啦~
老人家肯同你湊都算係咁，湊大仔女佢地責任 ...

呀b好中意搣紙，我地比d舊書雜誌佢搣，中意玩紙巾，我地比紗巾放入紙巾盒佢抆出黎，佢玩得好開心。呢d奶奶家係有Ge, 仲有堆呀b用來咬和掟的bb玩公仔。
迪士尼咭一盒佢中意逐張拎出來玩，電腦仔我同佢玩就好開心因爲其實只係notebook 造型runabouts 的播歌仔玩具但大前提要有人陪佢和幫佢按掣。有本按掣播音樂書。
咁我先以為bb 夠玩具。再加上有堆廢紙，曲奇餅盒等，我真係以為夠。

私人傳訊

之緣

子爵府

積分: 10437

50^#

發表於 18-6-25 08:54 |只看該作者

cakii 發表於 18-6-25 08:38
係c6點睇呀？

唔煩到佢佢唔出聲，加上奶奶唔會同佢講。不過佢見我起勢執左d大件又幾靚的毛公仔、波波話拎去，都話再看下情況啦！佢覺得呀b真係無咩玩具，同我諗法一樣都知bb 有好多包裝紙，字咭佢中意拎出來玩，無諗過唔夠。就算買玩具去，添置左d玩具都無玩，玩返紙袋紙張，我地覺得ok，又買左部vtech 學行車大大部又靚，真係唔明欠什麼玩具。因為只有軟林林玩具先可以，奶奶驚膠玩具整親bb。所以vtech 都唔多玩

私人傳訊

秋天與楓葉

珍珠宮

積分: 32599

51^#

發表於 18-6-25 09:26 |只看該作者

之緣發表於 18-6-25 00:40
4月排，學校話如1歲半讀即下年1月應該那一組已經排到，係初生位緊張d。

...

排育嬰院要等大半年
除非請工人/自己湊，否則都係要奶奶幫手湊b
原來小朋友未夠一歲，咁需要人陪bb一齊玩玩具、互動下，多過要好多玩具
呢個階段唔洗好多玩具，淨係一雙手已經同bb玩到kaka笑
不過安排奶奶湊自然無得要求咁多，老人家湊b只求安全
奶奶手痛都肯湊更加唔話得

私人傳訊

之緣

子爵府

積分: 10437

52^#

發表於 18-6-25 09:35 |只看該作者

回覆 shanhaha 的帖子

我完全同意你講法，我覺得老人家搞掂食瞓疴我好感激佢，所以我一直好感激奶奶做到呢幾點，如果唔係我點會真係諗佢唔開心就唔去育嬰院，我地識人其實要入唔難(因為那學校係機構背景，只要識董事要入唔難)，而且有間講明我BB到一歲有位，不過果次一題佢把聲沉晒臉唔開心，我唔想到時佢唔開心，心掛掛個孫先諗住讀N班。
所以我一直無為意玩具問題，見佢比D包裝紙BB，BB又開心；佢成日帶BB去街市同人傾下計佢開心BB又開心，BB又中意佢，我就無再問或理佢點搞，間中佢話我地屋企呢份果份玩具得意咁我就拎比佢，佢好開心架，但無開黎玩之MA，支點讀第2日就壞左，我未得閒拎去整。

咁我見個公仔洗乾淨左放在BB床2星期，佢又無出聲拎返，之前佢又話過B多野搞到好亂，我以為佢唔再拎，順口問一問，佢一句得埋黎 : 呀B邊有野玩，我屋企邊有野玩 ? 係好認真好不滿TONE，我心諗: 你明知我放晒手，你想要MUG我一定買一定添夠，平時無BB餅無片無紙巾你都出聲叫我地買，無玩具屋企咁多你無理由唔拎 ? 佢都自己拎過一D玩具書仔去佢度，佢知我地無所謂，因為都係個仔玩。所以我真係唔明點無玩具玩，所以OK，我即刻執3袋玩具，佢話個硬膠搖拎要，只要軟林林果D，我有，大把 ! 佢又即刻驚我拎太多，我比埋個健身琴仔，佢又唔想要，因為好似A3咁大會阻位置...

私人傳訊

CathyChan1126

水晶宮

積分: 56584

畀面勳章

53^#

發表於 18-6-25 09:39 |只看該作者

回覆樓主:

其實唔洗諗
直接唔好比99湊
煩到嘔，去育嬰園都好過去佢到

私人傳訊

之緣

子爵府

積分: 10437

54^#

發表於 18-6-25 09:44 |只看該作者

回覆秋天與楓葉的帖子

排育嬰院其實愈細愈難有位，返而大組即有返18個月就易D了。
我認同你講，比老人家照顧不能有要求，而且佢手痛都照顧係好好，講真佢好錫我BB，否則我係唔會理佢感受，我覺得BB生活無聊比佢返學就返學，佢唔開心佢GE事...但我唔想佢唔開心，因為我知佢真係錫BB，人品係無野的。

係架，你講得啱，一歲BB只要同佢互動就OK，所以我好捨得比D玩具出去，人地話喜歡我會送比佢BB，因為我甚少同BB玩玩具，多數同佢看書、唱歌、拍手、玩按摩等等...其實出世到宜家無點買玩具，都係人比D初生感官玩具公仔，或者人地送的。我老公好錫個仔返而有買，但都係問我意見，覺得配合成長年齡先買。買左有時奶奶見B玩得開心，我地就比佢拎去屋企，以為佢會開心。

所以我係嬲佢一句得埋黎 "宜家我果度邊有玩具比BB玩呀? 邊有野玩呀?" 其實我想話，你要的話，我比晒全屋BB玩具比你都OK，我同BB唔係玩玩具的。只係佢從來唔會清潔BB的玩具、床欄、地墊 (我覺得OK，唔洗太乾淨，而且係佢習慣)，如果我比晒佢，佢都唔會要，因為唔想執唔想抹，比得多封塵佢又唔捨得...

私人傳訊

之緣

子爵府

積分: 10437

55^#

發表於 18-6-25 09:53 |只看該作者

回覆 CathyChan1126 的帖子

講真，我奶奶值90分...係呢D位令人唔開心 ! 佢真心錫BB，對我都算好好，係有時呢D位要WIN下唔理我感受，例如我好聲好氣話 "BB今朝5點半醒過飲奶，所以應該10點可能會再食..." 佢好無禮貌答: "我夠知LOK ! 我其實一早醒左啦 !" 所以我宜家唔出聲，佢問先講，我覺得唔出聲係最安全。
佢好的地方係會聽下人講，例如今天早上我話BB開始其實要食下飯仔，唔係兩餐都粥仔，下午食奶，要食下固體，我會負責早點茶點和晚餐，只麻煩佢預備午餐粥仔，佢都話好，無好大意見，因為佢知我真係好錫個仔好有心機上來BK 學野。其實佢之前無慨念加固，無概念BB要學座，不過我有時放幾日長假TRAIN，TRAIN完佢接返覺得個孫唔同左。特別新年我自己湊左大半個月，識坐和開始食固食得好好，所以佢口講自己最識湊，無人識得佢識

事實佢都聽人講GE !

所以我先唔去育嬰院，明明識人可以1歲入，我去晒學校參觀同老師傾左下計，都擱淺係因為唔想奶奶唔開心老公難做。老公係好尊重我，比我決定的。而且我其實做過育嬰院和幼兒園老師，我識好多學校，佢知我識選擇。

私人傳訊

壞蛋獎門人

男爵府

積分: 7847

56^#

發表於 18-6-25 10:06 |只看該作者

回覆樓主

佢話冇玩具，咪搵日同佢去百貨公司買幾件囉，樓主你應該嬲你奶奶嗰句同語氣姐，你覺得好唔代表佢覺得好，或者你嗰啲玩具你奶奶佢又唔識同bb玩呢，唔好心灰心淡啦，其實佢手痛都以經好辛苦，可能咁岩嗰日佢心情唔好姐

私人傳訊

櫻花bb

水晶宮

積分: 54910

57^#

發表於 18-6-25 10:09 |只看該作者

回覆樓主

反正申請咗育嬰園，有位就即入，唔會俾99湊！之前我99湊又係好激死冇命賠，最經典我仔剛滿7個月，俾佢食山竹牛肉，又俾舊叉燒佢‘啜’，其他都費事講，俾佢湊咗幾個月，頂唔順，辭咗份工自己湊

私人傳訊

jipjipjip

別墅

積分: 542

58^#

發表於 18-6-25 10:10 |只看該作者

櫻花bb 發表於 18-6-25 10:09
反正申請咗育嬰園，有位就即入，唔會俾99湊！之前我99湊又係好激死冇命賠，最經典我仔剛滿7個月，俾佢食山 ...

99係傻架,簡直就係謝安琪口中佢想食X唔通就就比X佢食果類人

私人傳訊

之緣

子爵府

積分: 10437

59^#

發表於 18-6-25 10:12 |只看該作者

UM...我補充下...

其實奶奶屋企真係因為呀B的東西搞到間屋好亂，咁佢湊左一日我們接走都想看下電視唔會想執下，我明，所以間屋真係好亂。

咁我以心為心，話初生階段的衫仔唔好要啦、紗巾梅晒換新啦、D玩具BB仔玩過宜家唔玩就換D啱年度啦 ! 不過佢唔肯，要留，要儲、所以變左我成日以為夠玩具又驚佢屋企大多野，唔敢咁多去，又覺得玩唔晒。可能我唔夠細心 !

私人傳訊