我嗰時揀去搵專業人士,有人睇住自己情況,有需要可轉介我去見私家精神科(如果唔想係公立醫療系統留record就去私家吧。公立醫院嘅婦產科姑娘都叫我如經濟負擔到就去私家,因唔會留記錄係公立醫療系統)。我唔介意俾我身邊朋友、家長甚至小朋友學校嘅老師校長知我去見輔導。因去做婚前輔導又係嗰啲中心,去做parenting(管教問題)又係去嗰啲中心,去攪睡眠問題、情緒問題都係去嗰啲中心。啲朋友、家長有時想搵輔導服務,不論係夫婦相處問題、parenting問題,我都係介紹去YWCA家庭健康促進中心(又一村)。我嗰時去搵輔導其實當自己身體唔舒服搵醫生做 body check,睇下係唔係真係有某方面問題。無咪自己放心,家人放心。有問題咪跟輔導員指示去做,去復元。