夫婦情感 今日: 0 | 主題: 42807

積分: 293

1^#

發表於 04-11-10 12:56 |只看該作者

唔想放棄,但係好辛苦,究竟仲會唔會有快樂?!

好想搵人傾下,唔知你地可唔可以幫下我.....

我同我老公結左婚差不多十年了,開始既幾年真係好開心,好甜蜜,好溫馨. 慢慢我地既生活就變得平淡,近幾年大家工作上都忙左好多,而大家既信任令到大家都有好多私人空間&時間,好多時星期六我地都會各自搵節目. 我老公一直都對我好好......

但係半年前佢有一晚突然同我講話佢好唔開心,覺得呢個屋企無左溫暖,覺得我唔體諒佢,唔明白佢. 佢話同我一齊好辛苦唔知點樣可以再繼續落去.
我聽到之後覺得好內疚,自己放太多時間做野真係忽略左佢,於是我同佢講我會改,我會盡量做好d.....
如是者我地過左幾個月,但係無論我點樣努力,大家既關係一d進展都無,佢依然係唔開心....
上個月我發現我有左bb,本來我地一直都無諗過要bb,但係既然上天安排,我好開心咁去接受. 點知我老公一d都唔開心,仲話以後會好煩,佢想我唔要個bb.

有朋友話我老公一定出面有女人,但係我點都唔信,我對佢既信任係用左十年時間去建立返黎,我對佢一d懷疑都無.
但後來我開始思前想後,覺得佢呢一年真係變左好多,對我亦無咩感覺......上兩個星期無意中我係呢個web 睇到上網可以check到電話通話record,我一直都無諗去check,但係上個星期唔知點解係公司無聊之間突然諗起不如去check下.....
撞左幾次又比我撞中左個密碼,講到呢度,我諗你地都估到發生咩事喇,我見到有一個電話係佢差不多日日都打,而且每次都講幾分鐘至十幾廿幾分鐘......

佢終於承認左係大陸識左個女人,已經來往左十個月.

o個日我立即搬左返自己媽咪屋企,我真係死心了!
我開始計劃點樣去分配我地既資產,同埋點樣去處理離婚.至於個bb,係我唯一唔知應該點做.
我幾日無聽佢電話,點知佢星期日帶埋我奶奶黎我屋企同我&我d屋企人認錯.....見到佢咁樣我真係好心痛,亦開始心軟,連我爸爸媽媽都叫我比次機會佢.

我奶奶話人人都會做錯事,好希望我比一次機會佢個仔.

(一陣再講埋下part)

私人傳訊

積分: 293

2^#

發表於 04-11-10 13:41 |只看該作者

Re: 唔想放棄,但係好辛苦,究竟仲會唔會有快樂?!

我星期日已經搬返去,我老公係好似好內疚,佢發晒毒誓話唔會再搵o個個女人,佢話係佢一時諗錯左,佢好後悔,佢話知道我受左好多委屈,會盡量去補償返.....
咁佢呢幾日真係對我好好,無時無刻都會關心我,出街一定拖住我(呢一年佢已經好少主動拖住我). 佢而家仲日日都會問bb 點, 之前只有我講,佢就好煩咁!

佢咁樣我都好開心,我都好唔捨得十幾年感情,都好希望真係可以同佢&bb 以後一家人開開心心.....
但係我真係好辛苦,見到佢我無時無刻都會諗起佢以前種種大話,我對佢似乎已經無晒信心. 唔知你地會唔會認同,對一個人無左信心真係好難相處.
呢個星期,我每一日都唔可以訓到3個鐘,晚晚成3,4點至訓得著,但係4,5點又會發惡夢醒,簡直係好似行屍走肉咁,好辛苦呀!!

你地可唔可以比d 意見我? 其實經過d 咁既事, 會唔會有機會可以好番? 點樣我先可以建立返對佢既信心呢?
你地有無過來人可以指點一下我呀??

多謝你地用咁多時間去睇我既message!

私人傳訊

SHAN1226

別墅

積分: 886

3^#

發表於 04-11-10 13:56 |只看該作者

Re: 唔想放棄,但係好辛苦,究竟仲會唔會有快樂?!

你都講你唔想放棄,咁就俾一次機會佢
有邊一個係感情上無傷心/辛苦......
係睇下自己點去諗,無人可以講張來會唔會
快樂/開心,你唔去試就兩樣都無
問問自己你仲愛唔愛佢.
你而家要諗係你個肚同你同返佢一齊會唔會信佢
兩個人一齊唔信對方,係一件超辛苦的事
你而家有左真係要慢慢諗情楚,其實我覺得你要搵你
先生傾下...(唔好有第三者再場),同埋你要問清楚係唔係佢亞媽逼佢同返你一齊(因為佢亞媽g你有左),,,,,,,,,

私人傳訊

SHAN1226

別墅

積分: 886

4^#

發表於 04-11-10 13:59 |只看該作者

Re: 唔想放棄,但係好辛苦,究竟仲會唔會有快樂?!

哦~~~原來已經搬返去,,,,,,,
搬得返去就唔好諗咁多啦,佢可能真係g錯呢......
好好地做個靚靚大肚婆

私人傳訊

yvonnel

積分: 466

5^#

發表於 04-11-10 13:59 |只看該作者

Re: 唔想放棄,但係好辛苦,究竟仲會唔會有快樂?!

amy, 我自己不是過來人, 比唔到d咩意見你,
我自己覺得, 你儘量唔好再去想佢對你的不是,
試下放開d...
既然你先生已知錯, 你地亦係返埋一齊, 就唔好想太多.... 塊鏡裂左我知道補唔番, 但試下唔好睇條裂痕, 其實執鏡都用得既

加油

唔開心就上來同我地講, 依度好多人可以比support你

私人傳訊

溫柔

積分: 6308

6^#

發表於 04-11-10 14:01 |只看該作者

Re: 唔想放棄,但係好辛苦,究竟仲會唔會有快樂?!

我都好明白你既感受,佢今次既然你已經返咗去,大家應好好咁重新開始過,不過你一定要你老公同大陸個女人斷絕來往,如果你老公唔駛成返大陸做野,就叫佢交張回鄉証比你保管,等佢比返d信心你!既然你唔想放棄,你就要堅持落去,開頭就係辛苦d,比d時間自己忘記以前,你已經選擇返去同佢生活,就應該好好咁去享受吓你同佢同bb齊既時間,唔好唸咁多野,咁對佢自己同bb都唔係咁好+!加油呀!努力去迎接你哋既新生命啦!

私人傳訊

積分: 293

7^#

發表於 04-11-10 14:10 |只看該作者

Re: 唔想放棄,但係好辛苦,究竟仲會唔會有快樂?!

好多謝你地咁快就有回應!

溫柔,
問題係佢成日都仲要返大陸,所以我先會日日提心跳膽.
佢話佢唔會再去搵個女人,佢話一定唔會再搵,亦將佢大陸d電話咭比晒我,咁個女人就搵唔到佢.

私人傳訊

carol_kk

積分: 7398

8^#

發表於 04-11-10 14:11 |只看該作者

Re: 唔想放棄,但係好辛苦,究竟仲會唔會有快樂?!

一段婚姻出現問題, 其實雙方都有責任~~~如果你唔想放棄, 亦搬返去一齊生活, 咁即係代表你已原諒佢, 你而家唔好諗咁多, 我相信時間可以證明一切, 好好保重身體, 迎接小生命~~~BB係你地帶黎呢個世界, 亦係緣份既安排~~~記得開開心心咁生活落去呀!

私人傳訊

該用戶已被刪除

9^#

發表於 04-11-10 14:13 |只看該作者

Re: 唔想放棄,但係好辛苦,究竟仲會唔會有快樂?!

提示: 作者被禁止或刪除內容自動屏蔽

私人傳訊

溫柔

積分: 6308

10^#

發表於 04-11-10 14:43 |只看該作者

Re: 唔想放棄,但係好辛苦,究竟仲會唔會有快樂?!

佢要返大陸邊度做野呀,要唔要過夜呀!如果係近近哋佢一定可以即日來回格!而且而家有24小時通關,幾時都返到黎la!最緊要唔好比佢有籍口係上面過夜!
你唔好怪我咁講,以下係我個人意見!
你話佢比晒d大陸電話咭你,冇咗你手上既咭可以買另一張唔比你知格,咁佢咪可以同佢繼續來往,你都唔佑啦,係咪?你要你老公係你面前打比個女人,同個女人講清楚,話自己有老婆,而家要同佢分手,叫佢以後唔好再搵你老公!
雖然咁做唔係咁好,但係起碼都比返小小信心佢,而且你亦可以知你老公已經同佢講咗分手先啦!

私人傳訊

積分: 293

11^#

發表於 04-11-10 17:05 |只看該作者

Re: 唔想放棄,但係好辛苦,究竟仲會唔會有快樂?!

Carol, Mrs_ching,
你地既說話對我有好大鼓勵,呢個web 真係有好多心地好好既人不惜花時間同精神去幫助有需要既人.
我真係好想可以快d 建立返信心,好想可以唔再諗佢以前既野,希望你地可以繼續支持我,等我可以快d 無事.

溫柔,
你講既我都有顧慮到,佢亦應承除非真係去好遠,如果唔係唔會過夜架啦.
我唔想迫佢去打電話比個女人,佢話左唔再搵佢,如果我仲處處迫人,我唔想咁做,人始終都須要被人尊重,雖然佢係做錯左,雖然我係好驚,但係即使我迫到佢係我面前打比個女人,如果佢係有心繼續同個女人發展,佢亦可以轉頭再去"tum"返個女人.....

其實我唔想再諗個女人,亦唔想再係大家面前提起,不過真係好難做到,你地有d 咩高見提議下比我啦!

私人傳訊

yammyma

大宅

積分: 4605

12^#

發表於 04-11-10 17:30 |只看該作者

Re: 唔想放棄,但係好辛苦,究竟仲會唔會有快樂?!

amyamy,

我曾經聽過一句說話,希望可以俾你一d啟示:
"每天醒來,你想個日開心定唔開心咁過,全決定在你手中."
既然決定原諒佢,就俾d信心,唔好再胡思亂想.有時好多野發生,根本係我地控制唔到,唔好俾自己生活嚮猜疑中.

yammyma

[img align=left]http://www.dchome.net/emote/icon/548.gif[/img]

私人傳訊

SHAN1226

別墅

積分: 886

13^#

發表於 04-11-10 17:35 |只看該作者

Re: 唔想放棄,但係好辛苦,究竟仲會唔會有快樂?!

amyamy努力啦你一定可以
從新接受佢俾d信心佢啦..........
福你快樂等bb出世.......
:wink:

私人傳訊

belindamok

洋房

積分: 161

14^#

發表於 04-11-10 18:02 |只看該作者

Re: 唔想放棄,但係好辛苦,究竟仲會唔會有快樂?!

amyamy,

我唔係過來人,所以我無法感受到你的辛苦,但我已為人母,好想給你一個忠告,萬事要以bb為重,你懷了他就一定要開開心心,那bb才會健健康康成長

,其實有很多事我地都無法去估計,去預知結果,既然如此,無謂想太多

當不開心時,就與bb傾下計,摸摸他(你個肚),不要以為得個幾兩個月,佢會感受到你架

私人傳訊

溫柔

積分: 6308

15^#

發表於 04-11-10 19:35 |只看該作者

Re: 唔想放棄,但係好辛苦,究竟仲會唔會有快樂?!

amy:
其實你都好清楚自己既唸法,唔好再鑽牛角尖啦,開開心心咁去迎接bb既來臨la!
good luck!

私人傳訊

YokoLai

大宅

積分: 1873

16^#

發表於 04-11-10 22:04 |只看該作者

Re: 唔想放棄,但係好辛苦,究竟仲會唔會有快樂?!

如果你仲愛佢就比一次機會佢啦~~唔好諗咁多o勒！為左自己同BB。你e家要好好養好自己既身體，同埋要訓多d啊！對你同BB都好d丫嘛！

私人傳訊

Lavenda

等待驗證會員

積分: 187

17^#

發表於 04-11-10 23:30 |只看該作者

Re: 唔想放棄,但係好辛苦,究竟仲會唔會有快樂?!

已經好多人俾左positive既鼓勵你,
我不妨又做衰人, 從反面去睇呢件事.

大陸女人手段好厲害, 為左有個港佬做飯票(佢地唔一定爭名份), 唔係你換電話卡就可以避得開.
更加唔係你話唔再諗, 又信晒老公唔迫佢, 佢就識得回報你.

信心既建立唔係一朝一夕, 一手破壞呢種信心既係你老公,
而家要做extra工夫再去gain你的信心既應該係佢,
你一時間唔能夠100%信佢, 都唔係你既錯,
我又覺得唔應該迫自己.

在意識有危險時懂得防避係人既動物性本能,
你對佢有戒心係你既本能話俾你知要保護自己,
因為有潛在既危險. 我會傾向理性地相信自己既本能.

如果係我, 我會靜心觀察, 凡事為自己(同bb)留後路,
唔會再毫無保留信晒佢(you know what i mean

)

我講既野可能唔動聽, 不過實事求事,
女人要識得保護自己, 因為冇人可以一世保護你.

私人傳訊