Hi love_bbbabe ,媽媽生產完補充水分好重要,加上產後身體機能未完全恢復,以清淡易消化和高營養既湯水,魚湯、雞湯(去皮)、瘦肉湯、牛奶都好多媽媽飲,可以為母乳提供充足夠水份,豐富蛋白質對傷口愈合亦好重耍。傷口仲痛嗎?
一般傷口會係1-2星期左右癒合,媽媽可以配戴束腹帶固定開刀傷口,有助傷口復元外,亦可幫助媽媽支持背部同腹部嘅肌肉,減輕腰部嘅負擔。子宮按摩可以幫助子宮復原及惡露排出,對媽媽身體復元都有幫助,媽媽清楚按摩方法嗎?
Hi tapioca110 SweetieBaby ,產後媽媽可以平躺係床上做子宮按摩,用手放係肚臍附近搵到一個似波嘅物體(子宮底)做按摩,觸壓時子宮一般係鬆軟,用手掌稍加施力係子宮位置作環形輕柔按摩加速子宮收縮,媽媽按返子宮的軟、硬程度決定按摩次數及時間長短,按摩至子宮成硬球狀,子宮變硬代表收縮良好。自然產後可以即時按,剖腹產就最好3-7日後按以免傷口疼痛,留意產後兩星期左右子宮底會下降至媽媽盆腔位置,再觸摸唔到架。BB幾大呀?