少年成長今日: 0|主題: 15848

收藏本版

發帖

返回列表

跳至頁

查看: 5853 | 回覆: 2

睇功課 [複製鏈接]

csir3290

子爵府

積分: 10929

1^#

發表於 18-11-25 10:36 |只看該作者 |倒序瀏覽 |打印

本帖最後由 csir3290 於 18-11-25 10:36 編輯

唔知係咪之前話過阿仔阿女，所以呢輪佢哋做功課都做得快咗，其實我都覺得佢哋都算係聽話同埋自律，從來都唔使我同老婆我擔心佢哋做功課，每一日放學佢哋就會自己做，但係前幾晚阿仔就為咗睇功課呢樣嘢，又喺度發我老婆脾氣。
其實佢哋都算好自律自己做好曬功課之後就會擺好啲功課等媽媽返嚟之後同佢哋睇！呢輪佢哋做功課有效率咗，所以我哋未返到屋企之前佢哋已經搞掂好曬啲功課仲喺度玩緊。咁可能佢哋兩姊弟真係玩得好開心啦！到媽媽幫佢哋睇完功課叫佢哋改正，呀仔就好唔願意咁行埋去改正，但係就一路改一路發忟憎。終於我老婆都忍唔住鬧佢，雖然係鬧但係其實我都覺得我老婆講得幾啱。我老婆同呀仔講其實你可以唔改嘅。如果你唔鍾意亦都可以唔畀啲功課我哋睇。因為睇功課唔係必需嘅，我哋放工返嚟已經用額外嘅時間幫你哋睇功課，如果你唔願意改可以唔改，如果你唔想畀我哋睇亦都可以唔畀我哋睇。我老婆話改功課根本就係老師嘅責任，我哋而家幫你睇咗先只不過係希望老師對你有個好啲嘅印象，因為你啲功課唔會錯咁多。我哋而家唔同你睇或者你唔改，其實錯咗返到學校老師都會叫你改，我哋而家做多重功夫只不過係想老師對你嘅印象好啲。跟住我都同阿仔講其實你有權唔改有權唔畀我哋睇，但係就冇權發我哋脾氣，因為我哋放工返嚟用額外嘅時間幫你睇，你做錯咁多我我哋都冇發脾氣，你有乜嘢權發脾氣呢！其實阿仔都好聽我哋話，我哋都預期佢唔會唔改，只不過我哋係唔鍾意佢發脾氣。最終阿仔都死死地氣改曬啲嘢當然我亦都要佢同媽媽道歉啦。

我諗好多家長都會有同仔女睇功課嘅習慣，但係有陣時連我自己都唔係好知點解要幫佢哋睇功課，淨係知道呢個好似係習慣一樣，總之佢做完功課就幫佢哋睇。總之其他家長咁做我哋亦都咁做，但係經過今次我又覺得我老婆講得好啱，其實睇功課真係老師嘅責任，我哋額外幫佢哋睇可能真係為咗令到佢哋喺老師嘅印象入面好一啲咁解，唔會好似成日做錯嘢咁。我哋好多時都會同阿仔阿女講其實我哋都唔算要求好高，好多時睇佢啲功課都只不過係佢錯咗我哋要去改，至於佢啲字寫得唔靚或者擦嘢擦得唔乾淨好多時我哋都唔特別要求。我真係認為睇功課未必係必需嘅，唔應該為咗睇功課呢樣嘢而令到我同阿仔阿女嘅關係緊張，佢願意改咁就最好啦，如果佢唔想改我哋都唔會逼佢，始終功課係佢做嘅，佢自己需要承擔番做錯嘢嘅後果，做錯咪改正囉！只不過正如我老婆講，成日做錯嘢好似喺老師嘅印象入面唔係咁好。更加重要嘅係要佢哋明白做功課係佢哋自己嘅責任唔可以依靠父母。

0 0 0

私人傳訊

birdbird

水晶宮

積分: 60463

2^#

發表於 18-11-25 22:11 |只看該作者

回覆樓主：

本帖最後由 birdbird 於 18-11-25 22:12 編輯

呢件事牽涉2個問題
1) 家長是否需要睇功課?
我認為初小要, 因為可從功課中知小朋友吸收幾多, 始終初小打好基礎, 讀上去較易吸收; 但不代表家長唔睇功課就係失責。

2) 小朋友比家長睇功課, 家長睇到有錯, 小朋友有冇權唔改正?
若然有錯, 小朋友唔改正, 咁家長何解仲要睇功課?所以, 我一係唔睇, 但一睇到有錯就必要改, 我唔要我睇功課的時間及心機浪費。