家庭理財

跳至
[金融投資] 2019投資學堂(一)  

首頁
45678...11

尾頁
   249


大宅

積分: 1052

2019新春慶豚圓 2019勳章


發表於 19-2-15 18:08 |顯示全部帖子
2019投資學堂(廿七)

其實不單止小投資者擔心被人魚肉,有時候大戶都會被人㩒住搶。

前面提過,外匯市場雖然說接近完美市場,但都有瘕疵的。話就話廿四小時交易,但外匯交易其實集中在全球幾個中心。而且絶大多數都是OTC或者經外匯經紀商,經Exchange只是少數。真正大戶都唔會係exchange交易。每天早上首先是東京,然後到香港,下午歐洲入嚟,倫敦當然最活躍。香港晚上七時左右,另一個中心開市,就係紐約。到紐約下午靜下來,當日都差不多完結。西岸的三藩市也不會特別active,再晏紐西蘭的奧克蘭便開始另一天。由紐約收市到東京開市之間幾小時,市場參與者不多,造成liquidity好差。這正給大鱷一個絶好機會。

一些短炒的外匯投機者為了保障自己,都會留下止蝕柯打俾銀行。但有啲無良traders就趁紐西蘭市場交投稀疏,便隨意打價上路透機。一個唔覺意將啲客斬曬,然後啲價又回復正常,同紐約收市差不多。啲客就慘了,喊都無謂。要追討都難。如果係交易所,所有成交都check到,OTC就無從稽考了,正一口同鼻拗。所以找一間信得過的銀行是很重要的。


複式洋房

積分: 113

2019新春慶豚圓


發表於 19-2-15 19:34 |顯示全部帖子
謝謝


大宅

積分: 1052

2019新春慶豚圓 2019勳章


發表於 19-2-16 11:22 |顯示全部帖子
2019投資學堂(廿八)

今日再講多少少關於柯打。最簡單的係買入或者沽出的柯打。你自己諗定一個心水價位,size即銀碼或者股數,便可交予銀行或者你的經紀。仲有係呢個柯打的時限亦十分重要。一般銀行只接受即日的柯打,即是銀行會代你在當日交易時段內去work個柯打。收市仲未成交便自動取消。大客就可以多D選擇。柯打可以訂明good till 幾時。比如個半小時,或者直至明天晚上七時都得。甚至GTC, good till cancel ,即係個客一日唔通知你取消,個柯打仍然生效。試過有人忘記取消個GTC柯打,突然收到經紀通知話柯打fill 咗。大鑊了。所以GTC一定要小心處理。另外有種OCO,one cancel the other(s),一般就是放兩個或更多不同的柯打,但只要其中一個做左,其它就自動取消。通常一個係止蝕,另一個就take profit。仲有無複雜啲,你生意夠多你就自然可以同你個經紀商量下。

筆者其實唔係特別鐘意擺柯打。因為放咗柯打心掛掛,又唔係一定做到。有時想買平小小,柯打做唔到,個市就上左去,咁就睇啱都無用!所以我一般做法就是分批。如果想買貨,先在市場現價做一半或三分一。其餘再落柯打。個市上左你都叫做買左啲;個市跌左你仲可以第二批買平啲。心理上好過好多。

最後要注意,如果你係中長線投資者,做好功課就唔會搞啲什麼止蝕柯打。嗰啲係俾短炒用的。既然係中長線持有,除非出左重大負面消息你改變了睇法,如果唔係,佢跌你應該仲開心,有平嘢執,因為其息率又高了。


大宅

積分: 1052

2019新春慶豚圓 2019勳章


發表於 19-2-17 16:56 |顯示全部帖子
2019投資學堂(廿九)

今堂同大家好快咁講下technical analysis。圖表派,相信大家都會聽過什麼頭肩頂,三飛烏鴉,黃昏之星⋯⋯高級啲就數浪,仲有一種叫point & figure,成幅圖係XO。各種理論,林林總總,玄之又玄,總之講到出神入化。投資初哥自然好想學番幾招傍身。

所謂技術分析,首先假設三樣野:有關經濟、政治、政策及其它所有一切消息通通都反應在市場價格上(所以睇圖表就可以唔洗睇其他野!);價格不是random的而是按一定模式出現;而且歷史是會不斷重演的。

但值得留意的是信圖表分析的人越多,那些圖表就越準。因為當某個訊號出現後,大多數人都相信下一步市場會怎樣走然後一齊去買或賣,咁個市就一定會好似預期咁郁。其實只不過係self fulfilling 。跟據筆者多年觀察,始終外匯市場和股票市場較多人跟圖表,債券市場就相信基礎分析,因為經濟基礎fundamentals才是決定因素,而且市場裏最大影響力的中央銀行都只會看fundamentals。

我的忠告便是:當你進行了基礎分析後,決定了要買或賣,便可以利用technicals作輔助工具,去訂下入市的時機或水位。如果你相信匯豐會升,但所有的technical signal都係睇淡嘅,咁你就毋須太急大大注咁買5號仔嘞。


別墅

積分: 922


發表於 19-2-18 03:49 |顯示全部帖子

回覆樓主:

本帖最後由 yyfong 於 19-2-18 03:50 編輯

假若有大約唔夠兩球(美金)流動資產,是否建議申請做專業投資者買相對高息債券?


大宅

積分: 1052

2019新春慶豚圓 2019勳章


發表於 19-2-18 11:44 |顯示全部帖子
2019投資學堂(番外篇之六)

yyfong 君,能夠有專業投資者資格,當然有多一點選擇去將債券納入你的投資組合。好過焗住放銀行定期存款。重要的是所謂「高息」二字。筆者只會建議你考慮投資級別的債券。相對於定期已算高息。至於「垃圾」債券雖然高息,十幾二十厘都有,但隨時無力償還而造成債務違約,咁樣就凍過水。真的非買不可,都勸你不要動用整個投資組合的3%去買入呢類高風險產品。而且建議你買較短期(十二個月之內)的短債。因為你的組合有番咁上下size,係可以用小量資金做D較進取的、投機味道較重的產品。無事發生便可提升回報,出左事都唔會入肉,當整個組合收小左息。

補充一下,自從雷曼兄弟迷債一役之後,好多人都以為債券都好危險好得人驚,結果監管機構都規定要專業投資者才能投資債券。筆者認為極其荒謬。其實債券比起股票穩陣得多。又唔見要規定有什麼資格才能買賣股票。其實迷債根本不是真正的債券,而係將衍生產品包裝扮成債券,根本就不應該經銀行買俾普羅大眾。大家睇清楚就會知道邊間銀行把關做得好。


大宅

積分: 4121

2019新春慶豚圓 2019勳章 畀面勳章


發表於 19-2-18 13:52 |顯示全部帖子
平平無奇2 發表於 19-2-18 11:44
2019投資學堂(番外篇之六)

yyfong 君,能夠有專業投資者資格,當然有多一點選擇去將債券納入你的投資組 ...

200萬的3%只有6萬,我只知道可以在ib買到債卷,但係ib 並沒有太多亞洲區的債卷可以選擇,而我只知香港債卷正常的入埸費為us 100000 或us200000一張。想知道有沒有其他正常而又穩陣的途徑可以用低於us200,000入場費買到亞洲區的直債?


大宅

積分: 1052

2019新春慶豚圓 2019勳章


發表於 19-2-18 15:54 |顯示全部帖子
2019投資學堂(番外篇之六 / 一)

Wallshar君,

我講3%係refer緊「垃圾」級別的債券,investment grade當然不在此限。根據我地模擬組合債券係可佔組合的四成的。

零售的債券市場在香港始終不太成熟。不單單是一般交易金額較高,債券選擇不多,最差係買賣差價簡直濶到驚人,基本上你只能持有至該債券到期為止。

關於你想買us200,000的直債,我見到本港兩大銀行都應該有得做,有啲甚至低至us1,000添,可惜選擇不多。有美資行都做七萬美元起。其他收費(custodian fee, 代收派息等)就唔清楚了。如有jm有相關資料,歡迎開心share。


大宅

積分: 1052

2019新春慶豚圓 2019勳章


發表於 19-2-19 10:28 |顯示全部帖子
2019投資學堂(三十)

前面提到只可利用技術分析去幫助選擇入市時機,而不是盲目跟隨圖表顯示的所謂賣出丶買入訊號。當然背後有些刻骨銘心的經歷。

如果我記得沒錯,那是92年的9月11日(又是星期五)。那天英鎊蓄勢待發,準備好挑戰91年的高位。出了經濟數據後美元偏軟,英鎊再次突破二算心理關口,仲衝破埋一年前的高位。技術上而言,這當然是十分強的買入訊號。下一個目標是80年的高位:2.4370。可惜這一次技術性分析錯了。在吸引了一大批新買盤和止蝕盤後,英鎊並沒有像預期一樣急升,反而即晚狂瀉。大家都嚇呆了。英鎊跌勢持續至93年初1.40先停下來,無左六千pips。

當你見過一次又一次呢啲false signal,尤其你係當中的受害者時,你就會明白呢句說話:technical analysis is more like an art than a science。

最後請留意,那一天其實係農曆八月十五。市場不嬲傳聞,月圓之夜市場會特別波動。據說是月球對人的影響喎。真係信不信由你。

點評

wmkcnw    發表於 19-2-23 16:13


珍珠宮

積分: 31066

2019新春慶豚圓 2019勳章 好媽媽勳章 醒目開學勳章 環保接龍勳章


發表於 19-2-20 08:43 |顯示全部帖子
多謝樓主教授MPF 投資組合建議!
用心良苦!謝謝!


大宅

積分: 1052

2019新春慶豚圓 2019勳章


發表於 19-2-20 18:49 |顯示全部帖子
2019投資學堂(卅一)

匯控公布業績,一般認為差過預期,一度遇上沽壓。

其實筆者認為此份成績單也不是太差,亦不見有特別負面的消息。可能要留意脫歐和中美爭議對該行的影響。自從08股災後,整個銀行業差不多已成夕陽行業,各式各樣的管制措施基本上綁死了各大銀行,正面地看你卻可以說更穩定。

一如既往,末期息每股0.21美元,維持全年派息0.51美元,正正是我們最希望見到的穩定派息。息率在6%左右。故此短期波動可以不理。我們的模擬投資組合會繼續持有。順便update一下本组合之表現:

由一月十八日inception 至今33天本十萬港元組合return 為+2.4%。暫時毋須作出任何變動。


大宅

積分: 1125


發表於 19-2-21 09:45 |顯示全部帖子
平平無奇2 發表於 19-2-20 18:49
2019投資學堂(卅一)

匯控公布業績,一般認為差過預期,一度遇上沽壓。

謝分享


複式洋房

積分: 325


發表於 19-2-21 17:49 |顯示全部帖子
謝分享


大宅

積分: 1052

2019新春慶豚圓 2019勳章


發表於 19-2-21 19:26 |顯示全部帖子
2019投資學堂(卅二)

今天同大家講一下benchmark。沒有benchmark,我們只會知道一個組合自己的回報率,但沒有方法知道我們的組合相對於市場來說究竟表現如何。

如果一個只投資于港股的組合,它的benchmark可以就是恒生指數。恒指升了3%,但組合只賺到2%,那麼這個賺錢組合的表現便不合格。但如果組合一年下來輸了10%,恒指卻跌了25%,那麼組合儘管輸錢,亦表現十分理想。

如果你的組合雖然投資股票,但可能不想投資於某些行業,如煙草業或賭業,那適合這投資組合的benchmark便不能用一般常用的indices,而是要tailor made的benchmark。否則,投資的限制可能影響到你組合的表現。更複雜的組合,當然可以要求標普或其他銀行替你訂一個適合的index作為benchmark,那當然所費不菲啊。

至於我們模擬組合的benchmark,由於我們六成投資於股票(港股為主),其餘四成則投放在money market (現時是美元定期)。所以簡單起見,benchmark亦由二部分組成:60%恒指,其餘40%則用3個月香港外匯基金票據作為我們組合的benchmark。


洋房

積分: 93


發表於 19-2-22 08:52 |顯示全部帖子
平平無奇2 發表於 19-1-16 19:06
2019投資學堂 (六)

由一月六日開始,我們花了十天時間,為缺乏經驗的投資者講述了一些投資的基本知識。 ...

支持(^∇^)謝謝分享


大宅

積分: 1052

2019新春慶豚圓 2019勳章


發表於 19-2-22 14:22 |顯示全部帖子
2019投資學堂(卅三)

再一次恭喜您,有了一個benchmark,你就由一個業餘的投資者,亂咁炒出炒入,蛻變成為一個專業的,有計劃,有紀律的投資者。

作為一個專業的投資者真的需要有紀律,所有的交易都不會是心血來潮而隨便亂做。那什麼是「紀律」呢?

在過去幾十年,每年十二月筆者都會十分忙碌,因為和每一位盡責的投資者一樣,要準備下一年的部署。首先是回顧過去一年的變化,總結一下自己投資組合做對和做錯的地方。然後便是最難的部分:未來一兩年的中長期展望,即economic outlook,盡量去找出未來一年市場會炒作些什麼(trading themes)。跟著基於這些分析,自己的組合又應該如何作出相關的部署。要買賣些什麼?組合比重的改變又是多少?還有最後便是風險:列舉出上面沒有提到的風險和它們出現的機率等等以供參考。

做好了全盤計劃,再經過深入的討論丶分析,下一年全年的投資策略便完成了。下一步就是嚴格地按計劃去買賣。之後每季都會評估一下最新的市場趨勢,如有需要,才會對原訂的計劃稍作調整。

整個過程,由草擬計劃到完成交易,可以算是非常規律化的,這就是我們所強調的紀律,絶對可以減少我們犯下一些大意的,未經深思的錯誤。


大宅

積分: 1052

2019新春慶豚圓 2019勳章


發表於 19-2-23 11:06 |顯示全部帖子
2019投資學堂(卅四)

今天有一隻美國大藍籌上左頭條,就係KHC,卡夫亨氏。這家賣芝士丶茄汁的公司股價急挫,由48美元跌到35美元,超過27%。我們可以學到什麼呢?

壞消息自然不少,連續六季銷售下降,將商標等無形資產減值,被美國SEC查⋯。OK,一般投資者可能功課做得無咁足,但連股王Buffett的巴郡持有27%的KHC也被拖累,兩天跌了2.4%。

這個故事教訓我地:1,無論你幾叻都好,做分析研究幾深入都好,呢個世界無野一定贏硬的。總會有啲估唔到的意外或者黑天鵝。每十鋪贏到七八鋪已經係勁出色的trader了。2,組合必須要有一定的分散投資,才可避免一鋪清袋的慘劇。3,當一隻股票oversold 嘅時候,係可以再oversold,想執平野不要太心急。買唔到總好過買早左、買貴左、買錯左。

點評

wmkcnw    發表於 19-2-23 16:14


子爵府

積分: 13325

2019新春慶豚圓 2019勳章 BK Milk勳章


發表於 19-2-23 16:14 |顯示全部帖子
平平無奇2 發表於 19-2-23 11:06
2019投資學堂(卅四)

今天有一隻美國大藍籌上左頭條,就係KHC,卡夫亨氏。這家賣芝士丶茄汁的公司股價急 ...


大宅

積分: 1052

2019新春慶豚圓 2019勳章


發表於 19-2-24 13:09 |顯示全部帖子
2019投資學堂(卅五)

今天開始,我地呢個投資學堂進入最後一個環節,同大家講一下一些市場內的戒條。這些都是前人的智慧,可以讓我們在波濤洶湧的投資世界保持冷靜的頭腦。

1,“The trend is your friend”

相信大家都會明白,順勢而行點都會容易得多,逆市就會困難重重。但總會有一些人唔信邪。個市牛氣冲天佢就去sell short,個市跌到一仆一碌佢就要撈底。我當然明白,如果估中左,嗰種眾人皆醉我獨醒嘅滿足感係令人回味無窮的。可惜有幾多次我地能夠準確判斷到市場見頂或到底呢?反而我見人摸頂就多。

不過,我地作為中長期的投資者,除左唔好人云亦亦外,有時候真係要敢於逆市而行。當市場一片看好的時候,市場又不斷創新高,我地就應該逐步減持股票,甚至用對沖工具減少組合的風險。個市再上我都只是賺少左,唔洗輸。相反,當市場大幅下跌市場一片愁雲慘霧,大家都睇淡的時候,就是我們慢慢入貨的機會了。不管是買或賣,可以的話都應分二至三批,使得我們的平均價更靚。


大宅

積分: 1052

2019新春慶豚圓 2019勳章


發表於 19-2-25 13:56 |顯示全部帖子
2019投資學堂(卅六)

今天繼續投資誡條。

2. “Let the profit run”

呢條正正係針對贏粒糖,輸間廠的。如果你次次贏就贏小小,輸就輸鑊金,咁你長遠下去一定清袋離場。

但一般人的心態就是這樣,輸的時候往往死坐,希望有一天會番家鄉,但結果是越輸越大。贏錢時見到有小小profit就心思思想食糊。這種心態一天不改變,你就無法成為一個成功的投資者。

我地所講的中長線投資組合,志在收息為主,就更加不應該過度focus係個別股票的表現。反而應該留意整體經濟狀況和大市的走勢,到決定增持或減少組合中股票的持有比例,例如由六成增加至七成或者減低至五成,然後才開始選擇個別的股票去進行買賣。通過這種top down approach,你就可以真正做到buy low sell high,let the profit run。

首頁
45678...11

尾頁

跳至
你需要登錄後才可以回帖 登入 | 註冊