家庭理財

跳至
[金融投資] 2019投資學堂(一)  

首頁

尾頁
   199


別墅

積分: 506

2019新春慶豚圓 2019勳章


發表於 19-3-21 17:45 |顯示全部帖子
通告

各位2019投資學堂的同學,現在有一個好消息公佈:

2019投資學堂 - 進階班於四月正式開學。
大家快啲執好筆袋書包,準備上堂啦!


洋房

積分: 100


發表於 19-3-21 18:05 |顯示全部帖子
🙇‍♀️🙇‍♂️ 多謝指教


子爵府

積分: 11164

2019新春慶豚圓


發表於 19-3-22 18:20 |顯示全部帖子

回覆樓主:

謝謝老師,留位!


男爵府

積分: 7872

2019新春慶豚圓 2019勳章


發表於 19-3-23 22:17 |顯示全部帖子

回覆樓主:

謝謝老師


別墅

積分: 506

2019新春慶豚圓 2019勳章


發表於 19-3-23 22:42 |顯示全部帖子
2019投資學堂(四十六)

煤氣剛於日前公佈業績,一如預期繼續十送一。我地嘅穩陣投資組合三隻持股均已派息。雖然匯豐同港燈買入價畧貴,但派息尙算理想。煤氣則表現出色。

截止至周五收市,本組合在64天的收益達7.63%,較benchmark之4.57%為佳。雖然美股周五晚急挫,但相信對本組合影響有限。

注意:請記住我地係中長線投資者,take profit唔係問題,反而reinvestment 先至係問題。沽貨後如果揾唔到更吸引的投資,咁就不如唔沽。一動不如一靜。


複式洋房

積分: 166


發表於 19-3-23 23:36 |顯示全部帖子

回覆樓主:

謝謝分享


男爵府

積分: 8161

2019新春慶豚圓


發表於 19-3-24 22:10 |顯示全部帖子
睇你文章, 真係獲益良多


別墅

積分: 506

2019新春慶豚圓 2019勳章


發表於 19-3-25 22:31 |顯示全部帖子
2019投資學堂(四十七)

一如預料,今天港股隨美股下挫。恆指跌約2%。我們的穩健組合僅微跌0.62%。成立66天後回報7.01%。Benchmark 回報率為3.26%。

心水清的jm一定知道,我們組合的表現又較benchmark理想,outperformance由周五的+306 basis points 升至+375 bps。這正正是我們投資組合的優點:在大市下挫時發揮出其抗跌能力。這樣才能夠在熊市中保留實力(不會像筆者一個朋友一樣在每一次股災中都輸到一乾二淨),有能力去等待下一個升浪!


大宅

積分: 1365


發表於 19-3-30 01:24 |顯示全部帖子
多謝你!十分有用的資料!


複式洋房

積分: 114


發表於 19-3-31 22:16 |顯示全部帖子
謝謝分享


別墅

積分: 506

2019新春慶豚圓 2019勳章


發表於 19-4-4 18:08 |顯示全部帖子
2019投資學堂進階班(一)

各位同學,進階班今天正式開學了。同大家熱下身先。

既然係進階班,咁你就唔再係初哥,一般在投資市場內常用的行內術語,jargon,你亦應聽得明。行內一般交易大都通過Bloomberg或者Reuters 進行,因為一定可以print 番啲多年前的對話內容出泥。當然,很多時候亦會係電話中進行交易,而所有對話亦一定有錄音,萬一有需要就可以攞番出泥聽。

行內人的對話一般非常簡結但又十分清楚,尤其是有關問價報價就更加這樣。搞錯咗就閣下自理。如果你唔覺意打多幾個零而輸鑊金甚至無埋份工亦都無人幫到你。一定要明白市場的convention,即係行內黙認的規矩。搞不清楚,別説人家不會尊重你,你想在市場中生存都難了。

以下一段市場中常見的對話,你明白嗎?
A: hi, EUR for 5
B: 07 09
A:⋯
B: risk
A: how now
B: same
A: mine
B: done

唔明?下一堂話你知。


別墅

積分: 506

2019新春慶豚圓 2019勳章


發表於 19-4-6 20:08 |顯示全部帖子
2019投資學堂進階班(二)

在這段簡潔的對話中,A可能是客或者是一銀行盤房的dealer,而B係market maker (一般稱之為莊,多數係啲大行)。
A問歐元EUR五百萬兌美元現貨價;
B即開買入價和賣出價,當時市價約在1.1208,留意B為簡單起見,只打出小數點後第三和第四個位,即其買入價為1.1207而賣出價為1.1209;
跟著A猶豫了半刻,因為市場價格不斷地上落,作為一個專業人士,不應hold 人地嘅價太耐的;
B感覺等得太耐,於是話risk,即係話無論A想做什麼B都保留轉價的權利;
A於是再問最新價格是多少;
B答不變,即仍是07 09;
A即買,佢亦可打09或者 I buy; 如果A想賣,佢可以打 yours,或者07 又或者 I sell;
B即confirm 成交,一話done, 交易即完成,雙方都無得改了: A由B買入五百萬歐元兌美元,兌換價為1.1209,交收日為交易日之後的第二個business day (即T+2)

因應市場瞬息萬變,大家都分秒必爭,邊有時間同你婆婆媽媽。做完一單刁馬上就要找機會平盤,最好當然係有錢賺。你或者會問,萬一A同B confirm唔到個價,一個話1.1209但另一個話1.1109,咁點算?自然靠大家信賴的Bloomberg或者Reuters所提供的各種圖表,睇番成交的時間,自然找到當時對應的EUR嘅big figures,即1.12,唔會搞錯。


別墅

積分: 506

2019新春慶豚圓 2019勳章


發表於 19-4-8 12:41 |顯示全部帖子
2019投資學堂進階班(三)

大家都應聽過一球是一百萬的意思,但可能較少人聽過一碼(yard),其實就是十億(billion)。做日元或以前意大利里拉就常常用到了。另外一些基本的交易單位也必須明白,例如股票市場中,恒指或道指一點大家都知道吧。但個別股份的股價上落單位(tick) 丨會各有不同。至於在外匯市場,一個點子(pip) 就是指小數點後第四個位。A買入EUR, 現貨價是1.1209,如果他之後能夠以1.1213賣出這5球EUR,A便賺了4點子,折算為2000美元了。外匯交易員每天就是靠這樣jobbing維生。但日圓就要小心,JPY的一點子是小數位後第二個位。千萬別搞錯了。在債券市場,更常用的就是 basis point,或者是bp。因為在債市,投資者最關心係啲債嘅yield,大家反而較少留意債券的價錢。十年美國國債現時是2.48%,小數點後第二個位便是 basis point。如果你現價買入這十年美債,然後2.43%沽出,你便賺了5 bps了。很多時候初哥對 yield的上落往往搞不清楚,yield 越低其實代表價錢越高。所有的東西都一樣。一隻收息股股價大升,它的息率自然下降。

更重要的是大家要明白交易的一些convention,你可以稱之為約定俗成的習慣。例如交收日,如果交易雙方都沒有明確指示,這個交易,例如外匯交易,債券交易,股票買賣都將會在T+2日交收。要是你想另訂一個交收日,你就一定要清楚向對手說清楚。因為價格將會不一樣(請參考2019投資學堂第三十七講)。現在多數市場丶商品大都是T+2, 但不是全部都是這樣。曾經一段時期日本國債一個月只有幾天有交收。至於期貨,像恒指期貨也按不同月份的合約,一個月的月底才交收。其它如交易最低金額,港股每手買賣單位都各有不同。所以在進行投資買賣之前,一定要搞清楚。


侯爵府

積分: 23921

2019新春慶豚圓 2019勳章 畀面勳章


發表於 19-4-8 19:22 |顯示全部帖子
平平無奇2 發表於 19-3-23 22:42
2019投資學堂(四十六)

煤氣剛於日前公佈業績,一如預期繼續十送一。我地嘅穩陣投資組合三隻持股均已派息 ...

煤氣可以再入嗎
Nice to meet you!


別墅

積分: 506

2019新春慶豚圓 2019勳章


發表於 19-4-8 20:45 |顯示全部帖子
2019投資學堂進階班 (番外篇一)

答secretrose君問,煤氣可算是收息股必選之一,亦是我們穩陣投資組合中三隻持股其中一隻,所佔比重超過30%。

但要留意3號仔已經由08股災低位4蚊左右升至最近19蚊,實在説不上太便宜。盈利亦不像會有太大增長空間。説到底,每年有10送1紅股才是其最吸引的地方。

所以,如果煤氣在你的投資組合中比重仍不太高,你尚可以考慮增持。更穩健的部署可能是先等港股作適當調整後再買,不用急。


大宅

積分: 1196


發表於 19-4-9 00:06 |顯示全部帖子
市升到咁高,但講股佬話技術上應該仲會向上。成日想等個市回返先買些高息/公用股,請問恒指回幾多入貨才叫好價?


別墅

積分: 506

2019新春慶豚圓 2019勳章


發表於 19-4-9 10:56 |顯示全部帖子
2019投資學堂進階班(番外篇二)

恒指那兒才算低位呢?相信大家都很想知道。

筆者想提提大家,本學堂係講中丶長線投資,其實強烈建議不用太關注恒指每天高低上落。尤其投資新人只要能夠分批買入一批穩陣的,有合理派息的藍籌公司股票,放在一邊,完全不用擔心,間中望一眼就可以了。至於進階班,當然會建議大家適當地利用其他工具去為自己的組合調節風險。但都只屬於微調而己。用我們十萬元穩健投資組合做例子,現時持股達65.93%,較benchmark 的6成股票比重為高。既然恒指重上三萬點,筆者亦心思思考慮減少這overweight至中性(即六成)。如果全球經濟格局無重大改變,等大市回落到28,000左右再重新部署。


大宅

積分: 3587

2019新春慶豚圓 2019勳章 畀面勳章


發表於 19-4-9 11:07 |顯示全部帖子

回覆樓主:

對極了,如果這變成問no, 問幾時先至係好時機入巿就失去意義了。


別墅

積分: 506

2019新春慶豚圓 2019勳章


發表於 19-4-12 19:14 |顯示全部帖子
2019投資學堂進階班(四)

一個組合必須在長期保持一定的收益,以保障其購買能力。如果一個組合三十年前每年收息十萬元,三十年後還是十萬,雖然這組合十分穩健,但絶對無法保障其購買力,它仍然不合格。

像我地嘅穏健長線投資組合,收益大部分來自兩方面。一係債券的利息收入,一係股票的dividend。其它收益來源遲啲再講。

今天先講債券。債券一般定期派息,每三個月或者六個月派一次。派幾多?當然按該債券發行時所訂下的coupon去計算。像最近獲勁超額認購的沙特阿美債券,既然咁受追捧,市場預期佢嘅yield仲低過沙地政府的國債,發行人自然儘量壓低個coupon,減少佢自己利息支出。假設佢出十年債券,coupon得3%,持有該債券的投資者便會係未來十年固定每年收到3厘息。但要注意,你用什麼價錢買入該債券會影響你的實際收益。如果你是par買的(價格為100%,即你用一百萬元買下面值一百萬元的債券),你便有3%return。但如果你的買入價是101(即你用左一百零一萬去買同樣的面值一百萬元的債券)那你實際收益便沒有3%。相反,如果你係二手市場(即債券已發行後)能夠用低於par的價格,如92.3買入一隻coupon rate為3%的債券,你的收益自然高過3厘。

除了債券,市場內更有不同種類的短期票據(例如bills, commercial papers, CDs等等)。它們和債券不同的地方是它們沒有coupon。正常情況下,投資者只須用低於面值的價錢(例如99.98327%) 去買入短期的票據。但不管是長債還是短期票據,絶大多數有一個maturity date到期日。投資者在到期日收到最後一次的利息外,還會收回債券或票據的面值。比起定期存款,各式債券、票據一般的收益都較高,而且二手市場亦有一定程度的流通性(liquidity),可以隨時買賣 ,唔似定期,只能死沽沽坐到尾。


別墅

積分: 815


發表於 19-4-12 19:38 |顯示全部帖子
平平無奇2 發表於 19-4-12 19:14
2019投資學堂進階班(四)

一個組合必須在長期保持一定的收益,以保障其購買能力。如果一個組合三十年前每 ...

追看你的post真係學左好多野,如果有機會希望能夠分享多些有關強積金。其實強積金,我同老公做十幾年野,每月幾千蚊,加埋既強積金仲多過我地有既現金同股票。

我投資記錄都有計算強積金,我會把股票基金當成股票,債券基金當成債券,但其實債券基金都係睇單位價錢,唔同真正債券約滿有息好唔同(我唔知有無理解錯)。可否講解多些他們的分別?謝謝(emoji)

首頁

尾頁

跳至
你需要登錄後才可以回帖 登入 | 註冊