少年成長今日: 1|主題: 15847

收藏本版

發帖

返回列表

跳至頁

查看: 5877 | 回覆: 0

迫與唔迫·睇時機！ [複製鏈接]

csir3290

子爵府

積分: 10923

1^#

發表於 19-1-13 12:03 |只看該作者 |倒序瀏覽 |打印

本帖最後由 csir3290 於 19-1-12 16:45 編輯

上星期同阿仔阿女去公園玩，阿仔興致勃勃咁玩擒鋼架。佢見到家姐好快咁就已經有一邊擒咗去另外一邊，佢又跟住做，但係佢一上去吊喺度就停，然之後就望住我哋就叫我哋埋去幫佢。我哋都冇幫佢只係同佢講試下放開一隻手向前握住另外一條鐵，慢慢就可以一步一步向前。但係佢只係吊住喺度一路都唔敢向前淨係想我哋幫佢。家姐就喺佢對面示範俾佢睇點樣做。試得幾次連家姐都唔玩。細佬每一次試就只係吊住咗喺度。最後我同家姐行開咗，但係望到佢做下做下就攬住媽媽喺度喊。其實我哋兩公婆都冇迫佢繼續向前，只係鼓勵佢試吓，佢唔試就算數，但係唔知點解做下做下佢自己攬住媽媽喺度喊。我老婆只係攬住佢等佢喊，喊到咁上下我同家姐就叫佢玩另外一樣嘢諗住同佢一齊玩，但係佢都係攬住喊過咗冇幾耐，我老婆問佢係咪嬲自己過唔到去，佢話係因為佢見到家姐做到自己做唔到所以佢好唔開心。我老婆只係同佢講唔好同家姐比較因為家姐大過佢，等佢喊咗一陣。跟住佢開始同我哋玩番個就冇事。點知隔咗冇幾耐我同老婆慢慢散步佢哋兩個跑咗去前邊，到我哋見到佢哋嘅時候，原來佢已經同家姐喺另外一個擒鋼架到玩緊，仲自己一步一步做到，當我哋過到嚟嘅時候佢仲好開心同我哋講話佢做到。家姐就話因為佢不停鼓勵細佬所以佢就做到。咁終於兩姊弟又繼續好開心咁喺個鋼架上面玩。有陣時小朋友就係咁，你點迫佢都冇用，反而放手等佢自己慢慢試，只要佢有興趣反而你唔使逼佢都會做到。
返到屋企老婆同細佬開始溫英文默書亦都係我個仔最唔鍾意做嘅嘢，其實之前都已經同佢溫咗兩次，我個仔就係咁，要慢慢分開幾次嚟溫佢先至溫得掂。之前都溫得麻麻地都仲有好多字唔識，但係溫得耐佢就自己發忟憎，雖然每一次同佢試默之前都會叫佢自己睇多幾次先默，但係其實佢都係隨便睇下就算。但係默完唔識叫佢改正之後再默佢就會發忟憎。總之佢就好唔鍾意要默咁多次，但係唔默咁多次佢又會好快唔記得好快唔識。我老婆今次同佢講只要今次試默錯得少過五個字咁就唔使再全篇默，淨係默返佢錯嗰幾個。咁唔知係咪因為今次有個目標畀佢等佢知道點先唔使再默，咁佢默之前又真係好認真咁溫。終於真係只係錯咗三個字，連媽媽都讚佢。我老婆都同佢講話其實相信佢嘅能力係可以做到，但係偏偏佢就真係要迫先至得。

所以我覺得做家長有時都真係要好考心思，幾時用迫幾時用氹或者幾時放手等佢自己發揮，真係要好識得睇時機，過份緊迫就會令到小朋友抖唔過氣。有啲嘢你明知佢得你唔迫佢又好似樣樣嘢都係hea住做。要幫佢定目標就要更加小心，又要明確又要知佢可以有能力做得到，仲要唔可以時間咁長，因為細路仔好需要短期嘅回饋同鼓勵。所以而家做家長真係好辛苦唔可以一本通書睇到老要識得變通幾時用乜嘢方法。

0 0 0

私人傳訊

跳至頁

返回列表

上一主題 • 下一主題

回覆

發帖

頻道

討論區

熱門搜尋：

少年成長 今日: 1|主題: 15847

少年成長今日: 1|主題: 15847