Hi coeyching ,明白媽媽見到BB面上有一撻撻會有唔放心 濕疹屬於敏感之一,係免疫系統將本來無害嘅物質當成有害,引發身體過敏反應,較多見於面、手、膝頭等位置,通常係接觸到致敏源引起(常見致敏源包括高蛋白食物、新嘅衣料、昆蟲、化學物、塵蟎、花粉等),皮膚除左紅亦會"鞋"手,BB除左面上粒粒上面有紅疹,身上其他位置有冇相同情況? 摸落唔"鞋"手? 有冇痕癢?
Hi ty2201 ,BB 皮膚角質層比成人薄,乾燥/濕疹都有機會令BB皮膚又紅又鞋,如果係濕疹好多時會有痕癢。濕疹主要原因仍然不明,家族成員有敏感BB過敏可能性會大D,媽媽可以細心留意下BB會唔會接觸到某D物品(致敏源)時濕疹會嚴重左,盡量避開致敏源,選擇棉質嘅衣服俾BB,清潔屋企時用吸塵機濕布抹塵,減低塵粒飄揚,做好保濕令BB皮膚保持滋潤,BB幾大? 媽媽有冇同經常同佢做皮膚保濕呀?