意見反饋
義工

懷孕前後 今日: 511|主題: 67623

12345
跳至
樓主: gugibabe
第一胎・5小時・快速順產分享  


別墅

國民生產總值:547


發表於 19-1-31 03:26 |顯示全部帖子
睇到你個post ,就唸起我生兩胎的經歷同你差不多,我又係凌晨一陣痛就3分鐘一次,去到醫院一check 已經四度,打完B鏈支豆定支針已經8度,要落產房,落到產房pork 一聲先穿水,開始痛到要痾,最終由入院到生半個鐘搞掂,今次第三胎,醫生都話一有不妥要即刻入院不好等,其實每次生仔都好驚,希望我今次都生得快(emoji)(emoji)
*冇乜做運動,但我行好多,就算返工都好少坐,A字型企多間中做下蹲下動作,每晚用熱水泡腳去水腫!昵D不知關不關生得快事,不過頭兩胎係咁做都生得快,所以今胎都照做


洋房

國民生產總值:69

2019勳章


發表於 19-1-31 14:25 |顯示全部帖子
gugibabe 發表於 19-1-30 17:31
(唔開post都唔知道原來都有幾多孕媽媽第一胎都生得咁快~)

兜咗一個圈終於又嚟返產房門口,見到老公已經 ...

好精彩呀~我都好想好似你咁咁快生到
等你再出post呀~


別墅

國民生產總值:618

2019勳章


發表於 19-1-31 14:47 |顯示全部帖子
我都係第一胎. 見紅先.
跟住穿水. 出門口個陣已經5分中痛一次
6個中頭生左阿b.
啲姑娘都話我好快手.


複式洋房

國民生產總值:365


發表於 19-1-31 14:51 |顯示全部帖子
回覆 gugibabe 的帖子

想問下你係邊間醫院生? THX


珍珠宮

國民生產總值:38230


發表於 19-1-31 15:56 |顯示全部帖子
恭喜恭喜!bb錫住你,唔使痛咁耐。


珍珠宮

國民生產總值:38230


發表於 19-1-31 16:01 |顯示全部帖子
Lcsl 發表於 19-1-28 04:36
我第一胎順產,
05:00am穿水,

咁你都好快生到出來喔


大宅

國民生產總值:1369

2019勳章


發表於 19-1-31 16:43 |顯示全部帖子
gugibabe 發表於 19-1-27 14:49
相信好多打算順產嘅孕媽媽去到孕後期,都會想象自己究竟會喺咩情況下作動,我都唔例外。成日都會諗:究竟會 ...

好叻呀你
仲形容得好好笑!我一路睇一路笑


大宅

國民生產總值:1147

2019勳章


發表於 19-1-31 16:48 |顯示全部帖子
好緊張丫!


子爵府

國民生產總值:14502

2019新春慶豚圓 2019勳章 開心吸收勳章


發表於 19-2-1 10:11 |顯示全部帖子

回覆樓主



洋房

國民生產總值:80

2019新春慶豚圓


發表於 19-2-1 12:58 |顯示全部帖子
期待!!


大宅

國民生產總值:3975

2019新春慶豚圓


發表於 19-2-1 15:55 |顯示全部帖子
追!


複式洋房

國民生產總值:260

2019勳章


發表於 19-2-1 16:03 |顯示全部帖子
haha, 你個Post緊張過西片
期待ing


別墅

國民生產總值:619

2019新春慶豚圓 2019勳章


發表於 19-2-2 01:07 |顯示全部帖子
勁丫


大宅

國民生產總值:1237

開心吸收勳章


發表於 19-2-2 06:41 |顯示全部帖子

回覆樓主:

有冇媽媽陀緊嗰陣返企既工架?
每日企4-7個鐘 會行下
有冇咁既效果?


洋房

國民生產總值:35


發表於 19-2-2 19:33 |顯示全部帖子
期待續集!


男爵府

國民生產總值:8297

2019新春慶豚圓


發表於 19-2-2 20:35 |顯示全部帖子
gugibabe 發表於 19-1-27 14:49
相信好多打算順產嘅孕媽媽去到孕後期,都會想象自己究竟會喺咩情況下作動,我都唔例外。成日都會諗:究竟會 ...

睇黎陣痛密係會生得快喎, 我都係一路2分鐘痛一次, 好快生左


大宅

國民生產總值:1267

2019勳章


發表於 19-2-7 21:57 |顯示全部帖子
上文提到助產士終於拉起腳踏扶手俾我試生,我亦都終於見到人生嘅曙光!
點知曙光嘅出現只係好短暫...我分唔清究竟係我真係唔夠氣定唔夠力;bb個位真係唔夠低;d腳踏於我而言唔太啱位,唔理係咩嘢原因,個結果就係...助產士真係只係俾我試push咗三嘢,就宣佈我試生唔成功,要我再等等。

仲要再等!?簡直令人晴天pig pig無法接受!本身鬥志高昂嘅我瞬間跌落萬丈深淵,未來得及反應助產士就又以閃電嘅速度收起曬d腳踏扶手,較暗返產房嘅燈光,剩低我同老公2個人喺產房入面。

唔知係幸運還是不幸,我一直以為生bb時會冇得戴眼鏡,但原來入產房時除咗只係要我熄電話之外,又冇要求我要除眼鏡。而喺我嘅正前方就係一個時鐘,我可以好清楚咁睇到時間,感受一分一秒嘅流逝,感受嗰份望唔到終點嘅無助,默默承受一波又一波嘅陣痛。

依個時候我已經放棄咗笑氣,因為佢除咗令到我覺得老公把聲好遠好遠之外,係毫無作用。望住牆上嘅鐘,每一分鐘都係煎熬。每一次陣痛來襲,我都不能自制地好想痾;每次陣痛稍退,個人有返d理智時,我又會問老公bb心跳點樣,有冇受我影響,而老公就全程握住我隻手,陪我深呼吸。如是者來回幾次,我就叫老公出去搵姑娘幫我睇下。姑娘入嚟望咗一眼,就話未得住,仲問我老公怕唔怕血。佢指住一個位話:「阿先生,太太依家未得住㗎。起碼要見到bb個頭仔嚟到依度,要喺依個位見到頭髮,先係落得夠低。」

之後,又係漫長(對於我而言)嘅等待。每隔5分鐘我就叫老公幫我望下bb落得夠低未,但每一次我都係得到一個令我好沮喪嘅答案。好幾次我甚至哀求我老公幫我出去搵姑娘,老公都話真係未得,依家出去只係會俾姑娘鬧。

如是者,跟住落嚟每次陣痛,我都忍唔住扯實老公嘅衫角,而老公亦將個身挨前少少,一邊握住我隻手,一邊扶實我膊頭,陪我一齊深呼吸。雖然我已經唔記得佢仲講咗d咩嘢說話同我打氣,亦都唔重要。我只知道,如果嗰一刻佢唔喺我身邊,我都唔知可以點樣捱過十級痛。

終於又過多一陣,我再一次求老公幫我出去搵姑娘,亦都終於再一次見到曙光,姑娘再一次拉起腳踏扶手,叫我準備吸一大啖氣,再次陣痛時,雙腳用力踩實,雙手用力向自己方向拉,忍住道氣盡力痾。同時亦問我如果可以唔剪會陰的話,我會唔會想試下唔剪。

望見產房內多咗數位嚴陣以待嘅助產士,睇見產房嘅燈都較返光,我同自己講今次終於要打大佬喇,一定要成功!
深深吸入一啖氣,死忍住,全力痾,一次陣痛夠我試push3次,但都係未得。俾姑娘話我道氣仲係未夠,啖氣唔夠長,叫我抖一抖,下一次陣痛再吸氣吸大啖d。

好快陣痛又再來襲,我同自己講要搏咗條老命都要忍住道氣。事後老公同我講返我嗰時谷到塊面好紅好紅,佢好擔心我會谷到爆血管。一、二、三、用力!再嚟!一、二、三、用力!

「見到頭仔喇!用力!!」
「頭仔出咗d喇,再用力!!」
「頭仔出咗嚟喇!!」

用盡全身所有力氣盡地一痾,終於bb出世了。響亮嘅喊聲橫空劃破深宵嘅產房。老公對住我大叫:bb出咗嚟喇!但我攰到連笑、連張開眼都冇力,只聽到幾位助產士報時,報重量。回一回氣後,核對完bb性別,姑娘就抱bb放喺我身上skin to skin 。

「Hello,我哋係爸爸媽媽呀。我哋終於見面喇。」

跟住落嚟嘅推肚、縫針,已然不是重點。經過人生中最漫長嘅黑夜,黎明經已來臨。

歷時不足5小時嘅初產分享到此為止,多謝收看。
祝願天下媽媽生產迅速、順利。



大宅

國民生產總值:1267

2019勳章


發表於 19-2-7 22:00 |顯示全部帖子
fairymeow 發表於 19-1-28 08:57
我中醫都話我唔夠氣。。。
咁你有無睇中醫睇到生吖?

我安胎睇到12周。之後中醫就吩咐我每日都去曬下太陽同行公園。



大宅

國民生產總值:1267

2019勳章


發表於 19-2-7 22:02 |顯示全部帖子
p90 發表於 19-1-28 18:24
繼續追~我今胎都係第4胎,好記得上次醫生同我講,"媽媽,如果你會再生,記住一痛,就即刻入院啦",我之前3 ...

其實我都有d擔心如果再生比今次開得更快的話點算


大宅

國民生產總值:1267

2019勳章


發表於 19-2-7 22:04 |顯示全部帖子
missbochu 發表於 19-1-31 14:51
回覆 gugibabe 的帖子

想問下你係邊間醫院生? THX

QE呀

12345
跳至
你需要登錄後才可以回帖 登錄 | 註冊

  • 搜 尋
  • APP
  • 網 站
© Baby-Kingdom.com Limited. All rights reserved.