意見反饋
義工

少年成長 今日: 0|主題: 14735

查看: 2097 | 回覆: 0
一 齊 玩


男爵府

國民生產總值:6046

2019新春慶豚圓 2019勳章


發表於 19-2-10 12:15 |顯示全部帖子
本帖最後由 csir3290 於 19-2-10 12:15 編輯

一連幾日嘅農曆新年假期話咁快就放完,屋企本身親戚唔係好多,所以都唔係用好多時間去拜年。呢幾日假期最主要都係諗點樣同小朋友一齊過。趁幾日假期同小朋友去咗行山,睇戲,又同佢哋喺屋企玩大富翁玩都咗成晚,又同佢哋一齊一人砌咗一副模型。就係咁樣就過咗幾日假期,好似好多想做嘅嘢都未夠時間做咁。
我老婆成日都話佢就負責溫書我就負責同啲細路玩,所以我成日都覺得要襯我啲細路仲細個嘅時候要同佢哋一齊培養一啲共同興趣,咁喺佢哋長大嘅時候大家先至有多共同嘅話題。其實小朋友細個嘅所有興趣其實都係來自父母點樣培養。好似我對仔女咁,好多時我鍾意玩啲乜嘢,佢哋就跟住我一齊玩嗰啲嘢。我鍾意打羽毛球所以教佢哋打完之後就習慣咗個個禮拜同佢哋一齊打羽毛球, 我老婆就當keep fit,佢哋就都鍾意打羽毛球。我鍾意睇戲,我發覺我對仔女細細個開始陪我一齊睇戲,不知不覺都而家佢哋都開始鍾意睇電影。暑假嘅時候我開始教佢哋砌模型,而家逢長假期我哋都會一人齊一副模型,連我個女都一齊砌,大家又多咗個共同話題。我個仔好鍾意同我哋一齊玩大富翁成日叫我哋玩,玩嘅時候大家開開心心嘻嘻哈哈唔覺唔覺咁又玩咗成晚。成個假期根本連玩嘅時間都唔夠所以我哋仔女從來冇話要玩電話。 但係如果父母嘅興趣係玩手機,咁係咪又係培養咗仔女玩手機嘅興趣呢?

有啲家長會埋怨自己啲仔女玩手機,但係有冇諗過啲細路仔因為覺得苦悶先至會覺得電話咁吸引呢?越細個嘅細路仔越需要家長幫佢哋培養興趣,你唔幫,咁佢哋唔係唯有 寄情喺部手機度囉,咁結果其實又可以怪邊個呢?又有啲家長會埋怨同仔女冇話題,其實有陣時唔係冇話題而係家長唔肯走入去小朋友嘅生活入面,去同佢哋一齊發展同了解佢哋嘅興趣,咁大家咪少咗啲共同話題囉。有陣時我覺 處理小朋友呢一個問題就好似當年我追我老婆咁,大家嘅相處入面都要發展啲共同嘅興趣,然之後大家先至會多啲話題,其實仔女相處亦都一樣,當你發覺同仔女冇話題嘅時候,其實未必一定係啲仔女唔想同你講,而可能係家長對仔女嘅話題根本冇興趣,又或者係家長唔為意要襯自己仔女仲細個嘅時候同佢哋製造多啲話題。

作為爸爸,我最唔想見到嘅就係一家人一人揸住一部手機,成晚靜英英冇人講嘢,各自沉醉喺自己部手機之中。 肯同仔女一齊玩先至係同仔女保持良好溝通一個最好習慣。 點解寧願同部手機玩都唔肯同自己啲仔女玩呢?


王國熱話
想揾啲40-50+ 志同道合既jm一齊傾傾講講
我當朋友係一世朋友,原來其實自己一廂...
先生過世,好難受
認識新朋友吃喝玩樂嘻嘻哈哈(emoji)(emoji)

你需要登錄後才可以回帖 登錄 | 註冊

  • 搜 尋
  • APP
  • 網 站
© Baby-Kingdom.com Limited. All rights reserved.