心聲留言

跳至

首頁

尾頁
   108


珊瑚宮

積分: 112280

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 19-2-23 13:10 |顯示全部帖子
本帖最後由 小傑媽媽 於 21-3-25 16:38 編輯

給J的留言 :
25/3/2021 更新 : 我預備左一件東西比你, 呢個係好大既祝福, 只有我個仔先有, 其他人唔會有, 因為我由始至終都當你係我個妹, 唔係朋友, 係親人, 所以整埋比你, 我了解你既性格, 我知你一定會因為我而唔再上bk, 但唔緊要, 只要你有一日有緣入黎睇到我呢段說話, 我希望你知道, 我依然好似12年前一樣咁關心你, 我從來冇變過, 變既只係你, 不過可能你都冇變, 只係我從來冇認識過真正既你! 不過點都好啦, 我唔係你嗰班酒肉朋友, 對我黎講, 朋友係一世架, 更何况我當你係親人, 只要你肯反省, 肯回頭, 我就一定唔會放棄你, 我會等你變返好, 變返善良, 再返黎揾我, 拎走呢份我為你準備既祝福, 就算到時我個人已經唔係度, 只要你做返個善良既人, 咁呢份祝福就永遠存在!
我相信你會變返個有良知既人, 會識得反省自己既錯, 希望係不久既將來可以收到你既訊息, 證明比我睇我係冇識錯你既, 希望你唔會再令我失望!

23/11/2020 更新 :
我唔知你有冇機會睇到我呢個留言, 但如果你真係有入來, 希望你耐心咁睇, 細味每一句既意思, 因為呢段係我留比你最後既留言, 亦係我想同你講最心底既說話! 我希望你睇完我呢段肺腑之言後可以有所領悟, 反省下自己既錯, 做返個有良知既人, 開開心心咁過以後既日子, 咁就係我心之所願!不過茫茫人海之中,要揾一個冇血緣關係但真心愛錫自己既人真係可遇不可求,你幸運地遇到我,但唔去珍惜,仲恣意踐踏我對你既感情,我可以好肯定咁講,如果今日你為左咁少事放棄一個咁錫你既人,將來你一定會後悔!今日你一定會覺得我講既說話係廢up,但十年八載之後,我肯定你會知道我講既每一句都係事實!
我知道以下我講既說話你都唔會啱聽, 一定又話我痴線, 但都已經係最後一次, 我唔會再有機會同你講, 如果你仍然覺得我係痴線既, 咁你就比我痴線埋最後一次啦, 反正我哋可能呢一世都冇機會再見面, 但我係真心想你好, 所以明知你唔啱聽, 我都想同你講埋最後一次真說話!
雖然我曾經非常憎恨你, 但我冇你咁小氣, 可以為左咁小事嬲人咁耐, 件事我已經放低左! 其實諗返轉頭真係好無謂, 我到而家都唔知我哋究竟發生左乜野事, 只知道你鬧我, 我又閙返你, 但咁樣究竟為左乜呢? 大家做唔到朋友可能真係冇緣份, 但做唔到好朋友, 都可以做個點頭之交既啫, 點解一定要搞到有你冇我咁嚴重?.我真係唔明白我哋到底有咩咁深仇大恨, 要搞到好似而家咁互相攻擊, 互相憎恨對方? 我同你有好多相似既地方, 其實只要大家肯珍惜對方, 我哋應該可以做到一生一世既好姊妹, 你一直都係我最重視既朋友, 我講每句說話都只會想你好, 唔會想你衰, 雖然你係其他人面前唱衰我, 話我係痴線婆, 話我害你, 但事實上我係真心想你好, 天知地知, 我從未害過你! 我曾經真係以為我同你可以情同姊妹, 但冇諗過我哋既感情脆弱到可以比一個識左唔夠2個星期既無謂人搞到好似而家咁互相憎恨, 我真係覺得好可惜! 曾幾何時, 我講過我會對你不離不棄, 所以只要你願意放低我哋既仇恨, 唔再係其他人面前惡意攻擊我,咁我哋仲可以係好姊妹, 我仍願意陪你渡過每一個你唔開心既日子, 但如果你堅決要攬住呢段無謂既仇恨過一世, 咁我都無話可說了, 以上既說話就當我冇講過啦, 反正我哋今生可能已經無緣再聚, 但我都希望你諗清楚, 一生人係可以交到好多朋友, 但當中會有幾多個真心對你好? 有幾多個真心為你設想? 你唔好再逞強,講d違心既說話去攻擊詆毀我啦,你問下你自己既良心,我哋識左咁耐,我一直點對你,你自己最清楚,如果你既朋友之中有一個人會好似我對你咁好, 咁我恭喜你, 希望你好好珍惜, 唔好再好似今次咁, 只因為我講左一句為你好但你聽唔入耳既說話就咁樣去傷害一個對你咁好既人, 我知道忠言逆耳, 但真心對你好既朋友先會同你講真說話, 我冇諗過你對我既真說話會咁反感, 反感到千方百計想整死我, 我更加冇諗過原來你只鍾意同滿口甜言蜜語去奉承你既人做朋友, 咁討厭我呢種為你好, 會同你講真說話既真朋友, 早知係咁, 當日我就唔會同你講嗰番說話, 由得你比嗰個無謂人教壞就算, 你搞到我情緒病復發, 如果當時我真係因為咁而死左, 你自己問心, 你過唔過意得去? 總之而家我已經諗通左, 我亦期待有一日你都同樣諗得通, 可以揾我和解, 我一直等緊你回頭,但無論你會唔會再揾我都好, 我都想比個善意既忠告你, 你大個女架啦, 唔好少少事就發小姐脾氣, 仲要覺得自己啱晒人哋錯晒, 呢個世界冇人欠左你架, 你成日話你身邊既人對你唔好, 咁你又有冇反省過你自己點對人呀?你位大陸朋友可能做左少少你唔高興既事就嬲人一世, 甚至憎晒所有大陸人, 連帶講野發音唔正既人你都話討厭! 你同事既事根本同你無關,你就咒人生性病同離婚!你每次有乜事我都幫你諗辦法解決, 全心全意咁開解你, 你去做檢查話驚, 我ws同你傾左幾個鐘幫你減壓, 你話你膽固醇高, 我周圍幫你揾降膽固醇既方法, 仲買埋野比你食, 你話你個女冇係學校門口影畢業相, 你好唔開心, 我嗰晚就唔瞓都幫你用apps整返張出來, 你情緒低落, 我甚至打算出埋錢請你去旅行散心, 只係我仲未同你講,你就已經同我反左面,試問一個對你咁好既朋友去邊度揾呀? 我敢講一句, 莫講話只係朋友, 就算你老公都冇我對你咁好呀! 我都唔知點解我會不自覺對你咁好, 就當我係前世欠左你, 今世還返比你啦, 我對你仲好過對我自己, 但你唔珍惜, 我只係勸你唔好寫匿名信去害人啫,我只係為你好,唔想你行差踏錯, 你就當我係仇人, 將我既相周圍貼, 仲要詛咒我手殘及搞到我眾叛親離, 我對你好都係錯? 我到底做錯左d乜野? 你真係覺得自己做得啱, 真係覺得自己冇問題? 你去問下其他人吖, 我肯定冇一個有良心既人會認同你既做法係啱! 希望你係埋怨別人既同時, 都好好反省下自己對人既態度, 唔好只識得指責別人, 每一個人都有缺點, 如果你珍惜你既朋友, 就要包容對方既缺點, 唔好咁心胸狹窄, 少少事就嬲人一世! 我希望當你唔開心或遇到挫折時可以入來睇到我比你既呢個留言, 知道你一直當係仇人既我其實仲係一直關心緊你, 就算我唔再係你身邊都好, 我都希望比到力量你捱過以後每一個唔開心既日子! 其實我有一個願望, 就係希望係我有生之年可以見多你一次, 大家心平氣和咁講清楚件事, 化解到我哋既仇恨,咁我就老懷安慰, 他日就算要走亦走得無憾了! 但就算你唔想要我呢個朋友, 我都會希望你過得好! 你唔需要因為避開我而唔上bk, 因為你一日唔肯承認自己既錯, 我都會當唔識你, 對你視而不見, 但我希望你知道, 就算全世界所有人唔理你都好, 只要你仲記得我, 只要你願意放低你對我呢份無謂既仇恨, 咁我一定唔會離棄你! 無論任何時候, 只要你真心後悔你對我做過既事,我隨時歡迎你揾返我, 只要我仲在世, 我都唔會唔理你,因為我好想見到你變返當年我認識嗰個善良既你, 咁就算我哋已經緣盡, 無緣再做朋友, 我都會祝福你!
雖然我肯定你唔會睇我既post, 但我依然想借呢個機會送以下2首歌入面既其中一首比你, 想揀邊首黎聽就你自己決定!
1. 如果你有反省過, 有後悔過, 肯拋開你無謂既尊嚴,主動揾我同我講你欠我既嗰3個字,咁就送以下呢首歌比你, 我對我既交心朋友從來都係不離不棄, 一齊風雨同路!
https://youtu.be/KQ-aQ6Av4Zo

2. 如果你仍然堅持自己冇做, 冇後悔過咁對我,如果你只想要酒肉朋友, 放棄一個可以同你互相扶持既知心朋友, 咁我尊重你, 亦祝福你! 送以下呢首歌比你, 祝你幸福!
https://youtu.be/SZSs0_SbV-Q

如果你想知我點捱過比你搞到情緒病復發既呢段日子, 請睇留言 #3254 - 3258




13/04/2020 更新
我覺得個天比機會我知道呢個真相, 其實係想同我講唔好對呢個人再有任何期望, 叫我對呢個人死心! 由始至終佢只識得怪我係呢度講佢d衰野出來, 但佢有冇諗過係邊個搞成我咁呀? 我有情緒病, 佢激到我血壓爆升到接近200差d冇命, 我只係要將我谷到就快爆既情緒發洩出來, 令情緒得以舒緩, 如果我唔係咁做, 我好大機會已經死左, 我只係想救返我自己, 冇諗過要傷害任何人, 但佢呢? 佢只識得怪我, 但佢有冇諗過當初如果唔係佢小氣到為左一句佢唔啱聽既説話同我反面, 根本就唔會搞到而家咁既局面! 始作俑者係佢, 所有野都係佢一手造成, 但佢唔單止唔反省, 冇悔意, 仲係我其他朋友面前唱衰我, 抹黑我, 搞到個個都疏遠我, 如果我唔係從朋友口中得知佢仲痴住我d舊朋友, 目的係要抹黑我, 令所有人遠離我, 我都唔知我背後原來已經中左咁多支毒戰!
好感謝上天比機會我係機緣巧合下從朋友口中知道種種真相, 比我知道有人為左要我斷六親, 大話連篇抹黑我, 為左想整死我, 乜野大話都講得出!

以下幾點係我反駁返部份佢係我其他朋友面前誣衊我既大話 :
1. 當日我確實有係MTR等佢, 我擔心佢會出事, 我都有同佢講過我係佢附近, 如果佢唔開心可以隨時揾我, 只係我唔想佢擔心我, 冇話佢知我等左幾耐, 但佢唔知道, 唔代表件事冇發生過, 我對佢咁好仲要比佢寸, 真係好心著雷劈!

2. 我確實花左好長時間唔瞓覺去幫佢整張畢業相, 佢唔感激都算, 仲要誣衊我講大話, 好吖, 既然佢話我冇幫佢整過相呀嘛, 咁咪 delete 左張相及所有我幫佢整既野, 自己整過晒佢囉, 咁巴閉! 係有骨氣既就剷走晒所有我幫佢整既相、sticker及掉晒所有我送比佢既野, 仲有, 佢要當冇識過我吖嘛, 咁就唔該同我係group入面介紹比佢識既14個人斷絕來往, 仲keep住同1個來往既佢都正人渣, 唔會有好下場!

3. 呢樣最離譜, 佢叫我幫佢買手信返黎, 之後佢因為小氣同我反左面冇再揾我, 佢竟然夠擔死同我d朋友講話有比返錢我? 事實佢係絕口不提, 我一毫子都冇收過佢, 莫講話錢呀, 連毛都冇一條比返我呀, 仲要擘大眼講大話, 係其他人面前數臭我, 簡直唔係人, 禽獸不如! 我敢以我既性命起誓, 如果我有收過佢台灣手信既一分錢, 我死無全屍! 如果佢冇講大話, 佢又敢唔敢發相同既毒誓呀?

4. 我同朋友出去食飯, C小姐夾餸比我佢就咒我手殘, 呢個人真係惡毒得緊要! 朋友幫我夾餸係因為我一直對朋友都好好, 所以我朋友都一樣會對我好, 因為C小姐重情義, 所以佢都會照顧返我, 唔似得有d人恩將仇報, 我對佢好, 阻止佢去害人, 結果比人惡意抹黑, 將所有野掉轉晒黎講, 係所有人面前唱衰我! 再者, 就算我真係手殘, 都好過d人口賤呀, 講咁多大話既人等天收啦! 嗱! 我冇咒佢呀, 如果佢講既係實話, 唔會有事既, 但係如果佢講既係大話, 咁就……好自為之啦!

5. 佢話我哋既共同朋友C小姐係我條針, 向我通風報信, 佢都痴線! 好心佢有精神病就去睇醫生, 唔好成日係度生安白做亂屈人啦, 佢而家有咩咁巴閉? 當自己真係公主呀? 我洗套佢料? 我呸! 佢慳d啦, 我對佢少少興趣都冇呀! 一年來我從未過問佢既事, 我直情完全唔想提起佢, 更加唔想有人係我面前提佢, C小姐亦從來冇係我面前提過佢, 唔係個個都好似佢咁鍾意係人哋面前講是講非去唱衰人架!

6. 原來一個人無恥真係無敵架! 延續返我上面第3點既內容, 我確實冇收過佢叫我係台灣幫佢買2包餅既一分錢, 佢竟然厚顏無恥到post一張唔知乜野收據比我既朋友睇, 話係有比返錢我既證據, 我真係覺得好搞笑, 我確實冇收過佢錢, 佢何來證據? 如果佢有入數紙, 即係我經銀行收左佢錢啦, 但我想講既係我從未將我既銀行戶口號碼比過佢囉, 咁佢d錢入左去邊呀? 我冇收過佢分毫, 我既銀行紀錄就係鐵證! 就算佢用其他網上付款方式比錢我, 都要我確認先收到錢架嘛, 但我過去一年都冇做過呢d收款確認喎, 咁我點收佢錢呀? 證據唔係佢單方面話係就係既, 都要我確認先可以成立呀! 其實我真係好有興趣睇下佢呢張所謂證據到底係乜野, 我好懷疑嗰張係假野, 如果證明佢真係偽造出來, 我會報警拉佢, 使用虛假文書犯法架, 監都有得佢坐呀! 夠擔就拎出來比我驗證下, 唔敢比我睇既即係佢身有屎啦! 不過我而家先知原來佢真係咁鍾意整d假野去害人, 唔怪得之當日我阻止佢寫匿名信會令佢咁憎我啦, 而家我終於知道佢點解會咁對我了!

7. 我想問下大家, 如果有人係未徵得你同意之前, 將你同家人既私人相傳比其他人睇, 你哋會點樣評價呢個人既人格呀? 我同佢反左面之後, 已經即時將有佢個衰樣既所有相剷走晒, 一張不留, 我唔會好似佢咁賤, 係未徵得我同意既情況下, 擅自將我既私人相發放比其他人睇, 揭我私隱!我屋企乾唔乾淨關佢叉事, 佢有乜資格評論? 五十步笑百步! 邊有人好似佢衰格得咁緊要? 我肯定佢有比share比好多我唔識既人睇, 係人哋面前咒死我, 正如佢share佢同事既相比我哋睇, 都好惡毒咁詛咒佢同事又離婚呀, 又有性病呀咁, 不過而家相中比人詛咒既主角變成係我囉!一個人要衰到乜野程度先可以做得出d咁缺德既事呢? 我勸佢既朋友小心提防呢個人, 唔好比自己既私人野佢, 否則遲早比人拎去派街坊!

8. 佢成日話自己好多朋友, 即係暗寸我冇乜朋友啦, 咁我咪恭喜佢囉, 但我唔會羡慕佢囉, 就算佢相識滿天下又如何? 朋友多但冇一個真心既又有何用? 我承認我朋友唔多, 因為我重質不重量, 我只交有質素既朋友, 唔似得佢咁濫交! 我已經知最少有2個人仲有同佢聯絡, 而嗰2個同佢傾得埋既人, 同佢一樣都係巴辣是非精, 令我更加明白乜野叫做物以類聚, 但佢講到自己咁多朋友, 點解仲要用埋d下三流手段去搶人哋既野呀? 厚顏無恥!

9. 佢話由细到大樣樣野都好幸福好順利, 係遇到我之後先黑仔比我纏住佢, 呢個女人真係自戀狂得緊要! 我纏住佢? 慳d啦!我諗起佢都想作嘔呀! 佢唔好唔記得2008年係佢主動走黎揾我先架, 早知佢咁係咁人渣, 當初我就話之佢死! 識到我好黑仔? 大家咁話啦! 識到佢係我呢世人最倒霉既事, 我所有既不幸都係佢一手造成! 佢話要打我小人吖嘛, 咁就啱啦, 我都正有此意, 就睇下邊個打得勁d囉! 我又冇對人唔住, 我真係未驚過呀! 不過成日諗毒計害人既人就要小心d啦!

10. 佢同人講話我上過佢屋企, 佢都痴線, 去佢屋企有金執咩? 如果佢真係係佢屋企見過我, 咁只有2個可能, 一係佢思覺失調加妄想症, 二係佢撞鬼! 我必須再強調多一次, 我從未去過佢屋企, 甚至連佢住嗰個屋苑亦從未踏足過, 佢呢d小人成日講是講非誣陷人, 是非當人情, 肯定得罪過好多人, 咪一陣佢比人上門尋仇又入埋我數, 你知啦, 佢呢種咁既小人, 有咩衰野做唔出? 佢話我用完即棄, 咁都總好過佢過橋抽板呀!

11. 我介紹左佢入2個吹水谷, 最近其中一個谷既朋友同我講, 佢曾經將另一個谷既相片share比佢哋睇, 佢咁鍾意周圍po人哋既相, 我肯定佢仲有po過比好多我唔識既人睇! 未經當事人同意, share人哋既相已經夠賤格, 仲要係唔識既人面前評頭品足, 最賤既係佢話有幾個有大6口音既人佢好憎, 佢應該係講其中2個朋友, 可以單單為左人哋既口音就批評人, 呢個人真係賤到冇人有, 人格破產! 朋友們, 當初你哋為左呢個人踢我走, 我哋個谷咁就比佢搞散左, 你哋當佢係知己, 佢當你哋係老幾呀? 我冇講過你哋半句壞話, 但呢個人竟然拎你哋既相去派街坊, 比唔識既人睇, 仲要數你哋呀! 清醒吧! 睜大雙眼睇清楚呢個人啦!

我覺得呢個人真係好恐佈, 仲有好嚴重既思覺失調, 嚴重到無藥可救! 佢為左想令我身邊既朋友個個都討厭我, 竟然可以編造咁多大話去挑撥離間我同朋友之間既感情, 當日我叫佢唔好寫匿名信去害人, 我都係緊張佢, 為佢好啫, 我阻止佢做犯法既事咁都有錯咩? 我到底有乜野咁對佢唔住, 令佢憎我憎到想我死, 點解要咁對我呀? 如果佢有揾機會平心靜氣咁同我講清楚件事, 我都唔會咁嬲, 但一年來佢都從未揾過我解釋件事, 反而係我背後做咁多小動作, 係我既朋友面前滿口謊言中傷我, 今日如果唔係有朋友同我講返, 我都唔知佢係個咁有手段既人, 係人哋面前扮晒可憐話我有幾衰有幾賤, 等所有人都信晒佢, 當我係衰人, 早知會搞成咁, 我就話之佢死, 真係好心著雷劈! 佢可以只係為左一句説話, 反面無情至此, 實在令我心寒到極點! 我本來對呢個人仲有期望, 希望佢會有返良知, 知錯能改, 我真係以為我同佢永遠都會係喜樂與共, 患難相扶既好姊妹, 但我世估唔到佢會咁對我, 編造咁多大話係我d朋友面前中傷我, 抵毀我, 數臭我, 搞到個個當我瘟神咁, 當我從朋友口中知道種種真相及佢如何誣衊我, 陷我於不義之後, 我對呢個人真係徹底絕望, 越揭越多大話, 我真係忍無可忍, 佢已經成功令我憎佢憎到入心入肺!

其實個心真係好痛好痛, 上年年初我知道佢返工好唔開心, 本來我仲plan左上年暑假請佢去日本旅行, 陪佢散心, 我本來打算係佢4月生日先同佢講, 等佢可以開心下, 只係我仲未同佢講我呢個計劃之前, 佢就首先係我生日當天送左份「大禮」比我, 就係同我反面, 置我於死地! 本來我以為佢永遠都會係我唯一最好既朋友, 點都估唔到佢竟然可以為左我既一句無心之言對我做出d咁冷血既事, 千錯萬錯都係我既錯, 我錯在太愛錫佢, 我錯在太信任佢, 而我最錯既係介紹晒我所有朋友比佢認識, 以為大家可以好似親姊妹咁相親相愛, 點知到頭來反而令自己一無所有, 呢個人對我所造成既傷害, 我一世都唔會忘記! 佢都已經唔係第一次因為芝蔴綠豆既事同佢既朋友吵大鑊, 既然佢講到同我做朋友係一件咁不幸既事, 咁我就放長雙眼, 睇下嗰d比佢洗左腦, 選擇信佢唔信我, 痴埋佢身邊同佢做朋友既人會有幾「幸福」! 不過我奉勸佢哋一句, 呢個人可以做得出想整封匿名信去陷害一個佢唔鍾意既同事, 又詛咒佢有性病, 可想而知呢個人既心腸係點! 朋友們, 我以上講既全部都係事實, 如果你哋仲要相信佢係個有人性既人, 咁我都無話可說了, 你哋小心比人跣啦!






珍珠宮

積分: 36649

2021勳章


發表於 19-2-23 13:32 |顯示全部帖子

回覆樓主:

小傑媽媽,你好
活在當下


珊瑚宮

積分: 112280

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 19-2-23 13:34 |顯示全部帖子
叮妹 發表於 19-2-23 13:32
小傑媽媽,你好

你好叮妹

點評

Qeenietang    發表於 19-4-14 06:41


公爵府

積分: 28824

2021勳章


發表於 19-2-23 13:59 |顯示全部帖子

回覆樓主:

又係我呀

點評

Qeenietang    發表於 19-4-14 06:41


珊瑚宮

積分: 112280

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 19-2-23 14:02 |顯示全部帖子
wan_sosin 發表於 19-2-23 13:59
又係我呀

歡迎你呀! 唔知今次會唔會好似上以咁旺場呢?

點評

Qeenietang    發表於 19-4-14 06:41


公爵府

積分: 28824

2021勳章


發表於 19-2-23 14:09 |顯示全部帖子
小傑媽媽 發表於 19-2-23 14:02
歡迎你呀! 唔知今次會唔會好似上以咁旺場呢?

我哋要發揚光大

點評

Qeenietang    發表於 19-4-14 06:42


珊瑚宮

積分: 112280

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 19-2-23 14:10 |顯示全部帖子
wan_sosin 發表於 19-2-23 14:09
我哋要發揚光大

對!靠大家得閒入黎撐下場

點評

Qeenietang    發表於 19-4-14 06:42


大宅

積分: 3248


發表於 19-2-23 14:11 |顯示全部帖子
wan_sosin 發表於 19-2-23 14:09
我哋要發揚光大

本帖最後由 csbaik 於 19-2-23 14:11 編輯

hi


珍珠宮

積分: 36649

2021勳章


發表於 19-2-23 14:20 |顯示全部帖子
csbaik 發表於 19-2-23 14:11
本帖最後由 csbaik 於 19-2-23 14:11 編輯

hi

好耐冇見你

點評

Qeenietang    發表於 19-4-14 06:42
活在當下


公爵府

積分: 28824

2021勳章


發表於 19-2-23 14:37 |顯示全部帖子
csbaik 發表於 19-2-23 14:11
本帖最後由 csbaik 於 19-2-23 14:11 編輯

hi

你好

點評

Qeenietang    發表於 19-4-14 06:43


珊瑚宮

積分: 112280

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 19-2-23 15:03 |顯示全部帖子
csbaik 發表於 19-2-23 14:11
本帖最後由 csbaik 於 19-2-23 14:11 編輯

hi

Hi, 老朋友


珍珠宮

積分: 36649

2021勳章


發表於 19-2-23 15:23 |顯示全部帖子
小傑媽媽 發表於 19-2-23 15:03
Hi, 老朋友

我剛去健生買隻大caKe食,而家又叫左吉前豬扒外賣,因昨天見E生比左隻特效藥,咋晚食左半粒個人放鬆左好多胃口又來番,唯有行多D樓梯抵銷
活在當下


大宅

積分: 3312


發表於 19-2-23 15:35 |顯示全部帖子

回覆樓主:

here


大宅

積分: 3248


發表於 19-2-23 16:10 |顯示全部帖子
叮妹 發表於 19-2-23 14:20
好耐冇見你

我見果边冇新话題

點評

Qeenietang    發表於 19-4-14 06:44
:-D :-?


大宅

積分: 3248


發表於 19-2-23 16:11 |顯示全部帖子
wan_sosin 發表於 19-2-23 14:37
你好

好耐冇見'
:-D :-?


大宅

積分: 3248


發表於 19-2-23 16:11 |顯示全部帖子
小傑媽媽 發表於 19-2-23 15:03
Hi, 老朋友

仲乜開新post?
:-D :-?


大宅

積分: 3248


發表於 19-2-23 16:12 |顯示全部帖子
叮妹 發表於 19-2-23 15:23
我剛去健生買隻大caKe食,而家又叫左吉前豬扒外賣,因昨天見E生比左隻特效藥,咋晚食左半粒個人放鬆左好多 ...

你地有冇買其他補品補身?
:-D :-?


珍珠宮

積分: 36649

2021勳章


發表於 19-2-23 16:18 |顯示全部帖子
csbaik 發表於 19-2-23 16:12
你地有冇買其他補品補身?

我虛不受補,只系食下鐵丸同去仁愛堂飲下藥粉
活在當下


珍珠宮

積分: 36649

2021勳章


發表於 19-2-23 16:20 |顯示全部帖子
csbaik 發表於 19-2-23 16:10
我見果边冇新话題

小傑媽媽好熱心的,因為她我識左幾位好好的Jm,
活在當下


珊瑚宮

積分: 112280

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 19-2-23 16:29 |顯示全部帖子
csbaik 發表於 19-2-23 16:11
仲乜開新post?

就係冇乜話題囉,同埋都希望多d新面孔,想識多d有情有義及有志維持長久關係既新朋友,因為發覺而家忘恩負義既人太多!

首頁

尾頁

跳至
你需要登錄後才可以回帖 登入 | 註冊