心聲留言

跳至

首頁

尾頁
   103


珊瑚宮

積分: 108030

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 21-1-1 14:06 |顯示全部帖子
本帖最後由 小傑媽媽 於 21-1-1 19:42 編輯
彩虹水晶 發表於 20-12-30 23:03
我同朋友以前做過義工, 依家不想再做, 會又再想起他
...

新年快樂!
雖然我知你一定會同我講你唔快樂,但我想話你知,快樂唔係人哋比你,係你自己去揾返黎!一個人有健康既身體,會知足你既現狀,懂感恩及珍惜你所擁既一切,能放下傷心既事,會包容及寬恕傷害過你既人,呢個人就會得到快樂!雖然而家既我都仲未完全做得到,但我哋一齊努力啦!

希望2021年你同我都可以放低你朋友同J呢2個傷害我哋最深既人,繼續去愛懂珍惜我哋既人,唔好再記住佢哋啦,好唔好!

2021年,我呢個post依然會24小時為你開放,我依然係你既同路人,只要你願意,我依然會以我既經歷,盡我最大既努力去幫你解開心結,希望好快我會見到一個只會笑,唔會哭既你!

係我哋短短幾十年既人生旅程中,一定會有人做出好多令我哋傷心失望既事,但當中我哋都會有所得著!傷心過後,我哋要感恩遇到佢哋,係佢哋既絕情令我哋成長,豐富左我哋既生命。生命中除左傷心,除左眼淚,仲會有快樂,仲會有笑容,我哋要用感恩既心去睇每件事!其實每個人身邊都有一個天使守護住自己,至於邊個先係自己既守護天使呢,就要靠自己用個心去感受啦!

https://youtu.be/M1ne-GmoIbA




大宅

積分: 1626

2021勳章


發表於 21-1-6 03:16 |顯示全部帖子

回覆樓主:

我明的, 不過我不知要怎么做, 怎么才不記住他, 我停下來我想到他, 怎么忘, 我真做不到


珊瑚宮

積分: 108030

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 21-1-10 03:03 |顯示全部帖子
本帖最後由 小傑媽媽 於 21-1-10 11:13 編輯
彩虹水晶 發表於 21-1-6 03:16
我明的, 不過我不知要怎么做, 怎么才不記住他, 我停下來我想到他, 怎么忘, 我真做不到 :pi ...

我唔知道你朋友對你做過d乜野,令你咁耐都放唔低,仲好似越來越嚴重,但我相信無論佢做左d乜野,佢對你既傷害都一定比唔上J對我既傷害咁深,因為佢除左傷害我,仲傷害埋我既家人,但我都可以放得低,點解你唔可以好似我一樣,放低呢段傷心往事呢?我哋唔可以好似人哋咁心胸狹窄,因為有廣闊胸襟既人先會活得快樂!不過我做人亦有底線,如果人哋做既事太過份,超越左我既底線,我亦都唔會輕易妥協!
一直以來我都係個非常執著,非常放唔低既人,甚至乎有d已經過左幾十年既事我都仍未放得低,但我覺得唔可以再咁落去,所以今次我比自己3年期限去放低J呢件事,我覺得我做得到,因為而家未夠2年,我已經放低左九成,餘下一成就係佢欠我既一句道歉,但我冇辦法令自己唔執著於呢一點,因為只要佢肯真心承認自己做錯,我先可以完全解開呢個心結!係呢件事上雖然我都有做錯,我都應該要同佢講返同一句說話,但我執著既係一定要佢主動同我講先,因為始作俑者係佢,如果唔係佢小氣到連一句說話都容不下,後面所有事情根本唔會發生,更加唔會有呢個post既出現!佢為左報復我講左一句佢唔啱聽既說話,佢係所有人面前講大話抹黑我,令我聲譽嚴重受損,洗人腦令所有人遠離我,分身入我既post攻擊我令我情緒再度崩潰,更令我差d連條命都冇埋,我曾經憎佢憎到入心入肺入骨入血,但我並唔係小氣既人,我個人嬲完發洩完就算,唔會記係心,所以而家呢d我都可以唔再同佢計較,但佢未得我同意,將我既私人相周圍傳比人睇,仲影響埋我屋企人,佢咁做就實在太過份啦,完全超越晒我既底線,我諗就算氣量幾大既人都冇可能容忍到!佢對我做出咁多咁過份既事,我而家要求既只係佢真心誠意咁同我講一句對唔住,咁我就可以前事不計,佢對我所做既一切亦可以一筆勾消,我哋或者仲有可能做得返朋友,我呢個小小既要求唔過份吧?如果佢連呢句佢應該要講既說話都唔肯講,有錯又唔肯認,錯而不改,咁我亦唔稀罕一個品性咁卑劣既朋友,亦唔會覺得可惜,因為……我失去的只是一個不懂珍惜我的人,他失去的卻是一個可以為他付出一切的人!
過去我經歷過太多次人生起跌,歷盡人情冷暖,亦見過太多生離死別,再加上今次疫情令我更深切感受到生命既脆弱,每個人都唔知自己有幾多時間,真係今日唔知聽日事,今日我仲同你傾緊計,聽日我可能已經唔係度,誰會知道呢?所以我哋一定要珍惜身邊值得我哋珍惜既人,好好愛佢哋,唔好再拘泥於一段枯萎左既感情,唔好再嘥時間係唔值得我哋愛既人身上啦!而家我只想開開心心咁過埋以後既日子,盡量留多d美好既回憶比我身邊既人,其他既事,其他既人,順其自然吧!希望你都可以同我一樣,放低執著,放下怨念,活在當下!


男爵府

積分: 5876

2021勳章


發表於 21-1-10 05:43 |顯示全部帖子
彩虹水晶 發表於 21-1-6 03:16
我明的, 不過我不知要怎么做, 怎么才不記住他, 我停下來我想到他, 怎么忘, 我真做不到 :pi ...


我覺得放低唔等於忘記,好多友誼都會隨年月消失/轉淡或因好少的事而變,我有的隔多年甚至十年以上都仍偶然諗起仍覺得不開心/不甘心當日被對方咁對待,但既然已改變唔倒,人生有限,玩樂可無限,多花精神做自己喜歡的事上吧


伯爵府

積分: 18756

2021勳章


發表於 21-1-10 17:24 |顯示全部帖子
小傑媽媽 發表於 21-1-10 03:03
我唔知道你朋友對你做過d乜野,令你咁耐都放唔低,仲好似越來越嚴重,但我相信無論佢做左d乜野,佢對你既 ...

既然講到J 咁衰,佢又有睇你個post,佢又點會肯同你講對唔住呢? 要講一早講咗啦你對佢黎講已經係過去式~真係放得低吾會再無限loop

朋友緣盡咗再一齊已經返吾到以前- 除非雙方都在乎大家~

活在過去,只令自己吾開心,面對現實展開新生活


珊瑚宮

積分: 108030

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 21-1-10 18:20 |顯示全部帖子
dder 發表於 21-1-10 17:24
既然講到J 咁衰,佢又有睇你個post,佢又點會肯同你講對唔住呢? 要講一早講咗啦你對佢黎講已經係 ...

本帖最後由 小傑媽媽 於 21-1-10 19:53 編輯

呢個人一定唔會睇我所有post,連bk都冇再上,我肯定,因為我知呢個人硬頸既性格,佢既脾氣仲硬過條鐵,所以我知有我既地方就唔會有佢既出現,我只係想同水晶講,我受過既比佢一定更苦,唔好再鑽牛角尖落去,因為而家既佢就好似以前既我咁,你同我講既說話,其實就係我想同佢講既說話。


伯爵府

積分: 18756

2021勳章


發表於 21-1-10 18:33 |顯示全部帖子
小傑媽媽 發表於 21-1-10 18:20
呢個人一定唔會睇我所有post,連bk都冇再上,我肯定,因為我知呢個人硬頸既性格,佢既脾氣仲硬過條鐵,我 ...

本帖最後由 dder 於 21-1-10 18:33 編輯

希望水晶早日理解到,時間可以沖淡一切,只有自己先可以幫到自己


珊瑚宮

積分: 108030

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 21-1-10 18:36 |顯示全部帖子
dder 發表於 21-1-10 18:33
本帖最後由 dder 於 21-1-10 18:33 編輯

希望水晶早日理解到,時間可以沖淡一切,只有自己先可以幫到自 ...

本帖最後由 小傑媽媽 於 21-1-10 18:37 編輯

希望啦,我同佢都會努力,多謝你關心我哋,其實我冇預計到除左我同佢之外,仲有其他jm會睇我呢個post,所以見到你既留言我都好意外,點都好啦,多謝你既鼓勵


大宅

積分: 1626

2021勳章


發表於 21-1-13 02:14 |顯示全部帖子
cindy123 發表於 21-1-10 05:43
我覺得放低唔等於忘記,好多友誼都會隨年月消失/轉淡或因好少的事而變,我有的隔多年甚至十年以上都仍偶 ...

謝謝, 我明白, 但總是想起, 叫自己不去想都不行, 發夢又見到他, 過節又記起他, 很多以前記憶忘不到, 有時他們還有駡我同細妹, 很難聽的說話, 我一直對他們都好, 為什么人會變得這么可怕, 很痛, 我怎樣才可不再記起他們


大宅

積分: 1626

2021勳章


發表於 21-1-16 23:14 |顯示全部帖子

回覆樓主:

我知不可以再記, 但我真忘記不到, 很長時間都忘記不到, 今天我也是哭醒 很多很多次, 我幫不到自己, 也沒人幫到我, 我是沒得救


珊瑚宮

積分: 108030

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 21-1-21 13:59 |顯示全部帖子
彩虹水晶 發表於 21-1-16 23:14
我知不可以再記, 但我真忘記不到, 很長時間都忘記不到, 今天我也是哭醒 ...
你鍾唔鍾意聽歌架?我覺得歌曲有一種好神奇既力量,可以幫人舒緩情緒,平復心情,呢2年我所受既痛一定比你有過之而無不及,我幫自己既方法除左開呢個post宣洩負面情緒之外,另一個方法就係聽歌,最初當我極度憤怒及唔開心時,我就不斷播傷感悲情既歌,聽住入面令我感同身受既歌詞,我試過歇斯底里咁喊,試過出盡力搥打枕頭,更試過自殘傷害自己 (呢樣你千祈唔好學呀),搞到自己五勞七傷,總之將我既憤怒及負面情緒發洩出來,希望可以用整傷自己既痛及流不盡既眼淚去洗掉我心中既憤怒及冤屈,撫平我心入面既傷痕!當我咁樣喊左大約半年之後,個心就開始平靜落黎,然後我再慢慢調節返我既心情,漸漸地,我開始有新既領悟,開始唔再咁執著,思想亦唔再咁負面,對J既仇恨亦慢慢開始減少。你一直都咁放唔低件事,我估係有一份怨氣積係你心入面宣洩唔到,因為初時我都試過有一段時間係咁,不知不覺將自己困左係個死胡同入面,諗乜野都鑽晒牛角尖,最後甚至想用死去解決問題,而家諗返轉頭真係覺得自己好儍!不如你都試下好似我咁,比自己一段時間用音樂去治療自己既創傷,或者咁樣可以幫到你呢!


大宅

積分: 1626

2021勳章


發表於 21-1-24 00:31 |顯示全部帖子

回覆樓主:

我沒常聽歌, 只想令自己很忙, 很怕靜下來又想到他


珊瑚宮

積分: 108030

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 21-1-25 13:44 |顯示全部帖子
本帖最後由 小傑媽媽 於 21-1-25 23:47 編輯
彩虹水晶 發表於 21-1-24 00:31
我沒常聽歌, 只想令自己很忙, 很怕靜下來又想到他

我係呢度同你傾左咁耐,我一直都不斷諗方法去開解你,可惜好似完全冇作用,我都覺得好沮喪,但我真係好想幫到你,既然你係因為覺得我既經歴同你好相似,所以先入來揾我,咁我就最後一次同你分享我完整既心路歷程,但因為我必須要培養返當時既感覺先可以同你分享,咁就好容易令我跌返落情緒既最低點。我已經超過一年冇再為呢件事喊過,但尋日我聽返陪我度過呢2年既歌,諗返過去既一切,好多心痛既感覺返晒黎,我已經流左幾次眼淚,但唔緊要,我只希望今次真係可以幫到你!
下一次會同你分享我過去2年充滿眼淚既心路歷程,有d感覺我係從來冇同人講過架,希望你睇完之後得到啟示,或者可以感動到你,可以讓你打開心屝,唔再將自己困住係呢件事入面,唔好再日日自怨自艾,咁就不枉我冒住再一次情緒爆煲既風險去幫你啦!如果你睇完之後覺得你係慘過我既,咁我都無說話可說了,但如果你冇我傷得咁深,咁唔該你同我振作起來,唔好再頹廢落去啦,好唔好?你一定要靠自己振作,如果你自己唔肯改變,就真係冇人可以幫到你架啦!
我已經預計到黎緊呢幾日我既心情會好差!


珊瑚宮

積分: 108030

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 21-2-1 03:18 |顯示全部帖子
本帖最後由 小傑媽媽 於 21-2-4 10:19 編輯
彩虹水晶 發表於 21-1-24 00:31
我沒常聽歌, 只想令自己很忙, 很怕靜下來又想到他

回憶左咁多日,流左咁多眼淚,心痛左咁多次,終於可以同你分享我既故事啦!今次我呢篇回覆真係有血有淚,所有以前既感覺都返晒黎,我諗我都需要一段時間先可以平復到心情,真係用心良苦,希望今次真係可以幫到你啦!

既然你少聽歌,咁不如今次我哋relax下,聽下歌好唔好?我會係我講心事既途中加插d我好鍾意既歌,每首歌都代表我當時既心聲,陪我度過呢2年心碎既日子,希望你可以聽住音樂,感受下我呢2年既心路歷程,我經歷完每件事之後既心態轉變,我每個階段既所思所想,以及我如何捱過呢段日子,再對比返你自己既事,或者你會有新既體會,又或者,睇完我呢個回覆之後,你會發現原來你都唔係咁差啫,實在唔值得再執著於一份變左質既感情!希望你聽我講故事既同時,都聽埋我當時聽緊既歌,咁先可以完全感受到我當時既心情。如果你想喊,就盡情喊出來吧,將你抑壓左好耐既怨氣及鬰結釋放哂出來,因為喊都係其中一個舒緩情緒既方法!括號入面係我想同你講既說話,其實好多我之前都已經同你講過,今次加埋我既經歷,希望你get到我既意思。

https://youtu.be/Wys-NXsJZIA

其實每個人都會有唔開心既時候,都要靠自己去面對及解決問題。我一生經歷過好多風風雨雨,面對過好多難關,要一個人撐過去,可想而知當時既我有幾咁無助,但當你知道身邊冇人可以幫到你既時候,你就要靠自己既意志及勇氣去闖過難關。

https://youtu.be/tZZPMArl8-M

我同某人既事其實過去我係呢個post已經講過好多次,但全部都只係零碎片段,今次為左你,我會原原本本咁將我呢2年每一個時段既心路歷程呈現係你眼前,但今次會係我最後一次對某人既事作完整既回憶,而且往後我有可能會del返,因為有d位實在令我太傷心,我今時今日再諗返依然頂唔住!要我再次諗返起呢段回憶等同於再次割開我心中既傷口,需要好大勇氣,因為我知會好痛,我知又會再流血,再流淚,甚至再一次情緒爆煲,但我唔在乎,因為你根本就係2年前既我,所以我真係好想幫到你!我寫呢篇回文必須要將自己既情緒帶返去2年前,好似再從頭經歷一次咁,所以我真係一字一淚咁寫,而家我就同你一齊再經歷多一次,話比你知我係點樣度過每一個階段,希望你都可以好似我咁,唔好再傷心啦,不過要緊記,千萬唔可以好似我咁儍走去傷害自己呀!

https://youtu.be/yEzH1DT3Sxc

我好明白你當一個人如珠如寶,但呢個人卻視你如草芥既時候,感覺有幾難受,所以我亦都理解你班朋友對你所做既既行為會令你有幾傷心!其實我比你更難過,2019年係我最難過既一年,你應該知道呢2年我確實過得唔容易,一方面我要承受住某人帶比我既傷害令我既健康直線下降,另一方面我又要想盡辦法平復自己比佢搞到瀕臨崩潰既情緒,當時我既心理狀況比起而家既你仲要差上千倍萬倍!因為我受住情緒問題既影響,我必須要將我極大既負面情緒發洩出來,否則後果不堪設想,所以先會有呢個post既出現,從呢個post早期既留言你可以睇到我當時係極度憤怒,心中有極大既冤屈及不忿,甚至憎佢憎到想佢死,我呢一世人從未試過咁憎恨一個人,佢搞到我既血壓連續2個月處於17x以上既高水平,情緒一直處於低谷,心口痛及有幻覺既現象持續左一段時間,可想而知呢個人對我造成心理及身體既傷害有幾嚴重,亦可想而知當時我心入面幾咁憤怒及對呢個人有幾深既恨意……最慘既係我在明敵在暗,人哋係我背後打我毒針,我完全無機會反抗,硬食左好多死貓,嗰一刻我先知道原來我一直當係我親妹妹咁看待既呢個人係咁卑鄙,咁攻心計,咁識耍手段,咁想我死,我覺得好心痛,亦好心寒……
(其實冷靜之後我都有反省過,我都有d唔啱,雖然我開呢個post既原意只為要宣洩比佢激到火冒三丈就快爆既負面情緒,完全冇咒佢害佢既意思,但始終有影響到佢,係我太衝動,雖然一切都係因佢而起,佢冇資格怪我,但無論點都好,好多時一件事既發生係2個人都有責任,唔可以諉過於人,講到自己啱晒人哋錯晒,出左問題大家都應該要負責,要反省,有錯就要認,要改,咁先係正確既處事態度!經一事長一智,有左今次既經驗,我相信下次我會做得更好!咁你呢,我知你朋友傷害左你,但係成呢件事上,你又有冇做左d傷害過你朋友既行為?我哋唔可以只識得怪人哋,忽略左自己,咁耐以黎你有冇反省過自己有冇做錯?)

https://youtu.be/wco5Gqlrc8w

嗰段時間我個心好痛好痛,夜蘭人靜時更加係我最難受既時候,於是我唯有用音樂去麻醉自己,每句傷感悲哭既歌詞都深深打進我心坎裏,我感同身受,所有憤怒,怨氣及委屈都不受控咁爆發出來,我會不受控咁爆喊,會用盡力搥打傢俬牆壁,會用硬物整傷自己,總之就用盡方法特登整痛自己,想用身體既痛蓋過心中既痛,務求將堆積係心入面既冤屈盡情發洩晒出來……呢段時間我成個人真係好似顛左咁,因為我被壞情緒支配住,控制唔到自己,情緒完全失控……
(我終於明白點解有d人痛苦時會自殘身體,不過我想話比你知,其實咁係唔work架,無論遇到咩事都好,你要發洩可以有好多方法,可以盡情咁喊,可以盡情食野,可以盡情工作,可以盡情購物,但千祈唔可以傷害自己,呢個係非常非常愚蠢既行為!我係一個反面教材,你千祈唔好學呀!)

https://youtu.be/m65UOqBqBTo

當時我會係度諗,我對佢咁好,佢唔開心我不斷咁鼓勵佢,佢遇到咩困難我都盡心盡力想辦法幫佢,佢去做婦科檢查話好驚,我就係whatsapp陪佢傾左幾個鐘幫佢減壓,我通宵唔瞓幫佢個女整返張畢業相,佢同老公嗌交我就係附近守侯住等佢有需要時可以揾到我,佢每次情緒低落時我都盡我所能開解佢,好想陪係佢身邊支持佢,我去旅行,佢話想我幫佢買手信,我寧願自己唔去玩都幫佢周圍揾,佢仲欠我幾十蚊手信錢冇比返我呀,佢話膽固醇過高我就周圍幫佢揾降醇食物,買埋比佢食仲包得靚靚咁送比佢,佢話返工唔開心我甚至計劃自己出錢請佢去日本旅行散心……呢一切都係短短5個月內我為佢做既事,就算佢無情無義咁同我反左面之後,疫情最初期香港口罩荒時,我去韓國買口罩,個心都仲會掛住佢唔知夠唔夠口罩用,試問除左我之外,仲有邊個肯為佢做咁多野呀?佢老公可以嗎?令佢好自豪嗰班朋友可以嗎?有我呢個時刻都對佢咁好既朋友佢都唔珍惜,我當佢係我最好既朋友,最親既妹妹,但佢又當我係乜野呀?可以為左一句佢唔啱聽既説話不停編造一個又一個既謊言去抹黑我唱衰我,挑撥離間我同其他朋友之間既感情,令我衆叛親離,仲將我既私隱掦出去,深深咁傷害左我同我既家人,呢個人真係超級冇品,超級卑鄙,你話我有乜辦法唔比佢搞到情緒失控?相比起你位朋友,呢個人係咪恐佈得多呢?佢做左咁多衰野,仲要詛咒我,對我傷害到極點,係佢令我不得已要開呢個post發洩比佢搞到崩潰既情緒,呢一切都係佢一手造成,所以佢根本冇資格怪我,要怪就怪佢自己心胸太狹窄,小氣得太恐佈,恐佈到連一句說話都容不下!
(我知你都為你朋友做左好多野,但係對方唔珍惜,冇感恩既心,你做乜野都冇用,人哋只會覺得係多此一舉,仲會嫌你煩,倒不如將你既心思放係其他值得擁有既人身上)

https://youtu.be/WnlYa3y0a8o

呢一切一切,真係寒天飲雪水,點滴在心頭!每次諗返起佢對我既所作所為,我個心都好痛好痛,當歌曲唱到我既最傷心處,我每次都喊到停唔到,仲試過好多次整到自己流晒血……最後,我賠上左我對眼睛,因為喊得太多,視力衰退,已經冇得逆轉!聽以下呢首歌既時候我又哭了,好touching,真係好心痛!
(所以我成日叫你唔好再喊,為左d對你唔好既人作咁大犧牲,完全唔值得呀!)

https://youtu.be/OqSrnlG_nLk

2019年4月,我永遠唔會忘記呢個月,我已經唔止一次攬住我老公爆喊,因為我情況太嚴重,佢直情叫我唔好再上bk,唔想我再接觸呢度既人!係我心理質素最差,感情最脆弱既時候,某人好似仲怕我死唔去咁,竟然仲要玩分身入黎呢度及我另一個post恣意攻擊我,講既說話非常難聽及帶有侮辱性,因為佢好清楚我既弱點,佢明知我有情緒問題,明知我接受唔到咁大刺激,佢就故意咁做,目的就係想我受唔住刺激,想我情緒爆煲,想我走去自殺,我肯定佢係故意挑起我憤恨既情緒去達到想整死我既目的,結果佢如願以償,我終於比佢搞到抑鬱症復發,一發不可收拾,仲差d賠上我既性命!
(竟然可以咁對我,你話呢個到底到仲係咪人黎?我諗你朋友點衰,都唔會衰到想整死你吧?)

https://youtu.be/m53bMbXsuqU

係一個我心痛到極點既某一天,個腦一片空白,四周都好寧靜,我冇再喊,只係呆呆咁望住前面嗰個模糊不清既海,聽住海浪聲,個心好靜,四周都好靜,我好嚮往呢種寧靜既感覺,我個心真係好耐都未試過咁靜啦,好想永遠都係咁,唔會再有紛爭,唔會再被傷害,唔會再流眼淚,好想只有寧靜,永遠的寧靜!一陣海風吹過來,好舒服,我好想跳落去,投入海既懷抱,我好掛住我走左既親人,好想即刻攬住佢,向佢哭訴我所受既委屈,我只差一步就可以見到佢,反正我個心都已經比人整死左,咁唔爭在整死埋我個人啦,嗰一刻真係好想一切都結束,好想個心以後都唔會再痛!好想……好想佢內疚一世!
(我知你都曾經係咁諗,想佢為你既死而內疚係咪?儍瓜!如果一個人個心入面係冇你既存在,咁佢係唔會在乎你既生死架,佢只會一笑置之,但你冇左既係寶貴既生命呀,值得咩?)

https://youtu.be/CANjV9sEdmE

我係度諗,如果嗰班比佢誤導左既人知道我比佢哋心目中嗰個「善良」既人害死左,咁佢哋又會點諗呢?會同「善良」既人一齊慶祝?定還是會睇清楚「善良」背後陰毒既真面目呢?我好唔甘心一直比人抹黑我既人格,咁對我極之唔公平,亦係極大既傷害,如果我既死真係可以令佢哋清醒,睇清楚到底邊個係人邊個係鬼,可以還我清白,令我沉冤得雪,我覺得好值得,而呢個亦可能係我唯一可以幫自己平反既途徑……
(當時我個心真係咁諗,但呢一刻佢又做緊咩呢?梗你繼續係我班朋友面前講我壞話,唱衰我,踩低我去抬高佢自己啦)

https://youtu.be/tmurzlEsRtM

但當我諗到我既家人,我猶豫了,如果我真係走左,佢哋會點呢?佢哋一定會好傷心,我唔忍心傷害佢哋,最後我終於都打消呢個念頭!呢段經歷我過左就算,從未同任何人提起過,連我屋企人都唔知架!我表面仲要扮到若無其事咁同人吹水,日日扮開心真係好辛苦,但我唔想比人知我心入面有幾難受,我唔需要人可憐我!
我而家諗返轉頭都覺得自己好儍,如果當日我不顧一切咁跳左落去,某人會在乎嗎?肯定唔會囉,可能仲會掩住咀笑,因為呢個正正就係佢想見到既畫面,但我就會帶左好大既傷痛比我屋企人,所以我好慶幸當時我有縣崖勒馬,冇做出無法彌補既憾事……
(所以我亦都想同你講,自殺既念頭只在於嗰一刹那,只要咬緊牙關過左就冇事,所以千萬唔好衝動,否則你一定會後悔!)

https://youtu.be/qDW1Br4fvtM

之後既幾個月,jm一有時間就上來開解我,陪我傾計,我知佢好想見到我可以振作返,我真係好感激佢,好想同佢講聲多謝,好想話比佢知而家既我已經做返自己,唔會再為左嗰個人自暴自棄,更加唔會再去尋死,可惜佢已經聽唔到!
(希望有一日你都會同我講返相同既說話,就算嗰時我已經唔係度,我都會好開心)

https://youtu.be/XmGzXGCApG8

我曾經聽過人講話做運動可以抗抑鬱,於是我開始每日做2個鐘運動,落雨都唔會停低,繼續出去淋雨,試過好多次差d跣低及拗柴,但我冇理,我一心只想趕走壞情緒,想將可惡既某人從我心裏趕出來,唔比佢再影響我,我真係將自己搞可半生不死咁!可惜我堅持做左半年都冇效,我依然日日被壞情緒困擾住,總之我一靜落黎就會諗起佢點對我,我又會喊,係咪我做2個鐘唔夠呢?於是我試過早上做2個鐘,晚上又做2個鐘,做到隻腳都傷晒,但都仲係唔得,我仲係趕唔走佢呀!點算呢?要再加鐘嗎?但我已經到左極限,再加我會負荷唔到架啦,咁點算好呢……我已經冇晒自我!
(你記唔記得我叫你唔好淋雨呀!因為淋雨真係好容易病,病左邊個會可憐你?你嗰位朋友會嗎?到頭來咪只會自己辛苦,何必呢?)

https://youtu.be/MKq0s_o_OyM

其實嗰一年我真係唔知自己點過架,成個人好似冇左靈魂咁,我諗係情緒問題影響住我,我除左識痛之外,對好多野都冇晒感覺!由件事發生左之後冇幾耐開始,我既身體就急速轉差,血壓長時間處於高水平,心跳過百係等閒事,多次心口痛到幾乎暈低,我都以為自己會玩完架啦!嗰段時間我都有日日上來同人吹水,扮作若無其事,因為我掩飾得好好,所以我表面係完全冇問題,我甚至連屋企人都呃埋,佢哋都冇發覺我情緒出左問題,但好多時我講既野都非常負面,我而家睇返都覺得當時既自己負爆,只要有用心留意我就知當時我既情緒真係出左好大問題,可惜,所有人都只顧自己,根本冇人真正關心我既情緒……

https://youtu.be/NFipo6FH5Lk

早上我可以盡量扮到冇事,但到左晚上夜闌人靜時,根本就冇辦法再掩飾,一波又一波既壞情緒不斷湧上來,我試過好晚瞓唔到覺,有時會無端端流眼淚,有時又會呆呆咁坐天光,晚晚要食止痛藥先叫做勉強瞓得到,就算瞓到都不停發惡夢,試過好多次夢到佢同其他被佢洗左腦既人一齊攻擊我,我會比佢哋嚇醒,個心狂跳,枕頭濕左一大片,我仲試過幾次有想死既念頭,不過好彩冇再付諸行動,嗰段時間我情緒同精神都處於崩潰邊緣……天光了,又再戴上假面具,繼續扮作開心咁同人吹水……日復一日,呢段時間持續左幾個月!
(你話你經常發夢見到佢,呢d都係你內心既反射,好似我呢段時間個人咁負面,發既都係負面既夢,所以如果你唔想再發夢見到佢,首先你就唔好再諗住佢)

https://youtu.be/eSA2aVL2IA4

為左表示我要同佢斬纜既決心,一開始我已經del左佢既電話號碼及全部佢既照片!佢送比我既野我早前都已經全部掉晒,唔想見到佢d野又諗返起佢點對我,而我都希望佢同其他所有唔鍾意我既人都同我一樣,掉晒所有我送比佢哋既禮物,因為每一份我送出去既禮物都係精挑細選,花左我好多心思,全部都係我最真既心意,唔係求其執埋一袋垃圾咁既野當禮物比人就算,我既心意只會送比我既朋友,唔當我係朋友既人,尤其是比人洗左腦當我係敵人嗰班人更加冇資格收我既禮物,我唔想我既心意被人踐踏,呢個對我黎講係一種侮辱,所以我都希望某人同所有選擇信佢唔信我既人掉晒所有我送比佢哋既野,連一張我既相都唔好留低,以示大家一刀兩斷!
(你曾經話過見到你朋友送比你既禮物及佢寫比你既信覺得好唔開心,所以我提議你掉晒佢,因為見到舊物真係好容易會觸景傷情,所以我都唔敢留低某人既野)

https://youtu.be/pRZdjqw8S-M


珊瑚宮

積分: 108030

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 21-2-1 03:20 |顯示全部帖子
本帖最後由 小傑媽媽 於 21-2-4 09:26 編輯
彩虹水晶 發表於 21-1-24 00:31
我沒常聽歌, 只想令自己很忙, 很怕靜下來又想到他

其實好多人都會唔明白點解我會因為一個人搞到自己咁大件事,連我自己都唔知點解,我都好想知我同佢到底比d乜野牽引住,或者我上一世同佢到底有咩恩怨,今世要我咁黎償還!而我最難以理解既係呢個人一次又一次做出令我傷心既事,但無論佢對我幾過份都好,無論當時我幾憎佢都好,但唔知點解我每次都唔會憎佢好耐,佢呢個人小氣計較又記仇,完全唔係我想交既朋友類型,但我真係唔知點解自己總係不自覺咁對佢特別好,好過晒所有人,從未試過對一個人咁放唔低。以前我識既人好多我連佢哋叫咩名我都唔記得啦,唯獨係呢個人無論對我幾衰我都憎佢唔耐,仲會默默咁關心佢,係我一生認識既人入面,冇一個人可以令到我咁失去自我,點解點解點解……?我真係好忟呀,呢個人咁對我,點解我仲係放唔低佢,點解點解點解……點解我要咁犯賤?我真係好憎我自己呀!點解我要咁重情,點解我要對一個咁冷血既人不離不棄,搞到自己滿心傷痕?我諗唯一既解釋就係我同佢可能有隔世恩怨,可能係我前世欠左佢,今世要還返比佢吧,所以今世無論佢點傷害我都好,只要我發洩左心中既怨氣就冇事,唔會真心嬲佢,仲不斷比機會佢,希望前世債今世還,下世各行各路,所以無論我上世欠佢乜野都好,希望今世已經還返晒比佢,無拖無欠,來世大家唔好再相遇啦!
(可能你對你朋友都有相同既感覺,所以同我一樣咁放唔低對方,或者你好似我咁諗,係我哋前世欠佢哋既,今世來還債,我哋唔好抱怨,只希望盡快還清比佢哋,大家再冇拖冇欠,咁我哋個心就可以從獲自由啦!)

https://youtu.be/hA_OjPcGBIw

經過左半年之後,我既怒氣已經比最初時消減左一半,只係我依然好唔開心,心情仲係好差,有時難免會有d比較激烈既言詞,純為發洩情緒,絕無害人之意,但點知又比人屈我詛咒某人,佢哋係完全唔知事實真相既情況下就定我罪,我講左好多次我只係發洩就快谷到爆既情緒,完全冇咒佢既意思,真係一丁點都冇,如果我真係有心搞佢,我就開埋佢個名啦,但我從來冇,亦唔會咁做!我個人係心直口快,有嗰句講嗰句,但我唔會咒人咁陰質架,我問心無愧,對得住天地良心!但我點講呢d人都唔信,主觀地一口咬定我有咒佢,仲要夾埋一齊圍攻我,真係火都黎呀!當日某人分身入來攻擊我,因為佢係當事人,佢誤解左我發洩情緒既説話係鬧佢,氣上心頭所以身分入來同我開火,呢點我都仲可以理解,但其他人真係好莫名奇妙囉,難道我自己個心到底有冇咒人我自己會唔清楚得過佢哋?佢哋只係局外人,成件事係點佢哋知咩?誰對誰錯佢哋知咩?乜都唔知就定我罪判我死刑,當中仲發生左好多事我唔講啦,但佢哋做既事令到而家有d我唔識既人都無端端針對我,我真係好冤枉,總之我真係多得佢哋唔少啦,我剛剛先好返少少既情緒又再比佢哋拉返落去,連做運動既動力都冇晒!

https://youtu.be/aQwzPqaTCkQ

其實我最嬲既唔係佢哋屈我,而係佢哋講左一句「我好同情佢」,呢個「佢」字係指某人,嗰一刻我成個人醒晒,口口聲聲話係我既朋友 ,竟然會同情想害死我既人,你叫我情何以堪?呢種咁既「朋友」我唔需要呀!聽完佢哋講呢句,我終於明啦!明白晒啦!原來大帥哥講得好啱,呢個世界真係「誰大誰惡誰正確」,就因為我唔識得好似某人咁用卑鄙嗱喳手段去暗算人,所以嗰個處心積累害到我差d連條命都冇埋既人,只要扮下可憐就可以贏得所有人既同情,而我從冇諗過要傷害任何人卻慘被冠上咒人害人之名,但事實到底係邊個咒邊個?邊個害邊個?佢冇上bk講,唔代表佢冇講我是非冇咒我,只係鬼鬼祟祟咁匿埋係whatsapp講啫,對我同樣做成好大既傷害!其實同我識得耐既人都知我只會幫人,唔會害人,所以咁樣夾硬比人老屈入我罪,我真係好唔甘心!老實講,我由此至終都對佢咁好,我寧願咒我自己都唔會咒佢啦,晦氣說話黎啫,即係好似你同人嗌交咁,火遮眼時講一句「你去死啦」,咁唔通就真係叫佢去死咩?晦氣說話有邊個未講過呀?我好唔甘心被人冤枉,但我又可以點?唯有認命,平常心面對囉!
(所以你朋友無論點屈你都唔洗咁介懷,把口生係人哋度,人哋要講咩咪由得佢囉,最緊要自己問心無愧就得啦)

https://youtu.be/AwjnQfOi92k

我之前發生左咁多事,情緒啱啱先好返少少又遇到d咁既事,我最憎人屈我,仲要同情我既敵人,呢件事令我既情緒一下子又跌返落去,仲試過有段時間茶飯不思,不過今次算好彩,我唔開心既時間大約只維持左2個月左右,之後我已經放低左,當冇識過佢哋,我冇再好似上次咁情緒失控,因為自從經過某人呢件事之後,我已經唔會再全心全意相信任何人,甚至我諗我呢世都唔會再同人交心,所以亦都唔會再有人可以咁容易傷到我!經過呢一連串既打擊之後,我就好似諗通左d野咁,我覺得自己好儍,竟然為左一個唔珍惜我既人,搞到自己身心受創,仲儍到差d走上絕路,好彩最後冇鑄成大錯,可惜我搞壞左既身體已經冇得再逆轉,只會一直差落去!

https://youtu.be/Sz-NuAPmDt0

可能因為情緒影響令我身體差左好多,我keep住睇好多個專科,又時不時要驗呢樣驗嗰樣,個人變得好灰,完全睇唔到前路,唔開心時都只係上來揾人吹下水,放下負咁,但係到左晚上,好多好多唔開心既回憶湧上心頭,依然會悲從中來,依然會喊!我仲記得2008年某人第一次pm我訴苦,之後既一段時間我全心全意咁安慰佢,即係好似我呢一年不停安慰你咁,如果當年我唔係咁好心同佢分享我既經驗,如果當年我冇覆佢pm,如果我冇全心全意咁開解佢,如果我唔係咁關心佢,擔心佢行差踏錯,如果我冇勸佢唔好聽人唆擺走去寫匿名信陷害人,如果……而我最最最後悔既係如果我2018年9月18日唔係忽然心血來潮pm佢想關心下佢既近況,想知佢仲有冇唔開心,咁我就唔會同佢聯絡返,咁呢一切就唔會發生,就唔會比佢挑撥離間搞到我冇晒班朋友,我亦唔會流左咁多眼淚搞到雙眼就快睇唔到野,更加唔會係相隔十幾年後既今日比佢搞到情緒病復發,我好後悔!真係好後悔!我點解要做好人勸佢唔好寫匿名信?反正又唔關我事,就算佢比警察拉左都唔關我事,我做乜要咁多事走去勸佢?搞到佢要咁樣向我報復,我真係千錯萬錯,我好後悔,如果可以時光倒流比我返去2008年,我一定唔會覆佢pm,唔會去開解佢,咁我就唔會認識到佢,如果比我返去2018年,我一定唔會pm佢關心佢近況,咁我哋就唔會聯絡返,如果比我返去2019年,我一定唔會因為錫佢,怕佢有事想保護佢,所以勸佢唔好寫匿名信去害人,咁佢就唔會不擇手段向我報復……如果我冇做是但一樣,我而家仲會係個好開心既人,我唔會比佢搞到情緒病復發,我既世界唔會比佢搞到充滿灰暗同眼淚,我好憎我自己點解要咁重情,2011-2018呢7年我明明已經冇同佢聯絡,點解我仲要畤不時記掛住呢個咁冷血既人,如果我冇掛住佢,2018年我就唔會揾返佢,咁我就唔會比佢害到差d連命都冇埋,我諗我個心呢一世都冇辦法復原!我真係好係悔!呢次真係完美演繹左乜野叫做「好人冇好報,好心著雷劈」!

https://youtu.be/nku5zFMZAdU

之後我入院做過一次小手術,我應該有同你提過架啦,因為個手術只需要局部麻醉,所以成個過程我係清醒既,亦都感覺到手術過程中既痛。當手術進行中既時候,手術室播緊以下呢首歌,我聽住呢首歌,忽然之間好感觸,好想喊……

https://youtu.be/9tmoOJDa__s

呢首歌將「生、老、病、死」四苦演繹得好真實,深深感動了我!當時我望住手術室白色既天花板,我係度諗,如果呢一刻我走左,有邊個會為我傷心呢?會係某人嗎?哈!咪玩啦!佢開心都黎唔切啦! 佢唔開香檳慶祝已經算好俾面架啦!佢會為我傷心?開玩笑嗎?傷心既當然只會係我既屋企人啦!諗到呢度,我忽然好想喊,唔係因為手術過程中既痛,而係內心深處既痛,流既係悔恨的淚!我恨自己點解之前咁儍,竟然曾經為左一個視我如糞土既人,同我屋企人起爭執,搞到大家都唔開心,仲差d斷送左我既性命,原來我一直都係真心錯付,我真係好後悔!

https://youtu.be/x8VnBGrriOg

其實我一直都好珍惜呢個朋友,今次雖然好明顯係佢錯,但我都試過放下尊嚴主動揾佢和解,2019年8月我曾經send過pm比佢,希望大家講清楚件事,睇下有冇機會冰釋誤會,因為我唔想大家因誤會而斷送左一段難得既友情,但佢完全冇覆過我,一個字既回覆都冇!如果係我,就算我幾唔鍾意嗰個人都好,如果人哋主動揾我,我一定會回覆,呢個係基本禮貌,但佢就連呢d基本禮貌都冇,佢咁對我,我都肯主動揾佢先,證明我好重視佢啦,無論點都應該覆下人吧?點知佢仲要扮大牌唔so我,我都有尊嚴架!我對呢個人真係好失望!我同自己講,以後都唔可以再掛住呢個無情冷血既人,亦唔好再記住我同佢呢段早已被佢狠狠咁殺死左既友情啦!
(其實係好少既事情上已經可以睇清楚一個人既人品,有時可能你將佢理想化左,你覺得佢同你係唯一最夾既人,所以你一直唔捨得放手,但事實係咪咁呢?你可以諗返你同你朋友以前相處既一點一滴,
再自己揾答案啦!)

https://m.youtube.com/watch?v=SZSs0_SbV-Q

經過呢段日子我先知道原來家人先係對我最重要,其他人可以話變就變,完全唔會理我感受,話知我死,但家人對我就永遠都唔會變,永遠都咁愛我!試想想,要有幾深既緣份先可以做到一家人呢?所以你都要好好珍惜你既家人,只有至親對你既愛先會係一生不變!

https://youtu.be/aqZRMl2niDI

每個人一生都會遇到大大小小既困難,但唔緊要架,最重要係有信心及積極面對,只要有信心,冇野冇可能!我相信每個善良既人身邊都有個守護天使,只要你遇到困難,佢總會不顧一切,義不容辭咁出來幫你,當你做錯事或行歪路既時候,佢又會出來鬧醒你,總之只要你有需要,佢一定會係你身邊扶持你,對你不離不棄,咁呢個就係你既守護天使啦!同時,你都可能係別人既守護天使,只係你自己唔知啫,所以你首先要做好你自己,如果連你自己都咁懦弱,咁你點去守護別人呢?
我已經揾到我既守護天使啦,我亦曾經以為我係某人既守護天使,否則我又點會對佢所有既事都咁上心?但發生左呢件事之後,我就知道我一定係搞錯左,我唔應該守護佢,因為心地善良既人先配得到天使既守護?所以我終於明白點解佢要千方百計,不擇手段咁趕我走啦!
(咁你又揾到你既守護天使未呀?)

https://youtu.be/-GtfEsxu_e0


珊瑚宮

積分: 108030

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 21-2-1 03:24 |顯示全部帖子
本帖最後由 小傑媽媽 於 21-2-5 19:05 編輯
彩虹水晶 發表於 21-1-24 00:31
我沒常聽歌, 只想令自己很忙, 很怕靜下來又想到他

心碎既一年過去了,我既心情已經平復左好多,已經冇再為呢件事喊過,平時都係繼續上來同人吹水,不過靜落黎既時候又會諗返起好多唔開心既事,所以我決定去報興趣班學整飾物,而事實證明我呢個決定係冇錯既,因為整一件飾物要花好多心機,需要好專注,否則好易整錯,亦因為要專注,所以就令我唔會再有太多時間諗負面既事,而且望住自己整既靚靚飾物,會好有滿足感,心情都比之前好左。所以我都曾經有提議你去揾d興趣班學下野,學語文又好,學烹飪插花唱歌跳舞都好,一方面可以增值自己,另一方面可以令自己分散注意力,唔好亂諗野,呢個方法真係好好架。
其實我之前曾經有個期望,就係希望某人有一日會知道自己做錯,知道我一直都對佢好,會返黎揾我,我好希望有一日可以見到佢戴住我整既飾物,代表佢珍惜我哋既友情,不過隨住時間過去,佢仍然咁硬頸,依然唔肯承認佢自己有做錯,咁我相信係我有生之年都唔會有呢一日既出現架啦,所以而家我對佢已經再冇期望!

https://youtu.be/-Iv3Ww0OqM0

我既生活已經重回正軌,我以為已經相安無事,但係因緣際會之下我竟然重遇返一個曾經被佢洗左腦,之前當左我係仇人,而家清醒返既朋友,從朋友口中得知原來某人仲係朋友圈內不停講大話抹黑唱衰我,佢鬧我既說話帶有好大既侮辱性,而且粗俗到不堪入耳,根本一個正經既女人都唔會咁講野,佢仲夠膽死話我對朋友係用完即棄,我真好想質問佢一句,咁耐以黎我對佢點樣用完即棄?由此至終只有我幫佢解決問題,佢從未幫過我,真係一次都冇,何謂「用」?佢有咩困難我都企係佢身邊,從來冇棄佢不顧,何謂「棄」?反之,我幫過佢咁多,但佢竟然為左一句說話離棄我,仲要不擇手段咁傷害我,傷盡我心,到底邊個先係用完即棄呀?我對佢咁有情有義都比佢數落到一文不值,可想而知呢個人幾咁冷血!佢講既大話好離譜,嚴重影響我既聲譽,嗰一刻我又再怒火中燒,又再一次因為佢而血壓暴升,之後幾個星期,每次諗起朋友既説話我都嬲到血壓暴升,心跳手震,不過諗深一層,咁都好既,連揭人私隱呢d咁冇品咁陰質既事都做得出,佢呢個行為簡直係自暴其短,我諗佢既朋友應該都睇得清楚佢係個咩人,應該會提防佢!我贈佢兩句說話······「他朝君體也相同」「剃人頭者,人亦剃其頭」,希望佢好好反省佢既所作所為!我不甘被佢惡意誣衊,所以係首頁第一個post發文將佢講既大話逐個反駁,我希望嗰班被佢誤導左既朋友可以睇到,可以還我清白,並且認清楚佢既真面目,知道到底邊個係忠,邊個係奸!本來我對佢已經冇野,但知道佢仲未肯放過我,繼續使計害我,我又再一次恨佢入骨!不過我相信天有眼,人在做天在看,欠人既野一定要還,處心積慮去害人既人一定會自食惡果!(所以你都應該睇清楚係FB放你資料嗰班朋友既人格啦,點解仲放唔低佢哋呢?)

https://youtu.be/KnCYV_OHzXE

其實我真係好唔明白,茫茫人海之中,大家有機會相遇相識,當中一定有好深既緣份牽引住,點解d人會咁唔珍惜?2個性格及成長背景完全唔同既人走埋一齊,一定有機會出現磨擦,需要互相遷就,互相忍讓,互相磨合,感情先會長久,但好多人太自我,只要有少少唔合佢心意就反人枱,好似今次咁,某人為左一句佢唔啱聽既說話就反面不認人,對我做出咁多傷害性咁大既事,如果當日佢肯平心靜氣咁同我講佢有咩唔滿意,而唔係一黎就發老脾,仲用奸計拉埋其他人走再離間我哋,根本之後所有野都唔會發生,只要佢肯真誠坦白咁同我講,我一定會諗到解決既方法,大家要互相尊重,咁先係朋友相處之道,而唔係一有少少唔滿意就反目成仇,仲要攻擊對方既弱點,咁既人實在太恐佈!本來我真係好希望可以同佢發展成為互相扶持既好姊妹,可惜佢唔珍惜,佢選擇要同我緣盡我都冇辦法,係好唔捨得,不過我尊重佢既決定!
「我失去的只是一個不懂珍惜我的人;他失去的卻是一個可以為他付出一切的人」
(所以無論愛情定友情都好,相識靠緣份,相知靠了解,相伴靠珍惜,如果係一個唔懂珍惜既人,就算身邊有幾多朋友都冇用,根本唔值得炫耀,因為一切只係過眼雲煙!唔懂珍惜既人根本唔值得留戀!)

https://youtu.be/McT01gnD7uM

今次雖然我都係好嬲,但因為有左上次既經驗,加上我既心態已經改變左,以前佢係我心入面佔最重要既位置,而家我同佢就連點頭之交都談不上,所以今次我控制到自己既情緒,係好唔開心,係會心痛,但冇爆煲,而且我已經諗通左,我會將我既愛放係其他值得擁有既人身上,所以我去做義工,出去幫手收集善心人捐出來既口罩,再派比公公婆婆及有需要既人,我覺得此舉非常有意義。當每次見到公公婆婆接過口罩時流露出來既笑容及驚喜既眼神,仲千多謝萬多謝,我都會感動到眼濕濕,而今次呢個經驗促使我會繼續去做其他義工服務,希望可以幫到更多有需要既人!
無錯!呢個世界仲有好多值得我哋去愛既人,需要我哋去幫助,我哋應該要去愛懂得珍惜及感恩既人,而唔係嗰d有少少唔順佢意就發小姐脾氣,恣意踐踏我哋既感情及尊嚴既超級港女!

https://youtu.be/sapA9ukBIyw

到左5月,又發生左另一件更加荒謬既事,我身邊真係不停出現一個又一個既小人,到底呢個係咪上天比我既考驗呢?你都知我一直有上來同人吹水架啦,有幾個人已經同我傾左差唔多一年,我諗你都應該知道係邊幾個啦,以前你都有曾經同佢哋傾過幾句架!我一直對佢哋都好好,次次出街都留意有冇口罩啱佢哋用,佢哋唔舒服我會噓寒問暖 ,佢哋個女升中,我同佢哋分享我既經驗,比好多意見教佢哋點揀中學,我攞個心出來對佢哋,點知佢哋竟然為左一個好幼稚既原因就反轉豬肚!呢班人平時成日出公海撩事鬥非,惹落好多仇家。有一日,有個jm發現佢哋係其他地方咒駡我,詛咒我祖宗十八代,原因係佢哋不滿我同另一位jm傾過計,原來佢哋同呢位jm素有積怨,所以問都唔問清楚就夾硬將我政治歸邊,然後就數落我,而發起人仲要係成班人入面我對佢最好嗰個,可想而知我當時既心情會係點?梗係嬲到想爆粗啦!大佬,佢哋咁多仇家,我點知邊個打邊個呀?我根本唔知佢哋同嗰位jm有牙齒印,再講吖,佢哋係我邊個呀?我同邊個來往要唔要向佢哋申請?洗唔洗佢哋批准呀?痴痴地!不知所謂!
(你應該慶幸當初冇同呢班人做朋友,否則又會係另一次既傷害)

https://youtu.be/bkBil0eCMiA

對於呢件事,一開始我真係嬲到爆,但我好快已經可以幫自己降溫,對於呢d咁無情無義既人,我實在犯不著浪費咁多精神去嬲佢哋,因為嬲人會死好多細胞架,我唔會為左d咁既人同自己過唔去,佢哋要講乜野就隨便啦,因為我已經完全唔在乎佢哋!起初我真係好嬲架,但而家已經唔再嬲,只係覺得呢班人既小學雞行為好幼稚,亦好可笑,不過我唔想有人係我面前提起佢哋,我亦已經掟晒呢班人入黑名單,唔會再同呢種人來往!
(所以交朋友一定要小心選擇,要經過長時間既相處,清楚了解左對方既為人先好放真感情,而家我既心態就係寧缺勿濫,因為我已經傷得太多次,實在唔可以再承受到多一次好似某人比我咁既打擊,所以如果唔係我心入面想交既朋友,我寧願唔要)

https://youtu.be/Rohjltuft6U

我唔在乎佢哋,可能因為我從來都冇真正同佢哋交心,當佢哋做出傷害我既行為時,我唔難抽身,係呢件事上亦唔會覺得有好大既傷痛,同某人加諸我身既傷害簡直係天淵之別!可能因為我曾經被某人傷到體無完膚,就儼如為我打左枝強心針,當日我死唔去,成就左我今日既堅強,而家我唔會再咁容易同人交心,亦唔會咁容易比人傷害到,所以凡事都有兩面,有失必有得,我失去左一個我曾經好珍惜,但佢選擇放棄我既朋友,而我得到既係自我保護既能力,所以其實我應該多謝某人比我咁深既傷害,否則唔會有今日既我!

https://youtu.be/CrFyxF-eQJQ

我曾經好執著想要知道一個答案,我就點解我一直對佢咁好,真心真意咁對佢,我一直以為我同佢好有緣,我真係當佢係患難相扶既好姊妹架!我一直以來只會為佢好,從來冇害過佢,點解佢要反轉豬肚?點解係我生日嗰日咁對我?點解千方百計要整死我?佢係咪真係咁想我死呀?得唔到呢d答案係我人生最大既遺憾!不過經過咁多事之後,我已經唔再渴求得到呢d答案!有時覺得做人真係好辛苦,心中太多執著,太多怨氣,咁點會開心?自從放低左呢份執著之後,我發覺自己個心放鬆左,開心左。如果你問我而家對佢有咩感覺,我可以話你知我已經冇再憎佢,感覺佢係同一個陌生人冇分別,可能感覺係變左,但我知我對佢仲有一份對朋友既愛及牽掛鎖左係我內心深處,只有佢先有能力打開呢把鎖,因為鎖匙係佢手上,就係佢主動同我講佢應該要講嗰三個字,至於佢想唔想打開呢把鎖,定還是由得佢鎖上一輩子,就由佢自己決定!我之前咪寫左封比佢既信post左係首頁既,我係嗰封信既最下面加左2首歌比佢揀,雖然我肯定佢唔會睇我既post,但如果有一日佢真係有緣睇到,就由佢自己決定揀邊首歌黎聽!
其實我曾經諗過,如果係我離開人世之前可以再見佢一面,最後既一面,大家可以心平氣和咁解釋返清楚成件事既始末,咁我就真係再冇遺憾啦,可惜佢唔似我,佢太記仇,我對佢已經冇野,但佢依然憎恨我,所以我都預左會帶住呢個遺憾入黃土了!不過,人生總有遺憾既,做人最緊要問心無愧,對得住天地良心,咁縱有遺憾,我亦走得安然!
(你最初入來揾我時,我咪提議過將你朋友好既一面收係內心深處,丟棄左衰既佢,之後就過返你既正常生活,唔好再諗,順其自然!我記得我同你講過,愛有好多種,真正既愛除左擁有之外,仲包括祝福及成全!祝福別人,自己都會有福報,如果佢真係你關心既人,你都會想佢好,唔會想佢衰架嘛,係咪?就好似我而家咁,將對某人既感情收係心入面,唔好再諗,一切隨緣,只會係心入面祝福佢,咁已經夠啦!緣份既野好難講,我相信如果大家緣份未盡,總有一日會再相遇架!)

https://youtu.be/sK5cL3uqFj0






珊瑚宮

積分: 108030

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 21-2-1 03:26 |顯示全部帖子
彩虹水晶 發表於 21-1-24 00:31
我沒常聽歌, 只想令自己很忙, 很怕靜下來又想到他
我用左幾日時間,將我呢2年既心路歷程大致上講晒比你聽,呢幾日過得相當唔容易,我將我既情緒帶返去2年前,聽住當時陪住我既歌,感受返當時既痛,每句椎心既歌詞都好似利刃咁再一次插入我心,我而家心中既傷口仍在流血,每當想到傷心處仍會流淚,唔知又要幾耐先可以復原到,所以希望你睇完我呢篇「血淚史」之後會有所領悟,從而放低你既執著,知道你以後既路點行,咁就不枉我呢幾日為左你再次哭斷腸了!

https://youtu.be/_rFVa25T29U

當你睇緊我既文字時,係咪有種似曾相識既感覺呢?我都話你根本就係2年前既我,因為我同你有好多處境同諗法都不謀而合,好多我之前開解你既說話都係我自己既親身經歷,我比你既意見其實我自己都做過!呢段時間你可以睇到我既情緒一直起伏不定,2019係我流過最多眼淚既一年,尤其是上半年,我既情緒真係低到無可再低,嗰種痛苦足以令我想了斷自己!去到我做手術就係一個好大既轉捩點,手術室既灰白同冰冷既感覺令我頓悟生命無常,我唔應該再花時間去等一個做錯事都唔會反省唔肯認錯唔會改過既人返黎我身邊,而應該將我僅餘既時間放係我屋企人身上,去愛值得我愛既人!諗通左呢一點之後,2020年我都遇過好多風浪,亦同樣遇到好多人做出傷害我既事,但我都可以從容面對,唔再好似之前咁脆弱!我做得到,希望你都可以做得到!我希望你知道係呢條路上,你並不孤單,因為仲有我呢個同路人陪你一齊行!
「隨著年齡增長,我們失去的並不是一些朋友,而是懂得了誰是真正的朋友,誰傷害過你,誰擊潰過你,都不重要,重要的是誰讓你重現笑容!」

https://youtu.be/oxmjE4ReFhU


珊瑚宮

積分: 108030

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 21-2-1 03:27 |顯示全部帖子
彩虹水晶 發表於 21-1-24 00:31
我沒常聽歌, 只想令自己很忙, 很怕靜下來又想到他
彩虹水晶,每個人都有經歷低潮既時候,冇人可以保證一世都一帆風順,當你遇到你人生既低潮,你會傷心,會失望,會憤怒,會痛哭,但無論你幾傷心都好,都要比自己一個期限,總唔能夠無了期咁傷心落去,咁唔單止會影響你自己,仲會影響埋你身邊既人,所以期限一到,你就要迫自己放低,將變壞左既人及腐爛左既感情狠狠咁丟進垃圾桶,再將自己重新定位,投入你既工作,結識新既朋友,發展你既興趣,呢條先係你應該要行既路。勇敢面對,比起你日日自怨自艾,傷春悲秋既日子,積極既生活係咪黎得更有意義呢?
好似我咁,比3年時間自己去忘記呢個傷得我最深既人,事實證明我做得到,曾經,呢個人係我心入面既位置仲重要過我屋企人,但而家我就連佢個樣係點都已經唔多記得,我諗就算而家我係街上見到佢,我都未必會認得佢架啦,只係我依然執著於佢欠我既一句道歉,佢對我做既事我可以唔同佢計較,但我屋企人唔單止冇得罪佢,仲幫過佢,點解佢要咁恩將仇報傷害埋我屋企人呀?呢件事我一直都放唔低,而家我只要佢肯主動同我講返3個佢應該要講既字,咁就可以化解我同佢既恩怨,都好合理呀!
(係!呢道咁深既傷痕會永遠存在係我內心,會跟我一生一世,但只要唔去觸踫佢就冇事!所以你都唔好再過執著啦,如果你真係忘記唔到,咁就將佢收入心底,就讓時間慢慢幫你沖淡啦!)

https://youtu.be/WQqXjcd4ajU

無錯!我哋今次係感情路上跌倒,跌得好痛,但係唔緊要,挫折會令人成長,今次既事令我哋學識點去選擇朋友,只要我哋汲取今次既經驗,以後要帶眼識人,唔好再咁容易相信人,唔好再咁容易同人交心,尤其是要提防嗰d表面扮晒善良,其實內裏蛇蠍心腸既人,咁之後既路就會平坦好多。只要我哋有愛心,繼續以真誠待人,我相信總會揾到懂得欣賞我哋既人!
「當你在高處的時候,你的朋友知道你是誰;當你墜落的時候,你才知道你的朋友是誰。」

https://youtu.be/e9N4JFR7F5Y

最後送上以下呢2首歌比你,呢2首歌好舊,亦比較冷門,但真係好好聽,好有意思,係我最鍾意既歌,我會經常不停咁重覆播放,佢亦都好啱我哋聽,我哋就一齊朝住呢2首歌既目標去做啦,好唔好?

https://youtu.be/ItxZU_VWln8

https://youtu.be/lwp02OkbDAA

Keep Fighting!!!


大宅

積分: 1626

2021勳章


發表於 21-2-8 01:13 |顯示全部帖子

回覆樓主:

謝謝, 要你操心不好意思, 但我很差真的做不到, 不可似你一樣 我也試過比他們冤枉, 說我偷他物件, 我解釋, 又說我鬧他們, 咒他們, 沒一句好聽說話, 我本來有個很好的表姐, 以前一齊玩, 現在也信他們亂講, 不理我了 現在所有人也不理我, 怎么解釋也不信, 為什么世界會這樣, 這些人變得可怕, 不知怎么可以不再想, 除了我消失, 他們我開心 想他們不要冤枉我是賊, 他們緋謗我


珊瑚宮

積分: 108030

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 21-2-8 12:20 |顯示全部帖子
本帖最後由 小傑媽媽 於 21-2-8 13:14 編輯
彩虹水晶 發表於 21-2-8 01:13
謝謝, 要你操心不好意思, 但我很差真的做不到, 不可似你一樣 我也試過比他們冤枉, ...

你唔好咁講啦,我操心唔緊要,最緊要你冇事呀!
你有冇同你表姐講過當中其實有誤會,或者其實係你班朋友冤枉你?如果你哋本身感情係好既,佢應該唔會咁容易相信別人既一面之詞,應該要搞清楚件事先,唔好怪錯好人,就好似我嗰班比人洗左腦既所謂朋友咁,問都唔問清楚我就信晒某人惡意唱衰我既說話,然後就當我係敵人,所有感情煙消雲散!我一直認為有誤會應該要大家攤出來講清楚,因為好多人睇一件事都流於主觀,但主觀既感覺唔一定係啱,都要聽埋對方講先可以評定誰對誰錯,有誤會就解釋清楚,有錯就去承擔去改過,咁先係應有既處事方式,呢種有承擔既人先值得人欣賞!如果當初某人肯抽時間同我平心靜氣咁傾,解釋返所有誤會,我肯定我同佢而家仲係好朋友,感情一定仲會比以前更加好,可惜佢唔珍惜我哋既關係,佢選擇要記仇,拒絕同我溝通,截斷晒所有我哋可以溝通既途徑,我想whatsapp佢又唔得,pm佢又唔覆,我想同佢傾,但我都完全冇機會接觸到佢,冇得溝通又邊有機會可以冰釋誤會呢?所以誤會就係感情既毒藥,溝通就係解藥,想要保持一段長久既關係就必須要有溝通,只要大家肯開誠佈公咁講清楚,就唔會有誤會出現啦!所以你應該主動d去揾返你表姐,佢只係被人誤導左,你同佢解釋返,無論之後你哋既關係有冇得返轉頭都好,但總算還你清白啦!

首頁

尾頁

跳至
熱門主題
你需要登錄後才可以回帖 登入 | 註冊