吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 夫婦零溝通頭家可維持多久

夫婦情感今日: 11|主題: 42652

收藏本版

發帖

返回列表

跳至頁

查看: 8032 | 回覆: 24

夫婦零溝通頭家可維持多久

csc1016

男爵府

積分: 6780

發表於 19-3-5 00:44 |顯示全部帖子

三個小朋友，大的兩個2歳8個月，細嘅就快7個月。同好多典型家庭一樣，小孩出世後，家庭關係就變得不同了。大家對於照顧及養育方式期望有落差。未至於找婚姻輔導，不過曾經找社工傾過，說要多欣賞對方。踢一踢肯郁一郁，不過如果佢唔認同就唔做，又質疑點解要佢跟我嘅方法，但過程不肯討論，即使想傾就會話係要求佢，唔做看不過眼又很激氣，久而久之一係就唔出聲，一出聲就好似埋怨鬧交。佢不用我關心他的工作及日常，以前我會主動分享每日的事，現在已經沒有了，

點評

tansyneko

發表於 19-3-5 13:20

私人傳訊

csc1016

男爵府

積分: 6780

發表於 19-3-5 00:44 |顯示全部帖子

csc1016 發表於 19-3-5 00:44
三個小朋友，大的兩個2歳8個月，細嘅就快7個月。同好多典型家庭一樣，小孩出世後，家庭關係就變得不同了。 ...

老實說，生了幾個小孩也沒有感覺到對方對自己的健康或精神狀態有半點關心。同屋住分房睡的分居形式由小孩出世至今已經幾年，放工回家都是當對方透明不聞不問。離婚兩個字即使不掛在口邊，卻不斷有要帶著小孩搬離的念頭，只是孩子太細，我要返工，婆婆一人無力照顧。我唔知究竟要點傾才可以改變到現況。

私人傳訊

crystal媽咪

寶石宮

積分: 335300

2025勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章牛年勳章 2018復活節勳章 2018母親節勳章 2018父親節勳章畀面勳章環保接龍勳章 BK Milk勳章

發表於 19-3-5 00:46 |顯示全部帖子

csc1016 發表於 19-3-5 00:44
三個小朋友，大的兩個2歳8個月，細嘅就快7個月。同好多典型家庭一樣，小孩出世後，家庭關係就變得不同了。 ...

生咗三個小朋友
即係生咗之後先變成咁

不要從別人的嘴裡去認識我

私人傳訊

csc1016

男爵府

積分: 6780

發表於 19-3-5 00:57 |顯示全部帖子

crystal媽咪發表於 19-3-5 00:46
生咗三個小朋友
即係生咗之後先變成咁

可以這樣說。因為沒有小孩就沒有要求。有小孩跟他說的所有事他都認為是要求。
其實都已經結了婚6年半才有小孩。結婚9年的日子他嗰晚開會，我自己在家煮即食麵，上年年我尾我生日自己訂蛋糕同小朋友食慶祝。有小孩後兩個人一起吃飯應該冇5次。晚飯在家食大部份時間也是前後腳各有各食，在家不是打機就是睡覺，從來不用講嘢。

私人傳訊

csc1016

男爵府

積分: 6780

發表於 19-3-5 01:10 |顯示全部帖子

csc1016 發表於 19-3-5 00:57
可以這樣說。因為沒有小孩就沒有要求。有小孩跟他說的所有事他都認為是要求。
其實都已經結了婚6年半才有 ...

有時會覺得好似好「砍呵」，以前都會同阿媽呻下，而家都冇了，一句得埋嚟，婚你自己結，人你自己揀，細路你自己生，佢都唔會幫到我，你自己諗。情況雖然未至於上一代咁壞，細個時我爸成日都哈我媽，亦唔理我地，以為自己搵錢，阿媽ftm走唔到，成頭家自己最大乜都啱哂。我媽都是死忍爛忍捱大我地。老咗脾氣就收，我媽也教我們以徳報怨，佢哋兩個關係點差，父母子女關係都是不會改變的，所以我們還是會盡子女責任有基本尊重。

私人傳訊

csc1016

男爵府

積分: 6780

發表於 19-3-5 01:19 |顯示全部帖子

csc1016 發表於 19-3-5 01:10
有時會覺得好似好「砍呵」，以前都會同阿媽呻下，而家都冇了，一句得埋嚟，婚你自己結，人你自己揀，細路 ...

夜晚睡唔著，想著這個問題，忍唔住喊卻又不能喊出聲，只是一路流淚，抹鼻水，有時眼光光，第二朝又繼續返工。
最近報幼稚園，遅啲報n，我連屋企資料都唔想寫咁多，寫自己算。反正學校不會找他，找他也不會知道甚麼。

私人傳訊

rayrayus

翡翠宮

積分: 83326

2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 2018復活節勳章育兒性格勳章趣教勳章叻叻勳章 BK Milk勳章 hashtag影視迷勳章 15週年勳章親子王國15週年勳章

發表於 19-3-5 01:41 |顯示全部帖子

分房瞓已經幾年但三個小朋友都仲咁細？最細的重要一歲唔夠。夫妻關係咁差仲會繼續要小朋友既？現實地講，生到三個小朋友你都好難選擇離婚，仲要佢哋全部都咁細，你都講冇人可幫到你湊，你唯有多打算下，放假可唔可以一家人去玩下？

私人傳訊

crystal媽咪

寶石宮

積分: 335300

發表於 19-3-5 09:08 |顯示全部帖子

csc1016 發表於 19-3-5 00:57
可以這樣說。因為沒有小孩就沒有要求。有小孩跟他說的所有事他都認為是要求。
其實都已經結了婚6年半才有 ...

如果因為工作，結婚週年一齊食唔到飯冇所謂。我都唔係成日一齊食飯。
而家會維持同屋主嘅關係？

不要從別人的嘴裡去認識我

私人傳訊

mini1204

翡翠宮

積分: 79224

發表於 19-3-5 09:40 |顯示全部帖子

回覆樓主:

又叻喎，咁仲生到B

點評

rainbowchuuu3

發表於 19-3-5 10:43

私人傳訊

Nancy20090615

瑪瑙宮

積分: 133437

發表於 19-3-5 09:45 |顯示全部帖子

你守緊 d 錢, 男人唔會一世唔去聞女人香的.

點評

rainbowchuuu3

發表於 19-3-5 10:44

私人傳訊

HOPEFORBB

子爵府

積分: 14631

發表於 19-3-5 09:52 |顯示全部帖子

本帖最後由 HOPEFORBB 於 19-3-5 13:37 編輯

回覆 csc1016 的帖子

樓主，我唔係想challenge你，你最大嗰個小朋友都係得兩歲多，你話關係在小朋友出世後出現變化，咁點解你仲要同佢有第三個小朋友呢?

其實大家唔出聲講離婚，我相信係可以一直維持落去，以前年代好多夫婦都係咁，個女人死忍爛忍捱大啲仔女，不過係你甘唔甘心咁一世，你會唔會考慮吓搵婚姻輔導睇吓有無得修補?離婚對依家的你根本唔係一個選擇，但當然你都要未雨綢繆，因為你難保佢會開聲講離婚，咁你到時都唔會拿手唔成世

私人傳訊

jeremylui83

子爵府

積分: 14244

畀面勳章

發表於 19-3-5 10:11 |顯示全部帖子

如果你件事係真的話，因為有啲位真係好難明，分房幾年，但最細果個得七個月，最大孖仔係2歲8個月，成件事好似好矛盾咁。。
感覺你兩個都好硬頸，其實大家為小朋友多行一步，距離就會再拉近一點點，
爭執個原因，通常係大家都認為自己係最啱，不如多聆聽少說話，
每次想嘈交的時候沉默十秒才表達意見，關係才有望改善。。

私人傳訊

csc1016

男爵府

積分: 6780

發表於 19-3-5 16:06 |顯示全部帖子

回覆樓主：

本帖最後由 csc1016 於 19-3-5 16:10 編輯

第一胎是有計劃的，第二胎是意外。事實上未有孩子之前也預計到之後有機會因為照顧、教養方式等產生問題，只是一日未行到下一步，一日唔知實際情況。分房睡無疑是增加了隔漠，像同屋住。不過我也不認為即使假如現在無分房睡情況會改善或還原。有細B就是生完第一年之後voice out過係咪繼續打算長期瞓廳。孖寶是ivf，所以沒想到一次就中了細B。事實亦證明關係並沒有因為走在一起而改善。所以到現在生完差不多7個月，我不用半夜起身泵奶，也不會再主動提出相同問題，反正佢瞓邊都唔關我事。

私人傳訊

csc1016

男爵府

積分: 6780

發表於 19-3-5 16:07 |顯示全部帖子

我是沒有權要求對方改變性格，但現實環境改變了的時候，真的可以繼續唔變嗎？即使我不care他丈夫的角色，哪麼他覺得自己在家庭中父親角色有role嗎？
所謂的爭執就是，我忙緊一些事，BB喊他不看，問他爲何不看，佢話一哭就要看嗎？我覺得要陪小孩看書玩玩具，佢覺得小孩自己玩就得，為何要規範點玩。放假小朋友已起床，大人要起身準備早餐各樣很忙，佢繼續瞓，食少餐冇所謂，咁如果我同佢鬥hea唔係唔得，但害了小孩冇早餐，沒有早睡早起習慣。

私人傳訊

csc1016

男爵府

積分: 6780

發表於 19-3-5 16:07 |顯示全部帖子

我覺得小孩做得不對要教，佢覺得要鬧同打，對住個兩歲好似敎小學生咁然後質疑點解以我方法教了兩年仲係咁。不懂教育唔去學，小孩要買乜唔理，覺得買書買玩具上playgroup 多餘，繁此種種。唔係我想圍住小孩轉，但有小孩的家庭就原來真的有很多事忙要去適時處理。

私人傳訊

小氣人妻

別墅

積分: 734

發表於 19-3-5 16:25 |顯示全部帖子

csc1016 發表於 19-3-5 16:07
我覺得小孩做得不對要教，佢覺得要鬧同打，對住個兩歲好似敎小學生咁然後質疑點解以我方法教了兩年仲係咁。 ...

其實大家當初都想生小朋友定只係你一個想生？就咁睇，佢好似都唔太鐘意小朋友咁。

私人傳訊

csc1016

男爵府

積分: 6780

發表於 19-3-5 17:21 |顯示全部帖子

小氣人妻發表於 19-3-5 16:25
其實大家當初都想生小朋友定只係你一個想生？就咁睇，佢好似都唔太鐘意小朋友咁。
...

基礎共識係有的。之前社工上門家訪，大家當面攤開傾，唔係話佢完全0付出，佢都有做一啲嘢(例如清潔），但大家的觀點角度期望或者要求層次不同。而就著打鬧問題，我都有同佢阿媽講，佢媽都有話佢，三歳前性格未形成，但小朋友trouble 2或者開始有一些壞脾氣點樣引導學好係需要花心機時間及方法。之前上playgroup 老師也講過成家人個個套方法唔同也是問題。但佢就會覺得做咩要求要跟其他人的方法。

私人傳訊

CCHINGC

子爵府

積分: 11417

發表於 19-3-6 12:23 |顯示全部帖子

有小朋友家庭係好唔同，起碼睡眠、飲食、假日活動都唔同，雙方唔合拍好難攪，不過提提媽媽係緊張d，我自己都係，適當時候放鬆一下

私人傳訊

pkbkek

大宅

積分: 1034

發表於 19-3-6 20:26 |顯示全部帖子

csc1016 發表於 19-3-5 00:44
三個小朋友，大的兩個2歳8個月，細嘅就快7個月。同好多典型家庭一樣，小孩出世後，家庭關係就變得不同了。 ...

教肓理念不同, 我相信是不少夫婦亦有面對的...
我亦有經歷過, 但一定要其中一方先讓步, 否則只會令件事越攪越壞的。
最後影響了夫妻感情就更加唔值得~

你只要有個信念, 大家都是為小朋友好而已, 只是觀點不同吧~
如果你不想因教育小朋友的問題, 影響夫妻關係的話。
或許你可以嘗試先行一步, 希望有互動的情況下, 關係慢慢得到改善吧