好多謝大家比我嘅意見同支持,亦感謝大家我寫得咁長,因為表達技巧唔好,我其實都有坐低同佢傾過,但係佢態度好囂張同埋不停指責我,話我點樣對佢唔好唔識做人哋個老婆,佢個隻雞又識煮飯煲湯俾佢飲又識得尊重佢係背後支持佢,而佢亦都唔怕講埋俾我知嗰隻雞係身材好號23吋要好好攬又大方得體,講真我真係無語,佢仲叫我做返自己嘅嘢過返自己嘅生活,如果想留低就等到個大仔18歲(依家13歲)可以離開,如果而家唔肯離婚就返去好好照顧對仔,唔會放低仔俾我亦叫我唔好爭撫養權,因為唔夠去財力大,對仔一定要跟佢,住返係我老爺奶奶屋企,要走就叫我自己走佢唔怕冇人照顧對仔,佢話好多人結咗婚幾十年都係要離婚,話我唔相信真係有因了解而分開,我係同老爺奶奶一齊住而我亦check過田土廳層樓係冇佢名只係得架車同車位係佢名. 二平視我係同佢一齊俾兩個小朋友嘅生活費佢冇獨立俾家用我而佢嗰啲月結單都會喺屋企多錢我都唔知因為佢全部加埋晒,電話電腦一樣加密碼,一向佢都好小心.從佢哋嘅WhatsApp 對話入邊,佢亦有話比隻雞聽話咗比我知,佢出邊有個私生女同埋已經知道有佢呢個小三嘅存在,所以隻雞就俾個期限佢今年2月同我離婚。而我c6亦有問過佢之前點樣同香港個男人離婚,要咩手續所以隻雞就以為佢自己會同我離婚,坐喺度莫花生等.但由發生知道咗到而家已經接近半年,早兩星期我已經忍唔住佢嘅行為,將依件事同老爺奶奶講咗,佢亦係屋企當時候佢忍唔住係咁鬧我同指責我話我唔識得體諒佢唔係一個好老婆,但係就一直避開唔承認出邊有個小三小三係隻雞亦都同老爺奶奶講佢有個是生女只係不停咁指責我,而我一出聲,佢出手差住我條頸撞我個頭埋牆.當時我冇反抗因為我驚佢會打死我,而我老爺有叫佢即時停手叫佢離開屋企,之後我就諗住報警搵社工求助,但係我老爺求我可唔可以唔好報警比多一次機會佢,因為佢唔想家醜外傳,我心軟係為咗我老爺,事實我老爺對我其實真係好好佢有講過如果兩個揀一個,佢會要求我老公走而我留返喺度照顧對仔,如果我就算同佢離婚我老爺奶奶都唔會趕我走,除非我自己想放棄兩個仔要走. 佢就唔會勉強我,但係我可以留返喺度照顧對仔都可以有自己嘅生活.而我老爺亦都冇嘢可以幫到我佢叫我自己諗因為佢話個仔做出啲咁嘅事,用心工作,已經好失望,所以叫我要自己堅強. 二間公司依然仲係我老爺名未過公司俾佢,我自己身邊冇親人可以幫忙因為我媽媽喺度我亦冇兄弟姊妹,所以c6都睇死我冇辦法走!亦會唔捨得對仔. 所以當佢講晒所有野比我聽之後佢一直啲態度對我都好差. 其實我真係好唔開心,精神好差,但又唔可以俾兩個小朋友見到我唔開心,所以我都係咁去到瞓咗覺自己坐喺度喊.