跳至

首頁
1

尾頁
   0


子爵府

積分: 10700


發表於 19-5-23 16:11 |顯示全部帖子
我在2x年已入籍澳洲,兒子也跟我攞澳洲籍。先生是日本籍,婚後在港定居 (約19年)。他是港日兩邊工作,日本有物業。
因為兒子升學,長子明年F6畢業,幼子升中學。兩年前開始一直思考此問題。客觀上,兒子去澳洲升學較易適應。但全家又好喜歡日本,我曾在日本留學,識日文。
離開澳洲太耐,實在太難取捨。


洋房

積分: 45


發表於 19-5-23 17:51 |顯示全部帖子
回覆 Gloriasogashiwa 的帖子

升學應該去澳洲,當然都要睇讀咩科目,長子可自己去,不需全家去。我都係澳洲籍,早年留學澳洲,以後女兒都會返澳洲讀大學,到時佢可自己去,我諗我只會偶而去渡假探下佢。澳洲今時今日所有嘢都好貴,特別係房地產,因太多大陸人去買屋,去到 Sydney & Melbourne 就好似返咗大陸,與早年在澳洲時的感覺完全不同。你兩個仔在澳洲讀完 first degree 後,可再去日本及其他地方深造見識也未嘗不可。


子爵府

積分: 10700


發表於 19-5-23 18:08 |顯示全部帖子
Bayleyboo 發表於 19-5-23 17:51
回覆 Gloriasogashiwa 的帖子

升學應該去澳洲,當然都要睇讀咩科目,長子可自己去,不需全家去。我都係澳 ...

我和先生下個月會去 Sydney 和 Melbourne 再視察一下。兩年前曾去過 Brisbane 和 Gold Coast, 當時就是覺得前者樓價太貴。
另一個想離港原因是社會環境變了,多了紛爭。如果只是長子去海外升學,首選未必是澳洲。長子是文科人。


洋房

積分: 45


發表於 19-5-23 23:35 |顯示全部帖子
回覆 Gloriasogashiwa 的帖子

每個地方都有佢本身種種的問題,現在澳洲也不見得很好,樓價太貴兼人太多,除非你享受住在好偏遠的地區。讀文科去邊度讀都無所謂,最重要係睇佢畢業後想喺邊度發展。


瑪瑙宮

積分: 128438

虎到金來勳章 2021勳章 開心吸收勳章


發表於 19-5-24 16:32 |顯示全部帖子
Gloriasogashiwa 發表於 19-5-23 16:11
我在2x年已入籍澳洲,兒子也跟我攞澳洲籍。先生是日本籍,婚後在港定居 (約19年)。他是港日兩邊工作,日本 ...

去日本既話,二仔會讀國際學校定係日本本地學校?

我覺得除左學校,都要睇埋你地既工作,居住環境等。表面睇去日本適合你地多d, 後生要適應好容易反而唔駛太擔心。 如果經濟同心理上許可,大仔咪去澳洲留學。


子爵府

積分: 10700


發表於 19-5-24 17:10 |顯示全部帖子
bosch 發表於 19-5-24 16:32
去日本既話,二仔會讀國際學校定係日本本地學校?

我覺得除左學校,都要睇埋你地既工作,居住環境等。表 ...

如果去日本,細仔會讀國際學校,學費比香港平約一半,大學時再去外國讀。我先生會搞些小生意,他一直都有做開中日trading. 無需從頭開始。


子爵府

積分: 10700


發表於 19-5-24 17:14 |顯示全部帖子
Bayleyboo 發表於 19-5-23 23:35
回覆 Gloriasogashiwa 的帖子

每個地方都有佢本身種種的問題,現在澳洲也不見得很好,樓價太貴兼人太多, ...

就係有利有弊先難決擇,而大人很早已決定退休後在日本生活。


瑪瑙宮

積分: 128438

虎到金來勳章 2021勳章 開心吸收勳章


發表於 19-5-24 19:45 |顯示全部帖子
Gloriasogashiwa 發表於 19-5-24 17:10
如果去日本,細仔會讀國際學校,學費比香港平約一半,大學時再去外國讀。我先生會搞些小生意,他一直都有 ...

"無需從頭開始" 係我認為你地去日本好d 既原因. 你大仔升中學, 我估你地兩公婆起碼4x歲, 仲有冇咁多時間可以兩個人一齊從頭開始? 你仲話大人一早決定退休會去日本, 兩個仔升學又未必首選澳洲, 我更加認為去日本適合你地一家人多d, 你地早d 去日本融入生活, 識朋友好過老左至再移民.


澳洲唔係唔好, 但除左澳洲籍帶俾你地居留權工作權外, 似乎澳洲對你地兩個大人黎講只係一個新地方, 甚至兩個都要從頭開始? 如果你老公英文唔好, 去到澳洲更加難適應.


去日本既話, 你老公生意來往既networking 同埋經驗, 要開始都難但起碼有頭緒, 你識日文, 搵唔到文職工都應該搵到其他工, 就算要 ftm 都唔駛花時間精神去學習語言上或依賴你老公.



子爵府

積分: 10700


發表於 19-5-24 22:42 |顯示全部帖子
bosch 發表於 19-5-24 19:45
"無需從頭開始" 係我認為你地去日本好d 既原因. 你大仔升中學, 我估你地兩公婆起碼4x歲, 仲有冇咁多時間 ...

這兩年所考慮是小朋友在西方國家升學和就業可能會好些。而我先生就算一起去澳洲,暫時不會申請配偶visa, 短期內都會兩邊飛,收入要靠海外。
我們是40中後年紀,去澳洲真係要好大勇氧。我先生未去過澳洲, 去日本我可以幫先生手做些小生意,生活不成問題。

首頁
1

尾頁

跳至