本人係一個無特定宗教信仰嘅人，以下內容只想分享下，不信不喜勿插。
本來响原本間公司都做咗好幾年，一直都相安無事，但自從嚟咗新阿頭之後，呢個小人專向我埋手，搞到我無辦法正常做嘢，最後我頂唔住辭職唔做。
唉。。三十幾就嚟四十既人，岀嚟工作咗十幾年，搵低層職位就嫌我人工要求高、搵中層就嫌我唔夠經驗，好多時見完工之後都無回音。搵咗成個月都無乜聲氣，就算有d有得second in，但到最後都無下文。阿嫂見我咁既情況，佢叫我去拜下黃竹坑四面神，橫掂我响屋企都係無嘢做，岀去拜神行下都好。
拜神當日我乜都無買，去到大王爺廟入面有自助買香燭既corner，咁我買咗香先拜拜大王爺，之後就開始拜四面神。拜四面神時，我係順時針跪拜，向每一面神講我既願望同講謝神既方法。整個過程10分鐘唔洗就完成晒。
拜完四面神後大概兩星期，有份我好想做既工作叫我去面試，first in非常順利，佢哋第二日打嚟叫我去second in。而second in當日都係閒話家常乜都無考，成功得offer。
拜完四面神不足三個星期就已達成願望，咁當然願望達成就要去謝神，兑現返當日我對四面神既謝神方法。
發表於 
返回列表
