c.vieri 發表於 19-6-18 23:13
即是你㨂左你老公後二年,有另一個男仕出現
係呀,算命先生話我成世有好多桃花,我不乏追求者,但我份人奄尖,所以唔係來者不拒,咁多段感情當中佢續段問我年份對唔對,全部都係啱嘅。算命先生話某幾個條件較好,我話:"但我唔鍾意喎或者係無花果嚟",咁佢就話:"其實,條件好係外在啫,兩個一齊要睇個心,夾唔夾,大家頂唔頂得順對方。" 咁就算兩年後果個男人出現,我都未必會動心,因為我已經not available,事實又真係咁,當時我新婚不久,果個男人係我做part time公司嘅上司,佢真係問我點解咁後生就結婚?當時我唔係好明,又冇咩感覺,只係覺得佢問得有D怪,但當場俾另一個女同事篤爆佢,話佢鍾意我,個男仔成塊面紅晒,果一刻我至知佢鍾意我,而之前做咗成個月都唔覺,我估就係算命先生所講嘅即使出現都影響唔到我地。
其實我識老公後都仲有兩個男仔出現,不過一個當時喺香港,我又準備移民,佢又唔敢表白,但佢同我講某D說話令我好感動,好多謝佢對我咁有心。另一個男仔喺美國,但當時佢冇心,到我結婚佢至後悔,但我應該唔會揀佢,我老公對我太好,唔嫁佢我覺得我會後悔。
花旗太太生活在花旗國,留意時差,你問我未必即時答到。