時事熱話 今日: 0|主題: 3957

6月發生既野真係令到我同埋身邊本身沉默既朋友都對政府好失望。之前咁多人行出黎遊行要求徹回送中條例、成立獨立調查委員會等等，政府都冇回應過。

琴晚睇live見到衝擊立法會既年輕人喊住咁話驚俾人拉但更加怕聽日見唔到選擇留守果d人，真係好感動。佢地其實係唔知仲可以透過咩途徑先可以令政府聆聽佢地既聲音同埋對未來好絕望先會咁做。但係琴晚同今日聽到好多人指責佢地，真係覺得好嬲同傷心，講真有邊個唔想輕輕鬆鬆遊個行甚至舒舒服服響屋企嘆下冷氣？唔通佢地係貪好玩所以衝擊立法會？而且佢地做左d咩咁暴力呢？有冇好似d警察咁，對住d手無寸鐵既人又放催淚彈又布袋彈咁暴力呢？佢地班年輕人真係有付出，我自己都真係覺得好漸愧。希望大家可以體諒佢地，佢地其實都係用佢地既方法去為大家爭取訴求。大家其實都係同一陣線，要譴責都應該係譴責左現政府先。

我地可以為自己／下一代做既野唔多，希望大家係黎緊區議會同下年既立法會會去投票俾真係可以監測政府為人民發聲既政黨、議員，唔好繼續俾建制派同政府私相授受。