婆媳關係

跳至

首頁
12

尾頁
   0


別墅

積分: 675

2019新春慶豚圓


發表於 19-9-19 23:05 |顯示全部帖子
本帖最後由 kittycheung622 於 19-9-19 23:21 編輯

背景:
1.仔仔15m,自己可以行得好好。
2.我同呀仔c6一家三口加工人今年年底會搬出去自己住。
3.依家工人帶我個仔出街,我99都會跟到實。

事源係我將會需要工人自己帶我個仔去playgroup,同埋搬左之後,工人都要帶住呀b去買餸,咁我就同99講,比工人自己帶呀b帶街玩,玩完就用孭帶孭住去街市買餸啦。工人姐姐都要練習下自己帶呀b出街。我99都明白,答應左。到左第二日我同c6放工返屋企,我工人同我講今日出去,我99都有跟住,咁我就問下點解,我99就話我62唔比,因為街市又迫又污糟(其實個個係屬於幾乾淨既街市,又幾大,遲下我搬個區個街市仲污糟)

續~


別墅

積分: 675

2019新春慶豚圓


發表於 19-9-19 23:14 |顯示全部帖子
kittycheung622 發表於 19-9-19 23:05
背景:
1.仔仔15m,自己可以行得好好。
2.我同呀仔c6一家三口加工人今年年底會搬出去自己住。

到食飯時間,c6就好聲好氣問62,點解唔比工人自己帶,我62第一句就已經發脾氣,佢講鄉下話,我唔係全部明,大致上意思就係話我係為左你個仔好,總之佢係屋企就唔會比,我老公比佢咁樣發脾氣就緊係火滾,就話個仔係我既,唔需要你同意,你亦無權阻止。

之後我老爺就唔理我老公,直接指住我鬧,用返廣東話話,我都係為你個仔好,如果你堅持,你個仔有咩事唔好怪我(其實我個仔由出世到依家,都無要6299幫過手,餵一啖奶換一條片睇一分鐘都無,係我62要我99跟住工人出街)
續~


別墅

積分: 675

2019新春慶豚圓


發表於 19-9-19 23:19 |顯示全部帖子
kittycheung622 發表於 19-9-19 23:14
到食飯時間,c6就好聲好氣問62,點解唔比工人自己帶,我62第一句就已經發脾氣,佢講鄉下話,我唔係全部明 ...

之後c6仲嬲,話係佢決定既,唔關我事,有咩就同佢講。我62就好惡咁話佢係老豆,佢可以話事,我c6就話個仔係佢既,佢無權理,之後我62就叫我地有本事就走。

事後我同99傾下,我99話可能係積積埋埋,因為之前我62亂比野呀b食同埋抱住呀b望電腦,我c6都話過佢,所以一話就大發脾氣。

我62直接鬧我個個動作姐係覺得係我指使我老公話佢既,仲有幾個月要對住佢,如果你地係我,你地會唔會繼續叫個工人自己帶呀b出街?因為6299中午出街,中午出佢阻止唔到,但係比佢知道就會反面


伯爵府

積分: 17989

2019新春慶豚圓 2019勳章


發表於 19-9-19 23:28 |顯示全部帖子

回覆樓主:

換一個講法,叫99跟,但除非好危險絕對唔幫手。叫佢睇下工人有咩做得唔好話你知。咁唸會唔會好d,因為之後無人跟,係條街點對小朋友無人知


男爵府

積分: 5595

2019新春慶豚圓 2019勳章


發表於 19-9-19 23:31 |顯示全部帖子
回覆 kittycheung622 的帖子

其實帶佢出街,例如去公園,返playgroup,我覺得都可以,但去街市我都有保留,因為啲街市又迫又多人,我自己都唔會帶個女去,可能因為我女之前試過中甲流,副流,所以太人多同空氣唔太流通的地方,我都避得就避
其實買餸,會唔會你哋一星期買兩次,一買買定幾日?


別墅

積分: 675

2019新春慶豚圓


發表於 19-9-19 23:37 |顯示全部帖子
藍尾巴 發表於 19-9-19 23:28
換一個講法,叫99跟,但除非好危險絕對唔幫手。叫佢睇下工人有咩做得唔好話你知。咁唸會唔會好d,因為之後 ...

其實唔係一定行唔通既,不過就要叫99偷偷地跟住,因為我個仔一見到嫲嫲就要揾嫲嫲,反而我就唔擔心工人點對我個仔,因為都睇得出對佢好好,我個仔都鍾意佢。但係我99年紀都大,對佢都有難度。我都會考慮下類似既方法,唔該曬。


別墅

積分: 675

2019新春慶豚圓


發表於 19-9-19 23:38 |顯示全部帖子
HOPEFORBB 發表於 19-9-19 23:31
回覆 kittycheung622 的帖子

其實帶佢出街,例如去公園,返playgroup,我覺得都可以,但去街市我都有保留 ...

通常隔日一次既,但係我地搬左,工人都一定要帶佢呀b去買餸,無辦法


大宅

積分: 4113

2019新春慶豚圓 2019勳章


發表於 19-9-19 23:54 |顯示全部帖子
kittycheung622 發表於 19-9-19 23:05
背景:
1.仔仔15m,自己可以行得好好。
2.我同呀仔c6一家三口加工人今年年底會搬出去自己住。

你老爺都係唔放心工人自己湊住BB係外面有乜事,至於你老公又鬧得岩,事實父母點樣處理自己小朋友跟本唔需要其他人多事。
你試下叫奶奶有時放手比工人自己帶BB出去買餸,1次半次咁囉


別墅

積分: 675

2019新春慶豚圓


發表於 19-9-19 23:58 |顯示全部帖子
kaman0617 發表於 19-9-19 23:54
你老爺都係唔放心工人自己湊住BB係外面有乜事,至於你老公又鬧得岩,事實父母點樣處理自己小朋友跟本唔需 ...

我99其實明架,仲企係我地個邊,但係我99都怕左我62


伯爵府

積分: 17989

2019新春慶豚圓 2019勳章


發表於 19-9-20 01:18 |顯示全部帖子
kittycheung622 發表於 19-9-19 23:37
其實唔係一定行唔通既,不過就要叫99偷偷地跟住,因為我個仔一見到嫲嫲就要揾嫲嫲,反而我就唔擔心工人點 ...

唔係對小朋友唔好,係佢地唔係香港生活慣,可能有d野無注意到


別墅

積分: 578


發表於 19-9-20 08:00 |顯示全部帖子
kittycheung622 發表於 19-9-19 23:38
通常隔日一次既,但係我地搬左,工人都一定要帶佢呀b去買餸,無辦法
...
其實我都從來唔俾工人帶小孩去買餸...全部野一係兩公婆買,一係自己湊b安排工人去買。去公園同playgroup 就,長老跟到咪跟,佢跟唔到就工人自己去,跟跟下長老都會放手。


男爵府

積分: 9564

2019新春慶豚圓 2019勳章


發表於 19-9-20 09:13 |顯示全部帖子
係呀, 我都唔會比姐姐帶BB 去街巿
我寧願佢一星期買一次餸, 我放工有時買D菜返屋企,

街巿實在太污槽好多菌, 姐姐又要顧B 又要顧D 餸真係好難搞

6299鐘意跟就跟, 到時搬開左唔到佢跟啦


大宅

積分: 1923

2019新春慶豚圓


發表於 19-9-20 10:11 |顯示全部帖子
編排上可以改善一下?工人姐姐對小朋友好,但有可能會顧唔唻,如果去街市,又要攞野,又要孭小朋友,又要俾錢找續,都有時會兼顧唔到咁多,我自己都試過帶囡囡去大街市,要左閃右避,攞定D錢,係有D難度,所以多數去樓下小街市、超市先帶小朋友。

每日屋企餸多數我前一晚買,或者老公朝早買,而日用品就上網訂,我工人姐姐唔需要出街買野,而親子班就每星期六早上,我自己帶小朋友上,星期一至五早上及黃昏,小朋友就由爺爺嫲嫲帶出街玩。


大宅

積分: 2359


發表於 19-9-20 10:30 |顯示全部帖子

回覆樓主:

如果只係幾個月我會忍下,就算你真係想工人自己帶b落街,如果99想跟住由佢跟,但要求工人當係冇人幫手,順便考下工人係咪真係一個人能夠處理好。
到真係搬左,6299都管唔到架啦。
我明6299係關心小朋友,但其實如果換轉係你自己湊bb,冇工人幫手,咪一樣要帶bb去街市買餸,想冇咁迫人,可以自己安排時間唔好係繁忙時間去街市迫。


大宅

積分: 3339


發表於 19-9-20 11:08 |顯示全部帖子
如果你地有能力可以即刻搬,就可以堅持,叫姐姐帶BB出街,就算62大鬧都可以即刻搬。但係要年底先走到既話,就忍下啦,反正都係跟多幾個月,99係後面跟冇影響到姐姐同B都OK。

不過我都唔會比姐姐帶B去街市買餸,老實講我自己一個去都好呢HEA,又拎錢又拎住一袋二袋,人又多地又濕同污糟。你阿B咁細,好難叫佢企定,等陣跌親或走左去唔知邊仲煩。


禁止發言

積分: 1838


發表於 19-9-20 11:38 |顯示全部帖子

回覆樓主:

提示: 作者被禁止或刪除 內容自動屏蔽


伯爵府

積分: 15325

2019新春慶豚圓 2019勳章


發表於 19-9-20 12:50 |顯示全部帖子
其實我認同你62


複式洋房

積分: 309


發表於 19-9-20 13:05 |顯示全部帖子

回覆樓主:

本帖最後由 Molly103 於 19-9-20 13:07 編輯

其實工人帶bb去街市買餸好正常
反而係諗下個距離同小朋友重量會唔會加重工人負擔
小朋友唔坐車仔?定係街市唔方便推bb車?

講真,出街都有細菌,落街玩都會有,點會覺得街市特別污糟多菌而唔夠膽俾bb跟去街市買餸?落街周圍摸都大把細菌啦

所以工人一個人帶bb去街市係可以既
如揹住小朋友去辛苦,或者小朋友扭抱唔肯行,工人同父母就要考慮其他方法
例如推bb車,或者父母得閒買餸返屋企等等...
最緊要你地同工人有共識,點做係對大家最好


伯爵府

積分: 15195

2019新春慶豚圓 2019勳章


發表於 19-9-20 13:08 |顯示全部帖子

回覆樓主:

其實街市就算幾乾淨都好,空氣流通都係差d, bb仲未係好大個,唔帶佢去街市好d. 不如咁啦,假期買定送,平日就間中一兩日再補給,等工人姐姐唔洗去街市。或者平日帶bb去超市買,或上網訂送上屋企。


大宅

積分: 1529

2019新春慶豚圓


發表於 19-9-20 18:31 |顯示全部帖子
如果有選擇,樓主都唔會想工人揹BB入街市。

首頁
12

尾頁

跳至
你需要登錄後才可以回帖 登入 | 註冊