本帖最後由 858D 於 19-12-4 03:51 編輯
alicego62 發表於 19-12-3 15:27
緊係唔會啦,朋友都幫唔到全部啦。所以做人,都係靠自己,有兩手準備好。全程靠人?如果佢對你好好,但行 ...
長篇,請慎入:
係,尤其而家社會男女就業機會平等,女人唔會再係冇0左老公份收入會冇人請做工0既。
有好大機會仲會掉翻轉頭,好似我咁,一個女人搵錢擔起幾頭獨立0既家20年,曾經肩負起13個人0既所有生活開支(上有三大長老,前62死左,大佬一家五口兩手空空新移民來)。我經歷過多年來,身邊大把家人,但想靠都靠唔到,係掉翻轉頭佢地靠我。還有個週期性只有我有能力陪住醫院的與生俱來就有嚴重腦癱的女兒要照顧。媽媽跌斷手腳,唔懂英文,要當時無嘢做0既大佬去陪住,佢唔拎來做,又係得我一個有能力陪住醫院。我每次陪住醫院唔係齋陪,係要帶埋我部公司用0既電腦去醫院全職做公司嘢。我每次生完女,都係請唔起工人,自己堅持要每兩三個小時就起身母乳餵哺,換片,掃背。唔夠收入休產假,辭職唔做,產後六個星期就要帶埋奶泵翻公司小息時間搵地方泵。產後一年幾個身體都感覺好似帶住個大西瓜咁浪來浪去行動。而家長期個肚子好似3個月大。一食飽0左就變0左5個月大。
與我我前夫共同生活30年來,我係挨到得閒死,唔得閒病,人已經到了對任何人都冇要求同不求回報的境界。係見到有D乜野需要做0既,望下周圍冇人做,就毫無怨言投訴地拎起來自己做。
好似我咁0既生活過來人,全程冇人靠而且施恩不望回報,我自問我有資格 話人:「即係自己的人生永遠決定於旁邊嗰件可帶比你的回報?如果係,真可悲」。但我都從來沒有以如此思想方式去評論人。因為,我實在挨過生活0既殘酷,對於一D一向有個靠到0既老公的女士,一向有對經濟自立0既父母,唔使自己搵錢養埋佢地過世0既女士,我唔選擇隨便鼓勵佢地有老公畀到0既生活上的方便而棄權唔要,因度氣而離婚,出去未必搵得翻如現老公畀到事主的或更少的好處。到時她們自己挨生活上資源缺乏時,我唔會在她們旁邊畀到我畀到我家人的好處畀她們。我果種生活唔係話要過就過到。係要有恆久的忍耐,又有恩慈,不嫉妒,不自誇,不張狂,不求自己的益處,凡事相信,凡事盼望,愛人如己,and fortitude 還有許多 才可以造成今天獨立,自強的我,吸引了我現在的可靠先生。
即使我現在有這先生照顧我,使我這個挨到情緒,精神,身體健康多衰退的中年婦人得以調養。我感恩有我這位唔介意我挨得蒼老的先生。我珍惜他能畀到我的擋風擋雨的庇護,我唔會輕易因他在某些方面畀唔到我的而失我期望就離婚。正如你講,我先生可會隨時畀車撞死,我頃刻間又會打回那個女強人生涯。我知自己事,我骨子裏就係個小女人,但我大半生全都是女強人所做的事。我唔希望其她小女人好似我咁挨得咁幸苦。
Love is when the other person’s happiness is more important than your own ~ H. Jackson Brown