懷孕前後

跳至

首頁
12

尾頁
   0


複式洋房

積分: 401

2020勳章


發表於 19-12-5 17:06 |顯示全部帖子
9週3終於要同小天使暫別! 我每日都祝福佢,叫佢唔駛驚,遲到會再見。

今日嘅天氣同心情好夾,又冷又暗然。中午私家照完胚胎不見了,只有空蕩蕩的胚囊。 小天使離家出走! 可能見唔到佢身影嘅道別無咁傷感。 醫生寫左信去政府排期流產。下午去將軍澳醫院登記,聽朝就有得見醫生。因為懷孕/小產係第一次,咩都唔識。

請問黎緊係有咩流程?
係咪可以揀幾時入院?
自然流/藥流/刮宮,我估都係揀藥流。有無將軍澳醫院做過藥流可以指點我?
出醫後可以做咩同唔可以做咩!
幾時先可以睇中醫調理?
幾時開始坐小月?
小月要點坐?

9個星期最忙係依家 (因為係ivf,周期第一個星期已經要忙食藥約檢查)。未敢享受喜悅,咁快個project就完左。


複式洋房

積分: 192

2020勳章


發表於 19-12-5 17:32 |顯示全部帖子
Wansasa 發表於 19-12-5 17:06
9週3終於要同小天使暫別! 我每日都祝福佢,叫佢唔駛驚,遲到會再見。

今日嘅天氣同心情好夾,又冷又暗然。 ...

我都係9週bb就停左心跳
上個月21號係威爾斯做藥流 觀察4個鐘無乜事就可以出院返屋企 藥流左一星期都無乜反應 只係小量啡色(emoji) 到11月28號突然肚痛 嘔 即刻入急症再轉去威爾斯做刮宮 因為原來組織Click住咗係子宮頸.. (我係一個個別例子比較唔好彩!) 其實藥流會比較無咁傷 但萬一排唔清既到最後都可能要刮宮 而刮宮就訓一教 乜事都無...


複式洋房

積分: 192

2020勳章


發表於 19-12-5 17:32 |顯示全部帖子
Kylie2 發表於 19-12-5 17:32
我都係9週bb就停左心跳
上個月21號係威爾斯做藥流 觀察4個鐘無乜事就可以出院返屋企 藥流左一星期都無乜 ...

另外我宜家都坐緊小月 最緊要係訓多啲 盡量都唔好出街 唔好凍親..
呢幾日太凍 我都唔敢沖涼洗頭 因為驚凍親唔舒服!
奶奶就抄左啲米 果皮俾我焗水飲 開頭食清淡啲 生冷野唔好食 介下口 到惡露清左就可以補! 睇下中醫調理下(emoji)

記住好好保重身體 小天使好快返黎
一齊加油(emoji)(emoji)


大宅

積分: 1061


發表於 19-12-5 17:32 |顯示全部帖子

回覆樓主:

本帖最後由 siuting91 於 19-12-5 17:43 編輯

媽媽放心讓他走 會再相見的 7月份時我也在Tkohp 流產了 當時6週多流紅入院而當時私家醫生檢查也表示已經停止生長 當流紅時我也做好心理準備 反而想他乖乖出來 和對他說媽媽沒有想過放棄你 緣份一到 記住再來塭我
反而 當時排政府 重要兩星期再判是否流產 個兩星期好折磨 知道他已走了 但還在身體裡 那時候身體長期處放好攰狀態 ⋯ 住了一天院 回到家 那重要的組織在馬桶 葯流 會食葯令體內東西自行排出 方法相同自然 一星期後會約你回去檢查 如未清有機會要刮宮或者再塞葯
當時 tkohp表示兩星期再檢查 係排後一星期我去私家診所再檢查 說重要組織已看不到



大宅

積分: 1061


發表於 19-12-5 17:35 |顯示全部帖子

回覆樓主:

本帖最後由 siuting91 於 19-12-5 17:38 編輯

樓主天氣冷 注意保暖 同坐個小月 注意休息 排出後個一星期我覺得好暈 訓多點 讓身體復原 幸好老公幫忙照顧大兒子 排出一星期後 開始食中葯調理 之後我休息了兩星期 三餐也要食飯 保充元氣 !排清後可以食保品 那時候我是坐月咁坐 月薑水沖涼 萬寧到有種薑的沖涼液也不錯的
準備好的身體讓寶寶再來臨
樓主 加油




複式洋房

積分: 401

2020勳章


發表於 19-12-5 18:31 |顯示全部帖子
Kylie2 發表於 19-12-5 17:32
另外我宜家都坐緊小月 最緊要係訓多啲 盡量都唔好出街 唔好凍親..
呢幾日太凍 我都唔敢沖涼洗頭 因為驚 ...


要翻手刮宮,鄧你辛苦。一次未完仲要等多個禮拜好節磨身心,不過辛苦已經過去,祝你坐月一切順順利利! 自從feel到小天使出走後,係容易覺得凍。我習慣日日洗頭,不過唔出街忍住唔洗頭應該ok。大家都要保暖保重,新年迎接新希望!


複式洋房

積分: 401

2020勳章


發表於 19-12-5 18:38 |顯示全部帖子
siuting91 發表於 19-12-5 17:32
媽媽放心讓他走 會再相見的 7月份時我也在Tkohp 流產了 當時6週多流紅入院而當時私家醫生檢查也表示已經停 ...

知道走左仲要等2星期真係好節磨! 我今日問私家醫生,仲話個胎似係早2-3星期就停止發育。tko醫院想自然流先拖2星期嗎? 我最驚真係等緊個陣血崩,唔知到時係屋企等好定去急症室。等真係好最節磨人。



複式洋房

積分: 401

2020勳章


發表於 19-12-5 18:49 |顯示全部帖子
siuting91 發表於 19-12-5 17:35
樓主天氣冷 注意保暖 同坐個小月 注意休息 排出後個一星期我覺得好暈 訓多點 讓身體復原 幸好老公幫忙照顧 ...

我想盡量自己準備坐小月嘅食用嘅野先,怕99辛苦。之前預警比佢兩老時已經令佢地好傷心,佢地睇住我2年來飛台灣做ivf,以為今次成功,點知又要重來,心痛又可惜。我打算自己炒定米茶,自己煲薑水用。長期訓床的話,就要靠佢地送飯。

買現成薑嘅沖涼液係好提意! 依幾日準備先。跟住冬眠!


複式洋房

積分: 401

2020勳章


發表於 19-12-5 18:51 |顯示全部帖子
坐小月或者依家等流時,可唔可以每日熱水浸腳架?


複式洋房

積分: 128


發表於 19-12-5 19:24 |顯示全部帖子
本帖最後由 karenfilan 於 19-12-5 19:37 編輯

我大約7週第一次照超聲波果陣話懷疑係空心胎,隔左兩星期再照都係冇胎芽,然後第二日就自然排出左個組織了,一開始就冇揀藥流,一來想試左最唔傷身嘅方法先,二來姑娘話用藥係加快+加劇子宮收縮,即係會比自然排出更痛!! (我自然排出前痛左大半個鐘已經覺得好辛苦)

我而家坐小月+home office中,最緊要保暖,我訂左20日月子餐,飲緊台灣出嘅坐小月中藥沖劑, 同埋用緊老薑汁洗頭水沐浴露,流產當日已經沖涼洗頭(即刻吹乾哂個頭) 第二日仲出街觀禮同飲,託賴過去一星期都冇咩唔舒服,仲幾精神,去飲果日啲fds見到我都話完全睇唔出我早一日流產黎


複式洋房

積分: 401

2020勳章


發表於 19-12-5 20:04 |顯示全部帖子
karenfilan 發表於 19-12-5 19:24
我大約7週第一次照超聲波果陣話懷疑係空心胎,隔左兩星期再照都係冇胎芽,然後第二日就自然排出左個組織了 ...

你可以自然流又快又最少負擔,我都希望可以咁順利。我胚囊只有1.6cm,胚胎已被身體吸收,應該排出唔會太難太痛苦掛。

你嘅小月中藥沖劑適合幾時開始飲架? 同埋薑汁洗頭水,可以pm邊度買到嗎!

我都收到月尾請貼,海邊觀禮,睇下到時身體狀況如何可唔可以去到。依家成個人面圓腰粗大肚腩,有啲介意會被問係咪有左。



複式洋房

積分: 128


發表於 19-12-5 23:40 |顯示全部帖子
本帖最後由 karenfilan 於 19-12-5 23:41 編輯

回覆 Wansasa 的帖子

唔知點解pm左你但淨係出到頭兩行 =.= 我係到講啦...
https://tenergy.tw/product/miscarriage-caring

上面係小月沖劑嘅link
入面有講自然排/藥流/手術後幾時開始食~我上星期五朝早落單,星期一就收到貨lu~

洗頭水沐浴露我喺「梘單製皂」到買,fb就search到,佢有問左我頭皮&皮膚狀況先調較個配方,我見好多小店都有賣呢啲薑汁用品,你可以再比較下~通常薑汁洗頭水用完都會好乾,記得用埋護髮素呀~


如果去海邊觀禮就盡量唔好去喇, 小產完個人會虛,好易入風同凍病!

希望你唔使用藥/吸宮,可以自然排乾淨啦! 調理好身體下次bb返黎黐實你!!


大宅

積分: 4363

2020勳章


發表於 19-12-6 10:27 |顯示全部帖子
休息多D,bb好快回來


複式洋房

積分: 401

2020勳章


發表於 19-12-9 08:24 |顯示全部帖子
我今日入院藥流,不過前2日出血同m痛,尋晚半夜突然勁痛個15分鐘,之後排左組織。依家已經唔係好痛,希望已順利排哂,唔駛塞藥入苦。


複式洋房

積分: 255

2020勳章


發表於 19-12-9 09:44 |顯示全部帖子
Wansasa 發表於 19-12-5 18:49
我想盡量自己準備坐小月嘅食用嘅野先,怕99辛苦。之前預警比佢兩老時已經令佢地好傷心,佢地睇住我2年來飛 ...

加油呀,我都是台灣北醫做ivf,今年五月六週時小產,都未享受唔到懷孕嘅喜悅,就已經流血然後BB就走了,但係都冇辦法,你點都要養好自己身體才可以重新植人


複式洋房

積分: 401

2020勳章


發表於 19-12-9 10:12 |顯示全部帖子
karenfilan 發表於 19-12-5 23:40
回覆 Wansasa 的帖子

唔知點解pm左你但淨係出到頭兩行 =.= 我係到講啦...

好幸運我係入院前個晚自然排左組織。入院檢查完,醫生比我出院等剩餘嘅少少自己排埋。問左中醫依家要保護,不過唔駛訓床,平時活動下有利排清。

依家準備坐好小月,養好身體同心情。一齊加油!


複式洋房

積分: 401

2020勳章


發表於 19-12-9 10:18 |顯示全部帖子
Telegary 發表於 19-12-9 09:44
加油呀,我都是台灣北醫做ivf,今年五月六週時小產,都未享受唔到懷孕嘅喜悅,就已經流血然後BB就走了,但 ...

大家都係同路人,都明白台灣ivf的辛酸。我準備坐好小月先,之後慢慢做返運動。我ivf醫生建議我驗免疫,我打算1或2月去一轉台北做全面嘅免疫檢查。我對未來抱希望! 祝你都好快成功!


複式洋房

積分: 255

2020勳章


發表於 19-12-9 13:23 |顯示全部帖子
Wansasa 發表於 19-12-9 10:18
大家都係同路人,都明白台灣ivf的辛酸。我準備坐好小月先,之後慢慢做返運動。我ivf醫生建議我驗免疫,我 ...

大家一齊加油


大宅

積分: 1326

2020勳章


發表於 19-12-9 20:25 |顯示全部帖子
我都坐緊小月,星期3夠2周會返工。
上周5覆驗時,醫生話已排清,內膜已恢復正常,黎2次m 後可再試。但今日睇中醫,叫我半年後再試。。要咁耐架咩。。


複式洋房

積分: 401

2020勳章


發表於 19-12-9 22:08 |顯示全部帖子
nss711 發表於 19-12-9 20:25
我都坐緊小月,星期3夠2周會返工。
上周5覆驗時,醫生話已排清,內膜已恢復正常,黎2次m 後可再試。但今日 ...

我打算休息2-3個cycle繼續ivf。醫生已經準備定下次用藥比我,不過想坐完月後輕鬆try下先,過返2人世界。中醫話半年係咪保守啲想幫你打好個底咋? 無論如何,重整返身體,以身心健康為先,就有好嘅氣場,咩都會順利啲!

首頁
12

尾頁

跳至
你需要登錄後才可以回帖 登入 | 註冊