少年成長

跳至

首頁
12

尾頁
   4


複式洋房

積分: 199


發表於 19-12-8 14:24 |顯示全部帖子
本帖最後由 snorlax 於 19-12-9 22:35 編輯

我個讀小四的9歲女一直有尿床問題,睇緊公立醫生同治療, 不過進度非常慢,三個月前去醫生復診,
跟手建議要我地盡量每晚定時叫醒阿女去夜尿,
睡覺盡量不要再給阿女用尿片,阿女起初都好樂意配合,
結果在無用尿片情況下做紀錄每星期最多都係有三四晚瀨尿,
到11月開始轉涼入冬,阿女冚被半夜睡得好熟,開始晚晚失手瀨尿,
之後半夜叫佢起身就話凍又眼訓,開始妞計唔肯落床去廁所,
唯有半夜兜住個尿壺等阿女躺住張床度直接噓噓唔洗佢落床,
順便做紀錄尿量,每晚阿女夜尿量平均都至少300-400ml,
之後去到11月頭開始到依家每星期得一兩晚無瀨尿,好灰......

而家無計可施的情況,上個月尾我同老公都投降,
應阿女請求比佢用返尿片,依家晚晚都咁凍,
結果就晚晚都瀨尿,朝朝條尿片都係完全濕晒,
估計阿女一晚起碼瀨咗兩三次尿,用學習褲會漏尿,
焗住買成人最細碼的尿片比阿女用一晚訓天光,
仲要每晚幫已經9歲的女上床訓前鴨埋尿片,
阿女話自己包唔到成人尿片要我幫,
一去到臨訓前直到佢朝早起身都要當佢BB咁照護,
差在唔洗喂奶,真係覺得好唔開心。

努力左幾個月,諗住阿女尿床問題有起色,
點知被一個秋冬天和舒服被竇打榭晒,
而家好似又要大家重新起步,
本身好有希望,依家打沉晒好灰,之前幾個月啲心機努力白費曬。😪




大宅

積分: 2010


發表於 19-12-8 14:54 |顯示全部帖子
snorlax 發表於 19-12-8 14:24
我個讀小四的9歲女一直有尿床問題,睇緊公立醫生同治療, 不過進度非常慢,三個月前去醫生復診,
跟手建議 ...

本帖最後由 marie貓 於 19-12-8 20:40 編輯

Del


子爵府

積分: 10421

2020勳章 2018復活節勳章 親子王國15週年勳章 畀面勳章 醒目開學勳章


發表於 19-12-23 18:10 |顯示全部帖子

回覆樓主:

擺個暖爐入睡房,等佢半夜起身都唔覺凍,再放個potty入睡房比佢喺睡房痾,暫時解決冬天問題,可行嗎?


別墅

積分: 995

2020勳章


發表於 19-12-23 21:28 |顯示全部帖子

回覆樓主:

係咪睇泌尿科?……佢嘅問題似係膀胱肌肉鬆,忍唔到尿,有無教佢做提肛運動?日頭呢……佢忍悟忍到尿?
悟好係佢面前表現沮喪,瀨尿佢都悟想,留意返佢社交,可能會因此覺得自卑架……祝好


男爵府

積分: 6075

2020勳章


發表於 19-12-23 23:29 |顯示全部帖子
snorlax 發表於 19-12-8 14:24
我個讀小四的9歲女一直有尿床問題,睇緊公立醫生同治療, 不過進度非常慢,三個月前去醫生復診,
跟手建議 ...

不如睇過泌尿科問下仲好啦

唔好dum症

之前我個仔個同學仔,都係咁嘅情形, 後尾好似做手術改善


珍珠宮

積分: 48768

2020勳章


發表於 19-12-24 20:10 |顯示全部帖子

回覆樓主:

本帖最後由 Jasmine-4711 於 19-12-24 20:12 編輯

用住醫院用的bed pan十毛巾蓋住先疴.
傷健用品店有.

她幾多點食晚飯,飲左幾多碗湯或飲品?冇入,自然冇出.
有冇睇泌尿科?已9歲,唔拖得啦
唔可以長期依賴尿片,咁她冇決心去改


別墅

積分: 617

2020勳章


發表於 19-12-25 07:48 |顯示全部帖子
snorlax 發表於 19-12-8 14:24
我個讀小四的9歲女一直有尿床問題,睇緊公立醫生同治療, 不過進度非常慢,三個月前去醫生復診,
跟手建議 ...

我明白你,我女7.5 也未戒到夜片,政府進度好慢,主要靠小朋友本身自己,等暖D我搵埋私家專科幫手,睇下有冇曙光唉


複式洋房

積分: 199


發表於 19-12-29 11:51 |顯示全部帖子
本帖最後由 snorlax 於 19-12-29 12:06 編輯

回覆 Funny 的帖子

我之前夏天買咗個尿壺畀佢自己起身喺床痾,不過阿囡用唔慣,成日未對準壺口就噓落去整濕床,而家入冬直情急都唔識醒瀨埋。


複式洋房

積分: 199


發表於 19-12-29 11:54 |顯示全部帖子
回覆 fitfit貓 的帖子

阿女淨係夜晚瞓覺成日瀨尿,日頭出街佢又好正常,見老師都有了解過阿女喺學校小便習慣,老師都反映冇咩大問題,係間中上堂要舉手去廁所,老師一定會畀佢去。


複式洋房

積分: 199


發表於 19-12-29 12:03 |顯示全部帖子
回覆 Jasmine-4711 的帖子

我屋企一般七點先食飯,因爲要等埋老公放工返嚟先得,我地全家最夜十一點就瞓晒,阿女十點就訓,通常佢可以一覺瞓天光去到朝早六點。晚飯盡量都係畀佢飲碗湯同埋飲杯清水加埋約500ml,同埋我飯後會有水果多數蘋果/橙/木瓜/梨/菠蘿,阿女沖涼瞓覺前我一定會叫佢痾清尿先,再問佢今晚使唔使鴨尿片,不過佢多數都主動話要😓😓。


複式洋房

積分: 199


發表於 19-12-29 12:14 |顯示全部帖子
Ireneyoung 發表於 19-12-25 07:48
我明白你,我女7.5 也未戒到夜片,政府進度好慢,主要靠小朋友本身自己,等暖D我搵埋私家專科幫手,睇下有 ...
我女睇緊威院專科,政府每次排期同覆診真係好慢,老公唔捨得睇私家又話私家資源無政府醫院咁好覺得冇效果,我老公又覺得阿女尿床問題係遺傳有關,我老公去到16歲先冇再尿床,但佢咁耐都冇睇醫生自己好,所以老公就話無謂額外再晒錢睇私家,等阿女慢慢好。


子爵府

積分: 10421

2020勳章 2018復活節勳章 親子王國15週年勳章 畀面勳章 醒目開學勳章


發表於 19-12-29 12:51 |顯示全部帖子
snorlax 發表於 19-12-29 11:51
回覆 Funny 的帖子

我之前夏天買咗個尿壺畀佢自己起身喺床痾,不過阿囡用唔慣,成日未對準壺口就噓落去整 ...

唔好比佢喺床痾,一定要佢習慣落床痾,就算用壺,都要佢落床。


珍珠宮

積分: 48768

2020勳章


發表於 19-12-29 16:33 |顯示全部帖子
snorlax 發表於 19-12-29 12:03
回覆 Jasmine-4711 的帖子

我屋企一般七點先食飯,因爲要等埋老公放工返嚟先得,我地全家最夜十一點就瞓晒 ...

本帖最後由 Jasmine-4711 於 19-12-29 16:36 編輯

晚飯及以後實在太多水,約4小時或更耐才消化完成,到10pm,晚飯及以後尿未被產出. 有很多小朋友忍到夜,但既然你囡囡不能,就要改變下

建議她7.30pm前飯完一碗湯後,不要再飯水或吃多水的水果.

叫得“水”果,含水量高,建議你下午茶時段給她吃水果

目的是减低她睡時產出的尿至一碗水左右.當然,晚餐上的固體食物也會產出小量尿.

如7:30pm後口渴,可飲一兩啖水,而不是一杯水


水晶宮

積分: 51862

2020勳章


發表於 19-12-29 19:46 |顯示全部帖子
snorlax 發表於 19-12-29 12:14
我女睇緊威院專科,政府每次排期同覆診真係好慢,老公唔捨得睇私家又話私家資源無政府醫院咁好覺得冇效果, ...


你老公咁諗就錯啦.

個女大大下要跟學校去宿營, 什至係出國見識,
係唔係要個女帶著d 尿片去? (著o左尿片都仲有可能整濕被舖).
早d 攪好個尿床問題, 小朋友早 d 有自信參加不同活動!

希望你早日搵到夾得到的醫生, 治好女女尿床問題


大宅

積分: 3337


發表於 19-12-29 22:47 |顯示全部帖子
我覺得7點食飯,D餸菜都有水分,仲有湯、水果、水,太多水喇,食完飯都8點,十點就訓,D尿都未屙清,對於有尿床習慣嘅小朋友黎講,唔係幾好。

小朋友每日幾點返到屋企?
如果正常四點幾就返到屋企,咁可以試吓小朋友放學返屋企就飲湯,食水果作下午茶,7點就只吃晚餐,盡量食菜,唔好食瓜,因為瓜多水,之後飲幾啖水就夠喇。


大宅

積分: 4488

2020勳章


發表於 19-12-30 07:25 |顯示全部帖子
snorlax 發表於 19-12-29 12:14
我女睇緊威院專科,政府每次排期同覆診真係好慢,老公唔捨得睇私家又話私家資源無政府醫院咁好覺得冇效果, ...

如果可以, 睇多個醫生, 拎多個意見都好

我唔係好贊同你老公, 女仔早熟又比較敏感, 成9歲仲晚晚尿床佢自己都會覺得自卑, 而且現代小朋友好小學已經有宿營/遊學, 你想女女帶尿片去? 抑或完全謝絕呢d活動?
你老公話唔駛睇醫生, 自己會好, 甘如果到16歲都唔好甘點算? 睇左醫生, 如果可以解決到, 對大家都好,最多咪冇改善,但唔睇根本見唔到轉機!


複式洋房

積分: 199


發表於 20-1-4 08:22 |顯示全部帖子
本帖最後由 snorlax 於 20-1-4 08:23 編輯
Funny 發表於 19-12-29 12:51
唔好比佢喺床痾,一定要佢習慣落床痾,就算用壺,都要佢落床。

佢就係怕凍先唔肯落床痾,識得用尿壺系床度噓噓已經有進步,而家最緊要係點樣令個女唔好再咁依賴尿片


子爵府

積分: 10421

2020勳章 2018復活節勳章 親子王國15週年勳章 畀面勳章 醒目開學勳章


發表於 20-1-4 08:26 |顯示全部帖子
snorlax 發表於 20-1-4 08:22
佢就係怕凍先唔肯落床痾,識得用尿壺系床度噓噓已經有進步,而家最緊要係點樣令個女唔好再咁依賴尿片
...

所以提議你擺個暖爐入房,等佢落床都唔覺凍。


複式洋房

積分: 199


發表於 20-1-4 08:36 |顯示全部帖子
PINKI1025 發表於 19-12-29 22:47
我覺得7點食飯,D餸菜都有水分,仲有湯、水果、水,太多水喇,食完飯都8點,十點就訓,D尿都未屙清,對於有 ...
我個女最早四點幾就放學去佢隔離樓同學屋企度做功課先,我就要五點半先返到屋企煮飯煲湯,所以先飲湯食水果做唔到住,其實睇醫生果陣醫生都強調唔好因為驚尿床少於飲水,因為小朋友長期飲唔夠水只會出現另外的身體問題,我就係由朝早比佢飲多啲跟住晚上就飲最少,前排我女如果夜晚覺得口乾我唔好成杯水飲落肚,濕濕口就算。

如果可以繼續減少囡囡晚上飲水量我睇下邊方面可以再減,醫生又話千祈唔好唔畀佢飲水。利尿的水果我就一定唔會買例如西瓜,瓜類我只買木瓜,因為老公最鍾意食,水果其實主要都係蘋果和橙,蘋果就一定會有,我個女最鍾意食的菠蘿我諗緊係唔係繼續比我個女食,唔知算唔算係利尿水果。


複式洋房

積分: 199


發表於 20-1-4 08:53 |顯示全部帖子
birdbird 發表於 19-12-29 19:46
你老公咁諗就錯啦.

個女大大下要跟學校去宿營, 什至係出國見識,
我老公細個都有尿床問題仲要去到16歲,但佢就幾乎一直無睇醫生,只記得話係膀胱肌肉發育未健全所以經常會尿床,所以外家費鬼事睇醫生等佢慢慢好。老公本身又好鬼度縮,又成日覺得私家醫院睇醫生好劏客,唔捨得出錢牙痛咁聲睇私家,唉。

我都頭痕緊遲啲去到五六年級學校可能有宿營之類活動點搞,平時同阿女出國旅行我都帶定尿片俾佢用,但學校就真係唔知佢點搞,雖然班主任都知阿女有呢個問題,但煩就煩在唔知點面對同學,都係得幾個日日放學去人屋企一齊做功課的同學知,我見好多有尿床問題的小朋友宿營活動都係避開佢,當然我都明白係斬腳趾避沙蟲,慶幸係我女係學校好多朋友,未見因為尿床問題而影響社交。

首頁
12

尾頁

跳至
熱門主題
绝望 ... 2 3 4 5 6
你需要登錄後才可以回帖 登入 | 註冊