夫婦情感

跳至

首頁

尾頁
   4


洋房

積分: 32


發表於 20-1-14 02:44 |顯示全部帖子
我同老婆結左婚7-8年有兩個小朋友其中細果個10個月大,近排覺得老婆有d變左,開始好積極減肥都減左好多,哩兩個月想同老婆愛愛時開始想避我,先幾個月一直要愛愛時都好正常,搵到一次機會愛愛時見感覺佢好唔自在就問佢舒唔舒服佢就話okla~!以前從來唔會咁避開我咁唔自在同敷衍我話okla,到我收夜返來開門就即刻熄燈訓覺,近排佢成個月好多日都話要同朋友或同事食飯到好夜返,佢話因為前個月去左旅行累積左好多飯局喎!!到我出到聲今個月就少左D!而家黑黑地口面都唔想同我講多句,買mon貼突然要買防窺有時行過好似怕我睇到咁,平時我一路都唔會特登望佢噤乜!!係我whatsapp度成日見佢上線中,好夜都上緊,到我要返早5點幾起身睇到佢凌晨4點都有上過線!!我地冇家暴多數佢黑我面多同埋我算都好就佢架!!:我心中已有答案大家點睇係咪同我諗法一樣,有冇女仕既直覺覺得女人點解會咁樣!!


大宅

積分: 3704


發表於 20-1-14 07:05 |顯示全部帖子
其實你有冇試下兩個人去拍拖,傾下計.?試下主動搵答案而唔係去估估下?我係c9,我會答你係,你老婆肯定有古惑⋯我結婚十年但仍然似熱戀情侶咁,我一睇就知你老婆有問題!希望樓主你主動去搵個問題所在,解決埋去,唔好令問題不了了之⋯⋯祝福你。


大宅

積分: 2511

2020勳章


發表於 20-1-14 07:37 |顯示全部帖子

回覆樓主:

樓主,答案唔重要。重要的是太太仍在你身邊,改變一下自己,重拾剛開始時大家的感覺。感情關系靠雙方維持,太太的處理手法亦是關鍵。


子爵府

積分: 10708


發表於 20-1-14 07:50 |顯示全部帖子

回覆樓主:

我係過來人, 亦好肯定答你係。但最重要一樣野係, 女人變左心好難返轉頭, 我睇到你地個前景。。。


洋房

積分: 32


發表於 20-1-14 07:55 |顯示全部帖子
如掉轉來講去完旅行拍拖冇耐都唔夠又冇同大家傾過感受就去出軌要我帶綠帽,我真接受唔到!如果真係咁,一個結左婚既女人自原同其他男人搞過我覺得佢全身已經好污糟!已經係屬於其他人,哩段時間兩個成年男女我覺得唔會拖下手仔冇搞過野囉!!


男爵府

積分: 7055


發表於 20-1-14 08:00 |顯示全部帖子
luluyu 發表於 20-1-14 07:55
如掉轉來講去完旅行拍拖冇耐都唔夠又冇同大家傾過感受就去出軌要我帶綠帽,我真接受唔到!如果真係咁,一個 ...

不如直接攤牌?


大宅

積分: 2511

2020勳章


發表於 20-1-14 08:13 |顯示全部帖子
luluyu 發表於 20-1-14 07:55
如掉轉來講去完旅行拍拖冇耐都唔夠又冇同大家傾過感受就去出軌要我帶綠帽,我真接受唔到!如果真係咁,一個 ...

其實你咁諗已經唔信老婆。我可以同你講,真實事件係:男女互相有feel 1年半都無搞野,之後斷晒接觸。


洋房

積分: 32


發表於 20-1-14 08:19 |顯示全部帖子
Rilakkuma312 發表於 20-1-14 08:00
不如直接攤牌?


洋房

積分: 32


發表於 20-1-14 08:45 |顯示全部帖子
ckcpooh 發表於 20-1-14 08:13
其實你咁諗已經唔信老婆。我可以同你講,真實事件係:男女互相有feel 1年半都無搞野,之後斷晒接觸。
...
已經好難相信佢,問一定會問清楚,男女有feel唔搞野都會有不過機會超細!!老實講另一伴問10個出軌既伴侶10個有搞都話冇搞野啦,我覺得係佢口中好難有真實答案


男爵府

積分: 7504

2020勳章


發表於 20-1-14 09:14 |顯示全部帖子
本帖最後由 PTMCYS 於 20-1-14 09:22 編輯
luluyu 發表於 20-1-14 02:44
我同老婆結左婚7-8年有兩個小朋友其中細果個10個月大,近排覺得老婆有d變左,開始好積極減肥都減左好多,哩 ...

前個月去左旅行累積左好多飯局 ---> 即係佢自己獨自跟朋友去? 無你份, 佢成日自己去旅行嗎? 比我不會讓她自己跟朋友去旅行, 除非公司的旅行而自己無時間參加.

我地冇家暴多數佢黑我面多 ---> 如果以家暴為合格的標準, 未免set 得太低吧! 佢多數黑你面即係你做得不夠(不夠不代表你錯, 而是達不到她要求).


同埋我算都好就佢架! ---> 感情和婚姻不能單靠"就", 要有互動, 互動的依靠和關心, 互動的信任和合作, 互動的交流和溝通, 最重要係互動的"愛", 如果她感受不到或覺得你開始不夠班, 一就是看看怎樣提升自己(提升不一定係錢, 外型和情趣等), 不然就等時間, 被動不如主動, 提升自己未必只為她, 可能是另一個她, 要做個比現在的你更好更強的人, 才會令離開你的人可惜.


女人最不喜歡男人原地踏步, 甚至退步, 要有改變, 驚喜......明白有時很難全部進步, 試找出一樣令她刮目相看而你又可以做到的進步吧! 看看她對這個進步欣不欣賞....


有冇女仕既直覺覺得女人點解會咁樣!---> 唔好意思, 我係男插咀, 當然大事不妙啦, 所以我們做男的, 要在未係事情發生前, 掌握大局, 珍惜機會.


洋房

積分: 32


發表於 20-1-14 09:32 |顯示全部帖子
PTMCYS 發表於 20-1-14 09:14
前個月去左旅行累積左好多飯局 ---> 即係佢自己獨自跟朋友去? 無你份, 佢成日自己去旅行嗎? 比我不會讓她 ...
旅行係我同佢去歐洲拍拖, 因為去左旅行本果個月同既朋友/同事飯局要延期,累積就多左!!老實講咁多年黎見佢飯局都知大約次數,個個飯局都就佢延期??!!

咁多年結婚後佢好多事情樣樣都唔太滿意,冇請姐姐時家務比率我什高,煮飯都係我
送celine hermes都有
哩幾年大家都照顧細路為主



男爵府

積分: 7504

2020勳章


發表於 20-1-14 09:34 |顯示全部帖子
luluyu 發表於 20-1-14 07:55
如掉轉來講去完旅行拍拖冇耐都唔夠又冇同大家傾過感受就去出軌要我帶綠帽,我真接受唔到!如果真係咁,一個 ...

有無攪過野, 個主動權應該唔係你手, 就算攪過野, 而你跪求佢接受1妻兩夫, 佢都要走. 所以先攪清楚形勢先, 如果佢已無愛, 討厭現狀, 要離開.... 就算未攪野又點? 你懷疑她只會更沒修補和複合的機會.

所以你要問你自己想點, 要嬴什麼回來...., 再評估失去的對回來的有多重要...!

一段感惰和婚姻, 大家都有責任, 不能說只有對方的錯, 可能本來已經是錯配, 缺乏時間評估形勢, 錯過機會, 又或緣份已盡等,

明白你的心情, 但放長一點看, 你會看得透一點, 鬆一點.... 因為原來世界唔係為了一個人而生存, 你係有能力令自己和其他人更開心的.


伯爵府

積分: 15800

2020勳章 2018父親節勳章 2018母親節勳章 開心吸收勳章


發表於 20-1-14 09:39 |顯示全部帖子
其實大家都心中有數; 你接唔接受咁解~~
如果唔接受既; 就不如早D了斷吧


洋房

積分: 32


發表於 20-1-14 09:56 |顯示全部帖子
PTMCYS 發表於 20-1-14 09:34
有無攪過野, 個主動權應該唔係你手, 就算攪過野, 而你跪求佢接受1妻兩夫, 佢都要走. 所以先攪清楚形勢先, ...
總之同過另一男人已大罪, 有冇搞過野我冇可能知,咁樣既男女之間冇搞野都好難信,一次不忠永不原諒

女人搵佬比人食隻豬形勢輸既一定係我,但我要評估失去,同埋擔憂屋企細路





子爵府

積分: 13789


發表於 20-1-14 10:53 |顯示全部帖子
其實你由頭到尾一口咬定你老婆一定有同其他男人搞野?你已經先入為主左啦。

我都想講,女人同男人唔同,唔係中意或者好感就會捻住要搞野先。


洋房

積分: 32


發表於 20-1-14 11:45 |顯示全部帖子
花花b 發表於 20-1-14 10:53
其實你由頭到尾一口咬定你老婆一定有同其他男人搞野?你已經先入為主左啦。

我都想講,女人同男人唔同,唔 ...
預左會有人咁答我,唔講話搞唔搞野計整體理論有佬成數超高,我亦點都會攤開問清楚!


大宅

積分: 1028

2020勳章


發表於 20-1-14 11:53 |顯示全部帖子
luluyu 發表於 20-1-14 02:44
我同老婆結左婚7-8年有兩個小朋友其中細果個10個月大,近排覺得老婆有d變左,開始好積極減肥都減左好多,哩 ...

我老婆同你老婆一樣行為,女人死心,冇得返轉頭,面對現實。


男爵府

積分: 7504

2020勳章


發表於 20-1-14 11:59 |顯示全部帖子
luluyu 發表於 20-1-14 09:32
旅行係我同佢去歐洲拍拖, 因為去左旅行本果個月同既朋友/同事飯局要延期,累積就多左!!老實講咁多年黎見 ...

既然你的殺手鐧"靴襪" 都唔受, 真係唔洗諗, 看看怎樣和平處理啦




子爵府

積分: 13789


發表於 20-1-14 12:24 |顯示全部帖子
luluyu 發表於 20-1-14 11:45
預左會有人咁答我,唔講話搞唔搞野計整體理論有佬成數超高,我亦點都會攤開問清楚!
...

我認同一定有第三個人存在,但有冇搞野就另一個問題,每個人既底線都唔同,應該係,佢同第二個有野,你捻住點,咁樣會好d


男爵府

積分: 7900

2020勳章


發表於 20-1-14 12:24 |顯示全部帖子
花花b 發表於 20-1-14 10:53
其實你由頭到尾一口咬定你老婆一定有同其他男人搞野?你已經先入為主左啦。

我都想講,女人同男人唔同,唔 ...

咁又唔可以怪晒樓主咁諗嘅~女人係同男人唔同~但女人出軌嘅對象係男人喎~喺樓主眼中呢啲都係狗公嚟架啦~一定係想搞嘢架啦~除非係sheshe就可能真係神交嘅

首頁

尾頁

跳至
你需要登錄後才可以回帖 登入 | 註冊