吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 0-6個月› del

0-6個月今日: 0|主題: 37140

收藏本版

發帖

返回列表

跳至頁

查看: 6066 | 回覆: 65

del [複製鏈接]

12 3 4

Archung106

大宅

積分: 2388

1^#

發表於 20-3-14 00:13 |只看該作者 |倒序瀏覽 |打印

本帖最後由 Archung106 於 20-3-25 20:05 編輯

del

0 0 0

私人傳訊

Archung106

大宅

積分: 2388

2^#

發表於 20-3-14 00:23 |只看該作者

回覆樓主：

本帖最後由 Archung106 於 20-3-25 20:02 編輯

del

私人傳訊

Archung106

大宅

積分: 2388

3^#

發表於 20-3-14 00:30 |只看該作者

回覆樓主：

本帖最後由 Archung106 於 20-3-25 20:02 編輯

del

私人傳訊

Archung106

大宅

積分: 2388

4^#

發表於 20-3-14 00:38 |只看該作者

回覆樓主：

本帖最後由 Archung106 於 20-3-25 20:02 編輯

del

私人傳訊

ASP2019

男爵府

積分: 6860

5^#

發表於 20-3-14 01:10 |只看該作者

回覆樓主:

睇完樓主分享，明白你付出好多，係好辛苦。
細路仔唔識世界，家下最緊要滿足佢吃得飽、瞓得夠和知有人疼愛佢。
樓主有媽媽咁幫得手，已經比好多人辛福。我有些朋友的媽媽堅決唔幫佢哋照顧小朋友，話冇自由、寧願比錢請菲傭，都唔會幫。樓主你好好，體諒和懂得感恩媽媽幫手照顧，令你可以休息下，請珍惜這種福氣。人無完美，能幫到自己手，就包容下，小朋友既聰明又大得好快，阿仔好快會知媽媽和婆婆幾咁鍚佢。
樓主，希望你盡量休息多d, 身體會愈來愈好，到阿仔大d ，你可以接力湊。
努力啊，育兒是耐力持久戰，加油!

私人傳訊

Memami

複式洋房

積分: 128

6^#

發表於 20-3-14 02:21 |只看該作者

Archung106 發表於 20-3-14 00:38
我唔係計較，亦唔係要同我媽比較，我只係唔明白我做錯啲咩，阿仔會咁抗拒我，咁唔鍾意我…佢喊到我媽抱走， ...

首先，媽媽，唔係氹你，你好叻女！

見你因之前唔開心經歷，之後小心翼翼，順利生b, 真心叻！

可能現階段你唔夠瞓，好累仲堅持人奶，而仔仔又扭，令你情緒較負面，正常架！

仔仔仲細，會好扭，佢未必係唔鍾意你，我陪月話阿b聞到媽媽嘅奶騷味通常都會扭！我阿b 都一比我抱都好掙扎架！

但坦白講到佢大啲，你會舒服好多，作息正常好多,而且佢有認知之後會知你對佢好，會同你close返架放心！

暫時佢唔煩你都好架，你趁機休息多啲啦

我係過來人，現階段好辛苦，但你最難嗰關都過咗，要比信心自己，保持心情輕鬆，以後回望返，你會發現其實只係過渡期！加油呀你有大把同路人

私人傳訊

CCHINGC

子爵府

積分: 10441

7^#

發表於 20-3-14 09:40 |只看該作者

媽媽，辛苦了，經歷過一關又一關，真係唔係人人做得到，你要相信你對bb來講，已經是最好。

相信好多媽媽都懷疑過，點解我抱bb先咸，其他人抱就安靜呢？其實，初生bb根本未認得父母，就算認得都係以自己需求行先，不過日子耐左佢真係認得，就開始好痴媽媽，育兒之路係高低起伏嘅過程，到佢地好痴身，你又會希望佢地獨立d

私人傳訊

Archung106

大宅

積分: 2388

8^#

發表於 20-3-14 12:27 |只看該作者

ASP2019 發表於 20-3-14 01:10
睇完樓主分享，明白你付出好多，係好辛苦。
細路仔唔識世界，家下最緊要滿足佢吃得飽、瞓得夠和知有人疼愛 ...

係呀，我媽真係好幫得手，但好多時佢大發脾氣時係抱住我個仔鬧我地，仲爆晒粗口咁，我媽一向有情緒問題，我啲朋友有同我講過咁樣叫佢湊會唔會唔係咁好，但我媽係真心錫我仔，所以我會忍，我只希望佢唔好抱住阿仔大吵大鬧同講粗口。不過我老公就頂得好辛苦，講真佢係女婿，佢唔會好似我同我細佬咁容忍我媽，我媽真係會小小事就好敏感，又會一開口就講好難聽嘅話。我媽情緒問題已經好多年，但佢唔肯就醫，我地冇晒辦法

我知道而家阿仔唔跟我，我冇嘢可以做，只能自己休息多啲將阿仔交比我媽，但每次見到自己個仔好似咁唔鍾意自己，做新手媽媽真係好玻璃心

私人傳訊

Archung106

大宅

積分: 2388

9^#

發表於 20-3-14 12:35 |只看該作者

Memami 發表於 20-3-14 02:21
首先，媽媽，唔係氹你，你好叻女！

見你因之前唔開心經歷，之後小心翼翼，順利生b, 真心叻！

BB聞到媽媽奶味會扭多啲？我有諗過可能我仔厭奶，所以唔鍾意我身上陣味，但正常BB都會咁㗎？因為我只聽過BB認媽媽陣奶味其他人唔要咋，唔知會掉轉

而家阿仔又厭奶，3個月啦每餐食60~100ml，一日得5~6餐，瞓又瞓得少，作息跟晒我媽，成1點幾先瞓

我真係好擔心，但阿仔唔肯跟我，我想調節佢都唔得，抱佢瞓就好掙扎，個樣好想離開我咁

我媽會住到我個工人嚟就走，到時我點算呢，好驚自己handle唔到佢。加上我媽一發脾氣就會講好多打擊我嘅話，例如話我冇資格做人父母，話我個仔好可憐因為投胎嚟做我仔，搞到我冇晒自信心……

私人傳訊

Archung106

大宅

積分: 2388

10^#

發表於 20-3-14 12:56 |只看該作者

CCHINGC 發表於 20-3-14 09:40
媽媽，辛苦了，經歷過一關又一關，真係唔係人人做得到，你要相信你對bb來講，已經是最好。

相信好多媽媽都 ...

原來好多媽媽都會咁？我只係聽過餵人奶嘅BB特別痴身，只認媽媽其他人唔要，可能我聽得少case，我成日以為BB最痴媽媽咋…因為阿仔而家邊個同佢玩都得，但扭起計就得我媽一個抱得掂，我好擔心日後搞唔掂阿仔，我仔喊起上嚟係好惡。
而家我搞到完全冇晒信心，唔知日後條路應該點行，覺得自己做媽媽好失敗，覺得自己冇能力照顧同教育阿仔成人

私人傳訊

ASP2019

男爵府

積分: 6860

11^#

發表於 20-3-14 13:04 |只看該作者

Archung106 發表於 20-3-14 12:27
係呀，我媽真係好幫得手，但好多時佢大發脾氣時係抱住我個仔鬧我地，仲爆晒粗口咁，我媽一向有情緒問題， ...

有情緒問題既人，真係唔容易處理。自己工作上遇過幾個，都係充滿挑戰性。
之前有個朋友（有輕微產後抑鬱）既媽咪，都係會講d好難聽既說話，例如:你今日搞成咁，係咪因為你細個時我唔要你啊（雖然冇粗口，但令人非常難受）。
所以明白你既處境，係唔容易既。
你要盡力唔受auntie影響啊（我知好難），因為你老公需要你既正能量支持。

私人傳訊

Archung106

大宅

積分: 2388

12^#

發表於 20-3-14 14:22 |只看該作者

ASP2019 發表於 20-3-14 13:04
有情緒問題既人，真係唔容易處理。自己工作上遇過幾個，都係充滿挑戰性。
之前有個朋友（有輕微產後抑鬱） ...

呢3個月試過好幾次，比我媽嘅說話傷到我想跳樓一了百了，不過又唔捨得個仔，而家我老公都比我媽搞到有輕微抑鬱，性格變晒，佢話好大壓力因為每晚收工返到屋企唔知幾時會比人鬧。所以我都真係好辛苦，阿仔已經好難湊，愈食愈少奶，瘦到摸到肋骨，又成日要抱到實先肯瞓。又要驚我媽唔知幾時聽到我邊句話覺得唔順，又會大發脾氣，又擔心我老公頂唔住爆煲。每日就係咁嘅心情，我都驚自己出問題，上次返健康院姑娘都叫我搵醫生跟進下……其實我知問題所在喺邊，但無奈而家阿仔淨係跟我阿媽，我同老公抱可以喊成晚，真係冇晒辦法

覺得自己做媽媽好失敗呀…

私人傳訊

夢雪雪媽

大宅

積分: 1622

13^#

發表於 20-3-14 16:16 |只看該作者

回覆 Archung106 的帖子

係呀，我都係人奶媽，我抱唔掂我寶寶㗎，一過其他人手寶寶就收聲

我之前都向好多人請教點抱，但幾努力學同改善都好，寶寶都係唔喜歡我抱㗎~

你有好多同路人一齊行，大家努力撐過呢段時間啦！
慢慢寶寶認得你係媽媽就會慢慢好起來㗎喇，日間多互動多同佢玩，希望寶寶晚間瞓多d，長多d肉，健健康康。

大家互勉之。

私人傳訊

Archung106

大宅

積分: 2388

14^#

發表於 20-3-14 16:30 |只看該作者

夢雪雪媽發表於 20-3-14 16:16
回覆 Archung106 的帖子

係呀，我都係人奶媽，我抱唔掂我寶寶㗎，一過其他人手寶寶就收聲我之前都 ...

咁你BB到幾大先唔抗拒你抱呀？你夜晚係咪同BB一齊瞓？因為我仔夜晚係同我媽瞓，我唔知係咪呢個原因佢只認我媽呀。我仔仲要厭奶又瞓得少，所以都好擔心佢呀

私人傳訊

夢雪雪媽

大宅

積分: 1622

15^#

發表於 20-3-14 16:44 |只看該作者

回覆 Archung106 的帖子

我寶寶現在差不多4個半月，佢大約4個月大開始認得爸爸同媽媽。D長輩多數有“磁場”，bb只會揀點蝦都咁錫佢嘅人先扭，會蝦daddy mami，我寶寶好明顯喺嚟探我嘅家姐同長輩面前會好似聽話d。曾經都捱過sleeping recession睡眠倒退期，我同我先生都有好努力氹寶寶，但就點抱都唔ok，bb得出個熊貓大黑眼袋，不過捱過咗就慢慢好喇~
做爸媽係好偉大，照顧初生係辛苦㗎，問十個十個都認同，所以你已經好叻㗎喇，寶寶都好叻，同你一齊成長緊㗎~
寶寶得意樣同熟睡樣都影下相，多d睇寶寶嘅相片，好快就渡過到㗎喇♡
大家加油💪💪

私人傳訊

Archung106