各位姊妹,呢個故事十分長,要分兩日講!
今次講既係媽媽同子女,大家睇左一定會好感觸!
我今次會先講我睇到既,再將真相講出來!
姚太,住喺我地既服務式住宅,七十歲,但一d都唔似,係行得唔好,要用把遮幫手!佢成七十歲仲成日走去酒店間salon洗頭兼整指甲!差不多每日早晚都喺我地度食,冇計,行得唔好,費事出去!死鬼老公係香港一間著名上市公司既董事!有一個仔一個女!我第一次見佢係同個女黎,正常!惡夢之後就開始,佢個女一個人落黎食飯,叫兩位餐,三杯飲品!攞住個hello kitty 玩具電話傾電話,佢只係食一位份量既野,其他嗰d完全唔食,一個人埋千六蚊單,掉左九百,問你死未!佢每次自己黎食飯都係咁!一係大講粗口,仲話我d男同事想非禮佢!佢仲比壹週跟過佢,點解?佢喺我地個商場買完衫一個屈尾十攞去垃圾桶掉左佢!(好明顯佢係同錢有好大仇口),佢做過既癲野大概三日都講唔完,但你唔好以為佢傻,佢問亞媽攞錢都不知幾醒目,先好聲好氣叫一聲媽咪,一坐低立即入正題,我地行過去幫佢上菜,仲話{死開啦!見唔到我問緊我亞媽攞錢咩?}攞到錢仲會寫借據比亞媽,then攞埋d錢立即走人!姚太同個女住埋一間apartment,有一次個女攞錢唔成,將佢亞媽所有野掉哂出門!好衰唔衰apartment滿左,佢要搬過來酒店住,佢個女冇打算比佢返去!佢唯有等apartment有單位先搬返過去!搬返去冇幾耐,個女死去佢個單位問佢攞錢,又因為唔比錢個女,比個女推落地撞到張枱,半塊面瘀到好似熊貓一樣,又撞到d手手腳腳,跟住行唔到入黎我地餐廳既小斜坡,出出入入都要我地扶,自此開始同我地盡訴心中情!講左咁耐,佢唔係有個仔架咩?冇錯,佢有個我見過最最最仆x既仔!佢點仆x同埋究竟呢家人發生乜事而會攪成咁?明天再講!
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
好精彩呀~~
返回列表
