少年成長今日: 2|主題: 16003

收藏本版

發帖

返回列表

跳至頁

查看: 2553 | 回覆: 0

歡樂今宵 [複製鏈接]

csir3290

子爵府

積分: 11930

1^#

發表於 20-3-29 11:18 |只看該作者 |倒序瀏覽 |打印

又宣佈要繼續停課，而且個疫情又好似嚴重咗，本來公司都開始叫我哋返多咗去做嘢，而家又試回復番繼續在家辦公。本來以為慢慢開始好啲，可以回復正常，對細路仔又應該可以分階段復課。點知仲好似嚴重咗咁。本來一星期都仲會全家人去行一次山，去吓郊外咁，一個星期都仲會有一晚會出街食餐飯，而家我老婆仲更加提升咗個防疫級別。非必要都唔出街行山都盡量減少。喺咁嘅情況之下一家人差唔多廿四小時都係喺間屋入面對住，真係小啲耐性都唔得。

喺呢啲時間有陣時見到對仔女做完曬嘢好似好無聊咁，幸好佢兩個都總算感情好可以自己一齊玩大部份時間都玩得幾開心總算自得其樂。但係一家人同埋喺間屋入面唔多唔少都要搵啲娛樂同埋傾下偈，如果唔係個個人各自揸住部手機唔出聲，就算成家人喺埋一齊都好似陌生人咁，感情又點會開呢？只會越嚟越淡。有陣時真係要搵啲娛樂成家人一齊做先得。以前返工返學難得可以有時間夜晚坐埋一齊睇電視而家變成習慣，每一晚食完飯之後一齊坐曬喺度睇電視有傾有講，有陣時又會攞啲遊戲出嚟玩吓，我強烈建議大家買副大富翁或者UNO咁，其實真係幾好玩，一家人一齊玩可以好多嘢講，有陣時仲好好笑添，每個禮拜到禮拜日又會一齊打吓遊戲機大家一齊笑下，不過當然做家長嘅都要自己有個榜樣，要控制打機嘅時間等仔女都有個榜樣，我就通常會一齊玩個零兩個鐘頭跟住就熄機，因為習慣咗，對仔女都好自動自覺收埋啲嘢就唔玩。總之就係要用啲心思花啲時間去建立一啲大家一齊做嘅經驗，就算簡單到坐埋一齊睇電視講下無聊嘢都好。千祈唔好大家坐埋一齊對住四幅牆但係反而好似坐監咁。而家晚晚阿女攬住我隻手挨住我睇電視，呀仔就有陣時會坐上嚟我大髀度又係挨住我睇電視傾偈。連我老婆都多咗時間挨住我，一家人嘅關係好似變得越嚟越緊密，其實唔係困難，只係做大人嘅肯唔肯行多一步付出多少少。不過第一步都係由放低部手機開始先。

0 0 0

私人傳訊

跳至頁

返回列表

上一主題 • 下一主題

回覆

發帖

頻道

討論區

熱門搜尋：

少年成長 今日: 2|主題: 16003

少年成長今日: 2|主題: 16003